【2019圣诞】圣诞送礼 得体礼物建议
2019-12-13

就到圣诞节,总会觉得莫名嘅紧张~又交换礼物,又抽奖,买咩礼物次次都谂到头爆!想送得得体又实际,最好睇得又食得?以下搜罗咗唔同嘅圣诞礼物,包你今年可以做个称职嘅「圣诞老人」呀~

朱古力及礼盒

奢华甜蜜之选 Sugarfina®


Happy Holidays Candy Bento Box™ 糖果礼盒

呢间美国精品糖果店嘅礼盒出名奢华!圣诞倒数日历「冬日小屋」除咗可以倒数,仲有24款唔同口味嘅糖果,好似黑朱古力海盐焦糖、菠萝软糖等。而上年热卖嘅糖果礼盒亦再次登场!内有香槟小熊软糖、棒棒糖焦糖白朱古力等唔同口味,简单得嚟又够得体~

圣诞树礼盒  Schoggi Meier


亮丽圣诞树朱古力礼盒(10 粒装)

呢个朱古力品牌今年推出圣诞树造型嘅朱古力礼盒,bright bright嘅圣诞树上,挂上食得嘅圣诞装饰(即系朱古力~),真心靓!礼盒内有5款唔同口味嘅朱古力,如红桑子、焦糖杏仁、香橙等,都系用瑞士原材料100%可可脂朱古力制作,味道香浓口感幼滑。

朱古力控必送 GODIVA


GODIVA 2019圣诞巧克力珠宝礼盒42颗装 

呢间朱古力品牌今年推出唔同size嘅礼盒,最大份嘅有42粒朱古力,粒粒都唔同造型、唔同味道,最特别嘅造型莫过於「传统圣诞蛋糕Christmas Bundt Cake」啦~当中有胡桃白朱古力、香橙黑朱古力、杏仁牛奶朱古力等,一次过食晒唔同层次嘅朱古力!

丰富圣诞礼篮 Venchi


白色圣诞礼篮;经典木制圣诞礼篮

朱古力总有种魔力会令人食唔停!呢间朱古力品牌就推出多款圣诞礼篮,大大份,有晒唔同口味嘅朱古力~今年仲有全新嘅圣诞朱古力——红莓可可碎松露朱古力、56%黑朱古力球,无论系锺意食带果香嘅,定微苦嘅,都满足到!

软心朱古力 Lindor

好多女生都锺意食朱古力,够sweet嘛。Lindor软心朱古力特别推出圣诞版,其中金色嗰盒仲有4款口味添,原味、纯味、榛子同白朱古力,买嚟送礼定系派畀同学、同事都好开心。

法式奢华礼盒 JUNON

由艺人轩仔开设的餐厅品牌,一向推出嘅产品出晒名靓,今年嘅圣诞礼盒都唔例外,分「Premium」、「Deluxe」、「Holiday」三款礼盒。造型型格,暗红嘅用色充满神秘感,而里面嘅礼品就更加吸引!包括法国红酒、法国鹅肝酱、自家制曲奇、自家制法式蛋白饼等,好丰富!

麻辣蝴蝶酥   皇玥饼艺

呢间由前酒店大厨主理,主打传统饼艺嘅舖头,最近推出多款独创口味嘅蝴蝶酥,其中以麻辣蝴蝶酥最为特别,混入多种唔同辣度嘅辣椒、川椒砌粒磨粉,食落初头好似冇咩事,但慢慢就会渗出阵阵麻香,再辣落喉咙,都咪话唔刺激;小米亦系首创口味,用上加拿大有机小米制作,烟韧有嚼劲。

传统茶叶礼盒 福茗堂茶庄


品茗百态时尚礼盒

边个话圣诞一定要送朱古力、曲奇!?送茶叶都不失为一个有格调嘅选择呀~呢个茶叶品牌邀请咗有名嘅插画师Wingki Kwok设计礼盒,时尚感十足,里面有「潮安凤凰单欉」、「福鼎茉莉毛峰」两款茶叶(亦可自己选配)。同时推出以西方名画为主题嘅Goebel礼罐,好似梵高嘅《开花杏树》咁,结合西方艺术同传统茶叶,如果你身边有朋友锺意饮茶就啱晒~

酒类

酒控必爱 Berry Bros. & Rudd


经典晚餐美酒套装;BBR圣诞晚餐美酒套装

圣诞佳节又点少得饮靓酒呀?呢间历史悠久嘅酒商今年推出嘅「经典晚餐美酒套装」,就包括香槟、气泡酒、白酒、勃艮第红酒,适合配搭唔同嘅前菜,啱晒圣诞party嘅happy time啦~佢哋仲推出「BBR圣诞晚餐美酒套装」,包括6款葡萄酒同威士忌,酒鬼聚会就fit晒。

干邑界艺术品 轩尼诗


2019 UVA 限量珍藏版;经典鸡尾酒特别版

轩尼诗今年推出限量珍藏版干邑,单系礼盒设计已经系件艺术品咁。采用特殊物料以呈现出跃动感,再配上金属铜色嘅干邑,显得特别矜贵~仲有经典鸡尾酒特别版,礼盒仿傚1920年代的法国怀旧海报,饮落都特别有味道呀~

召唤葡萄酒fans CLOUDY BAY

朋友系葡萄酒fans嘅话,送呢支白葡萄酒就实冇死啦!近几个月先首次喺香港亮相咋,够晒新!嚟自纽西兰名酒庄嘅2019年白葡萄酒,因为今年嘅天气畀咗一个近乎完美嘅生长环境,葡萄生得晶莹剔透,而酿出嚟嘅葡萄酒更加系醇厚匀和。

贴地搞鬼手工啤 友

想送得causal啲嘅话,送本土手工啤都系个唔错嘅选择~呢个品牌富香港feel,最近rebrand过,玩味十足!分别设有3款唔同口味嘅手工啤﹕「波友」、「发烧友」同「猪朋狗友」,各使用唔同材料、技术而酿制,同friends子打边炉、食大排档就fit晒啦!波友系款传统lager,带有柑橘香气;发烧友混合多种啤酒花进行冷泡法酿制,渗出热带水果香;至於猪朋狗友,则加入芫荽、陈皮等地道材料,相当特别。

文﹕Kiko


关键字
2019年
圣诞节
礼物
糖果
朱古力
茶叶
干邑
鸡尾酒
葡萄酒
手工啤
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】零食速报 每周新款零食、酒品点评
2天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
2天前
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【最平$298最贵$938】佐敦新开日式和牛烧肉放题 独家引入鹿儿岛小田和牛
5天前