天龍軒

Open Now

Now Closed

系全香港酒店最高ge酒家？安排坐到窗口位呀😍😍好開心呀為老公生日揭開序幕 酒店好貼心安排好highchair同兒童餐具比我地 一早預留左半份叉燒 我地叫左和牛鹹水角 蒜香銀雪魚腸粉 龍蝦汁魚肚 脆皮燒腩仔 三文魚籽蘆筍煎帶子 食完真系返唔到轉頭 淨係呢度環境已經夠滿分 服務加埋食物質素 餐廳仲為我地準備左小小甜品嚟慶祝老公生日 好開心呀個人升曬級ge感覺💖💖😂😂😂😂

Ritz Carlton 正在做優惠，600多元可以買得到天龍軒六道菜的晚餐。如此”著數”之事，理所當然要去幫襯一下。正值炎夏，六點半的晚飯時段天色仍然光亮，在102樓的天龍軒看出去的昂船州，大嶼山一帶的風景非常優美，食客頗有大地在我腳下之感。點了Chateauneuf du pape作配酒。先上以醋醃過的蔬菜，南瓜等，口感清新開胃，不錯。前菜是凍螺片，叉燒，帶子。凍螺片新鮮，清甜，入口彈牙，佐以微辣的皺皮椒一起沖擊味蕾，頗為刺激。叉燒相信是餐廳常用的黑毛豬，入口鬆化味濃，用上桂花蜜口味比較清新，也喜歡。不過最好的要算三文魚子松露煎帶子，鮮味的帶子配以咸香的三文魚子，加上松露的香，沒有人會不喜愛吧？再上的是炸蟹蓋。有別於一般的做法，這道菜不是吃蟹膏的。反之是先以海量的蟹肉，加上洋蔥釀在蟹蓋中。食下去啖啖肉，十分滿足。配菜用上炸子姜，為這個傳統的蟹加姜的組合添上了新意。接下來的是燉湯。因個人理由改了響螺湯。湯燉得清甜而入口滿有海鮮的香濃風味，喝下去腸胃舒泰無比。相比之下，主菜免治和牛炆遼參反而有點失色。一直覺得和牛優點是油花和肉味的平衡，但這道和牛是完全沒有油香，味道類似普通的山竹牛肉，

朋友仔送來一隻巨型糉，開頭仲以為係糯米飯，因為係用荷葉黎包，但一打開見到有綠豆蓉，就知呢隻真係糉裏面勁足料，有一般既半肥瘦肉，咸蛋黃之餘，仲有冬菇，栗子，鮑魚食一隻已經飽足大半日

𝓗𝓪𝓹𝓹𝔂 𝓜𝓸𝓽𝓱𝓮𝓻’𝓼 𝓓𝓪𝔂🌹全球最高中菜廳‼️‼️母親節梗係要請母親大人去食好西啦❤️❤️❤️係位於102層的高空對住香港夜景食飯💕💕💕 食物水準高 環境一流👍🏼👍🏼果然名副其實米芝蓮二星！媽咪開心我就開心😚

同屋企人慶祝生日，加上之前Ritz Carlton 做緊9週年promotion, 我哋就去咗天龍軒食午餐慶祝。天龍軒係全球最高中菜廳，位於ICC 102樓，景觀一流。我哋買嘅套餐有前菜（叉燒同蘿蔔糕）、蟲草花蓮子燉牛腱、薑蔥煎帶子、瑤柱炒芥蘭、炒雞球、鮑粒荷葉飯同甜品（黑松露燉鮮奶）。另外加咗窩貼大蝦多士、三文魚籽餃、鮑魚酥同生日唔少得嘅壽桃包。前菜（叉燒同蘿蔔糕），叉燒係天龍軒嘅招牌菜，係好好食嘅，豬肉好鬆軟但唔太肥，同埋佢係有果樹香味。之前睇過其他人介紹，佢哋會餵啲豬食果實，所以啲豬肉會帶果香。呢道菜係成餐最深刻好味嘅。窩貼大蝦多士，好鬆脆，但唔油膩。三文魚籽餃，三文魚籽好新鮮，佔咗成粒餃嘅一大半，好鮮味。鮑魚酥都係佢哋嘅招牌菜，佢個醬都係鮑魚整成，鮑魚又好彈口，個批做得好脆，有驚喜。黑松露燉鮮奶，呢個麻麻哋鍾意，佢真係好黑松露，有黑松露油又有一片黑松露，有啲太濃太膩。呢餐米芝蓮二星好抵，圍起都唔洗$1,000/人，而且食得超級飽，我哋都食唔晒啲嘢，仲要打包。

好耐沒有來天龍軒大哥們都說這裏很OK今天大夥兒過來飲茶蝦多士- 好吃有驚喜花膠酸辣羹- 很重料，酸辣味道剛好叉燒 - 我喜歡的類型但偏肥三文魚子餃- 冇乜嘢囉星洲炒米 - 苦的，我們退了鱈魚腸粉 - 幾得意原來味道幾夾魚肉燒賣 - not recommended蝦滑 - 不吃沒損失雲吞 - 好少雲吞乾上，沒有什麼特別味道帶子餃 - 冇乜嘢風景100%，因為我們坐房，除了大廳的風景洗手間也有啲景， 令你心情大好的風景⋯⋯服務- 唔知係咪生意太好好像一個人要serve兩間房。Conclusion : 因為價錢唔平所以有更多其他選擇，但如果想帶客食景食外表又唔太難食，這是一個選擇。

9週年，推出左Executive Set Lunch for 2 限時優惠，原價$1136，宜家特價$783！即刻book!無敵海景💯預早兩個月訂枱，仲要係訂weekdays先預留到窗邊位置😅Set Lunch 5道菜，連同紅酒/白酒一杯第一道菜：叉燒好淋，味道適中，稍嫌面頭蜜汁太甜蘿蔔糕方面冇乜特式，亦食唔到咩花膠🤔第二道菜：燉湯，有水準👍🏻第三道菜: 我最喜歡嘅一道，帶子煎得好香脆，蕃茄配埋脆餅好清新👍🏻第四道菜：冇乜特別，飯裡嘅鮑魚超細粒同好小，幾乎食唔到🙄第五道菜 甜品：個人認為松露配奶凍唔係咁夾，奶味好重松露味亦好濃，兩樣重味野擺埋一齊至於蕯琪瑪已經甜，再加蜜絲，仲甜😅麻麻地男朋友由於唔食得奶製品，所以餐廳安排左杏仁露，香滑，好食整過嚟講，食物味道一般，但服務一流👍🏻 而且逐碟菜式慢慢上，再望住個無敵大海景，好leisure☺️

每年母親節我都會帶媽媽吃中菜慶祝今年選擇了位於九龍站Ritz Carlton的天龍軒作為米芝蓮二星，食物質素也不錯！不過最令我滿意的是餐廳氣氛及美景食物：4.8/5幾款招牌菜都無懈可擊，唯獨其中一道麒麟雞有扣少許分數。▪️西班牙黑毛豬叉燒叫了半份有四塊，叉燒肉質厚身、口感軟滑、外層的蜜糖甜度剛好，入口非常香，不愧是招牌菜，配白飯一流唯一要挑剔的是，外層如果有一點點焦香會更惹味。▪️釀蟹蓋非點不可的招牌菜完全適合懶人的一道菜，每一口都是啖啖蟹肉，省去了平日要剝殼的煩惱蟹肉鮮味，醬汁的洋蔥味、濃度及份量恰到好處，不會搶去蟹肉味道！最特別的是配上蟹醋，沾上入口像在吃大閘蟹般▪️椰皇花膠燉雞非常清甜的一款燉湯，入口有椰子水的清甜味花膠大塊又厚實！滋補之選！▪️麒麟雞包括去骨雞肉、金華火腿及海參，其中海參最值得讚賞非常軟滑入味！可惜雞肉不夠嫩滑、金華火腿咸度適中但比較硬。如果與我最愛的文華廳相比，這裡食物和服務不及文華廳般令我驚艷，但環境及氣氛比較好，特別是無敵海景及適合打卡的走廊

天龍軒推出 6 道菜限時優惠，趕在4月底前一試。約6點半到，仍是黃昏，配上二杯白酒。因為預早在網上預訂了菜式，唔洗去到再睇食咩。嗌完酒後待應送上餐前小吃..... 感覺只是一般般頭盤係淮山滷水蟶子飽魚，整體口感去幾唔錯，也不會太鹹還有凍鵝肝配碗豆腐，可能我無好鍾意鵝肝，所以無食完主菜係蟹鉗配百合，百合分量去好多，整體味道不過不失然後送上冬蟲草螺肉湯！我覺得非常好飲螺肉也很足夠 炸鹿兒島金橘配牛柳 說真的，炸金桔的口感好新奇，但去唔會好奇怪。為飯局添加了話題最後係帶子焗薏仁飯，呢個係全晚最”正常”的一個餸.... 沒有想像中咁好食最後係甜品，已經差不多8:30了 其實已經好飽好飽不知道食咗兩個幾鐘，待應態度去好好，係一個寧靜既環境。好啱慢慢坐同傾計去

三月間買了一大堆酒店折扣券，今次用天龍軒的午市executive lunch券。天龍軒的氣勢，居高臨下的海景實在是開眼界，相比之下，午市行政套餐菜色較為平淡，當中桂花义燒味道很特別，其它菜色四平八穩，水準不錯但也沒什麼特別。反而另點的兩個signature 小菜能夠初窺天龍軒的功力。其一是焗蟹蓋，焗得金黃飽滿，啖啖蟹肉十分滋味，伴碟的炸紫薑有趣，也和蟹肉很夾。另一味是龍軒東坡肉，醬汁有濃濃花雕酒香，無論肉和脂肪都是入口即溶，天上的美味。意猶未盡， 希望有機會再來，嚐一下天龍軒的真正滋味😗

今日第一次去試食二星米之蓮天龍軒中菜廳，話說早前上網見到做緊四月優惠咁就同女朋友去咗食啦。餐廳服務非常好有質素有禮貌感覺好似有員工全天候服侍你一樣的感覺。餐廳座位非常好又舒適，所有角落都見到無敵大海景。嘢食擺位非常精緻美麗，煮法及味道也非常配合，尤其係煎蟹鉗同芝士北海道帶子燴飯。一樣會繼續推薦大家去品嚐！！！

睇電視見到介紹佢嘅叉燒，就搵咗平日嘅夜晚嚟食，電話訂位已經預留定黑毛豬叉燒，試吓係咪有人哋講到咁好食。先講佢嘅食物，叉燒上黎時候熱辣辣，肥瘦均呈，叉燒醬味道偏淡，食到麥芽糖味較多，冧滑得來唔霉，豬肉味濃，但係完全無燶邊，感覺差左啲野。紅酒和牛臉頰有明顯嘅酒味，牛肉連筋腱位炆到起膠夠冧，但整體好似淡左少少，蓮子亦都略嫌硬。蝦多士脆身、乾爽無油，蝦餃彈牙，配埋糖醋汁幾好食。鴿脯兩食。一面係咕嚕整法，其實咁樣食係食唔到鴿嘅味道，同咕嚕肉冇咩分別，都係食個汁嘅酸甜味。另一面喺炒雞髀菇，哩個比較香口，亦都可以食到鴿脯嘅滑同埋獨特肉味。因為係慶祝生日，所以除左美點雙輝，仲送迷你壽包，但壽包皮太實。呢到環境確實好靚，個102樓海景冇得輸，裝潢高貴得嚟幾有摩登中國風。埋單$430 一個人，單論味道就貴，但如果重視環境靚服務好就可以。

公司一年一度團隊食晚飯，去位於ICC高層既天龍軒，一入門口己有個打卡位，四周閃令令的，放上網呃like一流！！黎到這種高級食府，服務員態度好是基本的，由領位，serve埋位都殷勤有禮周道👍晚上，玻璃牆外既維港景色絕頂，閃閃燈火，世界知名景致，同伴侶黎的話非常好氣氛食物上菜，樣樣皆美味，同樣是基本😂特別是叉燒～😂聞說中聯辦人員經常上黎「開會」😂未知開咩會要黎呢度不可😂😂美食環境服務對得住高價錢～😊這是香港

早排好多五星級酒店都有做網上特價，已經比哂錢，去食就得連ritz calton 都有做，梗係要黎睇景兼打卡入場量體溫同每張台都放定信封比大家擺口罩可惜當日天陰陰又多霧真係哂左今次機會去高級餐廳都要欣賞埋人地既擺盤今次買左佢地既executive lunch, 已經set 好食d 咩先上頭盤，叉燒同蘿蔔糕都好食，特別係蘿蔔糕粉同蘿蔔比例好好，令到我地對之後上既菜有d 期待之後就上湯啦，好足料，連d 湯渣都好香好好食上主菜啦～～服務員叫我地切開個脆餅再放帶子入去 一齊食，但脆餅明顯細舊d, 真係切完再放入去都幾高難度，最後就甘一齊食算但其實一齊食都係一般，帶子個口感唔錯，但同舊脆餅一齊食，口感不一致，會覺得奇怪，而且脆餅係無味既。。。芥蘭就正常味道雞球用蔥爆，好香蔥味，但雞本身口感普通又無雞味。。糯米飯就好香荷葉味，但味道偏淡，入面d 料都幾多下，真係食到好飽完全唔會有唔夠食既情況最後上埋甜品， 黑松露布甸真係成塊黑松露連埋油係上面，味道好新穎，但松露味好勁蓋過一切，而且d 油多得滯，覺得同清淡布甸唔算太夾曲奇係超級甜， 糯米糍都係甜左d 但可接受，瑪仔都ok~開頭較有驚喜，之後都覺得水準

近月因為疫情關係，一般週末盡可能都會留在家裡，但偶爾也是需要吃一頓好的透透氣。每次來飲茶都不會讓我失望，而這次也不例外😍坐下後，餐廳先提供了信封放口罩，然後上了餐前小食- 虎柏胡桃。這是我吃過的虎柏胡桃中最甜的，幾乎是糖果，作為餐前小食我覺得有點太甜。甜蝦韭菜餡餅- 雖然我不是特別喜歡吃蝦和韭菜，但這款點心很有驚喜，不會太油膩，味道較一般肉餅輕盈。鮑魚撻 - 每次必點的菜色，鮑魚煮得剛好，口感Q 彈，撻底的甜度亦與撻內的醬汁搭配得很合適。杏仁雪影焗叉燒包 - 這道菜本身已經非常討好，包上那層一碰就散的甜脆皮是靈魂，不過我覺得裡面的叉燒醬可以少一點。XO 醬蘿蔔糕 - 由於家人吃不了辣，所以XO 醬另上，否則這應該用XO醬炒會更惹味。蘿蔔糕真的100分，就算只是微煎一下已經很美味。其實XO醬說不上辣，下次可能會請廚師直接用XO醬炒。葡汁蟹肉撻 - 這個概念很好，但我覺得試一次就可以了。也不能說不好吃，就是味道普通，葡汁味道濃郁得蓋住了蟹味。吃下去後不是很清楚吃了什麼 😅。清湯紅棗燉牛腩 - 這牛腩非常非常香，味道令我喜出望外，質地很鬆軟，值得一試。黑豚肉叉燒- 這道菜可以叫一份（8件）或