forte

218
32
18
餐廳: forte
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

餐廳: forte
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵牛頭角站 B6 出口 繼續閱讀
電話號碼
39688222
65080975 (WhatsApp)
開飯介紹
氣氛輕鬆優悠,商務及私人相聚皆宜。餐廳內的半開放廳房,更是各式聚會的空間選擇。國際美饌及新鮮食材是 forte 的亮點,挑動無限食慾。充滿創意的雞尾酒、專業精選的日本清酒和來自新世界釀酒區的葡萄酒的三組系列,適合配搭不同菜式,讓餐飲享受更見圓滿。 繼續閱讀
特色
同客食飯
附加資料
forte 氣氛輕鬆優游,商務及私人相聚皆宜。餐廳內的半開放廳房,更是各式聚會的空間選擇。國際美饌及新鮮食材是 forte 的亮點,挑動無限食慾。充滿創意的雞尾酒、專業精選的日本清酒和來自新世界釀酒區的葡萄酒的三組系列,適合配搭不同菜式,讓餐飲享受更見圓滿。客人可利用 iPad 以新穎的 eMenu 應用程式,點選各款菜式及時令推介,領略全新的餐飲體驗。少量素食菜式每天供應
營業時間
今日營業
07:00 - 22:00
星期一至日
07:00 - 22:00
*為保障客人健康,餐廳由即日起提供精選早餐、午市及晚市套餐,詳情請與餐廳查詢。
付款方式
Visa Master 現金 AE 銀聯 JCB
座位數目
118
其他資料
網上訂座
酒精飲品
賞訂座積分
加一服務費
清真認證食品
有關獎賞計劃
招牌菜
36 個月西班牙火腿伴無花果 牛油汁焗帶子沙律 日本三文魚及明治沙律刺身飯 法國多士三重奏 18 小時慢煮牛頰肉
食評 (322)
等級4 2021-07-15
361 瀏覽
因為入左如心嘅Vivva會,所以有一張電子生日免費Buffet Coupon可以係旗下酒店用,亦係睇完其他師兄食評先知,係完全免費,加一都唔洗呢個係半自助餐,所以有主菜揀,佢地用ipad顯示,最後都係搵返人手落單頭盤都豐富,有熟火腿,又有生嘅火腿,油花幾靚,唔太鹹,不過味道就一般刺身款式多,三文魚,吞拿魚,希靈魚,鱆紅魚,墨魚,細甜蝦。師傅應該唔識切。。。佢係由上至下直切,每片都係好細好薄片不過吞拿魚冇筋,抵讚海鮮有蝦🦐,蟹🦀,藍青口,刀貝,龍蝦尾,鮑魚,瀬尿蝦。蟹係三點蟹,細隻;蝦爽;龍蝦尾太老太實肉;刀貝多沙; 鮑魚嫩滑。有個問題係全部都冇味,鹽都冇落,係好清淡,要靠汁醬搭救,佢有Cocktail汁,泰式辣汁,辣椒豉油,紅酒醋等等選擇仲有七色焗蠔,蠔肉厚大,不過唔係每個味道都正,磨菇汁唔得,另外好食嘅有芝士肉醬,芝士明太子,鱆魚光汁主菜見有威靈頓澳洲牛柳,一於試試,果然試到伏,牛柳靭,酥皮未夠時間唔脆,而且落單冇問成數,最後全熟主菜嘅清蒸石斑魚見到係原條上,果下我真係好後悔。。。睇樣係好正,睇黎中菜先係強項😂中途會響鈴,有幾樣堂煮食物,醉蝦,辣椒膏青口,車輪芝士長通粉等等甜品都多,芝士餅,朱古力蛋糕,朱古力慕絲,意大利奶凍,芝士撻,葡撻,明月卷,重點任食M牌雪糕生日蛋糕都係Free,只係個普通戚風蛋糕生日兩個食當半價都抵玩嘅,因為環境真係靚,又乾淨企理,服務態度都好好,轉枱都冇轉樣 繼續閱讀
(以上食評乃用戶個人意見 , 並不代表OpenRice之觀點。)
旅發局早前推出「賞你住」活動,市民於合資格實體零售或實體餐飲商戶消費滿$800,即可享$500本地酒店住宿折扣優惠。九龍東如心酒店亦是參與計劃的酒店之一,扣減優惠後,只須補$200便包一餐一宿!此優惠的staycation package只包一餐晚餐in-room dining~~這頓晚餐有齊沙律﹑餐湯﹑主菜﹑甜品﹑水果及餐茶,餐湯可選中湯或西湯,而主菜亦有5款可選!我揀紐西蘭頂級羊扒,老公則揀美國和牛肩胛肉眼扒~~餐點送到房間仍能保持溫度,沒有放涼!餐湯是忌廉湯,質感較糊,湯與沙律的質素一樣普通。紐西蘭頂級羊扒,羊扒煎得軟嫩,羶香味十足,配上醬汁,感覺不會太油膩好好味!羊架的熟度剛剛好,裡邊不會煎得過熟,因此仍能保持肉汁!薯菜的調味恰好,薯仔粒的外皮烤得香脆,青瓜及翠玉瓜亦夠惹味!!美國和牛肩胛肉眼扒,牛扒夠厚身,但一點都不韌,質感都夠稔又易咬,略有牛味!!但與羊架相比,羊架更勝一籌,那陣油香實在無法比擬~~~甜品是藍莓芝士蛋糕,蛋糕的甜度尚可,質素也只屬中規中矩。水果拼盤有西瓜﹑哈蜜瓜及菠蘿,三款水果都又甜又多汁!尤以哈蜜瓜最為好吃!!凍檸茶的檸檬份量十足,茶底就是一般西餐廳的水平啊~~~雖然這頓晚餐只有兩份主菜最為出色,但享折扣優惠下,實付只是$200,又覺得幾抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-05
4399 瀏覽
如果有一個人,可以伴你身邊超過28年,噢,錯了,屈指一算,應該話超過30年,是否有點不可思議呢?由相遇、相識、相交到共度人生,建立家庭,時間就如流水,在指掌間溜走,不經意地,大家兩鬢都開始有點花白了。每年都會在同一天找個好地方,撇下家中兩隻小魔怪,跟太太靜靜地慶祝。而今次就選了位於觀塘「九龍東如心酒店」的「Forte」。對上一次過來,都已經是兩年前的事,今天再訪,想不到有驚喜。餐前先另點了一杯以金巴利汁、Vodka及Lime Juice 調較的 Cocktail ~ Cosmopolitan。由於餐廳提供 Semi-buffet,每位客人可以各選一款主菜。Semi-Buffet平日$468/位,假日就$498/位,但有一點超正攻略要同大家講,原來只要入 Vivva會,就可以係生日月份光顧時有生日蛋糕送贈(種類要視乎當日貨源),而且仲要係免費(係完全免費,10%服務費都免埋,不過只得一次機會),即係二人同行,一人價錢,當然,其中一位要付正價的服務費,但算起來如果是平日光顧,兩人同行都不過是$468+$47=$515,算起來一人都不用$260,抵食到無人信。慢燒鹿兒島茶美豚肩扒太太點的豚肩扒,伴碟有芝士焗薯及雜菜,豚肉雖然全熟,但咬落毫不覺韌及嚡口,而且肉味濃郁,鬆軟有嚼口,仲要無須加錢。宮崎A4和牛西冷扒(另加$200)作為牛魔王,當然要食牛扒,點了Medium rare,但似乎稍微過了少少火,個人喜好再生些少,但肉質的確一流,所以要另加$200都合理,而伴碟比豚肩多了烤蒜頭,焦糖化的蒜粒既香且甜,好味。特選菜色每晚餐廳都會在不同時段提供限量菜色,而今晚就總共有四款。先是「火焰醉蝦」,蝦肉爽彈又有酒香,正。然後是「辣酒煮東風螺」,辣辣地又幾惹味,唔知點解,好想加個公仔麵撈汁。第三款係「 Carbonara」,仲要係即時煮好,放落原個 Cheese拌勻,所以份外覺得rich。壓軸係「擂沙湯圓」,雖然餐廳本身有甜品同雪糕,但即煮點都吸引力大。講完幾樣必食菜色,係時候講返自助餐本身。海鮮首選一定係鮑魚,不單止大隻,而且早已處理好內臟,大家食得安心,鮑魚肉質柔韌,用刀叉享用都無問題,就連對海鮮一般既太太都大讚,絕對係一個驚喜位。仲有就係原隻大蟹,只要閣下喜歡,大可狂拆肉蟹。其他海鮮有龍蝦仔、東風螺、藍貝、瀨尿蝦、海蝦、沙白同蟹爪,種類比起之前的確多了不少,而且質素上亦有長足進步。刺身竟然有即劏鱆紅魚,已經誠意十足。加埋鱲魚、吞拿魚、三文魚、甜蝦同墨魚,解凍處理得好好,吃得出的新鮮。焗蠔絕對推薦11款口味焗蠔,中、日、韓及港式都有,真係好有創意,可惜只係試到其中7種,但已經有驚喜。湯西湯是南瓜忌廉湯而中湯是日月魚栗子煲豬骨,個人始終喜歡飲中湯,係屋企煲真係幾花時間。沙律及凍肉沙律種類幾多,而且涵括了幾個不同國家風味,有泰式青芒果沙律、香草野菌沙律、甜薯沙律、印尼加多加多沙律、胡麻醬花生芽親子沙律、韓式蘿蔔沙律、杏桃雞胸、ColdCut Platter、意式扒雜菜,食得太飽,清清地食下沙律都好。甜品先食Movenpick雪糕,仲要有意大利奶凍、瑞士朱古力、楓糖合桃、士多啤梨及雲呢拿夢幻五款口味,平日係便利店特價都要$20杯,家陣可以任食,真好。其他甜品有木糠布甸、Panna Cotta、雪之戀明月冰卷、蜜瓜草餅、紅豆和果子、朱古力慕絲、芝士撻、葡撻、朱古力柚子蛋糕、牛油蛋糕、藍莓芝士蛋糕、綠茶白朱古力慕絲蛋糕、西米椰香千層糕、紐約芝士蛋糕。其實送上的慶祝芝士冬甩已經要打包,但真係開心既,畢竟同太太「甘苦與共」了28年,當中「甜酸苦辣」一定有,但這就是人生!   繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-18
0 瀏覽
半自助餐食物種類算係咁,有海鮮(蝦、鮑魚、龍蝦仔、長腳蟹腳、賴尿蝦、蜆)、(有三文魚、吞拿魚、甜蝦等)、沙律、及少許熱食、(蛋糕和MOVERPICK 雪糕)。間唔中會搞起鐘聲推出特別的食物,如:芝士意粉、清酒煮蝦等)。味道正正常常。淨係食出面既野食其實都食得飽😅。但在疫情下食自助餐真的不太方便,口罩需要除上除落。主菜:🍽澳洲殻飼肉眼扒牛肉好香,但就有點韌。佢旁邊有粒用飯炸成既波相對較為特別及好味。生日仲有蛋糕🎂,而且仲可以免人頭費,抵!!!! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-05
1270 瀏覽
留意咗這個半自助餐好耐,昨日2021年7月5日(星期日)終於可一試,地鐵站行去約7-10分鐘全塲約7-8成滿 唔算太迫 算係新及靚裝修。昨日3人去 分別叫牛扒,牛柳及羊扒,3樣都好好食重包一杯飲品,另外可出去攞海鮮及刺身及甜品等等食物!但昨日去到就無長腳蟹食個人覺得除鮑魚好味外其它海鮮類食品味道都好一般 !總結 如果你用食自助餐去比較 你會覺得唔係咁好或抵食!但如果 你用食西餐去比較又會覺得扒類好好味重有甜品及海鮮食 就非常抵啦!補充去Vivva 做會員 生日月份的主角 可以免費享用 再去品嚐就更加抵!可以用高級版牛扒先生嚟容用! 繼續閱讀
(以上食評乃用戶個人意見 , 並不代表OpenRice之觀點。)