8
3
0
3-min walk from Exit D1, Central MTR Station continue reading
Telephone
23282318
Opening Hours
Today
12:00 - 15:00
18:00 - 22:30
Mon - Sun
12:00 - 15:00
18:00 - 22:30
Public Holiday
12:00 - 15:00
18:00 - 22:30
*last order: 14:30 (lunch); 22:00 (dinner)
Payment Methods
Visa Master AlipayHK Alipay Cash AE UnionPay WeChat Pay
Other Info
Alcoholic Drinks
May Bring Your Own Wine
VIP Room
Phone Reservation
10% Service Charge
Above information is for reference only. Please check details with the restaurant.
Review (14)
Level7 2022-07-06
2094 views
早於去年十二月經已留意到中環區鄰近老蘭有新店裝修,結果等到四月尾終於睇住光亮起眼嘅「赤身燒肉 USHIO」正式開幕,五月中即約同幾位牛魔王晚聚一試。餐廳傍晚準六點開門,當時晚市仍因限聚令而分六點及八點兩輪進行。安心進場後,即留意到店子獨家代理鹿兒島直送嘅「新村和牛」,細問下得知日式燒肉專門店源自福岡,總店除咗同為選用此款鹿兒島黑牛之外,為隆重其事,疫情下都堅持要派當地熟練嘅師傅主持香港分店,日本過江龍態度果然認真!餐店面積寬廣,裝潢簡約但不失時代感。步上樓梯,直入有多個吧位圍繞著日籍主廚嘅大舞台,每二人一組地以抗疫膠版隔開,因有專人代燒,故最為搶手。小肥訂座時唔知有總店嘅師傅駐守及設有吧位,當晚六人就被安排入座右方隔壁散座廳最入嘅一張長型大枱;幸好大廳開揚通爽,餐桌間之空間感足,而且抽氣系統夠強,飯後身上都冇沾上一陣強烈嘅燒烤味。樓梯向右U-turn仲有間可容納八人嘅私人廂房,最低消費額為一萬大元,不過似乎唔難達標,因為當晚六人都已經過咗。餐桌上除咗有燒烤爐,每位席上都擺有齊備嘅自用餐具、口罩套、餐巾、濕紙巾及調味料。三款調味料左起分別為昆布拼山葵、岩鹽、秘製燒烤汁。開瓶費為$500/樽普通裝紅、白、汽、清酒,從兩頁酒牌上每叫一枝酒即可免一枝開瓶費。配備清酒,貴客可自選靚靚清酒杯。因早已答應八點前要還枱,而且大家有意一嚐Ushio香港店限定發售嘅「Fusion 2022 “Delightful”」($698/枝),所以就冇自備酒品;無奈粉紫色嘅清酒x葡萄酒混合體飲落勁似提子味汽水,甜得黎酒味欠奉,唔係咁啱長輩口味囉。結果都係要叫返枝大路啲嘅「作 雅乃智 中取り」($688/枝)先可稍微平復酒鬼們嘅酒癮。食物餐牌共有底面兩頁,初次到訪唔想太傷神就清一色點選多道菜嘅廚師發辦「和 おまかせコース」($1,388/人)。USHIO沙律:為晚餐作序每人先有一客清爽開胃嘅招牌沙律。每日前菜:前菜每天不同,當晚嘅魚子醬和牛海膽卷淨聽三款主材都知屬勁量級。色澤彩艷嘅刺身組合外軟內嫩,潤而不膩,三種鮮濃嘅味道極之協調,簡單以鹽片、紫蘇花及山葵點綴已能添上芳香及提鮮,而且齒頰留香,冇得彈呀!伴菜盛合:由於和牛嘅油脂十分豐腴,套餐刻意伴配三款香辣爽脆嘅泡菜以供食客中途作間場享用,順便可一解膩感。年輕嘅Ivan哥哥友善落力,落單時雖說散座客人要自己燒煮食物,駐場嘅服務團隊會在旁協助及提點,或許眼見席上大多為七旬長輩,XO仔又要再三請教何時燒煮厚白嘅肥膏最為恰當,結果佢竟然由頭燒到落尾,認真唔話得!和牛西冷壽喜燒:燒和牛中,個人覺得長長薄薄嘅和牛西冷壽喜燒為整晚之高潮!望住Ivan哥哥於紅潤嘅和牛西冷上淋上醬油後續片燒煮,見火都唔怕燒親,手勢極之純熟,明顯訓練有素。襯熱食和牛西冷壽喜燒時黏上鮮黃亮麗嘅日本生蛋黃,西冷軟潤滑溜,半溶於口腔,打頭陣出場可確保食客肚仔有位兼抱住期待美食嘅狀態,依個安排超掂呀!肥肥家族愚見,如果可以跟多一小球白飯相信會更加完美。接著嘅和牛部位會因應日本每天嘅來貨而作出調整,用餐前都會提供牛牛圖以方便食客辨認及對應特定嘅和牛部位。第一輪嘅拼盤包含澳洲特選和牛牛舌及特選/赤身和牛鹽燒3款。澳洲特選和牛牛舌:薄切和牛牛脷爽潤帶脆,微微唧上檸檬汁已夠清新。特選/赤身和牛鹽燒3款:三款鹽燒特選/赤身和牛嘅大小及厚薄不一,第一件最厚嘅上後腰脊肉最有嚼勁,個人只係因喜好問題而略嫌和牛過熟,未懂得如何欣賞。即時同Ivan哥哥反映咗意見之後,第二件油脂更豐沛嘅肩三角明顯冇咁熟,喺薄身嘅靚牛上輕輕塗上山葵,微微嘅辣勁相當醒神,食落香軟油潤,更啱小肥口味。意外地,拼盤上最後一件和牛肉眼有厚度得黎皮脆肉鬆嫩,而且極富肉汁,!牛柳芯:分隔兩個鹽燒及醬燒環節嘅牛柳芯隆重地以金盤承載,睇得出設計者有幾重視。顧名思義,牛柳芯為牛柳個心,肉質出名最為軟腍,Ivan哥哥細心地於爐邊慢燒後先加上以新鮮蘋果蓉製出嘅秘汁,再刨上松露薄片,菜式矜貴得很!牛柳芯當真唔洗用牙咬都食得到咁腍,入口前散發著輕盈芬芳嘅松露香,入口後卻多咗份清甜爽潤嘅果香,每人只得一件似乎唔係幾夠喉而已。吃畢濃味嘅牛柳芯後,哥哥仔即呈上鮮紅色嘅日本蕃茄,好讓大家為味蕾洗滌一番。嘩,日本蕃茄超級鮮甜,一啲都唔酸,而且堅爽,真係好難得連平時唔食蕃茄嘅XO仔都讚不絕口,掂呀!特選/赤身和牛醬燒3款:最後三件醬燒和牛同樣以拼盤呈上,每人一件,並由Ivan哥哥繼續燒煮。第一件友三角鮮明嘅雪花紋理已道出其脂肪成份一啲都唔弱,食落口更覺其肉質軟嫩,沾上秘製燒烤汁已夠香潤甜美。第二件牛板腱顯然切得最薄之餘,其粉嫩嘅外表亦係眾多件和牛中最油潤有光澤嘅!超薄嘅牛板腱入口迅即化於舌上,依種肥美滑溜嘅口感就係小弟食和牛追求嘅境界,不過同食和牛西冷壽喜燒時嘅感想一樣,都係想跟一口熱辣辣嘅白飯。反而壓軸燒煮嘅龜之甲油花較少,因有比較下感覺好似好多筋,即使切得薄同𠝹哂格仔紋都覺得牛肉偏嚡同韌,甚為失色。伴配和牛拼盤嘅雞脾菇係就係好清香,但就唔係咁解到口腔及腹中嘅油膩,假使換上清爽嘅生洋蔥、或者係一碗熱熱嘅清湯,甚至係簡單清涼嘅雪葩唔知會否更為恰當呢?!燒煮完畢後,忙足成餐飯嘅Ivan哥哥就要去招呼其他貴客,走前亦不忘與大家道別,真係辛苦哂!套餐剩下嘅單尾可選咖喱和牛飯或牛尾湯麵,各人選定後,一位疑似經理嘅姐姐突然呈上兩碟三式泡菜拼盤,大家好自然地以為係上飯麵前免費添加啦,點知埋單一刻發現每碟額外收咗$88,由於自己從來冇點過,即理直氣壯地問係咪打錯單,嗰位姐姐就尷尷地尬咁解釋話其實係廚房出錯,咁即係話如果XO仔冇發現到的話,佢就準備靜靜雞咁收咗錢而不作解釋啦?!唔知係咪想博六人於兩小時內溝咗兩樽酒有酒意唔會睇單呢?!縱使營運咗一個月嘅新店仍有多處不足,此舉確真令人有被老屈之嫌,小弟只係眼見泡菜都已落哂肚先冇再特別去追究,不過心中到而家仲有條刺囉!牛尾湯麵:湯麵只屬和暖,就算麵條白滑及牛尾厚厚嘅皮層夠膠夠腍,湯底唔夠熱係敗筆。咖喱和牛飯:飯品同湯麵一樣熱力不足,甜甜嘅咖哩汁幾好味都難以遮蓋和牛嚡嚡嘅質感。與其搞咁多花臣製作唔係咁得嘅單尾,倒不如簡單啲一早俾食客一個跟白飯嘅選擇好過啦!USHIO特製泡芙:招牌泡芙賣相精美吸睛,可惜咬落皮厚兼硬,唔得鬆身。其實套餐內含多件溜帶嘅和牛,結尾嘅甜品不妨考慮揀啲輕巧啲嘅日本生果、布丁、乳酪或抹茶蕨餅代替。疫下新開嘅「赤身燒肉 USHIO」環境闊落,抽氣足,晚市廚師發辦套餐用材高質,菜式大多美味可口,只係有啲花巧複雜嘅部份其實可以簡化修改,和牛亦可以加多一兩款或一兩件。餐廳於各方面包括服務及廚房明顯仍處於試業階段般,質素比較參差,雖然有好客嘅服務生熱情招待,但亦出現店員出錯卻要食客承擔責任嘅狀況,以消費上二千元嘅晚餐黎講,如此不快嘅事情係會直接影響整體嘅用餐經歷及評價架。 continue reading
(The above review is the personal opinion of a user which does not represent OpenRice's point of view.)
Level2 2022-09-04
174 views
USHIO赤身燒肉💵 Hkd 1000 up 一位晚飯推介指數 🥃🥃🥃⚓️伴菜盛合、每日前菜、USHIO 沙律生牛肉海膽,沙律同埋醃製酸菜⚓️和牛西冷 壽喜燒大大去西冷,加埋隻蛋非常吸引⚓️澳洲特選和牛牛舌正常吾會食到日本牛舌,食返澳洲野,吾算厚切,正正常常⚓️特選/赤身和牛 鹽燒3款肩三角/上黎腰脊肉/西冷⚓️牛柳芯⚓️特選/赤身和牛 醬燒3款友三角/牛板腿/龜之甲⚓️ USHIO 咖喱和牛飯/牛尾湯麵兩個主食都好重牛味,本人覺得咖喱比較普通,湯麵特別少少⚓️特製鹿兒島黑豚燒肉丼另加左個豚肉丼,不過不失⚓️ USHIO 特製泡芙個人覺得甜品係最好食最有印象,可能係小弟比較喜歡甜野總結:收得依個價位,食物質素吾會差,但我覺得可以更好,最少我之前食其他牛肉Omakase 比今次更回味,如果要揀我會食第二間 continue reading
(The above review is the personal opinion of a user which does not represent OpenRice's point of view.)
今日2人飯聚去左一間位於中環高質素嘅燒肉店!我哋order 咗一個和牛Omakase及非和牛Omakase(海鮮雞豬鵝肝)🥰無論餐廳環境、味道、裝飾擺碟簡直冇得輸。師傅將每塊和牛肉燒至四至六成熟,入口即溶,不同部位,有不同的口感,油脂分佈均勻,很有幸福感😍 大概食到第五塊左右,仲有美味的小菜,可以中和油脂感。友人食非和牛Omakase,都非常美味,沒有想到會有鵝肝,簡直喜出望外!食燒肉一定要坐Bar 枱,一邊睇住師傅專業嘅刀工及燒烤技巧,一邊食住美食,我覺得自己好似返咗日本家鄉食燒肉🤣🤣! continue reading
(The above review is the personal opinion of a user which does not represent OpenRice's point of view.)
Level2 2022-07-30
524 views
之前無意中選這間餐廳食咗個商務午餐,四個人每人一個tasting menu $788。覺得牛肉真係正。阿媽又叫我帶佢食靚和牛,話要食番好耐之前喺日本食過嗰種和牛,一直喺香港食唔返。我預訂了星期日午餐,揀咗4人枱,坐得舒服啲。本來諗住食返個tasting menu,但阿媽堅持食最貴個餐🤪我覺得最好食係壽喜燒嗰塊牛肉,浸了自家秘制醬汁,加埋師傳用和牛牛脂肪炭燒,真係好有炭香,加上燒嘅火候啱啱好。阿媽最滿意係牛柳芯,話終於食返接近之前去日本食嗰種和牛質素!我心諗咁都係接近咋?但係我哋好多時食唔返嗰種味道,並唔係真係味道本身,好大程度喺一種過去嘅情懐,第一次食嗰種驚艷,同邊個去食,餐廳環境同食嗰時嘅心態都可以影響味覺。同樣質素嘅和牛,在日本食肯定平香港好多,但香港有師傅用廣東話為你介紹每件牛肉部位,令你學到嘢,係優勢所在。 continue reading
(The above review is the personal opinion of a user which does not represent OpenRice's point of view.)
Level1 2022-07-13
536 views
壽司煮師拍板試得多,未試過燒肉煮師拍板,無得去旅行咁耐,生日要吃好D。這中環新開的燒肉店,門面裝修幾神秘,時間早了少少,以為未入得,另一班人似乎也像我們一樣儍儍外面等,直至有人出嚟,先知其實是已營業中整體不錯,有侍應幫你燒。唯一美中不足是我們想坐吧枱,可以有煮師招呼,但reception 話無預不能 continue reading
(The above review is the personal opinion of a user which does not represent OpenRice's point of view.)