铜锣湾新开高质铁板烧 必试和牛三文治、烟燻帆立贝(有片)
2019-08-28

食铁板烧唔单止系味觉嘅享受,更加系一种特别嘅体验。铜锣湾呢间新开嘅日式铁板烧餐厅就从唔同细节着手,食材九成从日本空运到港,食客可以坐喺吧枱欣赏有超过10年经验嘅师傅即场烹调,摆盘亦甚有讲究,令菜式色香味俱全。
 


虎铁铁板烧位於铜锣湾,主打铁板烧套餐,由$1980/2人份至最豪嘅$2980/2人份任君选择,部分菜式亦可以单点。22:00後小食仲有优惠价,配埋买一送一嘅清酒就最啱!
 



熊本产A5和牛三文治($428)

选用日本熊本县A5级和牛西冷,简单用少少盐同胡椒调味,肉味已经非常浓郁,啱啱好煎至半熟,雪花油脂入口即溶!和牛三文治嘅面包亦以铁板煎至香脆,口感丰富。旁边嘅和牛粒就可以选择点微辣刺激嘅山葵,或者喜马拉雅山岩盐享用。
 


烟燻帆立贝(鲍鱼二人套餐内提供,单点$168)

煮嘅时候已经闻到阵阵菊花清香,原来用咗胎菊、白菊同日本菊花烟燻日本北海道最大Size嘅帆立贝,卖相同香气都好突出!帆立贝口感弹牙味道鲜甜,食完帆立贝再食旁边嘅红酒菊花啫喱,令口腔充满清新嘅菊花香气。
 


海胆松露蒸蛋(虎铁晚餐/厨师推介晚餐/海鲜盛合套餐/鲍鱼二人套餐内提供,单点$58)

精致而令人难忘嘅前菜之一,用日本鸡蛋蒸至半熟,再加上日本北海道利尻海胆、松露同金箔,鲜味、香味同卖相都更上一层楼。本身蛋黄嘅香味亦相当浓郁。
 


南极犬牙白鳕鱼(虎铁晚餐/海鲜盛合套餐内提供,单点$238)

选用南极罕见嘅犬牙白鳕鱼,食落口感更柔嫩。鱼肉煎至半熟再放到自家制洋葱汤里面焗熟,洋葱汤味道香甜,鱼肉吸收晒汤嘅甜味。师傅煎鱼嘅时候更特别将鱼皮同一层皮下脂肪批出嚟再煎,最後插返喺鱼肉上面。特别系鱼皮煎到好似薯片咁薄咁脆,好加分。
 

更多【新店直击】:
1. 黄婉曼开健康概念烘焙餐厅 叹手工面包加丰富早午餐
2. 必试浓郁抹茶软雪糕、气泡柠檬抹茶 旺角新开日本茶Cafe
3. 幸福Pancake首次进驻九龙!尖沙咀新店限定宇治抹茶浓厚慕斯班戟

  

海胆炒饭(虎铁晚餐内提供,其他套餐追加$250/1人份、$500/2人份)

海胆多到满泻啊!炒饭底用日本新泻米,粒粒饱满分明。同配料炒香後加上近半板北海道利尻海胆同三文鱼子,啖啖海鲜鲜甜味。
 


法国鸭肝(厨师推介晚餐内提供,单点$128)

师傅将法国鸭肝同青苹果片一齐煎香,法国鸭肝油脂丰富口感细腻,煎过後入口更加系入口即溶。而青苹果同意大利黑醋就可以解腻。最後可以食埋师傅特别配搭嘅焦糖青柠,香脆多汁而酸爽,帮大家清清味蕾。
 


法国鸭胸脆卷(鲍鱼二人套餐内提供,单点$168)

灵感嚟自北京填鸭,主角就改为法国鸭胸肉,同大葱一齐用薄饼卷起煎香,口感外脆内嫩。配搭用日本有马山椒同酱油制作嘅酱汁,独特嘅麻辣香味会令你对呢个脆卷印象深刻。
 


梳乎厘班㦸(虎铁晚餐内提供,单点$128,需预约)

近年大热嘅梳乎厘班㦸呢度一样搵到!空气感十足嘅班戟口感好似梳乎厘咁轻盈松软,配埋红豆蓉同雪糕一齐食就更满足。庆祝纪念日嘅话更可以请师傅写指定字句,打卡一流!
 





虎铁铁板烧
地址:铜锣湾轩尼诗道525号澳门逸园中心12楼




文:Cathy
相、片:Tom Li

关键字
铜锣湾
铁板烧
和牛三文治
海胆炒饭
虎铁铁板烧
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】便利店寻宝 每周新品速报
5天前
给自己一个休息时间 10-11月下午茶推介
2019-10-25
【特约分享】食鱼生转运 三种好意头日本海产介绍
2019-10-14
鼎王来了!味道服务媲美台湾 必食麻辣鸭血锅及员工教路秘制鼎王饭
2019-11-01
粮尾打气!5间湾仔平价饭堂推介
2019-10-24