87
6
0
5-min walk from Exit C, Hong Kong MTR Station continue reading
Telephone
35689298
Opening Hours
Today
12:00 - 15:00
18:00 - 23:00
Mon - Sat
12:00 - 15:00
18:00 - 23:00
Sun
12:00 - 15:00
18:00 - 22:00
*Mon-Sat: Lunch last order: 14:30 Dinner last order 21:20 Sun: Lunch last order: 14:30 Dinner last order 22:00
Payment Methods
Visa Master AlipayHK Alipay Cash AE JCB
Number of Seats
62
Other Info
Alcoholic Drinks
May Bring Your Own Wine Details
10% Service Charge
Spot payment
Above information is for reference only. Please check details with the restaurant.
Review (109)
Level2 2022-11-25
0 views
中環高質燒肉🤩|厚切心形牛舌和牛拼盤🤤|經濟實惠午餐精緻燒肉Omakase任君選擇🥳|298 Nikuya Room「但見旁人談情何引誘,問到何時葡萄先熟透」相信唔少朋友都非常掛住係日本食燒肉嘅美好時光,今日為大家介紹一間我一直幫襯開嘅「燒肉飯堂」,本身由298尖沙咀分店已經開始幫襯,後來疫情原因得返中環分店,餐廳設於商廈,有卡位同吧枱提供,而且間隔距離亦鬆動,適合情侶或成班朋友相聚。餐廳主打燒肉,但亦彷近日本燒肉餐廳,提供日韓食品配搭,除咗單點之外亦有燒肉Omakase選擇,而且午市亦提供實惠套餐俾想Lunch止一止燒肉癮嘅朋友。由於幫襯太多次,我重點提供幾樣精選比大家參考下。298牛肉他他 4.2/5⭐️牛肉他他賣相吸引,牛肉本身有調味,撈勻生雞蛋洋蔥絲後再吱上檸檬汁,吊出牛肉他他嘅肉味同甜味,唔怕食生牛肉嘅朋友非常推薦。鵝肝多士 4.3/5⭐️依道鵝肝多士會由侍應代為效勞,先稍稍燒脆多士,然後香燒鵝肝,中間再夾多一塊油脂滿溢嘅和牛,邪惡度嚴重爆標,係視覺同味覺嘅多重享受。和牛崩沙腩 4.2/5⭐️崩沙腩嘅色澤較為深色,油脂分佈較少,但係肉味濃郁,而且口感層次滿足,牛肉都經廚師稍稍調味,就算唔點醬汁亦都非常好食。和牛小扒 4.2/5⭐️和牛小扒脂肪油花分佈得非常靚,只需要係火上面稍稍燒至3-5成熟已經足夠,大火逼出和牛小扒嘅油香,兼夾入口即溶,可以點少少醬汁中和油膩感。鹽醬厚切牛舌 4.8/5⭐️一碟三件嘅厚燒牛舌,通常我每次幫襯都會落單2份,餐廳上碟時更會砌成心形牛舌,非常吸晴,厚切牛舌首先上下兩邊燒至微焦,然後再稍為燒香四週至變色,我自己會有兩種食法,將厚切牛舌原件進食,享受厚切牛舌塞滿口腔嘅滿足感,外脆內嫩,非筆墨可以形容;而另一種食法就係一開為二,將厚切牛舌嘅滿足感分開廷長,更加容易進食。牛舌燒 3.9/5⭐️身為牛舌愛好者,亦有嘗試依款長條形嘅牛舌燒,由侍應代為效勞,包住洋蔥絲及日式蘿蔔蓉進食,雖然長形牛舌爽身又包含伴菜令油膩感減輕,但係令牛舌味道沖淡,我都係比較鐘意厚燒牛舌。柚子胡椒雞腿 4.1/5⭐️除左和牛之外,依度嘅柚子胡椒雞腿都係我每次必點,嫩滑雞腿配上清香微辣嘅柚子胡椒醃料,再將雞腿燒到外脆內嫩,非常好食,仲可以作為間場,一解食咁多和牛嘅油膩感。–總結:298集團除左燒肉之外仲有美食出品,日式熟成吉列豚同燒鳥店,各有特式,稍後亦會為大家介紹。非常欣賞依間餐廳將每樣食物都發揮到怡到好處,而且係每樣食物都好好食好高質,另外海鮮煎餅同冷麵亦係高水準之作,完全搵返係日本食燒肉嘅感覺,係依幾年無得返鄉下可謂一解鄉愁。====298 Nikuya Room (中環)📍 中環士丹利街60號明珠行2樓====#298NikuyaRoom#centralfood #中環美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#高質燒肉====有興趣睇更多好西推介,或者大家有好西Share,請大家Follow下我,比D支持✨:@healoop.foodie continue reading
(The above review is the personal opinion of a user which does not represent OpenRice's point of view.)
Level3 2022-11-18
381 views
298 Nikuya room地址: 中環士丹利街60號明珠行2樓#yauyau_中環呢間日本燒肉店係中環嚟講都算係幾抵食,我個日就試左佢地既lunch,一個定食既配菜都真係好足料,而且裝修都幾靚,但人流就比較多,注意番餐廳lunch time時段會限時一個鐘,店員好準時入嚟叫你埋單離席,所以會食得有啲chur。🥩🥩和三寶套餐 (Set C) $240 成個定食除左有牛之外,仲有沙律,泡菜,麻婆豆腐,麵鼓湯,牛舌同白飯,非常足料飽肚,加多$20就可以有埋餐飲🍹。啲和牛既色澤睇落去都好靚,但啲牛既醃醬汁對我嚟講就略微重左少少,可以唔洗再沾埋啲醬汁,如果食開重口味既人應該覺得好夠。但整體嚟講啲牛都幾好食,一咬落去就有好多油脂流出嚟,幾juicy下,再配合埋啲飯一齊食就岩岩好啦😋牛舌 (另加)(Set G) $60另外,叫完個set lunch,順手可以加埋碟牛舌,呢個認真非常抵食呀!$60就已經有成碟牛舌,份量真係完全超出我預期既。牛舌既肉質都係鮮嫩有味,容易入口,一啲都唔覺得韌架~💡提提大家,如果唔想等位,就最好book定位,午餐既時候真係有唔少打工仔嚟食,冇book就真係難啲食到啦🥲味道: 4.5/5服務: 4/5環境: 4.5/5番兜: 4/5#中環美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #中環日本菜 #日本菜 #日本燒肉 #中環燒肉 #燒肉 #日式燒肉 #298nikuyaroom continue reading
(The above review is the personal opinion of a user which does not represent OpenRice's point of view.)
《298 Nikuya Room》今年👦🏻生日飯話想食燒肉🥩今次我揀咗喺度同佢食生日飯🍖餐廳可以預早幾日打電話去訂🐮和牛蛋糕🤩拎出嚟勁驚喜勁吸睛🥹好彩到最後👦🏻好鍾意個蛋糕🙏睇得又食得,啱晒啲唔鍾意食甜又鍾意食肉嘅壽星仔去⭐️---🥩298 Set($298)Chef’s Selection of the day呢一個set除咗牛肉之外會配白飯麵豉湯同埋啲前菜仲有沙律菜,牛肉大概有11件‼️有四款唔同牛嘅部位,四款牛肉味都重 油脂分佈適中而且幾靚食落juicy,未去到入口即溶 但係每一件質地都淋 食落無咩筋,佢本身會有醬汁 所以唔使加其他嘢已經好有味🥩Uni and Wagyu Bowl Set (S$360 L$500)上到枱我哇左一餐🤩啲海膽多到瀉出嚟我哋呢一個係L,如果冇咩事正正常常叫S就可以了🤣L可以2-3個人share食我覺得,太大了而且超級足料最底係白飯,然後上面鋪滿燒到五成熟嘅和牛,再上面係超級多海膽,再上面係一個牛肉他他再加一隻生雞蛋🤩成個組合聽落簡直係冇得輸海膽新鮮完全冇腥味‼️牛肉嫩口 牛味較重 某幾塊有少筋,好易,撈蛋黃同牛肉他他,成件事口感好豐富好好食但係因為海膽同埋和牛都係你食得多會漏嘅嘢 所以成個飯食到最後會好漏🙊🎂Beef Flower ($500)(預早兩至三日打電話去餐廳訂就可以)👦🏻話今年咁多個蛋糕之中佢最鍾意呢個😹好靚好吸睛 服務員遞上枱以後仲會同你唱生日歌💖影完相之後佢哋會攞返入去幫你整返好啲牛肉攞出嚟俾你方便燒嚟食😍蛋糕上面大概有10件和牛‼️每一件油花都好靚 雖然未去到入口即溶 但係我哋食落都冇跟而且好淋好juicy🥰重牛肉味 油香好重 🥩Wagyu Sirloin Wrapped Uni ($225)和牛海膽卷♥️每一啖都係上天堂嘅感覺🤩我個人超級鍾意食海膽‼️每一份海膽都新鮮冇腥味‼️而且和牛食落無筋好淋 入口好滑🥹好正---(5🧸為滿分)賣相:🧸🧸🧸🧸味道:🧸🧸🧸🧸環境:🧸🧸🧸價錢:🧸🧸🧸服務:🧸🧸🧸---298 Nikuya Room地址: 中環士丹利街60號明珠行2樓電話: 35689298 continue reading
(The above review is the personal opinion of a user which does not represent OpenRice's point of view.)
Level2 2022-08-20
1970 views
對於熱愛和牛,又深愛海膽的我,298 Nikuya Room 的海膽和牛丼是命定 combo 🏆午市 set lunch 有超過10款選擇,包括燒肉,壽喜燒,韓式石鍋飯,冷麵等。但我目標為本,情傾海膽和牛丼🤭海膽和牛丼套餐  $360製作需時20分鐘,但絕對值得等待。餐廳環境舒適寬敞,用餐檯面寬闊。海膽和牛丼絕不馬虎,賣相精緻,和牛分2款,包括炙燒和牛及和牛他他。海膽鮮甜,和牛他他幾乎入口即化,炙燒和牛更微微添上一份肉香。記得把溫泉蛋攪拌均勻放入飯中,更增添滑溜👍🏻👍🏻👍🏻 continue reading
(The above review is the personal opinion of a user which does not represent OpenRice's point of view.)
【高質抵食午市和牛燒肉🥰】呢間午市套餐抵食又超好食🈹表示都嚟過幾次真心推介俾大家‼️佢仲要唔係平時嗰啲好HEA嘅牛而係和牛🐄佢嘅午市套餐仲要星期一至日都有㗎,所以唔係淨係中環返工嘅打工仔先有得食😛.🍴298 SET(💰: 298)牛係CHEF’S SELECTION💩有三款唔同牛部位🐮啲牛都幾有牛味,油脂分佈適中,入口即融🥰佢本身仲會有source,但係就咁食已經好夠味😍牛柳粒食落一啲都唔韌,夠JUICY👍🏻仲配一大碗飯沙律,沙律同白飯都係可以任添㗎🥗用呢個價錢識到呢個質素係超高質‼️.🍴和牛小排套餐 (💰: 160)又係有一系列配菜,和牛充滿牛味😍油脂分佈適中😋入口即溶‼️.🍴崩沙腩套餐(💰: 200)又係有一系列配菜😚呢款肉味更重🐄個人中意呢款多啲🥰.🍴牛舌(💰: 60)呢款係加配價😆佢同平時食開嘅牛舌係唔同😆有牛味之餘😚厚厚地又彈牙,食落幾有口感😍推介‼️.🍴和牛咖喱醬套餐(💰: 160)漢堡醬都好重牛味😆和牛扒係勁厚!但又係勁濃牛味!.🍴298冷麵套餐 (💰: 140)冷麵好煙靭,食落勁有口感❣️ 熱熱嘅天氣食呢個好JENG❗️湯底係清涼,加埋醋同WASABI層次更加豐富😆-🔖有OMAKASE MENU就可以試到唔同牛嘅部位😚.⏰記住要BOOK位,都幾FULL🥲嗰日星期日晏就去見到有人WALK IN 都係冇位🥺然後佢即刻BOOK定下次!.💡有加一服務費💲-💎推介指數: 💎💎💎💎(唔食牛嘅人去到選擇少咗好多🥺)💡性價比:✨✨✨✨✨(係和牛🐮)🍴ENCORE指數: ⭐️⭐️⭐️⭐️(集團核下仲有幾間唔同類型餐廳都好想試😋)- Ig: Munchpig_hk continue reading
(The above review is the personal opinion of a user which does not represent OpenRice's point of view.)