Video
7-min walk from Exit C, Hong Kong MTR Station
continue reading
Telephone
26333878
52982638 (WhatsApp)
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
About
About Reward Scheme
今日嚟到中環搵食，發現咗一間隱藏嘅意大利餐廳Abbraccio，佢哋嘅四道菜晚餐真係好抵食！$498就可以試到頭盤、主菜、麵食同甜品，而且味道仲好有水準，絕對係CP值之選！**頭盤：Piovra 意式薄切八爪魚冷盤**八爪魚切得非常薄，口感柔軟，配上火箭菜嘅微辣、檸檬汁嘅清新，仲有帕爾馬芝士嘅鹹香，味道層次好豐富！蘿蔔同松子增加咗口感，最後淋上橘子汁，酸甜開胃，瞬間喚醒味蕾。**主菜：Punta d’Anca 牛臂尖（300g）**牛臂尖份量十足，300g夠晒飽！烤得外焦內嫩，鎖住肉汁，入口充滿牛肉嘅鮮甜味。搭配鼠尾草、迷迭香同烤大蒜，香氣撲鼻，再淋上橄欖油，簡單嘅調味更能突出牛肉嘅原味。**麵食：海鮮意大利粉**海鮮意大利粉用料豐富，有青口、蝦、帶子同蜆，海鮮都好新鮮，食得出鮮甜味。意大利麵條彈牙，吸飽晒海鮮嘅精華，每一啖都充滿海鮮嘅鮮味！**甜品：經典提拉米蘇**提拉米蘇做得好有水準，馬斯卡彭芝士口感綿密，可可粉嘅微苦同手指餅乾嘅咖啡香完美融合，入口即化，為呢個晚餐畫上完美嘅句號。另外加配咗紅酒及Prosecco氣泡酒，搭配意大利菜非常適合，可以平衡菜餚嘅油膩感。餐廳有室內室外位置，環境舒適，服務周到，價錢在中環區來說十分合理，絕對係CP值高的選擇。
continue reading
同朋友聚會的好地方，每樣食物都好味，本人最欣賞他們的薄餅，軟熟鬆脆👍🏻會再來幫襯👍🏻牛肉丸肉味香濃，肉汁豐富調配的醬汁也恰到好處，羊架也算是大件及厚，蘑菇飯也不錯，但略嫌飯有少少生米，如果烹煮多一回應該會很好。
continue reading
📍 中環SOHO區一間餐廳，享受陽光下嘅四道菜午餐，環境輕鬆又愜意，氣氛非常chill。Zuppa del Giorno（當日餐湯：蕃茄湯）* 蕃茄湯酸甜適中，湯底濃郁，帶出天然蕃茄嘅鮮味，既清新又暖胃Insalatina（什葉沙律）* 混合綠葉菜鮮嫩爽脆，配搭多汁番茄、西瓜蘿蔔嘅微甜，加上紅洋蔥嘅輕辛，簡單卻非常有層次感。Gamberi Pizza* 薄底披薩脆而有韌，鮮蝦彈牙，水牛芝士同布拉塔芝士滑而香濃，配上手工番茄醬，每一口都係濃濃芝士香與海鮮鮮味嘅享受。Polpettoni Pasta（安格斯牛肉丸意大利麵）* 意粉煮至「al dente」，咬口剛好，牛肉丸嫩滑多汁，番茄醬酸甜濃郁，巴馬臣芝士嘅鹹香為整道菜加分。Dolci（甜品）* _Panna Cotta_ ：意式奶凍細膩柔滑，配雜莓醬酸甜平衡，帶來清新感覺。 Tiramisu_ ：層次分明，咖啡香與馬斯卡彭芝士幼滑相互輝映，可可粉添上微苦味，甜而不膩。
continue reading
一早已經book好枱俾咗訂金，結果去到餐廳要再等半個鐘先有得入座。坐低落咗單之後，等咗40分鐘先有一個侍應同我哋講我哋揀嘅其中一個頭盤賣晒要再揀過，然後等多5分鐘先有第一碟頭盤出現，坐低之後total等咗45分鐘先有一碟沙律菜，餓到暈，沙律菜同嗰八爪魚都冇特別，八爪魚冇乜味。有頭盤食嗰陣啲客都走咁咗一批，侍應先有返少少時間理我哋有冇嘢食，之後主菜係上得快咗，不過嗰扒唔好食，好韌，Pizza就都ok。最後上甜品都好離譜，又係等咗一陣，期間見到有出菜侍應拎住一碟甜品出嚟，但發現嗌甜品嗰枱人已經走咗，冇人係位，佢哋拎住碟甜品係到糾結應該點處理，結果我見到嗰侍應扮拎返入去廚房再拎返同一碟甜品出嚟上係我哋嗰枱。我本身諗住如果我係嗌同一款甜品嘅就冇所謂，快啲有得食好過呆等，結果食落發現唔係我哋嗌嗰款甜品嚟，呢個時候我哋真正嗌嗰碟甜品到，侍應拎住諗住擺低俾我哋，結果發現我哋又食緊甜品，我問佢係咪上錯本身嗰碟，最後啲侍應四散扮冇事發生，拎走我哋本身嗌嗰款俾其他枱，由我哋食返唔係我哋嗌嗰款。錢又照俾，但食唔到自己想食嗰樣食物，真係谷到一肚氣，好差嘅體驗！
continue reading
首先，嗌咗個金箔牛扒賣相好一般啲血水乾晒喺個碟度！最重要係塊牛扒凍晒！本來想同職員反映，舉手舉咗半個鐘都冇人理！因為太多台客啦，佢哋都應該好忙。走過去同職員講！基本上係冇人得閒處理你任何嘢跟住等上甜品等咗一個鐘頭！雖然都知人手比較忙，但係等一個鐘頭先至上又耐咗少少，最重要係佢上咗甜品跟住冇俾餐具我哋我哋問佢拎佢又一定要自己拎過嚟，但係一拎就五至10分鐘個雪糕都溶咗！跟住到最後等埋單又等咗半個鐘頭以上
continue reading