而家唔少人都减少咗外出用膳,或者home office,如果唔识煮饭嘅,就得返「嗌外卖」呢一条路啦~只系餐餐都食两餸饭咁食到好寡,间中想食餐好嘅?不是梦啦!而家各区酒店都有推出外卖服务,喺屋企一样可以食到好西!
6-20人到会套餐 Bayfare Social
呢间酒店推出6人、10人同20人嘅到会套餐,虽然冇佢哋最受欢迎嘅海鲜拼盘,但食物一样好丰富,有沙律、三文治、蛋糕等,喺屋企嚟个「酒店级」嘅小聚都ok呀!除咗到会套餐,仲提供午餐同单点小食~
酒店级点心 明阁
而家喺屋企都一样可以食到酒店级水准嘅点心啦!呢间酒店推出超过20款精选点心,包括养生三色饺、流沙包、肠粉等。仲有各款粤式小菜添,唔少菜式都要几复杂嘅做法,好似虾籽柚皮扒鸭、虾籽扒原条海参等。妈妈日日煮饭都攰喇,不妨嗌个酒店外卖帮轻下啦!
高级烧味饭 富豪轩
呢间酒店同样提供各式粤菜同点心,特别设有午市套餐,星期一至五每日唔同菜式,包埋明火例汤、时菜、饭同糖水。单点有更多选择,从头盘、主菜、饭面,连素食都有!
观塘多国菜 forte
太耐冇出过街食饭,咩都想食嘅,呢间酒店推出嘅多国菜就啱晒你!从头盘、汤、主菜、意粉或意大利饭、小食等等一应俱全,唔想食太饱亦有三文治、沙律等轻食,最贴心嘅系仲有儿童餐啊。
文:Kiko
编:Kar