Video
Read full review
2016-10-05
860 views
朋友中環返工，而我在食飯前要去太子，所以選擇尖沙咀。想去一間方便又有新鮮感既餐廳。去左呢間餐廳，可能係星期一既關係，人不多，而且佢既位係比較闊落，坐得幾舒服，外面係露台。突然覺得有D浪漫。兩個人望住餐牌樣樣都想食，因為D食物係中菜，但食物好吸引。因為第一次來食，怕中菜會油，所以我地一開始點左醋香黑耳，紫薯淮山菜苗，芝士三層乳豬拌海蜇，蔥油海蜇花。當黑耳同菜苗來到，即係要讚一讚，因為好清，無咩油，但係又好好味，不是好咸同味精個D。真係有食蔬菜應有既健康感覺！呢一個時候，我地就點左黑毛豬蔥蒜炒絲苗同柚子一字骨，呢兩個特別既菜式。芝士三層乳豬拌海蜇＄48.... 但整到好精緻，好靚，一份份咁，有乳豬蝦膠，芝士，多士。食物陳設好重要。蔥油海蜇花係第一次食，平時食既係一條一條，而呢個係一朵朵既，爽脆，竟然係呢度食到新野，但唔係新食法，係新野，好難得。黑毛豬蔥蒜炒絲苗，即係炒飯，好大碟，結果係呢個食唔曬既，D飯一粒一粒，配料亦整得好細粒，呢D係心思來既而柚子一字骨係用柚子醬配既，所以甜甜地，剛剛熟，不會太梗，加個汁好清新。去個洗手間先再叫甜品啦..... 個洗手間好有酒店Feel，又乾淨，返去個位
去左呢間餐廳，可能係星期一既關係，人不多，而且佢既位係比較闊落，坐得幾舒服，外面係露台。突然覺得有D浪漫。
兩個人望住餐牌樣樣都想食，因為D食物係中菜，但食物好吸引。因為第一次來食，怕中菜會油，所以我地一開始點左醋香黑耳，紫薯淮山菜苗，芝士三層乳豬拌海蜇，蔥油海蜇花。
當黑耳同菜苗來到，即係要讚一讚，因為好清，無咩油，但係又好好味，不是好咸同味精個D。真係有食蔬菜應有既健康感覺！
呢一個時候，我地就點左黑毛豬蔥蒜炒絲苗同柚子一字骨，呢兩個特別既菜式。
芝士三層乳豬拌海蜇＄48.... 但整到好精緻，好靚，一份份咁，有乳豬蝦膠，芝士，多士。食物陳設好重要。
蔥油海蜇花係第一次食，平時食既係一條一條，而呢個係一朵朵既，爽脆，竟然係呢度食到新野，但唔係新食法，係新野，好難得。
黑毛豬蔥蒜炒絲苗，即係炒飯，好大碟，結果係呢個食唔曬既，D飯一粒一粒，配料亦整得好細粒，呢D係心思來既
而柚子一字骨係用柚子醬配既，所以甜甜地，剛剛熟，不會太梗，加個汁好清新。
去個洗手間先再叫甜品啦..... 個洗手間好有酒店Feel，又乾淨，返去個位又望下個境....... 舒服！
甜品時間好重要，我地叫左蛋白杏仁茶同鮮百合杞子燉桃膠。我未食過桃膠，成日都想試下，原來係爽爽地，唔係膠咁，呢碗甜品好清新好香又不太甜，好like, 而杏仁茶既味道竟然同甜品店，其他酒樓都好唔同，因為佢似真係新解磨出來，唔似用粉溝水個D。因為似係新鮮整，所以不會好漿，不會痴喉嚨，好味！
聽部長講，呢間餐廳原來係新開，所以未係太多人知而未滿坐。
我只知道來呢度一定要食甜品！下次要留肚叫多兩個甜品先得。
Post
