近几年兴起食Semi-buffet，畀一份主菜多啲嘅价钱可以任食沙律前菜同甜品，无论系细食嘅女士定大食嘅男士都一样满足。开饭仔就帮大家搵咗呢五间每人Semi Lunch Buffet收费$300有找嘅餐厅，搵日好好Hea返下回个气！
九龙湾任食日本菜 鸣门割烹料理
相信唔少人都有食日式放题嘅经验，但日本餐厅做Semi-buffet就真系比较少。呢间餐厅逢星期六、日及公众假期都会有呢个90分钟半自助午餐，12:00-2:00入座起计90分钟，可以任食刺身、寿司、串烧、沙律、和食同饮品。而主食就每人任选一份，想回本嘅话推介食三色丼，上面有海胆、三文鱼子同拖罗蓉，大大碗又鲜味十足！
铜锣湾靓海景西餐 Alto
无错，继锯扒指南之後，铜锣湾呢间餐厅再次成为开饭仔嘅情侣搵食推介，皆因有靓海景又有抵食Semi Buffet真系唔多见。餐厅每日都会供应限时两个钟嘅Lunch Buffet，可以选择任食前菜、沙律同甜品，或者加埋牛扒、汉堡、意粉等其中一款主菜。沙律吧款式多，色彩缤纷又开胃。而主菜就可以一试佢地嘅足料汉堡。
铜锣湾酒店多国菜 协奏坊西餐厅
同样位於铜锣湾，呢间酒店餐厅嘅Lunch Buffet（12:00-14:30）同样抵食。自助餐枱上面嘅沙律、小食、汤、热盘、甜品同雪糕都系任食，甜魔仲可以试下用佢地嘅自助班戟机整热辣辣迷你Pancake。而主菜会定期更换，通常都会有齐西式同东南亚菜选择。虽然食物味道未到令人眼前一亮，但胜在选择多而水准平均。
更多【二人前指南】： |
元朗惊喜西班牙菜 Iberico & Co.
图：au9
入到元朗想慢慢Hea返下嘅话，呢间西班牙餐厅绝对系其中一个好推介，皆因佢地逢星期一至五可以由11:30食到15:00，星期六、日及公众假期甚至可以由11:30食到16:30！Menu定期会定期更换，不过都系会有任食沙律、冷盘、小食同汤，再加意粉、扒类或者西班牙饭等主菜选择。唔少食家都话主菜分量偏细，不过有特色小食搭救，都算几抵食。
观塘有情调美国菜 Manhattan Grill & Bar
图：朱丽莎
呢间餐厅夜晚有唔少人会去食生蚝，但其实佢地午市个Semi Buffet都几抵食。每日11:30至15:00供应，任食嘅包括各式沙律、冷盘、汤同甜品，而主菜方面平日同星期六日或公众假期嘅选择会有唔同，不过都系以意粉或扒类等大路种类为主，惊喜唔大。室内环境有情调，亦有户外座位畀大家同阳光玩游戏。
文：Cathy
