forte

169
23
16
餐廳: forte
優惠: 食飯都有得賺里數? 仲唔即刻訂枱?
星期一: HKD1 = 1里数,星期二至日: HKD2 = 1里数 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束。
須受其他「亞洲萬里通」條款及細則約束
餐廳: forte
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

餐廳: forte
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵牛頭角站 B6 出口 繼續閱讀
電話號碼
39688222
65080975 (WhatsApp)
開飯介紹
氣氛輕鬆優悠,商務及私人相聚皆宜。餐廳內的半開放廳房,更是各式聚會的空間選擇。國際美饌及新鮮食材是 forte 的亮點,挑動無限食慾。充滿創意的雞尾酒、專業精選的日本清酒和來自新世界釀酒區的葡萄酒的三組系列,適合配搭不同菜式,讓餐飲享受更見圓滿。 繼續閱讀
特色
同客食飯
附加資料
forte 氣氛輕鬆優游,商務及私人相聚皆宜。餐廳內的半開放廳房,更是各式聚會的空間選擇。國際美饌及新鮮食材是 forte 的亮點,挑動無限食慾。充滿創意的雞尾酒、專業精選的日本清酒和來自新世界釀酒區的葡萄酒的三組系列,適合配搭不同菜式,讓餐飲享受更見圓滿。客人可利用 iPad 以新穎的 eMenu 應用程式,點選各款菜式及時令推介,領略全新的餐飲體驗。少量素食菜式每天供應
營業時間
今日營業
07:00 - 22:30
星期一至日
07:00 - 22:30
**為保障客人健康,餐廳由即日起提供精選早餐、午市及晚市套餐,詳情請與餐廳查詢。
付款方式
Visa Master 現金 AE 銀聯 JCB
座位數目
118
其他資料
網上訂座
酒精飲品
賞訂座積分
加一服務費
清真認證食品
有關獎賞計劃
優惠
餐廳: forte
優惠: 星期一: HKD1 = 1里数,星期二至日: HKD2 = 1里数 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束。
須受其他「亞洲萬里通」條款及細則約束
招牌菜
36 個月西班牙火腿伴無花果 牛油汁焗帶子沙律 日本三文魚及明治沙律刺身飯 法國多士三重奏 18 小時慢煮牛頰肉
食評 (256)
等級4 2020-04-02
101 瀏覽
疫情下相信好多人都無乜心情外出食飯,但有時都想氹下自己開心,今晚就簡左呢間forte。入到酒店時會有職員量度體溫,大堂同餐廳分別都有自動消毒搓手液供使用。👍餐廳樓底高,空間感好強。餐牌係用iPad顯示菜單。店員亦好細心介紹套餐。晚市套餐有兩款,價錢$308、$358,$358的主菜及薯條可以任點任食的。😁🍴凱撒沙律配煙三文魚沙律菜爽脆,配埋醬汁食好開胃。🥄湯我地中西各一,西湯係周打蜆湯好順滑,中湯係椰子燉雞,好濃郁鮮甜,非常好味。🥢刺身合盛刺身有三文魚、希靈魚、甜蝦、吞拿魚,魷魚等,刺身都很新鮮。🍴冰鎮海鮮海鮮盤有青口、長腳蟹、海蝦、螺肉、蜆、鮑魚等,非常豐富,海鮮都好新鮮,味道鮮甜。🍴純種韓牛1++西冷叫左五成熟,表面帶焦香,中間呈粉紅色,肉質嫩腍。🍴澳洲穀飼牛西冷燒汁比較咸,牛肉味濃郁,肉質比較實一點。🍴美國牛仔骨朋友簡左任食果個SET,所以叫多左個牛仔骨,牛味重,口感軟腍,比西冷更好食。🍮水果甜品拼盤賣相七彩繽紛,水果有蜜瓜、菠蘿、紅桑子、聖女果、西瓜等等。另外生品仲有朱古力蛋糕布甸、迷你芝士撻,為晚餐畫上句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-14
1220 瀏覽
係疫情下 都要拍拖食飯嘅 今晚豬先生豬小姐尼到forte二人晚餐浪漫一下forte由半自助餐形式轉為點餐形式set dinner有兩款 我地各點一款 其中一款仲要係牛牛同薯條仼點 嘩 正喎冰鎮海鮮凍盤十分覇氣 非常巨型 有凍蝦 龍蝦仔 長腳蟹 青口 蜆 鮑魚雖然係二人份 但每款份量都十足 食海鮮都食到半飽冰鎮海鮮夠凍同新鮮 長腳蟹鮮甜多肉 鮑魚爽口彈牙 最愛dip像海南雞醬般嘅甜酸醬 dip後更加提鮮醒胃刺身合盛有五款 有排列美美精緻嘅三文魚 吞拿魚 𩶘魚 帆立貝 甜蝦 三文魚肥美柔軟 有魚脂香沙津菜拌了適量嘅沙律醬 剛剛夠包勻沙律菜外層 砌了玫瑰花狀嘅煙三文魚係厚厚嘅兩大片 配撘住餅乾條一齊食 過癮又match餐湯方面揀左一中一西 中湯係感覺非常住家嘅老火紅蘿蔔豬骨湯 清甜滋潤西湯係青豆煙豬柳粒忌廉湯 係超級濃縮嘅青豆精華 豬柳粒咸咸地 忌廉味不太重雖然無草青味 不過平時唔食青豆嘅朋友應該飲到咀歪歪黃金薯條嘅咸蛋黃味好輕手日式茶漬薯條有紫菜碎反而比較惹味 但薯條勝在新鮮熱辣辣炸岀仲要粗切 點茄汁都已經夠哂可口澳洲穀飼牛肉眼扒五成熟 一切內裏淡淡紅血色好吸引 牛味重口感軟腍 啖啖肉紐西蘭頂級牛柳一樣係五成熟 對比起肉眼扒口感更佳更好咬 更濃嘅牛脂味滲岀 最緊要係無牛羶味 否則豬小姐就食唔落了點海鹽或蜜糖芥末醬係最夾的了燒鸚鵡魚柳龍蝦牛油汁相對較清淡 但伴碟嘅芝士脆粒好好食魚柳皮煎至微焦 魚肉微暖嫩滑 就咁食味道會偏淡 但龍蝦牛油汁帶有苦澀味 有點不撘 反而點下醬汁盤上嘅蘋果蓉醬成件事係開胃哂 係match嘅不過人人口味唔同 但醬汁盤有成12款醬同調味料 試到您岩味為止都仲得甜品有生果同小蛋糕 為三小時晚餐畫上完美句號值得一讚嘅係侍應們都非常有禮貌 而且會留意住我地嘅進食情況去控制上菜速度 forte嘅環境風格係豬小姐喜歡嘅簡約風格 雲石 木紋 望得舒服 令我食得更加享受晚上七點都接近full house 看來大家都想來fine dining一下 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-13
832 瀏覽
如心酒店西餐廳Forte位於牛頭角,由港鐵站行過去只係5分鐘左右,雖然地點人流唔多,不過十分方便。酒店同餐廳衛生意識都非常高,入酒店時已有職員為食客量度體溫,酒店大堂同餐廳都有自動消毒搓手噴劑以供使用。👍Forte裝修高雅富有品味,由於餐廳樓底高而且座位寛闊,整體感覺好舒適。店員招待熱心,細心地為我地解說餐廳晚市套餐。晚市套餐分兩款價錢,$308及$358,主要分別在於$358的主菜及薯條是任點任食的。不過$308的晚市套餐本已有8至9個courses,upgrade至任食我地都食唔到咁多。😁晚市套餐 $308精選麵包餐包是餐廳自家制的香草軟包,既鬆軟香草味亦夠濃。刺身合盛及冰鎮海鮮刺身同凍海鮮份量同賣相都非常有驚喜,估唔到呢個價錢竟然可以嘆到鮑魚,長腳蟹等凍海鮮,鮑魚軟腍而且富有彈性,蝦肉爽甜,其他刺身亦非常新鮮。😍精選沙律酒店級數的沙律確實與聚不同,柚子味道清新,味道同煙三文魚好相配。👍餐湯黑松露濃湯配上鮮忌廉,creamy之餘松露味亦好突出。😋宮崎A4和牛西冷扒 150g (+$200)店員推介的宮崎和牛油脂分佈均勻有致,外香內軟,牛味特濃,餐廳提供左多款調味以供選擇,當中以煙燻鹽同和牛最夾。😍慢燒鹿兒島茶美豚肩扒 200g老婆點選的豚肩扒亦非常軟腍,熟度剛剛好,配以果味醬料,非常惹味。👍精選甜品酒店精選甜品賣相同味道都唔錯,最後飲埋杯咖啡,呢餐生日飯我好滿意。🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-13
643 瀏覽
是晚約左2位舊同事在觀塘飯聚,因為唔想太迫人,所以揀左酒店入面嘅Forte食個Set dinner。另一個主要原因係因為呢度嘅晚市做緊七五折優惠,個價錢同普通出去打個邊爐差唔多,所以梗係想坐得舒服啲! 呢段期間餐廳都加強防疫,門外有消毒噴霧機。內裏裝修有格調,簡潔舒服。加上高樓底,空間感好強,令人感覺好舒服!晚市人唔算多,枱面係用iPad顯示菜單。 侍應話疫情之前係半自助餐形式,但而家變咗set dinner。所以我哋選擇主菜就可以。餐牌選擇不算少,雞、鴨、牛海鮮都有。刺身拼盤先上,件數以人頭計,但都比想像中多。吞拿魚、甜蝦、三文魚、希靈魚等都新鮮!一排冇食刺身,終於可以解解癮。 然後就上沙律拼盤,四款沙律每樣都試少少,尤其鍾意煙三文魚。 我的重點還是海鮮拼盤。三人份量的海鮮拼盤着實不少。鮑魚、小龍蝦、蟹腳、鮮蝦、翡翠螺、青口、大蜆。每款都有淡淡海水味,好新鮮。尤其鍾意鮑魚和翡翠螺,入口啖啖肉!雖然配左四款醬料,但因為夠鮮味,幾乎唔使點!兩個幾月冇食凍海鮮,終於可以食到真係覺得好滿足呀~ 然後進入了主菜階段,餐湯點了野菌湯和中湯,味道都幾濃。餐包微暖,鬆軟可口。 主菜竟然有蒸魚,朋友係蒸魚怪黎,見到有當然唔放過。大大一條蒸桂花魚,簡單用薑葱豉油去蒸,好鮮甜,加上肉質嫩滑,被大家清得一乾二淨。 我當然係點牛扒啦,因為唔想加錢,所以我同另一朋友只點了澳洲穀飼肉眼扒。圓圓一嚿牛扒脂感不重,但肉味好濃,加上夠厚,所以入口有咬感。五成熟都做得剛好。無點到A5和牛,但食呢個肉眼都過足口癮。 甜品揀了芝士蛋糕和布甸,兩者不算太甜,作為飯後甜品配水果,剛剛好。 一向都不太食自助餐,因為花多眼亂、眼闊肚窄!呢個Set dinner對我黎講剛好,每樣都食到少少,加上價錢唔貴,啱晒啲想食得豐富一點但又唔想暴食嘅人。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-21
2514 瀏覽
餐廳佈置比較華麗, 餐牌在Ipad , 酒店服務都一流, 不失體面,環境和服務分都很高. 原本有半自助式餐bar, 但係而家因為流感問題無開, 變左食dinner set.前菜是刺身拼盤.新鮮既, 每份數件, 比想像中多, 三文魚吞拿魚, 鮮味比較重.味道唔錯, 會有種甘甜的味道!沙律,方面算係豐富, 選擇比較多, 但是份量都是有點多, 前菜加沙律感覺都有點飽肚.. 醬汁可以不點本身味夠濃. 煙三文魚尤其地好食, 除了鮮味夠之外, 我喜歡它的口感比較彈牙.海鮮拼盤一樣都係十分豐富, 冷盤來, 洗得好乾淨, 值得一提的是鮑魚口感十分彈牙,服務照舊好好, 開好晒比我地, 不過最估到都係份量, 主菜未到我已經有點飽.蟹腳雖然麻煩小小比較難開,但係蟹肉味好重, 好味, 再辛苦都要慢慢開啦!主菜終於要來啦, 都係最精彩既一道菜, 立首先A5牛柳我覺得好食過西冷, 第1牛柳本身帶小小油脂, 味道重味d 油花味會比較重, 口感彈牙,問題係油脂重既話會好易濟, 所以share食會比較好. 蒜既呢隻整法已經好多高級餐廳都應用, 其一佢可以將好重既蒜味去除, 令客人直接食用都唔會感到好大蒜味.其次蒜本身好有益, 呢隻食法會令多左人願意食蒜,口感似薯蓉,入口即溶.薯蓉方面, 佢整到成個梨咁, 外觀加分, 入面係薯蓉+玉米粒. 味道會比較甜, 細細地飽肚用.前面已經食左好多前菜所以呢到薯仔需求就唔洗太大.甜品係芝士蛋糕, 一口可以食晒成件既size, 加小小水果幫助消化, 仲有個細既哈根大師! 整體而言,最出色係服務同環境, 食物份量真的有點多, 味道大多數都出色, 比較突出係a5牛柳 繼續閱讀
(以上食評乃用戶個人意見 , 並不代表OpenRice之觀點。)