85
2
1
銅鑼灣D1出口 繼續閱讀
所有分店 (3)
電話號碼
21641268
營業時間
今日營業
11:00 - 00:00
星期一至四
11:00 - 23:30
星期五至六
11:00 - 00:00
星期日
11:00 - 23:30
公眾假期
11:00 - 23:30
公眾假期前夕
11:00 - 00:00
付款方式
AlipayHK 支付寶 現金 八達通 微信支付 PayMe
其他資料
當面支付
食評 (98)
等級4 2019-09-16
46 瀏覽
呢日响世貿做嘢搞到3點幾未食晏,今晚仲有飯局,打算去買魚蛋燒賣食,經過呢間雞翼專門店,被各式各樣味道吸引。見有不少人企响度食好滋味咁,一於唔食燒賣改食雞翼。原本想試菠蘿油王子,可惜已經售磬,選擇困難症又發作,終於叫咗3款。文青風玫瑰,我係咸檸七、菠蘿啤酒麥香風。口味名稱夠搞笑😁全部雞翼都係即叫即做,所以過咗隔離買杯珍珠奶茶飲住等,原來兩間舖係同一個老闆。由於呢幾日店舖做緊限時優惠,撞正有張大外賣單在前面,所以要等得耐啲,趁機影吓相。終於到喇,一拎上手,嘩!真係熱到拎唔到,要等一陣先食,以免辣親個嘴。菠蘿啤酒麥香風$38雞翼香脆帶有微微啤酒麥香,上而鋪滿菠蘿粒同醬汁,好特別又惹味。肉質仲係好嫩滑架。文青風玫瑰$38好靚又好香玫瑰味,雞翼表面香脆內裡嫩滑,仲有一股蜜糖嘅甜味,又香又甜好好味。我係咸檸七有舊鹹檸檬响度架,味道清新酸酸甜甜,又真係幾鹹檸七喎,特別又好味,正呀!黑糖珍珠鮮奶 (大) $35呢個好飲,唔會好甜,珍珠口感軟韌,黑糖夠香,好味。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-28
509 瀏覽
呢間野,想食左一段時間。記得第一次在旺角見到,以雞翼為主角的店,當時我會覺得藝高人膽大。我心諗,有冇人咁鍾意食雞翼。不過的確,看IG和Facebook的相片, 不得不承認這間店的包裝令人容易提起幾大興趣,就算唔特別鍾意食雞翼。都有興趣試吓佢嘅雞翼係咩一回事。打卡呃like,冇三多咁澎湃,但有的是文青風。今日行街經過銅鑼灣,終於的起心肝,試下乜嘢事。坦白講$38,四件雞翼一點也不平,甚至可以話係貴。不過多種味道的確非常有心思,就如充滿少女心的文青風玫瑰,充滿風情的港式避風塘蒜香,鹹蛋黃和菠蘿啤酒麥香,中式的鹹檸七和熱情果紅棗,西式的黑松露蒜香,還有韓式的蟹黃蟹籽,咁多款的確令人眼花撩亂。不過只是餐前的小吃,所以我只選了三種味道,叫了杯飲品。文青風玫瑰係首選,的確玫瑰甜香一流,就如落左蜜糖的燒烤雞翼般,而且一點也不膩。港式避風塘蒜香夠惹味,彷彿吃到係嗰啲大排檔的鑊氣,而且蒜香強得厲害,以小吃水準來講,算很高。最後黑松露蒜香較沉實,沒有像外邊用上黑松露就將黑松露的味道以偏概全,做得不落俗套。三種雞翼,各有得色,都算不錯,不會為特別而搞到個味好奇怪。雞皮也一定不要錯過,同三多一樣,雞皮係靈魂。另外加$18叫了一杯飲品,青蘋果薄荷冰綠茶,沒有什麼特別,只是送下雞翼,飲杯甜野,個人感覺完滿一些。不過我幾喜歡佢地夠環保,那些紙兜又可以循環再用,如果不用膠叉,感覺可能會更好。今次小試牛刀,感覺不錯,下次有機會再試吓其他不同的味道吧。雞翼山  銅鑼灣謝斐道520號渣菲大廈地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
174 瀏覽
黎開銅鑼灣行街見到雞翼山決定要再次encore 因為真係好肚餓我地嗌左三款雞翼同一款野飲首先係我必要揀既玫瑰蜜糖雞翼一食落去勁juicy 已經爆汁有個遊客問我邊隻好我都推介左呢隻no1 既比佢之後蜜糖搽左好厚甜甜地 新鮮熱辣辣咁男朋友仲大讚話邊間分店個quality 都keep 到之後就嗌左佢地著名既咸蛋黃雞翼哈哈同佢地slogan 一樣我地都食得好無儀態但真係好香 好邪惡成隻雞翼都沾滿晒蛋黃之後咸咸香香咁 邊個抵擋得到全隻都係金黃色 鍾意邪惡既朋友一定要試第三款我地要左一個新野係黑松露蒜香武士嘩呢個正對於我男朋友呢d garlic killer佢好鍾意隻味蒜香經過炸之後真係好正加上雞翼juicy 再加黑松露 個口感幾rich 個飲野好正係野莓伯爵冰茶對三十幾度黎食雞翼既我地真係天大既gift佢好解渴 個味甜度適中配雞翼真係必點而家見到佢地嗌得多仲幾平添下次可以約埋frd 嗌多d 繼續閱讀
(以上食評乃用戶個人意見 , 並不代表OpenRice之觀點。)
朋友係雞翼控,所以今日同佢出開黎銅鑼灣就帶佢黎朝聖!!好耐之前由另一位朋友帶過我去黃埔總店食,當時都好驚喜呢間既雞翼可以整得咁出色~~~而今次由我帶朋友一齊黎試銅記分店,都好期待質素係咪一樣咁高呢xppp我地揀左嗌HKd$118個一set:可揀三款口味既雞翼,每款四隻,再另加一杯drinkssss本身好想試06個款韓式蟹皇蟹籽oppa架,但去到已經賣晒!!!!最後我地就揀左人氣no.1既“玫瑰蜜糖”、“港式檸茶”同“咸蛋黃”呢三款口味,而飲品就要左杯“士多啤梨蕃石榴乳酸”~~帶手套用手食雞翼就特別覺得爽!!!d雞翼話咁快就搞掂啦=]]]]每隻雞翼都係大碼size,每隻都係皮脆肉嫩架!!!!!! 玫瑰蜜糖超香甜,玫瑰味天然,平日唔好花香食物既我都接收到,仲覺得好正添♥♥♥咸蛋黃呢款就一定係邪恶首選,面層係沙沙蛋黃既質感,咸香惹味!!而檸茶味道都唔錯,相比之下就無咁出眾xpp杯特飲都ok,清清甜甜咁都幾解渴~~ 繼續閱讀
(以上食評乃用戶個人意見 , 並不代表OpenRice之觀點。)
喺銅鑼灣開咗一間食雞翼嘅鋪頭叫雞翼山,個名好特別而且裝修好靚,我好鍾意食雞翼,當然要來朝聖一下啦。之前已經聽朋友講過雞翼山嘅雞翼,全部都係新鮮炸起,所以熱辣辣,而且口味又多,又獨特。$118/12件(任選三款口味)+飲品04. 港式避風塘蒜香03. 黑松露蒜香武士09. 鼠尾草鹹蛋黃哥青蘋果薄荷冰綠茶佢哋出咗唔同嘅套餐,隨意配搭,咁就可以一次過試唔同味道啦。鼠尾草鹹蛋黃歌,面有濃厚嘅鹹蛋黃醬,好香好夜魅,尤其是依家興鹹蛋黃嘅食物,未食過嘅一定要試吓。黑松露蒜香武士,聽個名都知道又開胃又流口水,鍾意黑松露嘅朋友千祈唔好錯過,真係好慳,再加上蒜香嘅惹味。我最鍾意嘅係港式避風塘蒜香,上邊有避風塘嘅配料,加上雞翼咬入去入邊亦好有味道,好入味。係3款中我最愛食嘅,下次我都會再encore呢一款。仲有好多其他嘅口味,下次一定要食埋。同埋encore港式避風塘蒜香。我覺得最適合係開party一班人一齊食,或者唔想食澱粉質時候嘅最好選擇。 #kanaka獨食 系列- [ ] 獨食氣氛:有企位,而且空間夠大,一個人食都唔會尷尬- [ ] 獨食配合:買完飛,可以喺豬仔燈度坐一陣,之後就可以食,食唔晒,店員會幫你打包。服務非常滿意。- [ ] 獨食份量:12件好大份,一個人有啲食唔晒,可以嘗試叫六件雞翼- [ ] 獨食價錢:抵食, $118有12件,口味獨特嘅雞翼—————————————-身邊越來越多朋友鍾意獨食,社會亦開始出現獨食文化혼밥,有見及此,經常獨食嘅小編決定多啲寫一系列嘅《一個人食飯》,以方便經常獨食嘅朋友做參考,希望大家多多支持我,follow我,或者俾個like我。你對我嘅支持好重要架。謝謝你。 ❤️ 繼續閱讀
(以上食評乃用戶個人意見 , 並不代表OpenRice之觀點。)