220
28
11
餐廳: 鳴門割烹料理
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

電話號碼
27967788
開飯介紹
於周末供應半自助午餐,三色丼頗有質素,當中的海膽、蔥拖羅、三文魚籽亦非常鮮美,另有供應刺身、壽司、串燒、沙律等放題食品。 繼續閱讀
營業時間
今日營業
11:30 - 15:00
17:30 - 22:00
星期一至五
11:30 - 15:00
17:30 - 22:00
星期六至日
12:00 - 15:00
17:30 - 22:00
公眾假期
12:00 - 15:00
17:30 - 22:00
公眾假期前夕
11:30 - 15:00
17:30 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
座位數目
80
其他資料
網上訂座
酒精飲品
切餅費
VIP房
電話訂座
賞訂座積分
外賣服務
加一服務費
有關獎賞計劃
食評 (274)
平日返工lunch通常都好趕時間,難得放假,就想享受一下假日悠閒的時光。上openrice發現鳴門有假日限定的$238半自助餐,而且餐廳落地玻璃感覺好舒服,就去悠閒一下!剛剛去時可能比較早,不算好多人,但到了1pm左右就全滿了!所以如果想去吃的話,記得要book位。這裡的店員好好service,會照顧你坐得和食得舒服與否,所以座位之間空間感好夠,枱易好夠大,可以放心點放題食😝先點一款主菜後,其他小食可以任點!餐廳上菜都好快,才剛點完,食物就到了。主菜都相當用心,特別喜歡帆立貝海膽丼,海膽好大舊,味道鮮甜,咬落去軟香juicy。帆立貝都幾新鮮,而且是厚切的!另外,泡菜黑豚鍋都好豐富,入面好多粉絲、洋蔥 、豆腐、豬肉,吃起來暖暖的~其他任點食物都好好味,比一般日本半放題水準高!每次吃日本任是都必點刺身,甜蝦幾大隻之餘肉質鮮甜肥美。個人最喜歡鯛魚,厚切得來味道軟香,吃到刺身的鮮甜味道。油甘魚亦相當新鮮,是不錯的選擇。壽司🍣亦不會太多飯,配上新鮮刺身。劍魚腩壽司軟香淋,油脂多,有少少入口即溶的口感。另外也點了些熟食小食,都係幾有水準。個人最喜歡香脆的雞軟骨串,加上調味料後味道剛剛好,好滋味!另外炸蠔的蠔肉亦幾新鮮~總括來說,這個午の放題完全物超所值,比一般放題質素超班😋而且環境好靜,可以舒服地品嚐美食,傾計相聚。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-16
774 瀏覽
每個月要只少食返餐日本菜就基本啦!男朋友話公司附近有間唔多人又高質嘅居酒屋,本身都諗住返屋企算,不過咁近點可以錯過!!鳴門呢度有幾款套餐,有壽司、刺身同定食,我哋就揀咗 2 個Set,分別係「豐」同「北海道雜錦丼」,兩個都超級豐富!「豐」三色刺身:油甘魚;赤身;牡丹蝦要 3 揀 1 嘅話一定係赤身!雖然都係吞拿魚嘅部位,但其實係瘦肉位,相對冇咁重油味,但就有口感,食落去會實在啲;油甘魚爽口鮮甜;牡丹蝦有香濃蝦膏,蝦肉味甜。天婦羅(大蝦、南瓜、蕃薯)配迷你牛肉稻庭豬太郎比起天婦羅更加對牛肉稻庭心動!Q彈嘅口感絕對令人大滿足,本身諗住同男朋友分享小小嘅,都唔小心食晒!御膳壽司(拖羅、赤身、活赤貝、紋甲魷魚、海膽、三文魚籽、三文魚腩、鰻魚)小朋友先做選擇,豬太郎全部都要!又有大大啖海膽,入口甘甜回味,又食多件魚油香味十足嘅拖羅,真係食唔停口呀!「北海道雜錦丼」- 有前菜;蒸蛋;味噌湯淨係一個Set點夠豬太郎食!前菜竟然係我哋最愛嘅芥末八爪魚,mix埋小小青瓜,多重口感,更開胃呀!雜錦丼同頭先御膳壽司嘅材料差唔多,但就份量十足,飯同刺身嘅比例相約,唔會淨係得大碗飯而無料,高質刺身丼!當日 Special Menu 仲有北海道白栗米作為栗米控嘅豬太郎,金黃色嘅栗米就食得多,白色嘅真係未試過!甜度絕對係無得輸,加埋咬落去爆汁兼有淡淡忌廉香味,連男朋友平時麻麻地栗米,都同豬太郎爭食呀!歎返杯梳打同啤酒,獎勵一下努力工作嘅自己。 繼續閱讀
(以上食評乃用戶個人意見 , 並不代表OpenRice之觀點。)
過去嘅週末同朋友黎到九龍灣MegaBox,商場就一早迫爆人,反而係隔離人流較少嘅國際交易中心俾我搵到間半自助放題日式料理😍 「90分鐘半自助放題」只限週末同公眾假期,先從八款主食挑選一款,其餘嘅小食、壽司、刺身同汽水特飲等就任飲任食🤤 基本款式都應有盡有,最緊要上菜速度夠快,熟食都係熱辣辣上檯👍🏻 《 磯煮鮑魚 》 4.5 / 5每檯贈送一客,鮮甜嘅鮑魚索晒豉油同味淋,貼心地用冰座住,肉質彈牙😋《 帆立貝海膽丼 》 4 / 5份量以正常嘅主食來講較細,相信係為左騰出空間食其他任食𝗂𝗍𝖾𝗆🤪 刺身新鮮,海膽雖然略少,但味道濃郁甘甜,餘韻留係口腔好耐🤤《 汁燒油甘魚 》 4 / 5用醬汁燒制而成嘅油甘魚扒,賣相呈焦糖色相當吸引🥰 肉質厚實,邊皮燒到卜卜脆,蘸埋沙律醬更滋味😋《 刺身 》 4 / 5最常叫嘅刺身好在都有,唯有貴精不貴多啦😌 要讚一讚無論嗌幾多𝗋𝗈𝗎𝗇𝖽叫幾多塊都會比足👍🏻🤤 三文魚有部份仲係半腩位🤤 油甘魚同鯛魚同樣鮮甜👍🏻 八爪魚超爽脆不過就淡味左啲;甜蝦就正常發揮😋《 串燒 》 4.5 / 5好出色嘅牛舌🤩🤩🤩完全比佢厚實嘅外表驚艷🤩 表面微焦,內裡好鬆軟👍🏻 無牛膻味,配上燒汁已好高水準😋 而雞軟骨就有少少燒得太乾,好在唔油膩同好脆口😎 免治雞肉棒口感豐富,外脆內軟,亦都唔會好膩👍🏻《 小食 》 4.5 / 5小食整體表現令人滿意👍🏻 首推「日式蒸蛋」,姐係茶碗蒸🥴 極之水潤嫩滑,亦都好足料,食到帶子同銀杏!明太子玉子香甜鬆軟;燒三文魚鰭啖啖魚油香👍🏻 炸物就試咗芝士年糕、吉列蠔同芝麻雞翼,三樣都冇令人失望😎上枱熱辣辣,炸粉唔厚,入面仲充滿肉汁,嗜炸物嘅朋友不妨多嗌!😋《 飲品 》 4 / 5除左汽水🥤仲有「白桃乳酸特飲」同「巨峰乳酸特飲」,酸酸甜甜比汽水更解膩🤤 繼續閱讀
(以上食評乃用戶個人意見 , 並不代表OpenRice之觀點。)
同閨蜜去嘆吓週末中午「90分鐘半自助餐」 ($238)💗依間喺九龍灣國際交易中心裡面嘅日本餐廳,環境好正!入面樓底超高,三面落地玻璃享有好Chill嘅平台園景~有少少陽光灑落,感覺好Relax! 依個半自助餐(供應時間:逢週末及假日 12:00-14:00)💗有自選主食8選1,另外有任點嘅小食/沙律/刺身/壽司/串燒/飲品,仲每位送1隻磯煮鮑魚😋▫️自選主食▫️我哋揀咗有拖羅蓉丶海膽丶三文魚籽嘅「三色丼」同埋「帆立貝海膽丼」,賣相精緻👍🏼好賞心悅目!刺身好新鮮,尤其是海膽非常鮮甜😋▫️刺身丶壽司▫️刺身有5款,包括:三文魚丶油甘魚丶八爪魚丶鯛魚丶甜蝦💗都好新鮮肥美,而每人1隻嘅磯煮鮑魚,非常彈牙入味👍🏼而壽司有8款,食落都唔錯。▫️小食丶串燒丶沙律▫️夾埋有10幾款選擇,串燒都係即叫即燒👍🏼而小食方面,我哋特別鍾意三文魚鰭,燒得好香口,而芝士年糕半溶餡邪惡又好味👍🏼▫️飲品▫️我哋揀咗「白桃乳酸特飲」💗漸變分層嘅賣相~顏色都好靚,攪勻先飲甜度啱啱好👍🏼整體來講環境好舒服😌刺身都好新鮮👍🏼最啱嚟食吓傾吓計💗 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-15
975 瀏覽
日式半自助餐真係第一次試,小食量嘅我一定要試只有週末星期六日先有,所以要預早book位主食8選1,有飯有鍋物有魚生丼,我建議叫鍋物比較好,因為之後都可以點壽司,有好多飯食🔸前菜:有魚生沙律,都好新鮮,開開胃🔸刺身都可以任點,鮑魚每人一隻,甜蝦最好食🔸主食:帆立貝海膽丼海膽都好甜好新鮮,帆立貝點壽司嘅時候都可以點到,食完好飽🔸鍋燒牛柳粒目玉丼牛柳粒好嫩口多汁,唔食飯呢個都唔錯,可惜飯太多,而且有點淋口🔸任點項目:壽司,好普通,魚生係新鮮嘅,但飯好散,麻麻地🔸任點項目:明太子玉子、三文魚鰭玉子好甜好有蛋味,仲要新鮮熱辣辣整出來三文魚鰭好香口🔸任點項目:芝士年糕、芝麻雞翼、吉列蠔必食芝士年糕,外皮不厚,入面芝士流心好好味,不過食完好膩,好快飽肚芝麻雞翼都很好,雞肉是嫩口,炸得好香脆吉列蠔一般,如太飽就可不吃🔸任點項目:雞軟骨、冬菇、免治雞肉棒、厚燒牛舌串燒類好一般,可以不點,要食都只好食冬菇🔸任點項目:日式蒸蛋,普通蒸蛋咁,都滑身好食的,入面仲有冬菇🔸任點項目:迷你牛肉烏冬,牛肉份量比較少,1-2塊,味道好食的,清清地日式味道,食埋佢真係好飽🔸任點項目:飲品都係任點~白桃乳酸、巨峰乳酸仲有橙汁、可樂、忌廉、雪碧等等… 必點白桃&巨峰特飲 繼續閱讀
(以上食評乃用戶個人意見 , 並不代表OpenRice之觀點。)