星海．譽宴 (The ONE)

Open Now

Now Closed

今日同同事在呢度飲茶，同事話個場靚又有維港景，所以帶我嚟。酒樓在The One 18 樓，基本上都看到大部份港島的地方，由北角至西環，如果夜晚嚟應該會更加靚。今晚好似有婚宴，所以個台同埋啲佈置都好靚，又有露天位置影相。五香牛𦟌，滷水汁加五香粉醃煮，好甘香，切得幾薄，易咬易食。豉汁蒜香蒸排骨，佢哋用靚的排骨，蒸的時間剛剛好，所以排骨好滑好淋。椰汁黃金糕好香椰汁味，表面煎得脆。原隻鮑魚燒賣皇感覺名貴，一碟一隻燒賣，擺設精表，燒賣亦有水準。海鹽柚子雞中翼是醒胃小食，雞翼炸得剛剛好，皮脆肉滑，柚子會增加食慾。蝦乾迷你珍珠雞亦有水準，糯米同粘米的比例混合得幾好，感覺唔會太難消化。