尖咀新开5000尺日式精品超市 创意咖啡+健康沙律+手工饭团+生活杂货
2020-09-29

尖沙咀又有新店出现排队人龙,不过今次唔系过江龙或者Cafe,而系新开嘅日式精品超市谷辰 !占地超过5,000平方尺,加上装修以日式自然风貌为灵感特别加分。而对喺附近返工嘅朋友嚟讲,更加唔可以错过里面嘅两大轻食专区,一个以咖啡同沙律为主,另一个主打日式手工饭团,Grab & Go都可以食得有营又好味。
 

创意咖啡+健康沙律 THE SALFEE BAR


(左)Dirty($40),(右)西柚紫苏有气咖啡($54)

扫货前先嚟一杯咖啡提提神,Dirty即系热Espresso加上冻牛奶,所以记得尽快饮,享受一热一冷嘅口感撞击。咖啡系自家House Blend,有Fruity同Nutty两款风味选择。西柚紫苏有气咖啡就更加特别,用自家冷萃12-15小时嘅紫苏咖啡,再加上西柚调配而成,果香清爽。
 


(左)宇治抹茶拿铁($38/S,$42/L,$42/冻),(右)竹炭伯爵拿铁($48/L,$42/冻)

饮品亦有无咖啡因嘅选择,抹茶同焙茶饮品都采用嚟自日本嘅高级茶粉,加上人手即场刷茶,令口感特别幼滑无粉粒。宇治抹茶拿铁有茶香而且回甘明显,而竹炭伯爵拿铁就加入黑色嘅竹炭粉,冻饮有类似水墨纹嘅卖相,好啱相机饮先。
 


沙律($78/2款,$88/3款)

沙律现时有九款选择,包括唔同口味例如韩式牛肉椰菜花碎、和风荞麦面、越式羽衣甘蓝糙米等。最开心系可以随意配搭两至三款口味,中间更会以青瓜片隔开,叫多两个同事一齐Share就可以试晒啦!
 

日式手工饭团+便当 米角


(左至右)炙烧和风咖喱牛肉饭团($32)、北海道昆布伴鲣鱼片饭团($28)、柚子葱烧鲭鱼饭团($28)

品牌选用秋田小町米,人手制作唔同口味嘅饭团,唔单止配料选择多,连用嘅饭都各有不同!例如拍摄呢三款就分别系秋田小町米烧饭团、以均衡营养为概念嘅五谷米饭团,同富含抗氧化剂嘅养生黑米饭团。包饭团嘅紫菜系另外独立包装以免变腍,而且采用佐贺县嘅有明海苔,质感比较柔软、入口即化。
 


竹笋黑胡麻溏心蛋(期间限定,$32)

期间限定口味中间系流心效果超诱人嘅溏心蛋,半熟嘅香浓蛋黄加埋同时具有粘性同嚼劲嘅秋田小町米真系无得输。而如果觉得Menu上面嘅口味都唔啱心水,仲可以拣自选饭团,喺秋田小町米、五谷米、养生黑米中拣一款米再加心水配料。
 


茶渍辛子明太子饭团($48)

四款指定口味嘅烧饭团可以配搭昆布抹茶高汤变成茶渍饭!茶汤鲜味非常突出,而且够热好啱秋冬食。再伴以Wasabi、野姜、芝麻、日本米通同昆布增加口感同味道层次。
 


饭团便当定食($65/一款饭团,$85/两款饭团)

饭团便当可以拣一款或者两款饭团,配搭野菜、料理小品、自家浓汤或静冈玄米茶,卖相精致之余分量其实都唔细,当Lunch食完七至八分饱就啱啱好啦。
 

更多【新店直击】:
1. 台湾鼎王第二分店进驻将军澳 首推全新鼎王特饮+$288鹿儿岛直送日本A4和牛
2. 北角新打卡Food Court!东欧风主题多国菜选择+粉红色装修咖啡甜品店
3. 机舖内的热狗店 多款自选配料+自家制酱汁 特设无肠热狗

 
减少包装概念杂粮专区 沢屋



精品超市当中以特别有一区以减少包装为理念嘅品味生活专区,最抢眼嘅一定系呢排一筒筒果仁同杂粮。虽然而家因为疫情关系改用纸袋,但概念系及後大家可以自备容器嚟买需要分量!
 


沢屋特选和香悦米礼盒(开业限量,$220)

庆祝新店开幕,亦特别推出数量有限嘅特选和香悦米礼盒,里面有三款顶级日本米:埼玉彩之辉米、德岛越光米、爱知之香米。加上精美木盒包装,中秋送礼自用都得,得咗。
 


同时亦有嚟自世界各地嘅优质商品,例如本地代表就有上环PLANTATION by teakha嘅精品茶叶、细味公平嘅咖啡等。
 

精选各地美食+生活杂货 超市专区





占地5,000尺咁大真系有唔少选择,从日本直送新鲜水果、蔬菜、急冻食品、酒类等应有尽有。好似最近就有唔少人嚟买金箔咖啡同罐头饭,唔知系咪假期备粮呢?另外之前日本大热嘅透明酱油呢度都有呀!
 




谷辰
地址:尖沙咀中间道15号H Zentre地下 01-02 号舖




文、相:Cathy

关键字
尖沙咀
咖啡
沙律
饭团
茶渍饭
超级市场
THE SALFEE BAR
米角
谷辰
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2021-05-03
【2021生日优惠】持续更新!5月食日本直送海鲜送西班牙红/白酒
7天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15