星海．譽宴 (The ONE)

Open Now

Now Closed

Chill住同朋友飲茶^_^首先入到黎職員會同你量度體溫，雖然麻煩少少，但求個安心！一入到必須讚嘅係，環境優美，有闊落，完全唔會有好迫嘅感覺，特別呢啲時候！食物方面，叫咗好多人食嘅小籠包，果然皮薄多汁，值得一試。另外叉燒腸，餡料超多，啖啖都有叉燒，正！蠔皇腐竹卷既汁好香，食到無停手。我覺得份量適中，可以咩都試下，兩個人都夠食！(｡ì _ í｡)而且，服務態度超好，都好周到，呢度飲茶，食物質素又好，環境又坐得舒服。

一家三口想在尖沙咀搵間似樣少少既中菜廳，網上看到位於The One 的譽宴，刻意早幾日訂位，幸好有最後一張細枱😝餐枱位置與露天平台相連，廣闊的L型景觀讓人一覽無遺，超正！細看之下當日有不少私人派對包場，他們仍可在自己的區域裡步行出露天平台，地方廣闊很自在。這個景觀，我下次會帶重要的親戚來😉金銀元貝泡翡翠苗元貝嫩滑漲卜卜配上鮮味入味的乾瑤柱，菜色貴氣之餘，兩款貝類海鮮均能滲透入翡翠苗中。不錯不錯！這款是經理推介銀雪魚干煎，落單時覺得食雪藏魚感覺一般般，但姑且信一信經理推介，上菜時賣相亦一般般，不得不說甜豉油太多了，但其實銀雪魚肉質很嫩，而且好欣賞師傅炸的火喉，剛剛好皮香脆又肉質足以保留。柚子一字骨，都係果句醬汁落得多得滯，炸醬厚左少少，一般般。整體來說，小菜普遍水準不錯，我看到好多客人均點龍蝦餐，下次要試試。環境景觀無得輸，服務態度亦不錯，下次會再黎試新菜色。

好少食中菜嘅我難得一讚呢間中菜廳。首先場地環境都好靚，好高貴優雅，搞婚宴嘅話真係一個好選擇。食物方面因為係節日關係，所以得張節日menu。一般中菜廳做節日menu都又貴又好難食，樣樣都整定然後有order係咁易煮熱就算，呢到我就唔sure係咪整定啦，但味道真係唔錯，材料都食得出係新鮮，每碟都熱辣辣嘅，賣相都幾好。價錢就都唔算平，因為新年嘛，都明白嘅，但佢嘅食物同服務都對得住呢個價錢，同埋節目做得好，相信佢閒日應該都唔錯啦！

高檔飲茶我個人覺得好適合母親節或者見家長呢啲場合因為裝潢設計好高格調而且人少比較安靜茶錢就平$14位但食物價錢中等又唔算太貴但點心嘅質素好高好精緻完全唔失禮首先最吸引同埋最有印象嘅一定係安格斯腸粉😋😋😋第一次食到咁有咬口咁又牛香腸粉一改平時好淋嘅牛腸嘅感覺第二樣想推介嘅係小籠包佢真係做到超級皮薄涵靚所以佢都每舊整個竹俾我地拎住佢仲要用塊紅蘿蔔托底冇咗佢一定會穿另外好食嘅係黃金豬其實就即係鹹水角除咗外表吸引個餡絕對同出邊好有水準嘅鹹水角一樣咁好食

姨丈由加拿大回港過新年， 今晚選擇左尖沙咀「譽宴•星海」同佢食中菜。 早前朋友在這裡結婚擺酒，很喜歡餐廳的環境及食物。 場地空間感大又有氣派，而且對著海景！ 香港🇭🇰真的很美。 -點了姨丈最愛的鐵觀音，及數款美食😋叉燒是姨丈的最愛😂他常說在加拿大住的日子，他最掛念的就是它😅。在別的地方吃味道總不及香港。 先點了「蜜汁燒黑毛豬叉燒」。叉燒肥瘦均勻，表面焦香，可稱上油香和肉香並重😋。叉燒鬆軟帶嚼口，有蜜香卻不覺膩。這份叉燒完完全全俘虜姨丈的心。 -再來一份滋補湯水，「天山雪蓮響螺燉豬展」。透亮的天山雪蓮口感粘稠，含豐富膠原蛋白，味道本身清淡。 搭上響螺，豬展及雞腳燉製，味道鮮甜。-新年嘛，點都要食豪d d ,黎過「蠔皇花膠伴5頭南非鮑魚」😋花膠厚切，色澤靚肉質富彈性味道鮮香。-最後一道菜是「干煎銀雪魚」。銀雪魚煎至兩邊金黃，魚皮香脆、魚肉白嫩。-甜品有香滑椰汁糕

睇住靚境飲茶中午同同事去公司附近The One譽宴星海飲茶。酒樓係18樓，好高，所以睇到成日尖沙咀境咁濟，裝修都好靚，有型有格調。點左幾個點心，就一路飲茶一路食花生等野食。手切豚肉焗餐包即係叉燒包XD，上枱仲熱，餐包內包叉燒餡料，有小小糖漿，但不太甜，加埋餡料剛好，若果皮焗得脆d，就更 very good。黑松露鮮蝦餃飲茶點少得蝦餃，呢到仲係黑松露鮮蝦餃，有五粒，其中一粒係迷你版。真材實料，入面鮮蝦連黑松露，蝦彈牙新鮮，加埋輕輕的黑松露帶味，真係好食。丹麥黑魚子燒賣燒賣有肥豬肉，所以入口好肉香，加埋頂頭一小堆黑魚子，fusion得黎又幾夾。養生山藥棉花雞雞件份量多，肉質滑，有雞味，而棉花豬皮吸左雞汁黎食，軟淋邪惡。XO醬炒蘿蔔糕好食，同好多舊，幾惹味。碧玉鮮蝦腸賣相唔錯，已經分好一舊舊，每舊有成隻鮮蝦，細心，味道不錯。

今年因為冇煙花匯演，所以轉去尖沙咀食開年飯， 因為呢度可以有泊車， 而且喺尖沙咀屬於個中間位置， 之前聽好多朋友講話呢個酒樓好難book， 因為好多時都包場， 跟住食物都唔錯， 今晚叫咗個如意餐， 佢都好夠份量， 因為我哋有小朋友，坐14個一圍，酒樓都冇唔鍾意， 佢個炒飯同埋湯年糕好有驚喜， 個燉湯係每位上，每一蛊入面都有好多材料， 蒸魚都好ok， 燒雞都好好味， 同埋今晚我哋食七點，遇正八點鐘嘅激光匯演，大家都出去個露台度影相，都好靚，夜景好好

很久沒有和媽媽2人撐檯腳中餐還是比較合她為口看了網上食評 這家好像不錯意想不到 裝修好似是酒店還有海景看 真是非一般酒樓 8點真的可以看到幻彩詠香江 超正店員很有禮 服務也很快 很快為我們拿了餐牌說實話不是太便宜 但如果好食環境好當然不會介意我們共點了3個菜燒汁野菌炒霜降牛肉雖然對我來說牛肉有點重口味 但配上了野菌西芹的口感令味道豐富了不少 而家很好配白飯欖角三度骨這個超好吃 面上的淡淡的蜜糖而家肉煮得很林 好香而家一碟就有很多件我從來沒有在其他酒家食個這個很特別 很推薦!!杞子蟲草花蒸滑雞上菜時還有一絲絲蒸氣應該是新鮮即煮用這方法煮令雞好入味好正配上杞子同蟲草花 感覺很養生這間餐廳是酒店環境服務享受 食物都很好吃下次一定會再來和長輩們吃!!

譽宴(THE ONE)茶市今日難得平日放假，輕輕鬆鬆同屋企人去左飲個午茶。 來到非常熟悉的尖沙咀星海， 最愛就係呢度有好多唔同款式嘅點心， 地方又闊落， 去過咁多地方飲茶，仍然係最愛呢度，原因出面有個露台，有無敵維港景。甘荀流沙包飲茶中意食下甜野就試下個流沙包，個流沙好香蛋黃味好濃，一唔小心就會整污糟你隻手吖。韭菜鮮蝦餃個樣好靚，好似一個禮物袋。但做到好似石榴般，十分精美，當下午茶打卡一流！金箔明蝦餃 蝦餃皮薄餡厚實焗餐包覺得個汁整得唔錯，仲有大大粒豚肉碧玉鮮蝦腸呢個就真係幾堅，賣相唔錯，有蝦有菜粒好睇又好味。

難得同同事喺尖沙咀食lunch，想慢慢地飲杯茶傾吓計見到The One有間譽宴，就膽粗粗上咗去飲茶餐廳位於18樓，樓底超寛敞，而且外望維港風景我地揀咗幾樣點心，食物基本上都係即叫即整，而且份量一啲都吾馬虎。點心大約10分鐘左右已經上齊#金箔明蝦餃 每客3粒，蝦餃皮叫做皮薄餡靚、晶瑩通透，蝦肉彈牙唔會梅。#丹麥黑魚子燒賣 每客4粒，每次食點心，我都一定會食燒賣，因為可以試到餐廳師傅的功力！燒賣蒸得脹卜卜，肥豬肉份量適中。#甘筍流沙奶皇包熱騰騰的麵包🥯撕開之後，流心奶黃不斷流出，鹹蛋黃的鹹香，超新鮮超美味！#老乾媽蒸鳳爪呢個真係大熱推薦，每次飲茶都必點。#紫金醬金錢肚沙茶醬味道勁惹味，食落咬口好有彈性。希望餐廳能夠繼續保持出色的水準。

自從上次喺尖沙咀試過譽宴嘅午市點心之後，覺得佢間嘢食都幾有質素，所以收工今日就過嚟銅鑼灣呢間分店試吓晚市。佢啲餐具都係好似尖沙咀咁，幾精緻，職員服務都好殷勤，一坐低就幫你斟定茶。我地兩小口，就簡簡單單嗌三個餸啦。首先嚟到嘅係炸子雞，隻雞唔肥，所以個皮炸完一啲都唔肥，反而個皮好薄好脆，好似食紫菜咁，有聲。而啲雞肉都好滑，好夠味，完全唔洗點豉油，好食。然後就係呢個咕嚕肉，酸酸甜甜係基本，佢啲菠蘿都好食。最重要係佢啲肉唔會好厚粉，個炸粉好薄之餘，個肉本身都好食，腍得嚟又爽口，好食。最後就嗌左個上湯豆苗，啲豆苗嘅草青味唔係好勁，個上湯都好甜，清清地，唔錯。

今日lunch同個同事係公司附近飲茶，去左係the ine 18/F既譽宴星海，個場裝修得幾靚，枱與枱之間都幾疏，坐得好舒服，叫野食之前有碟花生食住先我地叫左5個點心金箔明蝦餃呢個賣相好靚，皮薄，蝦膠同蝦肉比例幾好，夠爽口，仲有汁流出黎👍🏻甘荀流沙包飲茶中意食下甜野，不過lunch又要夠飽，就試下個流沙包，個流沙好香蛋黃味好濃，我都搶住食左兩個紫金醬金錢肚金錢肚大細均一，唔會太林，個醬整得幾特別，食到有牛味tim手切豚肉焗餐包同事就中意食焗餐包，覺得個汁整得唔錯，仲有大大粒豚肉安枱斯牛肉腸粉呢個就真係幾堅，唔係平時食既牛肉腸，因為呢個係真係牛肉，唔係牛肉球既牛肉，一家要試下

今日中午來到the one 18樓嘅譽宴，人數少冇得坐窗邊，但出邊L型的平台好吸引，望到超過180度的景色，夜晚來可以坐出邊應該好正。『黑松露蝦餃之王』，一咬開就有屬於黑松露的香氣係咁飄過來，蝦亦都好大隻彈牙，填滿成個餡裡面，同埋寫住4隻，但我呢籠分別有4+1隻，感覺似中奬。『養生山藥棉花雞』没有了平時吃開的芋頭，而係用新鮮山藥代替，好腍，未試過咁好吃的山藥。『甘笋流沙包』請睇圖，流哂口水吧，一唔小心就會整污糟你隻手吖。『麥芽胚馬拉糕』係第一次吃，唔會太甜，加上麥芽胚令呢個食物覺得健康啲。『碧玉鮮蝦腸』賣相唔錯，有蝦有菜粒好睇又好味。

好耐冇約過我嫲嫲飲茶啦，今日要盡下孝心，帶咗嫲嫲黎呢間比較高級嘅酒樓。酒樓喺The One，因為比較高，一入到去坐喺窗邊嘅位置就見到好靚嘅尖沙咀景色。每次去飲茶我都係會叫香片雖然呢度算係一間比較高級嘅酒樓，但係啲價錢又一啲都唔貴喎，下午茶嘅價錢其實都係同市面上有啲酒樓相若，以佢嘅食物質素來講我覺得係幾抵飲。首先上枱嘅係黑松露蝦餃同埋右邊嘅蟹肉豆苗餃。黑松露蝦餃嘅黑松露味唔會太過搶，就連嫲嫲呢啲老人家都唔會覺得接受唔到。而我係特別想讚呢一個蟹肉豆苗餃，呢一個蟹肉豆苗餃可以話係我食過係香港最好食嘅一次。平時識所謂嘅菜苗餃，入面嘅菜都霉霉爛爛，根本分唔到係乜嘢菜。但係呢一個豆苗餃入面係好清楚你係食緊豆苗，而且蟹肉嘅份量亦都係唔少，經常都會食得出有蟹肉嘅味道。真心高質之後我哋叫咗一碟炸網蘿蔔腸同埋蛋撻，蘿蔔腸超級好食呀，出面用炸脆咗嘅蛋漿包住好林好香嘅蘿蔔絲，口感咬落去好香脆，但係食落嘅味道又似腸粉同埋蘿蔔糕，講起依家都有少少掛住呢個味道。蛋撻就冇乜特別嘅，大大個，蛋漿都夠滑。之後就係呢一隻炸箭豬仔，因為我哋覺得好得意所以就叫咗，原來佢係一個鹹水角，佢呢個皮比起平時嘅鹹水角炸得冇咁金黃色，比普

今日同呀媽去尖咀睇床褥，佢話想飲茶，見呢間裝修幾靚，價錢又唔算貴～呢度環境好靚，睇到維港景色～場地闊落，私隱度高，仲有背景音樂，十分舒適～金箔明蝦餃，晶瑩剔透，裡面好足料，蝦肉爽口嫩滑，必點！醬皇鳳爪亦係我既至愛，蒸得岩岩好，鳳爪非常入味，一咬即皮骨分離，亦係必點之一！什菜鮮蝦春卷，廚師包得好精緻，裡面既蝦滑亦十分爽口彈牙，連呀媽都話好耐都未食咁高質既春卷！灌湯小籠包，肉質好嫩滑，一咬d湯汁即流哂出黎手切豚肉叉燒腸粉，腸粉好滑溜，散發出濃濃米香，而豚肉肉質結實，但唔會太乾身像生番石榴，呢個外形好得意，超靚，睇得出廚師既心機！其實佢係一粒粉果，粉皮夠厚且唔會太粉，餡料亦比一般食到既更足料，值得一試！