最新引入!7大餐厅期间限定植系肉菜式 梁祖尧推介罗勒酱植系鸡肉意粉
2020-09-16

素食文化喺香港愈嚟愈流行,多咗素食餐厅之余,好多餐厅亦开始加入素食餐单。不过依然都有部分人觉得食素好寡。最近有只新嘅植物肉引入香港,可塑性高,配搭唔同食材都啱,或者可以打破大家对素食固有嘅谂法。

呢款植系肉(The Vegetarian Butcher)嚟自荷兰,由出身自畜牧农业世家嘅Jaap Korteweg创办。经过多年努力嘅研发,终於以粹取营养植物中嘅丰富蛋白质为原材料,再以独特技术还原肉类嘅质感,制出呢款植系肉。今次引入香港,就搵嚟城中7间人气餐厅合作,推出多款以植系肉入馔嘅期间限定菜式,中西式都有,肉丸、鸡肉汉堡、牛肉汉堡等等都做到出嚟!

一向都支持素食嘅梁祖尧,亦有试食过其中几间餐厅嘅菜式:「呢款植系肉畀厨师嘅发挥空间好大。」祖尧最欣赏嘅系Appendix Coffee & Bar 嘅罗勒酱植系鸡肉意粉,「你唔会觉得自己喺度食大豆素鸡肉,佢里面连纤维同肉汁都有!」

 罗勒酱植系鸡肉意粉

Appendix Coffee & Bar另一道菜式系西班牙植系肉丸,口感同平时食开嘅分别唔大,湿润多汁,配埋茄酱、脆多士一齐食,又几香口。

 西班牙植系肉丸

Barista Caffe 嘅植系鸡肉意大利饭亦值得一试,鸡肉质感嫩滑,蘑菇白汁调得啱啱好,risotto黏黏地又有嚼劲。素食都可以系一种享受。

 植系鸡肉意大利饭

NOSH 则有3款植系肉菜式,包括海鲜酱植系肉丸炒面、粟米莎莎酱腌植系鸡肉汉堡配糙米饭同黑椒植系牛肉汉堡饭。想试素食但平时又偏好浓味食物嘅朋友,试黑椒植系牛肉汉堡嗰款就啱晒,黑椒味重,肉质实净。

 黑椒植系牛肉汉堡饭

祖尧分享:「食植系肉嘅时候,你唔会只去谂佢到底系咪似真嘅鸡肉,但佢可以带到鸡肉带嚟嘅满足感,我自己食嗰阵系满足嘅。」另外祖尧亦鼓励大家可以多啲食素,「你唔使做一个全素嘅素食者,但我觉得素食要喺你心入面占一席位。佢应该系神圣、重要、期待嘅。如果你开始素食,即系你开始重视植物带畀你嘅食物,然後你会重视我哋嘅土地可唔可以种出植物,你就会同呢个地方有一个更真实嘅连结。」

另外4间餐厅包括Blend & GrindThe Butchers Club囍公馆同埋Urban Coffee Roaster

 鲜无花果植系咕噜肉 - 囍公馆

文:Kar
相、片:Tom Li

关键字
素食
植系肉
湾仔
尖沙咀
铜锣湾
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
2021-05-03
【2021生日优惠】持续更新!5月食日本直送海鲜送西班牙红/白酒
6天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15