45
5
1
港鐵尖沙咀/尖東站 K 出口, 步行約1分鐘 繼續閱讀
營業時間
今日營業
08:30 - 20:00
星期一至日
08:30 - 20:00
付款方式
Visa Master 現金 八達通 AE Apple Pay
食評 (54)
等級4 2021-06-08
468 瀏覽
雖然疫情關係無辦法去外地影相,但是婚依然要結。就算冇辦法邀請眾多親友,女人結婚依然會努力瘦身,我就係其中一個!!!渴望食好東西,又要健康,都不是這麼容易!最近發現尖沙咀開了這個新商場,而商場入面有這個輕食咖啡店,主打健康沙律同咖啡有日式風格既用餐區是日午餐雙併沙律$68韓式牛肉椰菜花碎沙律(上) 望到就諗起韓國!!韓式牛肉配沙律,之前無試過,原來幾夾,因為椰菜花冇咩味,配上韓式辣汁,變得好味同有咬口。牛肉份量幾多,雖然成個沙律有好多不同種類的菜,但是食落口一點也不會覺得單調!凱撒青豆螺絲粉沙律(下)這個沙律適合需要有碳水化合物的人士進食!相對韓式牛肉沙律沒有那麼濃味,跟西餐的凱撒沙律差不多,材料豐富一點另一個雙伴沙律和風薯粉蓮藕沙律(左)呢個係男朋友最喜歡的,薯粉撈了麻油,十分香。餐牌上的用料有時會不一樣,今次是薯粉,不是蕎麥麵,我覺得咁好越式羽衣甘藍糙米沙律( 右) 平時唔係好食羽衣甘藍,因為覺得佢苦,呢個沙律加咗醬汁同青瓜,苦味無咁重,幾清新!糙米好有咬口,配上其他材料,整體口感適中夏日排毒梳打一聽到排毒就好想試,覺得一定係健康清新!用左不同的蔬菜製成,再加上梳打,因為有氣關係,所以好易入口,不會覺得太重蔬菜汁而唔想飲。這杯飲品好解渴,啱曬大熱天時飲!Matcha canele $32買完之後,店員會問想唔想焗番熱佢入面的樣貌外面有點硬脆,入面係較軟較soft 既抹茶蛋糕,不算太甜 繼續閱讀
(以上食評乃用戶個人意見 , 並不代表OpenRice之觀點。)
位於尖沙咀的 The Salfee Bar,是一間結合Salad Bar和Coffee Shop的新慨念餐廳。店舖設於大型日式雜貨店谷辰Guu San的裡面,吸引不少經過的遊人,坐下來好好嘆一杯高質咖啡呀~ 室外的花園草地設計,加上大大片落地玻璃窗,令人感覺光猛舒適。店內走開放式的廚房格局,感覺開揚,沒有壓逼感。餐廳由兩位法國藍帶廚師主理,設計出9款健康美味沙律,沙律每日由店員新鮮炮製,風格多樣化,例如有南美西瓜生菜沙律、越式羽衣甘籃糙米沙律、和風蕎麥麵沙律、松露香草醬車輪粉沙律等等,菜系非常豐富。除了沙律,也有提供一些輕食,大食的朋友不用怕不夠飽啦。 自選沙律 $68(兩款) 9款沙律可以自行配搭,1款$58,2款$68,3款$78。貪心的我,想先試試兩款口味。 韓式牛肉椰菜花碎沙律。充滿韓國風味的沙律,加入辣泡菜的元素,又辣又嗆,刺激味蕾,很不錯呢!越式羽衣甘籃糙米沙律。相對上較為清新,當中更有加入提子乾,令沙律甜甜的,更加美味。 牛角包 $19 & 朱古力酥 $22 雙重朱古力曲奇 $25 & 花生曲奇 $20 店員相當細心,會預先詢問客人,餐點用不用翻熱。不過因為我拍照拍太久,相信大家在焗熱後馬上吃,味道會更好唷~ 焙茶拿鐵 $38+4(大杯) 每次去日式咖啡店,總覺得需要配杯抹茶或焙茶拿鐵。焙茶味道頗濃,味道不錯呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-01
355 瀏覽
在尖沙咀的一角,開了一間主打健康的沙律和咖啡店,座位分散在不同角落,既有小量戶外座位,也有室內望街景的座位。抹茶拿鐵(雙拼沙律+$30),心型拉花為這杯加分,以瓦杯盛着的抹茶,在光線充足的窗邊下打卡特別好看。拉花好看,拿鐵的味道比拉花更勝一籌。呷一口抹茶,奶的柔滑和非常濃郁的抹茶味在口中徘徊,即使放涼了也能嚐到抹茶的香甜。抹茶拿鐵喝得多,三草拿鐵(雙拼沙律+$30)還是第一次見。根據餐牌上的介紹,三草拿鐵「採用了澳洲有機大麥草、紫花苜薈草和小麥草,加上低升糖的龍舌蘭糖漿和燕麥奶而成」。拿鐵有淡淡的青草香。但一如餐牌上所說,喝下無青草味,反而有點像淡味抹茶混合其它植物的味道。味道與抹茶不相伯仲。牛角包($19)一如其它食評所說,值得推介。牛角包非常鬆脆,而且吃下去有牛油香。伴一杯拿鐵或咖啡吃都非常適合。這一系列的沙律很受人歡迎。雙拼沙律($68),韓式牛肉椰菜花碎沙律,一開始吃不會覺得太辣,辣味在後半段慢慢出來。沙律內有肥牛片、泡菜、花椰菜、豆腐、青蔥、紫蘇葉和韓式辣汁。看到很多人點這份,也許不只因為泡菜色為主色的沙律特別吸引人的眼球,還因其豐富肉味的牛肉片和泡菜為沙律重心,令人垂涎欲滴。加上冰滑的豆腐,是味蕾的一種享受。泡菜可配一些清淡的澱粉主食,例如這款凱撒青豆螺絲粉沙律,一系列青綠色的蔬菜,除了螺絲粉,還有羽衣甘藍、鷹嘴豆、牛油生菜、牛油果、青豆、意蕃西、羅勒、青蔥和凱撒沙律醬。這款營養豐富而味道清新的螺絲粉,多吃也不覺肥膩。另一款雙拼沙律($68)西蘭花雞芥末沙律中的慢煮雞胸肉是一個極致,以慢煮方式煮的胸肉比一般的明顯更滑,厚度適中,所以同時具雞胸肉滑中帶實的口感。拌新鮮爽口的西蘭花、沙律菜、枝豆、青蔥、紫椰菜、薄荷葉、牛油果和杏片,既爽口又滑,再加上蜜糖芥末醬,不論味道和口感都很出色。越式羽衣甘藍糙米沙律,包括有機短糙米、羽衣甘藍、青瓜、圓椒、雞蛋、葡萄乾、紅洋蔥和毛豆。澆上越式甜酸沙律汁,令本身比白飯粗糙的糙米增添開胃感。羽衣甘藍和糙米為主的沙律,口感比較豐富,深綠色的羽衣甘藍十分鮮爽,糙米具嚼感而不會過硬。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
268 瀏覽
途經尖沙咀sogo附近, 在中間道發現有間新開的中型健康食品超市。入去逛逛,果然有很多新發現,其中有間叫Salfee Bar輕食小店,主打沙律三文治同手調飲品,環境好Chill,嘆咗一個豐富午餐。三拼沙律沙律類有十幾款令人花多眼亂,有三或兩拼選擇,我選了三拼,選了番薯球藜麥鹰嘴豆沙律, 番薯球甜甜的, 混埋啲藜麥食唔覺得寡。而且口感好豐富。越式羽衣甘藍糙米沙律,越式甜酸沙律汁好醒胃,羽衣甘藍係superfood 好有益,配上煙煙靭靭的有機短糙米, 提子乾毛豆。 飛魚子果仁蘋果薯仔沙律,蘋果感覺好清新, 中和返兩款穀物類沙律。其實份量都算多有飽肚感。跟餐加20蚊就有藜麥味噌南瓜湯,真係真材實料,值回票價。 有濃濃的南瓜加上藜麥打磨而成,口感幼滑。吞拿魚蛋沙律墨西哥卷餡料方面當然有吞拿魚同蛋沙律仲有新鮮的沙律菜,材料豐富。 墨西哥捲皮烘得脆脆的, 入口時還有點微熱, 非常好味。沙律餐還可以加30蚊就能配上手調飲品, 我揀咗朱古力, 味道偏淡但賣相一流, 拉花拉得好靚。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-26
220 瀏覽
呢間主打健康輕食沙律🥗成個感覺好chill好適合假日嚟飲杯咖啡有9款沙律選擇,款式都幾多連咖啡☕️既種類都唔少,Cold Brew都有3款,仲有Hand Whisked Latte, 排毒咖啡梳打!岩哂鍾意新鮮感既我「希臘式吞拿魚沙律 vs 芥末雞肉西蘭花沙律」吞拿魚沙律主要以紫椰菜為主!而雞肉用左慢煮方法,所以即使係雞胸肉,都完全唔鞋而且dressing都唔會太多,所以非常健康「韓式牛肉椰菜花碎沙律 vs 希臘式吞拿魚沙律」Highly recommend 韓式椰菜花沙律泡菜味包裹住所有椰菜花碎辣辣地特別好食!「Regular Cold Brew」咖啡味超級突出,完全無酸味相信brew既時間好足夠,所以味道特別香「靜岡焙茶拿鐵」茶香夠濃,有少少炭香味,加左手打奶,口感好細滑 繼續閱讀
(以上食評乃用戶個人意見 , 並不代表OpenRice之觀點。)