面对疫情，多间酒店嘅自助餐陆陆续续咁转型，改为任饮任食形式，由专人递上。除咗上次介绍过嘅五间酒店（回带文章按此）之外，最近又多多四间啦。
尖沙咀 倚窗阁 
呢间位於尖沙咀嘅酒店，除咗将自助餐改成无限任点之外，亦调整咗订枱数量，务求每位客人都可以食得放心~酒店提供无限任点午餐同晚餐，食物款式虽然少咗啲啲，但继续都仲有新鲜生蚝、杂锦刺身、西冷牛扒、烤羊扒、香煎三文鱼柳等，甜品则有多款蛋糕同4种口味嘅Mövenpick雪糕，都够止瘾！
供应时间：
任食午餐（12:00-14:30）；任食晚餐（18:00-21:30）
供应期：即日起至4月30日
优惠券：无限任点晚餐75折优惠(4月)
优惠券：无限任点午餐75折优惠(4月)
将军澳 尚厨 
同样改为任点任食，佢哋采用「剔纸仔」嘅方式，想食乜就剔乜，再由专人递上，咁就唔使惊走嚟走去，增加同其他人嘅接触啦。提供嘅食物款式同以前自助餐一样咁多，包括鲍鱼海鲜啫喱冻、法式焗鲍鱼、龙虾牛油果他他等，畀海鲜控一个豪叹龙虾鲍鱼嘅机会！
供应时间：
18:30-21:30
供应期：即日起 至 5月31日
优惠券: 高达75折优惠
尖沙咀 尖沙咀凯悦酒店咖啡厅
呢度嘅自助餐即使改成任点任食，都一样有得食佢哋嘅招牌活龙虾呀！酒店提供点菜纸，畀大家慢慢拣，再由餐饮团队送上。选择都几多呀，例如印度薄饼、即煎铁板烧肉扒、鹅肝、各式冰镇海鲜等都有；不过甜品就依旧要大家亲自去甜品区拣啦！
供应时间：
18:00-22:00 （星期一至五）；18:30-22:00 （星期六、日、公众假期前夕及公众假期）
供应期：即日起至另行通知
优惠券: 全单85折
沙田 2+2 Café
(4月9日最新Update：因应政府最新公布的抗疫措施，餐厅暂不再供应任饮任食晚餐啦)
呢间酒店即日起推出任饮任食晚餐，有超过40款多国美食！打头阵嘅系一人一份冰镇龙虾海鲜拼盘同日式刺身，由餐厅团队逐一捧上，绝对满足到海鲜控~仲有源源不绝嘅烤美国肉眼扒、烤羊扒、寿司、牛肉汤乌冬等，唔使去旅行都食到中、西、日式美食！甜品方面就有朱古力布朗尼、蓝莓芝士蛋糕、草莓慕丝蛋糕同劲多口味嘅Mövenpick雪糕等！
供应时间：
18:00-21:30（逢星期五至日、公众假期及前夕）
供应期：即日起 至 5月3日
文﹕Kiko
编：Kar