【特约分享】新年去始创 食尽中、日、国际贺年佳肴
2020-01-13

新年最重要系团团圆圆,约齐亲朋好友聚首一堂食餐好!食饭选址交通便利好紧要,位於旺角嘅始创中心就够晒方便,交通四通八达,商场除咗汇集约200间唔同类别嘅商舖,仲齐集中、日、国际美食佳肴,选择多多,梗有一间啱大家口味,而家仲要有唔少食肆都推出新春优惠𠻹!

坐得舒服 简约风高质西菜
锺情西餐嘅朋友有口福喇,始创中心内嘅西餐厅喺呢个新春就推出超值着数优惠,以下介绍嘅两间食肆,都系HK$200就有找嘅高质西餐,小家庭或情侣们系新年想食得划算就啱晒啦。

Amica(3楼315-317号舖)

餐厅光线开扬,座位舒适阔落,畀到你有种酒店级嘅感觉。一问之下,原来真系由前酒店大厨主理,食物质素有保证,价钱亲民,除咗咖啡、特调饮品、意粉同汉堡外、仲有潮流大热嘅慢煮菜式𠻹。

慢煮西班牙伊比利黑毛猪鞍扒系以较低温度用长时间慢慢煮熟肉扒,令肉扒更鲜嫩多汁,今次更用上西班牙黑毛猪,特点系以橡木子为主饲料,令肉质无猪肉羶味之余仲带有榛果香味,入口唔觉油腻,营养价值高而且健康,只需HK$198就食到,真系非常超值啊!

而家Amica仲推出冬日限定优惠,奉送鲜果朱古力火锅(价值HK$128),锅底系55%意大利黑朱古力,将配料棉花糖、饼乾条、士多啤梨、哈蜜瓜同蓝莓等沾上朱古力同食,甜而不腻,滋味无穷。


Amica新春优惠详情

慢煮西班牙伊比利黑毛猪鞍扒 HK$198(优惠期︰即日起至 2020年1月31日)
冬日限定朱古力火锅(需惠顾晚餐满HK$500,每日限量10份)(优惠期︰即日起至 2020年1月31日)

(订座电话2338 6828 )

RBTea(2楼232号舖)

简约森林系嘅RBTea 以浅木色为主调,清新雅致,充满大自然气息,店内仲有特式秋千座位,又好玩又可以影相,同闺蜜、伴侣或者小朋友嚟必定开心。食物方面主打Fusion 西餐,菜式种类多,除咗必有嘅靓扒、意粉、薄饼外,女仔一定锺意嘅松饼更全日都有供应,有咸有甜超多配菜选择,成班人欢聚一齐Share 就最啱。

而家RBTea仲推出新春优惠,只要HK$139就食到纽西兰黑安格斯西冷,黑安格斯牛以天然草饲饲养,西冷扒足8.5 安士,相当厚身,肉质鲜嫩,微微焦香,牛香味浓,呢个价钱仲包埋沙律/餐汤、脆薯角/饭/意粉 同餐饮,份量十足,真系相当抵食!

RBTea 新春优惠详情

纽西兰黑安格斯西冷(8.5安士)HK$139
优惠期:由2020年1月24日 至 2月2日

(订座电话 2625 1833 )

喜庆团圆 丰盛中菜
农历新年系一家人团聚嘅大日子,食一餐丰盛嘅团年饭自然唔少得,而热闹喜庆嘅中菜往往系最佳选择!始创中心其中2间人气中菜馆就特别推出新春优惠,海港酒家推出嘅12位全包宴最啱大家庭热闹开心一齐食;而小家庭就可以拣夏面馆,有2至6人贺年套餐,菜式丰富,用料新鲜,绝对值得一试!

海港酒家(4楼401号舖)

一直走大众化路线,价钱实惠选择多,食物质素亦唔错,驰名全港嘅烧鹅皇、游水海鲜都做到质优价廉,人人赞赏。海港酒家系今个新春推出珍超值全包宴(12位用),包括有够晒好意头嘅金猪全体贺新春,超鲜味西兰花带子炒珊瑚蚌古法蒸花尾斑同甘香松脆嘅脆皮酱烧鸡等,8款精选菜式加埋甜品枣蓉糕同2渣橙汁都系HK$2,988(星期一至五),三千蚊有找就食到一围丰盛晚宴,份量连大家庭都够食,绝对物超所值!

海港酒家优惠详情

珍超值全包宴(12位用)HK$2,988(星期一至五)、HK$3,388(2020年1月24日、星期六、日及公众假期)
8道菜式:金猪全体贺新春、西兰花带子炒珊瑚蚌、脆皮奶百花球、原只鲍鱼扣花菇、竹笙海皇烩燕窝或鱼翅、发财好市瑶柱脯、鸿运古法蒸花尾斑、新春脆皮酱烧鸡、鸿运年年枣蓉糕
优惠期:即日起至2020年2月9日

(订座电话 2369 6380)

夏面馆(1楼115C号舖)

新年除咗粤菜之外,上海菜亦系唔错嘅选择,夏面馆以自家制面条打向名堂,面条清淡爽口,软硬适中,并主张少油少调味,煮出食物嘅真正味道,十分常适合现代健康饮食新潮流。佢哋更由2006年起连续三年获得「上海最佳食府」嘅美誉,尽显正宗沪式传统风味。


今个新年夏面馆分别推出2人、4人或6人新春贺年套餐,价钱由HK$388至HK$1,080,2人套餐嘅菜式有齐汤品、主菜同甜品,当中包括有招牌酸辣汤芙蓉赛螃蟹鲜肉小笼包,款款美味可口,食得丰富又饱足。至於6人套餐,要特别介绍其中一款上海名菜—砂锅馄饨鸡,系用原只靓鸡同金华火腿熬制成奶白色嘅上汤,再加皇牌云吞吸收汤中精华,滋润无比,冬天食好暖胃。至於大小朋友都锺意嘅松鼠桂鱼,鱼肉外酥内嫩,加埋秘制甜酸酱汁,十分醒胃!套餐仲包括镇江肴肉虎皮素鹅黄金虾球津白肉丝炒年糕等多道上海经典菜式,非常丰富。每款都系用心制作,用料充足,令人回味无穷。

夏面馆优惠详情

新春贺年套餐 2人餐HK$388、4人餐HK$738、6人餐HK$1,080
优惠期:2020年1月17 至 1月31日

(订座电话: 2111-3998 / Whatsapp: 6734-0290)

健康好意头 精致日本菜 
日本菜一向被认为系一丝不苟、十分精细嘅美食,并善用四季嘅新鲜食材,发挥食物嘅天然味道。今个新年嘅团年饭,若想食得清新健康,不妨一试始创中心嘅日本菜餐厅,必定令你耳目一新。

元気寿司(3楼334号舖)

呢间寿司店开创回转寿司先河,将日本寿司文化发扬光大,并致力以优质食材、物有所值嘅价钱同不断创新嘅精神,为顾客带嚟正宗嘅日式餐饮体验。

元気寿司喺今个农历新年,除咗为大家送上外卖新年盛外,仲继续送上好意头嘅「风生水起有捞起」HK$198,材料有三文鱼刺身、椰菜丝、紫椰菜丝、青瓜丝、甘笋丝、中华沙律、姜丝、红姜丝及白萝卜丝,加上花生碎及松化薄脆,再配以特制梅子酱汁、调味粉,然後一边捞一边说吉祥语,祝大家愈捞愈旺、风生水起!

元気寿司优惠详情

2020年1月21日或之前订购「风生水起有捞起」外卖自取,可享85折优惠。取货日期由1月22至29日。

(电话 2399 7178)

居食屋「和民」(地库B01A, B10-12 & B14号舖)

装潢休闲简约,座位舒适,以和食料理嘅方式烹调,食材用料新鲜,更喺日本当地开设和民农场,以便第一手得到最新鲜同优质嘅食材。

冬天成日心郁郁想食锅物,今个新春居食屋「和民」就特别推出北海道牛乳忌廉牡蛎锅,就算只系一个人食都得,1人前只需HK$99!想热闹啲约埋三五知己齐齐食亦可选2至3人前,只系HK$149。汤底加入咗由日本北海道出产嘅牛乳,日本嘅空气同饲料都极佳,出产嘅牛乳自然高质啲,汤底更特别香滑Creamy 。而牡蛎则来自广岛,肥美鲜甜、入口爆汁,加埋新鲜蔬菜,健康养颜。


居食屋「和民」优惠详情

北海道牛乳忌廉牡蛎锅 1人前HK$99、2至3人前HK$149
优惠期:即日起至 3月上旬

(订座电话 3167 7426)

始创中心「金『鼠』迎福」幻彩利是封

食固然重要,但农历新年嘅主角又点少得「利是」!想搵啲靓靓嘅利是封?始创中心推出咗「金『鼠』迎福」幻彩利是封,以幻彩镭射烫金、3D立体凹凸压印技术印上金鼠同贺年字句,设计得体又有质感。而家仲可以免费换领𠻹,快啲留意以下换领详情啦!


换领详情

日期:2020年1月10日至1月24日
时间:(首轮)中午12时至晚上6时30分;(次轮)晚上6时30分至9时
地点:1楼顾客服务中心
换领方法:始创中心Fun享卡会员消费满HK$50 + 1,500积分或顾客消费满HK$300,即可免费换领「金『鼠』迎福」幻彩利是封乙套,(一套共8个,每款2个)。每日数量有限,先到先得,换完即止。

始创中心

www.pioneer-centre.com.hk
地址:九龙弥敦道750号
交通:太子站B2出口

利是封换领须受有关条款及细则约束,详情请参阅场内有关告示。

客户专讯
餐厅资料
更多
收起
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
1天前
全城抗炎 与医护同行!提供医护餐饮免费优惠餐厅一览
2020-01-31
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎!卫生保障 推行防疫措施餐厅一览
2020-02-07