342
10
9
港鐵灣仔站 B2 出口 繼續閱讀
電話號碼
22468805
開飯介紹
這家地中海餐廳由曾於世界各地工作的巴西籍總廚Chef Isy主理,他特別擅長地中海料理,引入不同新鮮食材,以名牌Josper炭烤爐高溫快速炭燒,帶出食材原汁原味,必試法國Limousine乾式熟成牛扒及北歐皇帝蟹。 繼續閱讀
營業時間
今日營業
12:00 - 14:30
17:00 - 02:00
星期一至日
12:00 - 14:30
17:00 - 02:00
*Kitchen from 12:00 - 15:00, 17:00 - 22:00 Lounge area from 16:00 - 02:00
付款方式
Visa Master 現金 AE 銀聯 Apple Pay
座位數目
80
其他資料
網上訂座
Wi-Fi
酒精飲品
自帶酒水
切餅費
VIP房
泊車
電話訂座
外賣服務
加一服務費
有關獎賞計劃
食評 (369)
等級4 2021-04-17
57 瀏覽
星期日食好西系列.Lunchtime 係呢間餐廳食過,趁疫情冇咁嚴重就約朋友黎食Dinner set。.先黎蟹肉龍蝦湯呢度既龍蝦湯唔係法國式咁杰,但仍有濃厚龍蝦味同埋蟹肉,特別。.吞拿魚扒吞拿魚四邊用火槍燒過,有少少焦香,配埋芒果沙沙,令魚肉加上酸酸甜甜既味,好清新。.芝士菠菜焗蠔大量芝士加埋菠菜焗蠔,蠔雖然焗後縮水了但唔腥,而且有烤過既芝士香味襯托,好食。.鵝肝鵝肝切成bite size,入口即溶,但醬汁偏重口味,撈埋隻溫泉蛋食,用蛋黃香中和番就剛剛好。.季節大蜆大蜆用忌廉汁去煮,仲加左香茅同埋姜,香料味好似食緊泰國fusion 菜咁蜆肉唔算好飽滿,但冇沙,配搭醬汁食。.原隻龍蝦原隻龍蝦一人一半,隻龍蝦size都幾大,配以芝士焗好香好惹味。.龍蝦鉗廚師已敲碎,我好容易就可以搣開原隻鉗,啖啖肉。伴以龍蝦既沙律同埋辣醬令成件事冇咁heavy。.45日風乾西冷牛扒第一次食風乾牛扒,滿心期待,好彩冇失望!牛扒肉眼望好似同普通牛扒冇分別,但風乾後肉味更加濃郁,但肉質仍然嫩,出色;配埋以花椒炒既雜菜,味覺上好有衝擊。.甜品方面揀左柚子檸檬雪糕撻同埋伯爵茶朱古力慕絲。前者令你好醒神,又可以清清口腔食完牛扒既油香;後者既慕絲好軟滑但又唔會過甜,幾好。 繼續閱讀
(以上食評乃用戶個人意見 , 並不代表OpenRice之觀點。)
你今天有好好吃飯嗎?.我有。☺️.朋友生日,我地訂咗位係呢一間餐廳食晚餐。早早做完啲嘢,6點幾就收工黎到,天色仲有少少透亮,自然光照射落餐廳度,感覺頗具異國風情。睇睇下餐牌,開始夜幕低垂,天花板嘅黃燈打落深木色嘅桌子,加上窗外嘅灣仔商廈開揚夜景,整個環境開始變得浪漫起來,可惜,她是個女的。😂三心兩意揀嚟揀去都揀唔到食咩,最後我哋貪方便地叫咗個$1388嘅二人餐。.第一碟上嘅係餐湯,ah sorry,not餐湯,係Lobster soup 龍蝦湯先啱,用餐湯呢個字黎形容佢似乎頹咗少少。有別於普通嘅忌廉龍蝦湯,呢一個龍蝦湯嘅湯頭係清澈嘅,無cream但係卻滑得好似落咗cream咁,每一啖都有一絲絲嘅龍蝦肉,鮮而不膩,令人飲完之後,開始對嚟緊嘅菜式有極高期望。😋第二碟上嘅係Tuna steak,上層有芒果、番茄加苜宿芽嘅清新配搭,下層則是半生熟吞拿魚。入口鮮而開胃,半熟嘅吞拿魚,毫無腥味,一絲絲嘅口感,質感係豬扒同魚扒中間,非常特別。第三碟上嘅芝士菠菜焗生蠔,最簡單可以用四個字形容,就係恰到好處。啱啱好嘅鹹度,啱啱好嘅生蠔熟度,啱啱好嘅芝士份量,再加埋嫩口無渣嘅菠菜,入口似生還熟,無論鍾意食生蠔,定係平時唔食生蠔嘅人都絕對會愛上。緊接落嚟嘅係溫泉蛋鵝肝,鵝肝食得多,溫泉蛋亦都成日食,但係兩者交融嘅配搭就係第一次嘗試,用筷子戳破溫泉蛋之後,輕輕將其與鵝肝拌為一體,加上少少醬油,呢一個西日合璧嘅菜式,竟是出奇地合拍,溫泉蛋中和左鵝肝嘅油膩感,並將鵝肝嘅幼滑口感推到極致。食到一半之際,大蜆就送到我哋嘅枱上,一邊影相一邊聞到泰式香料嘅香氣飄入鼻腔。大蜆浸泡係有少少似青咖喱,又有少少似白汁嘅醬汁之中,將本來就鮮甜嘅味道再推上更高嘅層次,非常滋味,另外佢個醬汁真係好味到可以就咁飲,係完全可以擺係menu作為其中一款湯嘅質素。每一碟餸菜都係驚喜連連,而接下來嘅whole lobster很實在“將成晚嘅美味push上巔峰,佈滿芝士嘅龍蝦🦞肉質極為爽彈,蝦膏滿滿,蝦膏除咗就咁食之外,仲可以加落下面嘅沙律菜作為醬汁,每啖入口都係無可挑剔。原本嘅menu仲有一款牛,但係由於朋友唔食牛嘅關係,所以餐廳好貼心咁幫我哋轉咗做白汁蘑菇意粉,簡簡單單嘅一碟意粉係廚師嘅烹調工架下都變得豪不簡單,入口彈牙煙韌,黑椒同菇菌嘅香氣互相交融,食完飽肚又滿足。最後雖然食到好飽,但係我哋仍然對送上嘅甜品感到滿心歡喜,熱辣辣新鮮焗起嘅朱古力心太軟加上凍冰冰啱啱整好嘅檸檬柚子雪糕tart,一熱一凍,前者苦甜,後者酸甜,兩款嘅甜膩度都balance得是那麼的恰到好處,若要在成餐飯裏面雞蛋了挑骨頭,唯一就係個心太軟中間嘅朱古力可以在流心多少少,除此之外,呢餐確實係可以評作為幾乎完美的一餐。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-11
103 瀏覽
Heat or hEat? Sharing menu for two $1388,環境好chill,大黑窗好靚!Crab and lobster bisque飲落去並唔似忌廉嗰隻龍蝦湯,反而開啟清燉出精華龍蝦配以蟹絲肉,海鮮味重。飲落有微微白蘿蔔感覺?有少少fusion感覺!Tuna steak吞拿魚扒配墨西哥芒果醬帶有少少配菜豆芽。整體好色彩鮮艷!豆芽嫩口帶清新,可以考慮食呢一個先,先再食吞拿魚。因為啱啱個龍蝦蟹肉堂都幾重味道,所以食啲清新嘅嘢清口氣先。芒果醬酸口開胃,半熟吞拿魚幾juicy魚肉汁,外圍剛剛熟包住d汁。Grilled Oysters上菜時被香草鹽吸引,忍唔住食幾口!芝士係上,蠔係中,菠菜係底!Foie gras鵝肝配焦糖汁,先食一舊原汁原味,感受鵝肝既肥美同濃香!之後加溫泉蛋食,再提鮮外仲解一解鵝肝既油,com食d,哈哈!可以食多幾舊!Seasonal clams檸檬草又名香茅配薑汁,配意粉或者飯都幾送到飯。西餐來講落薑幾新穎,creamy sauce應該更吸引同蜆會掛汁d!Whole lobster龍蝦配古斯米,第一次食!有d似食緊小米!沙律菜加入古斯米,口感豐富一d!大大啖龍蝦肉!45days DRY aged greater Omaha striploin 45日大既風乾牛牛配四川炒菜,四川炒菜帶點麻香串燒味道,不錯!朋友表示第一次食風乾牛。值得一讚係,佢哋每次換碟都會係配合返個道菜質感。例如我食牛肉嘅話,我哋隻碟就係錫嘅質感多啲!風乾既牛肉好正!外皮帶脆,內層牛味非常香濃!Daily dessert有3款 - 心太軟、檸檬撻、伯爵茶朱古力Chocolate lava cake有雪糕就好啦!Earl grey chocolate canache 朱古力味比較重,少許伯爵茶香中和朱古力既強勢! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
227 瀏覽
特地來呢間餐廳試吓dry aged牛嘅二人套餐,慶祝一下終於可以食返晚市,呢個餐一共有八道菜,好似食自助餐咁多。Crab and lobster bisque龍蝦湯有咩上嚟非常之入味,唔會過鹹,最重要食落去會有一絲絲嘅蟹肉,個質感有啲唔似出面嘅龍蝦湯,佢相對地會稀少少,但係龍蝦味好出,好夾硬整到佢好稠咁樣,感覺上冇咁Heavy。Tuna steak吞拿魚嘅外皮有用火槍燒過,魚身比較乾身,所以配上左芒果莎莎去令到成個菜式濕潤番啲,烤過嘅外皮有少少魚油嘅烘烤味,芒果莎莎食落好清新,又甜甜地令到個味道嘅層次多咗。Oysters芝士菠菜焗蠔兩隻嘅份量都唔少,幾時落得一啲都唔撚識,面烤焦左嘅味道令到人垂涎欲滴,芝士同菠菜好夾,食起上嚟令到個感覺冇咁油膩,多咗啲蔬菜去中和,蠔嘅火候都啱啱好,冇話縮到好細,個蠔膽又好多汁標出來,同芝士菠菜好夾。Foie gras鵝肝整到好似一口牛肉粒咁樣,非常之得意,好少食到咁嘅size,而且裏面一啲筋都冇非常滑溜,在撈勻隻溫泉蛋食,會喺鵝肝嘅油香當中再夾雜左蛋黃嗰種黏口嘅質感,令到鵝肝嘅味道都一路黐住喺口腔入面久久不散去。Seasonal clams大蜆用咗白湯去煮,個白湯加咗香茅同埋姜,令到成件事好有趣,白湯本來係一種好西式嘅食物,加入左香茅同埋薑之後令到成個概念有少少變咗東南亞,非常之有新鮮感。蜆肉非常飽滿,完全冇沙,食落好彈牙好有蜆嘅鮮味。Whole lobster真係原隻龍蝦一人一半,隻龍蝦有我手掌咁大,好貼心咁樣敲碎咗個龍蝦肶,好容易就可以搣開,龍蝦嘅肉非常之彈牙,配上個芝士令到個味道又有芝士嘅香味,又有龍蝦嘅鮮味,非常之夾,而且燒嘅火候啱啱好,龍蝦肉一啲都唔老,蝦頭嘅膏味道好濃郁,好有衝動繼續食落去,但係其實半隻嘅份量好夠好飽腹。45 day dry age greater omaha striploin終於到咗今晚嘅重頭菜,特登嚟食嘅dry aged牛,牛身會比起一般食到嘅牛乾身少少,但係牛味好出,所有牛嘅鮮味都鎖住喺牛肉入面,因為冇水份嘅關係亦冇流失咗出去。相對地肉嘅質地會比較硬,所以更加講求個熟嘅程度,太熟嘅話會好難咬開,而家雖然睇落好似好生但係其實個口感會啱啱好。甜品方面嗌左個柚子撻同埋朱古力mousse,少少哋清清味蕾,柚子非常之新鮮,酸酸地令到成個負擔細咗好多,而朱古力極都比出面食到嘅質地較為鬆軟啲,唔會有一種好甜膩嘅感覺,作為今晚咁豐富嘅西式大餐嘅總結。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-30
338 瀏覽
hEat地址: 灣仔皇后大道東202號QRE Plaza 23樓電話: 22468805總有些大時大節同紀念日,要搵間好的餐廳食飯慶祝,開開心心約會維持激情愛暖感覺接完我放工,便一起手拖手行去, 第一次來環境情調氣氛好好,第一次來已知牛是一定要食,$1388 二人餐推薦比情侶,8道菜有牛有海鮮。飲龍蝦湯已經香濃,若加上蟹肉絲更具層次,蟹肉龍蝦湯色澤已是深濃,喝到一絲絲蟹肉碎層次口感更佳。生tuna 魚片伴mango 同蕃茄碎,當作是開胃菜,芒果的香氣及甜甜酸酸味道,又有點辣yummy 芝士菠菜焗生蠔肉,有海鹽做擺盤與海鮮主題呼應,厚肉肥美,同埋唔係焗到全熟,食落仲有陣海水味。鵝肝面層有caramel ,煎香後會邊位會脆脆地。甜味入口能化解充滿油脂的鵝肝油膩感覺,中間伴以流心蛋,把蛋黃撈埋又帶出另一種風味食法。蜆加了香茅同白汁,是揉合了泰國風味,湯汁好滑,因為個汁令到普通不過的蜆也變成色香味俱全。焗龍蝦,每人一邊分享著,男朋友知我因為懶折殼,所以食海鮮都會幫我起肉,呢d男人娶得過架,幾賢淑! 龍蝦肉質結實有龍蝦肉架鮮甜。牛肉經45日風乾,望上去好似好生肉都是紅色的,風乾後肉味更見濃郁,服務生建議5-6成熟,肉質嫩而擁有肉香,挑剔的男人都大讚此牛菜式。而伴菜是川味辣粉炒的,食入口好有衝擊,不是西餐慣常用牛油或西方香料。一入到店在保架櫃內放滿了牛肉,標好了資料,自家風乾制是信心作,來到要吃上才不會白來甜品有兩款,日日都喝茶架我偏愛earl grey chocolate cake , 芳香宜人。朱古力心大軟, 切開流心架朱加力漿甜而細膩 繼續閱讀
(以上食評乃用戶個人意見 , 並不代表OpenRice之觀點。)