【开饭热店入围名单巡礼】东区坐大!串烧抹茶火锅西餐样样有
2018-03-12

美食当前,相机食先。作为foodie,先影为敬再放上IG直情系反射动作!优秀开饭热店2018以「美食大晒 尽情Show Quali」主题,无论你系食家定系大厨,有好嘢自然要晒一晒!即刻睇睇各区同各类型必试热店如何大晒功架!




通常我哋 #搵餐厅 #开饭,东区未必会系我哋first choice,但东区越嚟越多好食又出名嘅餐厅进驻,而呢啲餐厅五花八门,#火锅店、#甜品店、#串烧店、#西餐厅乜都有齐,要搵食亦相当方便!今年嘅 #优秀开饭热店大赏,有10间东区候选食店,当中大部分都系首次入围,即刻睇睇有乜好味餐厅先!


饮杯清酒叹串烧 桻之烧

位於筲箕湾嘅港式串烧店,比起其他串烧店好多海鲜选择,有烧蛏子、原条烧海鱼、烧花蟹、鲍鱼、象拔蚌等等。有串烧点可以无酒精?店子供应一系列清酒,推介日本纯米吟酿。

图:GaryShengcarykof


日厨主理人情小店 坐忘

喺日本川崎经营同名餐厅超过17年,主厨Fujita Kenta讲求无味精、多蔬菜、少油、无添加,连餐具都特别采用无害陶瓷,好贴心。招牌推介有一日野菜咖喱配特式饭、日式滑蛋牛肉饭及猪软骨拉面。

图:minidancechachalin


米芝莲意式餐厅 CIAK - All Day Italian

呢间由米芝莲三星名厨Bombana担任顾问嘅意大利餐厅,连续两年夺得米芝莲一星,主打薄饼、手工意粉、面包、甜品等传统意大利菜,分量都几多,最啱一班人齐齐开心share。

图:贪食的露露李家大少


小巷中家的味道 点·子·巷

虽然置身小巷之中,但小店装潢份外鲜明。店子主打多款台式粉面、米饭、小食以及各款特饮,当中最受食客欢迎嘅系呀婆葱油鸡丝捞荞麦面,鸡肉嫩滑之余,面条烟韧有致,配埋清香葱油更觉惹味。

图:Sweetdiegrandpa小东


超浮夸宫廷火锅 滚得囍宫廷火锅小炒

装修、枱凳、餐单、火锅都大走宫廷路线,各款锅物亦相当吸引,例如宣统原只龙虾浓蕃茄汤锅、顺治特色卜卜蚬锅、同治天麻鱼头汤底等。用料亦非常高质,如即炸黄金响铃、鹿儿岛黑豚肉、各款手打丸子、墨西哥象拔蚌刺身等,深受各位食家热捧。

图:食之肥仔小诗...


京都百年抹茶老店 京林屋

京林屋系来自日本京都嘅抹茶老字号,采用由京都总店直送到港嘅抹茶,并供应一系列抹茶、焙茶甜品如抹茶芭菲、抹茶雪糕、秘制抹茶蕨饼、栗子蛋糕等。除咗甜品,餐厅亦提供少许日式咸食,包括:京式鳗鱼饭、和食料理等。

图:邓王仔mjqueen7e


平民价豪食花胶 捞喜

餐厅老板兼总厨曾经喺着名中菜馆工作,以名贵花胶入馔,再用鲍鱼汁扣至软腍入味,价钱却非常亲民,非常抵食。店子必食推介包括:招牌花胶捞、花胶炖鸡、南非鲍鱼捞等。

图:clarina12dec1225


除咗以上首次入围嘅餐厅之外,仲有几间经常入围嘅东区食店,分别有主打驰名鸡蛋仔嘅低调高手大街小食、位於鰂鱼涌嘅AGE Cuisine Express以及专食潮州菜嘅煮打菜打冷小菜馆。边间食店最後能够成功跑出?就要视乎各位所投嘅一票喇!投票之余更有机会获得丰富奖品呀,而家就去投票呢边啦:https://www.openrice.com/info/awards2018/index.html


文:Joy

关键字
优秀开饭热店大赏
东区
火锅
甜品
串烧
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!9月寿星叹Omakase送寿司蛋糕+清酒
2021-08-31
【随时更新】零食速报 每周新款零食、酒品点评
3天前
【特约分享】Happy Hour饮番杯Schweppes®期间限定特饮!9间必去铜锣湾餐厅(上)
2021-08-24
【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31
自家制作!五间手工意大利面专门店合集
2021-08-24