7月份好评餐厅十强
2019-08-06

近期开咗好多间石烧牛扒店,其中有两间仲迅速打入咗7月嘅十强名单,到底香港嘅牛魔王力量有几大?呢股热潮又可以维持几耐呢?BTW,今个月嘅10强中,有8间餐厅都系首次上榜,作为饮食界一员,实圶乐见有咁多新力军啊。

第10位  阿里郎热狗棒(*新上榜)

 图:sophiawong0127

深受各位泡菜仔女欢迎嘅韩式热狗嚟到香港,旋即打入十大一啲都唔出奇。呢间热狗连锁店本身喺韩国都有超过80间分店,香港店则有8款口味选择,当中梗系唔少得芝士拉丝系列啦。热狗包炸得金黄酥脆,入面条肠又有肉汁,仲可以自由拣酱,系吸引嘅。

第9位 FAMA(*新上榜)

 图:food_enthusiasthkAgnesAu6999

位於大埔嘅工厦餐厅,行田园风格,一入去就有个靓靓绿林打卡位,仲有几部夹公仔机过下手瘾,未食嘢但环境分已经加咗唔少。推介巨型咸猪手配蕃薯条,外脆内软啊。而呢度嘅饮品更加系呃like首选,好似Orange& Peach咁,成支反转雪糕筒插咗喺度,好吸睛。

第8位  鸡翼山(*新上榜)

 图:mandymanlovefoodieadang82027

鸡翼山呢间鸡翼专门店,多间分店都分别多次上榜,今次就轮到铜锣湾呢间终於都争返啖气。特别介绍下新口味嘅菠萝油王子,先用牛油炒香鸡翼後,再加自家制嘅菠萝油脆脆,咸香中带甜。舖头另外仲有多款港式风味鸡翼,好似柠茶同咸柠七咁,够 晒local!

第7位  牛极(*新上榜)

 图:chow928coiekaka

呢期好兴石烧牛扒餐厅,旺角呢间能够喺芸芸众多店中突出,相信够平系原因之一,180g嘅牛肩肉眼油脂分布平均,肉味又香浓,都只系需要$78就食到。牛扒由师傅以自家制和牛牛油煎至约1成熟,就会放上火山石板交由客人继续自己烧,唔怪得咁juicy啦。

第6位  快乐小羊火锅餐厅(*新上榜) 

 图:hkfoodphoto

餐厅只选用天然牧场放养嘅6个月大幼羊,并以老鸡、牛棒骨等36种配料熬制成汤底,阵阵羊肉鲜香。想食到羊肉原味嘅话记住唔好点酱啊。黄金羊王、蒙式烤羊都系推介之选。

第5位 hEat(*新上榜) 

 图:loveyou713besimple

香港少见嘅地中海菜餐厅,以炭烤炉高温快速炭烧嚟带出食材原汁原味,特别推介肉眼扒畀各大牛魔王,有熟成30日或45 日嘅,肉味浓郁,仲要好鬼juicy。至於海鲜控就要试皇帝蟹喇,肉质鲜甜爽口,仲有阵阵炭香味添。

第4位  美滋锅(*新上榜) 

 图:天天食好野IE食神侠侣

7月盛夏都无阻大家打边炉嘅决心,不过呢间嚟自新加坡嘅火锅店有别於一般嘅舖头,事关佢哋主打养生美颜汤底呀!以以瑶柱、鸡肉、鸡脚、猪手猪骨等熬制超过8个钟嘅汤底啱晒贪靓嘅女生,清甜呢。就算系麻辣汤底一样系健康版,加入咗唔少中药去制作㗎。

第3位  磊犇(*新上榜) 

 图:phonebuslankiman6330

新上榜就入三甲嘅,又系一间石烧牛扒餐厅,价钱亲民,白饭任装,沙律同汤等都系饮哔,餐厅仲会提供围裙,等各位论尽猪仔唔会溅污糟件衫。三款牛,三款size,三款酱汁选择,西冷扒油花最多,肉味最香;牛肩肉质软腍;磊牛扒则较有嚼劲,牛魔王自己拣心水啦。

第2位  Mamaday

 图:wngancleetszhin

 上个月第7位嘅小店,今个月跃升至第2位,佢哋个求求其其蒲烧鳗鱼蛋包饭实情一啲都唔求其,原条鳗鱼啊!加入牛奶炒成嘅蛋好滑,成碟饭好香口。多款甜品亦都相当有诚意,推介天然紫薯蛋糕,软滑香甜。

第1位  为食龙

 图:Percytswchachalin

榜首嘅创意寿司店,上个月排第6位。餐厅以恐龙做主题,8款口味嘅腐皮寿司,刻意比日本口味减低咗甜度,多种新鲜配搭比想像中match,冇负皮。另外,呢度仲有日式饭团,食得辣嘅朋友仔不妨试下川味辣鸡饭团饭团啊。


文:Kar


关键字
报榜
好评十强
十强名单
石烧牛
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
2019-07-30
3大散水饼推介 Last day派得体面又够抵
2019-07-25
日本过江龙回转寿司登陆佐敦 近百款选择 新开业优惠$12极上拖罗寿司
3天前
7月份好评餐厅十强
2019-08-06
七十年代香港怀旧风!铜锣湾新开9000尺火锅馆 极上牛肉刺身+稀少爽脆猪脚筋(有片)
2019-07-25