Video
2-min walk from Exit C, Causeway Bay MTR Station
continue reading
Telephone
97255779
Introduction
This stylish Japanese yakiniku restaurant features Japanese A4 wagyu beef and seafood. Guests can freely pair their meats with a selection of six dipping sauces. Additionally, the restaurant offers a variety of Japanese sake to complement the dining experience.
continue reading
Opening Hours
Today
12:00 - 16:00
17:30 - 22:30
Mon - Sun
12:00 - 16:00
17:30 - 22:30
Above information is for reference only. Please check details with the restaurant.
About Reward Scheme
Offers
大家中意食燒肉放題定係單點呢😎我自己就比較愛食單點既燒肉慢慢食唔洗急而且肉肉quality通常都比較好🤤環境感覺去左日本居酒屋🏮享受食燒肉既樂趣重點埋單價錢同放題差唔多👍🏻人均300左右食到燒肉拼盤 燒扇貝仲有飯同烏冬仲有🍻💫📍殿堂九品盛 HKD398有和牛脊肉 牛小排 厚切牛舌 牛五花同牛柳🥩另外仲有黑毛豬豚腩片同雞肉等等🤤全部燒肉都好厚切 呢個厚度食到好滿足🩷和牛脊肉好好味 超多肉汁牛味濃郁💦厚切牛舌成功燒到外焦內嫩 口感Q彈爽口👅豬豚腩片都好正～沒有騷味好香豬油味🐖📍牛油鹽蒜元貝2隻 HKD68呢個size同調味同黑門市場食果啲有得揮架👀隻隻都大粒飽滿 店員好nice幫我地燒埋一份🤲🏻味道好鮮甜鹽蒜調味剛剛好唔會搶味 必食推介🤤想encore既話加98蚊可以無限追加元貝!!📍殿堂玉子飯🍚 HKD42食燒肉必嗌的「牛角飯」有溫泉蛋 巨量的蔥 飯素同埋紫菜一啖燒肉一啖飯反而愈食愈開胃👍🏻📍明太子撈烏冬伴月見🍜 HKD58落左好多明太子咸咸香香 撈埋隻溫泉蛋🥚烏冬爽口彈牙夠煙靭配埋鰹魚湯又唔錯喎📍ORION冲繩啤酒買一送一🍺🍺HKD58買一送一好抵飲 兩杯大大杯500ML食燒肉真係要配啤酒先夠爽🧊
continue reading
去完日本旅行又心掛掛想食燒肉🤤今次就揀咗去呢間喺銅鑼灣嘅「燒肉の殿堂」刷餐飽貪佢可以以最超值嘅價錢食到日本和牛ꉂ೭(˵¯̴͒ꇴ¯̴͒˵) 餐廳位於銅鑼灣The L. Square 樓上舖，位置就腳餐廳雖然唔算好大，但坐得舒服店內通風亦都幾好👍🏻當晚入座無耐幾乎全場爆滿，人氣相當高依家佢哋做緊一周年感謝祭限時優惠🫶🏻凡惠顧殿堂盛盒或二人前，每人+$98 就可以任食鹽蒜元貝90分鐘！個優惠有機會做埋三月就完㗎喇‼️想再食平啲可以午市或者8:30後光顧，午市4:00前離座享有75折晚上8:30後有大割引，大部份單點食品$20起，$78就有和牛食，認真抵食😍仲有沖繩生啤500ml做緊全日買一送一優惠，一人一杯都係$58🍻 清酒全日都有75折優惠🍶咁抵玩唔怪得咁多人嚟，仲唔快快脆脆約朋友食😂✦ 殿堂九品盛 $398呢個盛合係我暫時食過價錢最相宜嘅🙌🏻 一個盛合有齊7款牛，1款雞肉，1款豬肉👐🏻 有封門柳、厚牛舌、牛小排、雞爽肉、西班牙黑毛豬腩等等當中個特級厚牛舌幾出色，軟嫰彈牙⁎⁍̴̛ᴗ⁍̴̛⁎鹽蒜牛小排同另外幾款汁燒牛肉調味啱啱好，唔會過鹹，食落好香口！肩胛赤身油花豐富，有甘甜油脂香牛板腱相對無咁多油，肉味濃啲又有咬口就算係雞爽肉同黑毛豬腩嘅質素都唔錯！✦ 明太子撈烏冬伴月見 $48有熱湯、明太子、紫菜、蔥花及溫泉蛋🥚明太子份量算多，撈勻後蛋汁依附喺烏冬上湯汁及微辛辣明太子令味道更鮮香烏冬韌滑，蛋味香濃😉✦ 殿堂玉子飯 $38條佬食親燒肉必定要叫飯食🍚與其叫白飯，不如叫碗玉子飯無咁單調，又大碗啲，價錢唔差得遠碗內有紫菜、味素、蔥花及溫泉蛋拮穿溫泉蛋再撈，珍珠飯多一份潤澤多一份蛋香兩個人share食都好夠食完好滿足好飽🤰🏻✦ 月伴紫林 $38 & 玫瑰玉林 $38兩款都係夏日限定飲品月伴紫林就係原味可必思+ soda，加咗蝶豆花變成靚靚紫色特飲✨ 玫瑰玉林係巨峰可必思+soda，酸酸甜甜，鍾意呢杯多啲！兩杯都唔會過甜，配燒肉食解到膩，爽呀🤭
continue reading
今日同老公嚟到燒肉之殿堂日式燒烤店。餐廳好有日本風格，卡位坐得好舒服，食物仲好有質素，價錢亦吾夠 好滿意加$98無限任食90分鐘牛油鹽蒜元貝大大粒的元貝 配上牛油鹽蒜 味道鮮甜 蒜香十足A5 肩胛特選 $88A5肩胛特選油脂分布平均 入口非常軟滑 牛味濃郁 必點推介厚牛舌 $78牛舌質感厚實 口感彈牙鹽蒜小牛排 $78鹽蒜香濃惹味 配上小牛排 肉質夠腍 口感豐富蔥山薄牛舌 $68薄牛舌配上多香蔥 好香口薄豬腩 $48薄豬腩油脂十足 味噌醬提升味道層次感殿堂玉子飯 $42玉子飯 飯面鋪滿紫菜、飯素、香蔥，仲有一隻半熟日式蛋，好味道，配合燒牛一齊食 味道非常夾古早冰菠蘿柚子梳打 $38熱情的沙漠 $38熱情果特飲同菠蘿柚子特飲 清爽解渴 又吾會太甜 好啱作日式燒烤的飲料
continue reading
[ #caloriefoodie銅鑼灣 ]• 燒 肉 の 殿 堂 •🐿🦦-小鳥胃食燒肉的話 一定單點比較划算🤑所以卡里呢家都係鐘意去單點燒肉店多啲!!而呢間每逢星期一至四20:30後可享有激安割引價用更加平靚正嘅價錢食到高質日本A4和牛🐮12月更可以每位加💰$98 任食鹽蒜元貝90分鐘⏱️-🧈 牛油鹽蒜元貝放題 💰$98/人平時賣緊💰$64/兩隻 只要每人食夠4隻就可回本!!而且每隻元貝都大大隻 大約燒5-8分鐘就食得✨差唔多食得嘅時候 元貝就可以脫殼 再燒埋另一邊重口味人仕仲可以額外加啲鹽蒜🧄-🐮️ 日本A4和牛 • 特選肩胛 💰$78🐮️ 日本A4和牛 • 肩胛赤身 💰$78呢兩款都係A4和牛 望落油花已經好靚而食落都係油脂感最豐富嘅兩款!!口感上特選肩胛就厚啲 而肩胛赤身就薄啲卡里同卡路都係比較鐘意有咬口嘅特選肩胛✨-🐮️ 鹽蒜小牛排 💰$68呢款小牛排加咗好多鹽蒜 燒嘅時候好香口但啲鹽蒜好容易跌晒落爐板上🤣-👅️ 特級厚牛舌 💰$68卡里覺得呢款牛舌好難控制火喉但時間控制得啱啱好嘅話 就會燒得好好食 咬落去個口感好正😳不過成功率係25%-🐷 西班牙黑毛豬豚腩片薄切 💰$48鐘意燒到個油脂位脆卜卜 成塊豬豚腩片更香口!-🍚️ 殿堂玉子飯 💰$46有溫泉蛋、紫菜、飯素等配料溫泉蛋可以篤爆 再將蛋漿同其他配料混合同燒肉一齊食 可以減少食膩咗嘅感覺-🏵️️ 花粉情綿 💰$42玫瑰花、柚子蜜、梳打-🌹 玫瑰玉林 💰$42玫瑰花、巨峰可爾必思、梳打-📍 銅鑼灣駱克道459-4 61號The L. Square 9樓-#caloriefoodie #caloriefoodie燒肉
continue reading
Eattobefit.hk呢間燒肉嘅性價比都幾高，價錢算平，而且餐廳仲做緊宵夜時段20:30燒肉大割引，低至$20起🤩 午市16:00前離座，單點食品亦都有7折！另外，餐慶祝一周年感謝祭，只要享用一期一會、九品盛、大阪城盛合，就可以加$98任食元貝放題😋💪🏻 A5肩胛特選、肩胛赤身($88)A5和牛嘅肩胛肉油脂分佈好平均，外觀好靚！赤身相對薄身啲，特選就厚肉啲，但兩者食落都牛味香濃，油香突出🤤 而且肩胛特選肉質勁淋，，入口軟滑😋💪🏻 鹽蒜小牛排 ($78)小牛排份量充足，肉質淋，油份十足🤪，而且加上蒜蓉醬，令到燒肉有另一種食法！💪🏻 厚牛舌、蔥山薄牛舌 ($78、$68)牛舌切得好厚身，而薄牛舌都切得好大塊😚 牛舌嘅質感厚實，食落好煙靭！💪🏻 薄豬腩 ($48)薄豬腩油份同樣充足，肉質淋，而且有加上味噌汁令道個味道更香！💪🏻 鹽蒜元貝 ($96)元貝大大隻，食落新鮮！而且上面鋪滿咗蒜鹽，蒜香味十足🤤而且燒嘅時候水份同油份充滿，唔會燒到乾晒，食落保持到濕潤！💪🏻 殿堂玉子飯 ($46)玉子飯除咗有半熟溫泉蛋，仲有紫菜、香蔥同日式飯素，再加埋燒完後滿滿油香嘅牛肉一齊食，味道一流😍💪🏻 白雪奇緣、熱情的沙漠($38)白雪奇緣係荔枝乳酸沙冰，而熱情的沙漠就係熱情果特飲，兩杯都好fresh唔太甜，啱啱好中和番燒肉嘅油膩😚宜家餐廳亦都做緊清折75折同埋沖繩生啤買一送一嘅優惠，鐘意飲酒嘅朋友可以塊試下！味道：8.5/10性價比：8/10食住瘦指數：💪🏻/5
continue reading