協奏坊西餐廳

Sonata Western Restaurant
135
18
12
港鐵銅鑼灣站 E 出口, 步行約8分鐘 繼續閱讀
所有分店 (2)
電話號碼
21278828
21278838
開飯介紹
供應多國美食的酒店自助餐,氣氛熱鬧,食物種類繁多,如龍蝦、凍蟹、天婦羅等等。另有供應自助午餐。 繼續閱讀
營業時間
今日營業
07:00 - 23:00
星期一至日
07:00 - 23:00
付款方式
Visa Master AE 現金
其他資料
網上訂座
酒精飲品
自帶酒水 詳細介紹
切餅費 詳細介紹
賞訂座積分
加一服務費
前往餐廳網站
http://hongkong.rosedalehotels.com
有關餐廳
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和自助餐午餐及晚餐供應。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
餐廳告示
「當麵包蟹遇上松葉蟹」海鮮自助晚餐
2018-09-28
秋天出產的螃蟹肥美膏多,是最適合吃蟹的季節。香港珀麗酒店及九龍珀麗酒店協奏坊西餐廳於這個秋冬將推出「當麵包蟹遇上松葉蟹」海鮮自助晚餐,以英國麵包蟹及日本松葉蟹入饌,為嗜蟹一族炮製一場雙蟹合戰的蟹宴。主打菜式包括:咖哩炒麵包蟹、蟹粉鮑魚天使麵、蟹肉柚子沙律、軟殼蟹天婦羅、及燕窩蟹粥等。冰鎮海鮮中當然更有麵包蟹、北海道鱈場蟹腳及石蟹等,不論您喜歡品嘗鮮甜蟹肉或是豐腴蟹膏,各位蟹癡都一定能大飽口福﹗ 特別推介以下菜式: 蟹粉鮑魚天使麵 傳統的蟹粉菜式一般選用中式食材為配搭,這次大廚破天荒以意大利天使麵配上鮑汁上湯烹煮後,再以新鮮黃油蟹粉、蟹肉及日式璣煮鮑魚絲拌勻,令食材沾滿蟹粉精華,極盡滋味,這中西合壁的配搭絕對叫人驚喜﹗ 咖哩炒麵包蟹 咖哩與螃蟹絕對是泰國菜中的經典組合﹗大廚特選蟹膏豐盛的麵包蟹,其豐腴的蟹膏填滿整個蟹蓋,既甘香,又軟滑,而肥美肉嫩的蟹肉與濃郁的泰式咖哩烹煮後,香氣更於舌尖上綻放久久不散的味道,滋味十足。 燕窩蟹粥 大廚以海鮮高湯為粥底,放入新鮮時令螃蟹,令螃蟹的鮮味原汁原味地滲透在粥底內,加上養顏滋潤的燕窩及蟹膏,滲出啖啖鮮甜及無比暖意。 軟殼蟹天婦羅 霸氣十足的軟殼蟹天婦羅,蟹殼薄而軟,掛漿後直接把原隻軟殼蟹炸得金黃香脆,其豐厚的蟹膏與蟹肉入口鬆軟,加上脆漿的香脆口感,濃郁的味道讓味蕾大爆發﹗ 蟹肉柚子沙律 以原條松葉蟹腳與金柚肉作配搭,松葉蟹腳肉質彈牙,鮮甜無比,金柚肉清香爽口,甜而不澀,為口腔帶來清新的感覺。 冰鎮海鮮 愛蟹之人不能錯過的美食,當中包括鱈場蟹腳、麵包蟹及石蟹,不論喜歡品嘗鮮甜蟹肉或是豐腴蟹膏,都可以一一滿足嗜蟹者的味蕾。其他海鮮包括每日空運到港的藍青口、大蝦及小龍蝦,款款吸睛,必定令食慾大增。 10月同場加映 - 德國肉腸 另外,10月是傳統德國啤酒節,自助晚餐將會同場加映滋味無窮的德國肉腸,更備有多款德國啤酒供額外選購,讓食客一嘗啤酒與肉腸的絕佳美食配搭﹗ 「生日大曬」 生日之星於生日月份與3位以標準價惠顧的成人同行,可免費享用自助晚餐! 標準價 星期一至四 (公眾假期及特別日子除外) : 成人每位: HK$368 長者及小童每位: HK$238 星期五至日、公眾假期及其前夕 成人每位: HK$398 長者及小童每位: HK$268 詳情
有關獎賞計劃
食評 (185)
等級4 2018-10-01
1956 瀏覽
月尾出左糧,一於好好對待自己。見到有早鳥優惠又未試過依間酒店自助餐,即管試下啦!地址都唔難搵,約左班朋友,大家都準時到達!一進場,侍應都好好服務帶位,個場都舒適,枱與枱之間都有空間,大家可以暢談;行左一個圈,最深刻印象嘅係長腳蟹,因為好受歡迎,個個都排隊拎蟹腳,餐廳都好快refill。咁我就順住自己拎食物次序影左啲相片、同埋寫左少少食評:首先,拎左沙律前菜,餐廳好細心,分別預備左撈左沙律醬同埋未撈沙律醬嘅沙律。咁當然試下撈左嘅味道先。「咦!調味唔錯喎!」因為沙律最忌太多醬,太濃味之餘,同埋係怕肥嘛!雖然選擇唔多,但配菜都新鮮!之後就拎冷盤,正如一進場留意到,蟹腳係最受注目!順便到試埋凍蝦、青口、同埋一個蟹蓋。當中以蟹腳最出色,肉厚又大件,入口仲有好多肉汁,難怪大家都食完又拎!鐘意食蟹腳嘅朋友,記得拎多啲啊!可能蟹腳太出色嘅緣故,其餘嘅冷盤就相對平凡返少少,相當平均,合格有餘。及後侍應就每人送左一隻鮑魚仔,屬於日式冷盤,口感鬆軟、新鮮,唔錯喎!之後到剌身、壽司,分別有三文魚、呑拿魚、八爪魚、希靈魚同北寄貝;壽司就揀左腐皮壽司。喺酒店食自助餐黎講,款式都算應有盡有,食感、新鮮度都ok!到左熱葷環節,前後拎左兩碟。1. 滷水嘅代表有豆腐鴨翼、牛𦟌、鴨舌。西蘭花東坡肉、蝦餃。當中最欣賞鴨舌,入味、滷得剛剛好,唔會太過火,咬口QQ!2.金菇燜娃娃菜、炸春卷、炸雞、炸魚餅、海鮮炒藜麥飯。想講講炒藜麥飯,藜麥間中都會食,例如放喺沙律、米飯入邊。而用黎炒飯就真係第一次,比較一般炒飯硬身,變相會食得更慢,與此同時,食到更多味道同埋層次。值得反思嘅係,繁忙嘅都市生活,大家有無細嘗每一頓飯嘅味道。(享受自助餐途中,竟然初嘗慢食的樂趣)至於甜品,由於on-diet嘅緣故,只係食左一個雪糕球,係MOVENPICK嘅品牌,味道當然無得挑剔!最後想總結一下,今次自助餐食到捧住個肚走,當中蟹腳最出色。以性價比黎講算唔錯,有機會再encore。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-02
3650 瀏覽
三佰元不到便可吃到酒店自助餐,也不是將貨就價,精明的自助餐之友又怎能錯過?協奏坊西餐廳由7月至9月,推出「味歷亞洲」海鮮自助晚餐,食物包括多個亞洲地區美食,例如:日本、韓國、泰國、新加坡及本地美食.....等等,讓你一次過可以享受到亞洲不同的美食,尤如經歷一次美食之旅!由現在至9月30日期間,只要提前15日預訂,便可在星期一至星期四晚上,享受到成人每位 HK$288 及 長者/小童每位 HK$208 優惠。如不夠15日前預訂又如何呢,當然會貴少少,10日前預訂星期一至日成人也可享每位淨價$308;長者/小童每位淨價$228。那再少些日子又如何,五日前訂檯,星期一至日成人可享每位淨價$328;長者/小童每位淨價$238。如在五日內訂檯(除即日訂檯外),星期一至日只享有8折優惠,所以越早預訂,優惠便越多。標準價星期一至四(公眾假期及特別日子除外)成人每位 HK$368;長者及小童每位 HK$238星期五至日、公眾假期及其前夕成人每位 HK$398;長者及小童每位 HK$268另有「生日大曬」優惠,只要四位成人同行(標準價惠顧),其中一位是在生日月份,便只需繳付三位價錢,平均每位只是 HK$276,價錢更為優惠。Ps:所有價格須另收加一服務費。想回本?話都無咁易;面前各式各樣的凍海鮮助你輕鬆達到。空運到港的英國麵包蟹、北海道鱈場蟹腳、小龍蝦、沙白蜆、澳洲藍青口、帶子、魷魚及大蝦,豐富鮮美!凍海鮮旁是沙律區,有紅腰豆、車厘茄、粟米、青邊豆、紅蘿蔔....等,不同選擇、任你配搭不同醬汁。另一邊是韓風區,XO醬炒五花腩韓式年糕、韓式泡菜八爪魚沙律、韓式牛肉鍋、韓式泡菜煎餅,是嗜辣、重口味人士之選。五款刺身分別是三文魚、北寄貝、希靈魚、八爪魚和吞拿魚,新鮮爽甜,質素俱不錯,喜歡吃刺身的,不要錯過呀。壽司也有七款之多:鰻魚、赤貝、魷魚、蝦子沙律、螺肉、腐皮、玉子;怕撐肚皮,每款一件;淺嚐即止。隨即轉戰熱葷區。熱盤陣容鼎盛,香口惹味的有炸吉列大蝦、唐揚炸雞、吉列豬柳。小巧精緻的皮蛋豆腐配四川麻辣汁、照燒牛肉芝士卷、芝麻八爪魚、帶子裙邊等。 中式選擇方面有點心之皇蝦餃、令人又愛又恨的東坡肉、金菇瑤柱扒時菜、海鮮南瓜藜麥炒飯、砂鍋雲吞雞、潮式蠔仔粥、鹵水拼盤(大腸、鴨舌及掌翼),湯品有蕃茄薯仔湯及南瓜忌廉湯。還有泰式美食區,泰式明爐烏頭、泰式龍蝦冬蔭公、泰式豬肉生菜包、青木瓜沙律、泰式酸辣鳳爪。喇沙麵檔和燒牛柳也很受歡迎的。必吃推介,蝦蛟、龍蝦冬蔭功、砂鍋螺頭雲吞雞及喇沙麵檔。蝦蛟~新鮮爽彈,酒樓通常歸為特點類;多吃幾件更覺開心。龍蝦冬蔭功~以指天椒、蝦膏、蝦頭、檸檬葉、青檸、南薑、香茅等材料,熬製成的湯底,味道酸酸辣辣,令人胃口大開;龍蝦爽彈新鮮,配酸辣的湯底,更能帶出龍蝦的鮮甜,確實不錯。砂鍋螺頭雲吞雞~採用原隻鮮雞、響螺頭及金華火腿經6小時熬燉而成,湯底濃郁鮮甜、滲出點點鹹香,雲吞皮薄餡靚,一碗過後自不然要繼續添食!喇沙麵檔~配料有雞絲、魚片、豆卜、銀芽和芫荽,味道調配適宜,水準之作,可惜缺了米粉,不能摻摻。原隻冰鎮日式磯煮鮑魚~每位客人也可免費獲贈一客,肉質鮮嫩彈牙,濃郁的湯汁加上冰涼的口感,滲出淡淡甜味;是很夏天的一道菜。飲品基本上就是茶及啡,另有檸檬及鮮奶;喜歡齋茶、檸茶或奶茶,各隨喜好。啤酒、果汁、汽水或紅白餐酒亦有提供,屬自費項目。正餐差不多到尾聲,再要點沙律菜及菠蘿清清味蕾;以迎接至愛的甜點。甜點品種也有十多款,計有葡式蛋撻、牛油麵包布丁、楊枝甘露、綠茶大福、泰式甜㸃、咖啡布丁、奶凍、藍莓慕思、木糠布甸、芒果布甸、芒果慕絲、意大利芝士餅、特濃朱古力蛋糕、香蕉蛋糕和鮮果撻。賣相也不錯,每樣也試一件,真是超級滿足;當中較喜愛的有藍莓慕思、芒果布甸、芒果慕絲及特濃朱古力蛋糕。水果有西瓜、蜜瓜和菠蘿;但更不能錯過的是懷舊冰品:唧唧冰(提子味)、對對棒(菠蘿、青檸、蜜瓜、西瓜)、波子汽水、脆皮黑金鋼(朱古力、香草、士多啤梨味)、藍鐵神(菠蘿、士多啤梨味)和朱古力三文治。另有自助班戟機,即按即做,新鮮熱辣,加上自己喜愛的醬汁,便非常好吃了。意猶未盡,原來還欠杯Movenpick 雪糕 - 有意式碎朱古力及意大利奶凍兩款味道,至止才帶著滿足的心情回家!協奏坊西餐廳地址: 銅鑼灣信德街8號香港珀麗酒店2樓電話: 21278828 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-30
2585 瀏覽
自助餐,就是貪選擇多。這個「味歷亞洲」海鮮自助晚餐,囊括港、日、韓、泰、新加坡菜。15日前訂位$288免加一,心動了。準備開動之際,送來一人一隻冰鎮鮑魚。原隻上,超彈牙。日式磯煮,淡淡的甜味剛好。必食之選北海道鱈場蟹腳,大長腿飽滿鮮甜,自帶海水鹹香。冰鎮海鮮較少見的魷魚圈,調味恰好,不韌好咬。刺身軟滑無筋,中規中矩,三文魚油脂滿滿。蘑菇湯勁足料,啖啖都是菇碎,遠遠就聞到香味,讚!燒牛柳生熟度控制得不錯,可惜是貨尾不算太熱。主角亞洲多國菜,大多是熟食。港式/中菜代表中,砂鍋螺頭雲吞雞雞肉嫩滑,鹵水豬腸、豆腐都夠入味。蠔仔粥勝在蠔夠大隻,但味道偏鹹。日系炸物香口好食,吉列豬扒算肉厚,還有一整鍋咖喱汁任加。韓系的幾款,基本都偏向fusion菜,哈韓族表示一般。至於泰國、新加坡菜,即煮新加坡喇沙、龍蝦冬陰公、烏頭看著吸引。不過要留肚,唯有pass……甜品款式超多,切餅、葡撻、馬卡龍、麵包布甸、奶凍,花多眼亂。連懷舊雪條,和自助班戟機都有!Mövenpick雪糕只有一種,正正是大愛的士多啤梨味。好搶手,手慢的唯有慢慢挖邊。甜品控,力戰了一碟又一碟。當中,以芒果大福最出色,外層軟糯可人。臨走才想起,沒吃到最初相中的藍莓芝士蛋糕。大概,refill後的款式,未必跟原來一樣?好吧,有藉口再戰了…… 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-23
2054 瀏覽
之前公司Annual Dinner已經到協奏坊食過,食物雖然唔算好多╴但勝在價錢唔貴,而且Movenpick任食,今次自己同妹妹再去。Seafood Dinner Buffet ($368/1 People)當晚草根姐妹一入座,餐廳就馬上送每人一隻冰鎮日式磯煮鮑魚,既然自助餐主題是海鮮,當然就先試海鮮吧~🐚🐟🦐海鮮有小龍蝦、青口、蟹及長腳蟹🦀,還有日式刺身corner。當中長腳蟹味道鮮甜最為出色,帶淡淡海水鹹味,草根姐妹大概每人吃了7-8隻吧,真的不錯! 但其他海鮮及刺身質素一般。除了海鮮外,還有壽司🍣、韓國特色食物🇰🇷、泰式食品🇹🇭、中式熱葷及中西湯,熟食而言款式不算多,味道亦只屬一般。反而點品方面較令人滿意,有各式甜品,款式選擇不少。除了有蛋糕🍰、果撻、奶凍及焦糖燉蛋,還有Movenpick任食,以及懷舊雪條。草根姐妹最後吃了兩大碟甜品飽足離去。整體上不算特別出色,但$300多元以晚市自助餐而言確實價格平實。選擇偏少,但服務質素還不錯,如果要求不高又想以不太貴的價錢吃頓自助餐,就參考一下啦😆***草根姐妹提提大家15天前預訂價值$288起,會再平d嫁!Promotion Period 1/7/2018 to 30/9/2018*** 繼續閱讀
(以上食評乃用戶個人意見 , 並不代表OpenRice之觀點。)
最近天氣也沒有太好,又悶熱又侷促,心情也不太好,所以唯有靠吃點好東西提一提神,聽友人B說不如吃自助餐,甚麼都有得選擇,那上網找到所價錢較平的自助餐,價錢大概300多。「味歷亞洲海鮮自助晚餐」,供應來自多個亞洲地區的代表美食,包括日本、韓國、泰國、新加坡及本地美食……龍蝦冬蔭功、砂鍋螺頭雲吞雞、XO醬炒韓式年糕、新加坡叻沙等等。每位客人可免費獲贈原隻冰鎮日式璣煮鮑魚一客。見看宣傳的字眼也夠吸引,食物種類也不少。小妹先行一轉發現冷盤的海鮮也有很多,蟹腳、麵包蟹、小龍蝦、青囗、鮮魷魚、蝦子等。熟食區即有韓式、泰式、中式、日式等食物……韓式:泰式:龍蝦冬蔭功用上龍蝦熬煮冬蔭功,真的是下重本,但冬蔭功欠缺辣油香氣,也沒有傳統冬蔭功的風味,不夠香辣嗆喉。砂鍋螺頭雲吞雞中菜菜式之一,雲吞應該不是自家製的,入囗皮厚身,肉餡沒有太吸引,可取的是雞肉嫩滑。新加坡叻沙叻沙尚算香濃,但味道也是沒有太惹味,但麵條太過軟腍。燒西冷每次自助餐必吃,但這邊的西冷太乾柴,沒有油脂位。生菜包最滿意的一道菜,蔬菜清甜爽脆,入囗微辣醬汁惹味。怎麼了,今晚的水準有點失預期。希望下次有改善,但服務是一流的。 繼續閱讀
(以上食評乃用戶個人意見 , 並不代表OpenRice之觀點。)