添好運點心專門店 (Moved) New Location

十一月下旬•陰陰涼涼 這裡是全世界最便宜的米芝蓮星店（當然，不要跟我說在樓下吃個牛角包就是吃了L'Atelier de Joel Robuchon，那裡是兩間店來的）。 本年度的港澳米芝蓮，加入了這間一星店，果然是越來越有地區特色。 我已來過，朋友卻很想試。第一次是09年最後一天，他先來拿位，十時來也是排六十幾，心急又唔想等的我，當然不會呆呆的陪等，第一時間轉場。朋友心心不忿，硬是要再來。約了我十時，自己九時十五分來排隊。我九時五十五分來到，他就在裡而等我。 店子小小的，廚房不大，人手不像很多，點心紙的選擇自然是貴精不貴多。二人吃了九款點心，酥皮焗叉燒包熱辣燙手，味道真不錯，是必叫的了。腸粉也是我覺得這裡做得很好的一項，蒸點一欄，我覺得蝦餃還更吃得過，吃起來爽口，只賣16蚊，另一個best buy item。也要了芝士蝦春卷、鳳爪、腊味糯米飯、蒸粉粿、燒賣等，其實都有星級中菜酒家的點心水準。 埋單每人80，不貴。但說真的，如果你「時間≠金錢」的話，這裡才有一來的意義。想看足本食評及食物相片，請參考下列網誌：http://gourmetkc.blogspot.com/2010/02/bl

呢日約好左 2 個同事仔 + 2 個朋友仔 + 男友仔一行 6 人, 收工去食添好運!!今次係我第 3 次黎, 平時 2 個人黎最快都要等大約 9 粒字至 1 粒鐘...今日我地有 6 個人, 等呀等...等呀等....結果......足足等左 2 粒鐘先有位, 真係腳都斷 如果唔係有 4 個朋友仔話想試, 都真係唔鬼去, 等死人 實在, 舖仔真係勁細, 幾時先會擴充下呢!?今次再黎食, 因為人多, 所以叫左好多好多野食...未食過既朋友仔, 食完話真係好食又抵食!食過既我, 反而覺得, 雖然都係幾好味, 但係品質就似乎一次比一次退步...就比如：- 腸粉皮厚左, 無以前咁薄咁滑- 粉果皮又厚又易爛, 無以前咁皮薄料靚- 蝦餃皮都厚左好多- 咸水角料愈黎愈少仍然無退步既係：酥皮叉燒包!!今次試左個新野特別推介：黑松露奶凍 ($36)呢個好好味, 勁香黑松, 用料十足, 愈食愈好食, 讚!!好在都有個甜品驚喜, 否則等位果 2 粒鐘真係...唉~希望可以盡快擴充 or 搬去大 D 既舖位啦...朋友仔雖然一致好評, 不過佢地都話：人多舖仔細, 所以應該未必再黎, 怕等得黎都餓暈自己...

今天早上經過添好運，發現有新甜品推出，就是黑松露奶凍(Black Truffle Milk Pudding)，一客三十六元。我一向很喜歡Panna Cotta之類的甜品，看到黑松露奶凍，當然就躍躍欲試了。九時半，雖然距離營業還有半個小時，但已經有不少人在門外排隊等候。我是為新甜品而來的，當然要問清楚早上有沒有供應才排隊。我向樓面唯一的女店員查詢(點心師傅都在廚房忙著)，她回答：「我剛剛回來而已…昨晚賣光了，不知道還有沒有。」奶凍等甜品，應該都放在雪櫃吧？但她完全沒有去看看的意思…哎喲！我忘了添好運佔地三千呎，我在女店員剛回來，最忙碌的時候，居然要求她去位置在遙遠的那方的雪櫃看看有沒有甜品，這可是超級過份的要求喔！開心明白自己人微言輕，人家亦未必希罕做我的生意，但這是待客之道嗎？去確認一下有沒有甜品，花不到三分鐘的時間吧…妳知否我要為此排上一個小時的隊(看門口的隊，首輪是沒我的份了…)？給我行個方便，不太為難身為店員的妳吧？星級食店，食物質素、餐廳環境、服務環環相扣，缺一不可。敬希垂注！最後，我懇請有緣能吃到這個不知什麼時間才有供應的黑松露奶凍的人告訴我：這甜品好不好吃？值得排隊來吃嗎？

係開始小弟食評之前,小弟想大家知道,因為呢間"米芝蓮",所以上黎第一次寫食評,中午放學,係學校等女朋友之際,上openrice搵搵有咩好食突然見到添好運,一間年幾之前已經想試既點心舖,所以一於一試兩點幾去到,好長人龍,所以同女朋友去行下先,3點幾返黎,人龍依然,唯有等等,期間不斷有人嗌過no.所以冇得入,店員禮物同態度都冇各位食家講到咁惡劣,有唔該前唔該後,只係因為忙得制,所以有d大聲姐可能,可以接受4點鐘終於有位,係門口已經揀定野食,茶 : 完全冇味咁制,,,唔知沖左幾多次,,,,酥皮叉燒包 : 冇想像中咁勁,,,大不了只可以話佢比其他叉燒包特別,有個菠蘿頂咁解,呢個ok之後既燒賣,蝦腸,牛肉,馬拉糕,蝦餃,,,,不值一提,,,我屋企樓下果間茶樓仔差唔多,,,仲要平過佢好多,,,,,春卷 : 等左好耐都唔到,細問之下發現佢去錯台,仲食埋,本身已經對呢間野失望,知道之後更加失望,十幾張台都可以去錯?算,講返春卷,唔記得全名係乜名,唔係特別出色,但已經係較可取果樣野食,陣味有少少怪,勝在有創意小弟唔知係咪因為添好運自從聲名大噪之後,,quality下降,,,定係不嬲都係咁既quality

星期一早上9時多到達一行人已在等待它10時開門不少都是遊客相信是衝著米芝蓮的名而來讓我重拾在東京築地大家死排爛排大和壽司同壽司大的感覺加上擠在一個擠得不行的店一個人等位方便..很快入座個人認為酥皮叉燒包才是唯一有特別之處的只點了這一樣但其實真係好甜不能常吃服務一直比人話不好其實我認為ok只是侍應都講效率但他們都有人情味會顧及老人家

之前完全無聽聞過些店, 只是男朋友知道它咁"勁", 咁出名.今日星期日, 5:40pm來到, 寫著6:00pm才開始登記, 5:50pm阿姐就開始登記. 本來我們的號碼還有三十個, 走開了一陣, 回來己經叫了很多, 比預期中快好多. 7:00pm前己經入了座. 真好!就是好在, 沒有等得太久, 因為試過後就會知, 食物只不過是中上, 因為價錢又唔貴, 所以先比到佢中上, 否則就是中下.酥皮叉燒包是好的. 但個面甜左少少.馬拉糕好普通.蝦餃好啖口, 唔夠味. 但總好過太喊.粉果好食, 無乜肥豬肉煎蘿蔔糕好軟身, 好夠味, 不再點醬食都得.蒸排骨, 普通.人多,地方好細, 食完要即走, 不是來嘆茶食點心的地方. 這間都是試一次就算了.

尋晚，六點九到去拎飛，已經要們等大約一百張檯。咁諗住行下街，一個鐘後番去，就差唔多有位。一個鐘後返到去，仲要等多三十多張檯喎，咁諗住行多陣啦。點知一返到去，佢突然叫飛叫得好快，可能已經無人等，我就係因為行多一陣，走開左就過左飛。過左飛係自己ge責任。但等左咁耐無得食已經唔開心，仲要比門口個個阿姐好串咁話：係呀，睇唔到咩，過左飛囉，點呀？再排過囉，不過我地9:30cut飛，到時輪唔到你就無嫁啦喎！”聽完佢咁串語氣ge回答，真係好激氣。以後都唔會再去，好味又點呀，服務態度勁差，亦唔算係一間好店。

上星期日 諗住踫踫運氣 堂食唔到外賣就算2:30pm去到 門口貼住 籌已派完 4:00pm再派 這是預計到既一心諗住外賣 門口貼住 "無得外賣" 咁我覺得好離譜!~~~有生意都唔做我未見過有一間餐廳係無外賣叫 串唔串d呀!!!!!!!!!!!!!!

18:30 拎籌, 20:40 入座, 沒有耐性者不用去試茶位 $4 有普洱 同 壽眉, 但茶不香, 打了一點折扣試了:-酥皮叉燒包 - 有水準, 即焗即食, 正~馬拉糕 - 好香, 好軟叉燒腸粉 - 叉燒好味, 腸粉夠爽面醬茄子牛肉 - 牛肉好好味, 面醬既味道又不會太濃整體食物水準高, 可以再食, 唯獨什麼時間去會可以快 d 入座呢~問過阿姐, 10點開門, 早上九時會開始有人排隊晚上十點關門, 最後入座時間為 九點半, 唔好諗住夜 d 去等會快 d, 因為過了九點半係唔會可以入座的對食物有一份堅持, 才可保住質素, 吃得出廚師的一份心機~

終於一試這間"米芝蓮"．花了兩小時十五分鐘等這一餐．在旺角逛逛街，邊逛邊等，本不是難事． 但經過兩小時的煎熬，有點累，女友的面色由歡欣轉而變得木訥，店外仍有不少人等候．”值得等嗎？”一直是我們所想的問題．答案是：酥皮焗叉燒包值得，但其他就不值了．燒賣：沒有肉味，蝦亦不新鮮，這是第一道送來的點心，把我的期待徹底消滅．牛肉, 蝦餃, 蝦腸粉,春卷, 糯米雞：普通得不得了，我家附近的粥店比它還好多了．可能都是來貨，味精十分多，喝了多杯沒有茶味也只是薄暖的茶，到現在（３小時後）舌頭仍感到很乾．酥皮焗叉燒包:這道點心為此店挽回一點聲譽，外脆內軟，肉質不錯．　餐廳十分擠迫，伙記招呼一般．茶水不熱，味精太多．店外有文章指這裡的東西比得上四季酒店，大概只是取寵的寫法．畢竟，好吃的點心，來自老字號茶樓，不是摩登的西洋酒店．　外國人對味精(MSG)十分敏感，這間餐廳拿到米芝蓮，對米芝蓮的信譽或多或少打些折扣．

今晚剛巧路過隨緣拿籌；2hours後因找不到原本想食的食店，於是折返看看，竟然有位便入去了。早已有心理準備知道環境極之擠迫，所以勿勿吃完為妙。蝦餃味道中上，細細粒容易食。咸水角熱辣辣OK但個皮有d “un”。鳳爪排骨飯細細盎都OK。牛肉茄子本是沒期望之作，卻令我感到意外是它有趣的mix: 好juicy，很厚身，可以伴飯吃啊。酥皮叉燒包呢… 我們只叫了1籠。之後我們見人家2人桌叫了2籠甚至外賣取走，令我考慮是否應叫多一份外賣。結果，包是熱辣辣脆口的，但未至於想encore，大概是因覺得“包還包、叉燒餡還叉燒餡” 的分離感或有所缺。Honey本身叉燒餐包/叉燒酥fans，也竟然說它只是名氣過大，令我們期望太高而已。我本身很懷念從前在酒樓食的“柱侯牛孖筋”點心，蒸出來紅卜卜熱辣辣的很厚身彈牙，頗香甜。可惜，現在“柱侯牛孖筋” 點心、連同“菲林”(芝麻卷) 點心 、“西瓜盎”、“鵪鶉蛋燒賣”(只餘少數地方仍有製作鵪鶉蛋燒賣)已幾乎絕跡了吧??! 很懷念啊… Anyone knows?始終是“柱侯牛孖筋”情意結，令我不禁點了這兒的柱侯鹿根，味道不錯呢! 但鹿根太少了，我比較不喜歡它墊底的芋頭—

事源食友在facebook上談起要排數小時就為嚐一口「星級」點心，想起來認識添好運是一年前的事，培哥是位有心人，做的傳統點有辦有眼，年前拙文起題為「改變廣華街命運的點心專門店！」，想不到事隔一年，廣華街也真的變得熱鬧起來，在此重貼回味。傳統的煎蘿蔔糕同樣認真，蘿蔔絲條條用人手切割，粉與蘿蔔比例拿捏得宜，吃起來每口是蘿蔔的甜亦有臘肉鹹香，而培哥卻堅持接單即煎，蘿蔔糕帶點焦香，很不錯。更多的糕點分享＠http://foodxfile.blogspot.com/2010/03/blog-post_10.html

今日5:30pm去到諗住等位食呢間所謂得獎既食肆la, 去到門口見到有幾個人等緊攞籌, 咁我當然都一齊排隊攞籌la, 等左一段時間終於有個長直髮姐姐出黎, 佢出到黎唔係比籌我地, 而係安排一早有飛既人入去坐, 咁ok, 我覺得冇問題,但問題係我地冇籌果班人問佢可唔可以幫我地寫飛攞籌先呢, 佢d態度超級極度差, 黑面答左我地一句"未有得派呀", 咁我地當然問咁幾點派呀(我地到時黎攞啫), 佢又用佢極差既態度答"5點零6點囉", 根住就即刻9秒9入返去, 我地成班等緊既人即刻話有冇搞錯呀, 咁既服務態度, 而家5:30pm, 咁5點零6點即係點呀, 而家咪呢段時間囉, 5點就5點6點就6點la, 我地都係想幫襯啫, 呢間食肆得左獎有乜用d員工服務差成咁,係咪攞完粒星就一登龍門升價十倍呀, 唔好比人感覺貼錢買難受先得架

I thought I was being smart to arrive at 05:30pm but lo and behold, the queue was already there and mind you, that was just to get the number for your other queue to go in. Spent another 2 mind boggling hours waiting before we at last had the honour of being seated. Dining conditions was ok but food took quite some time to come as the dimsum were not readymade and they do have a compact kitchen. Service was friendly enough but I'd never press my luck considering the fact that the Michelin star w

小弟也是慕米芝蓮一星之魅力，等了兩個鐘才有得食。 不少老外也跟我一樣慕名而來，近的有新加坡；遠的從德國也手持德國雜誌所推在門外久等。哈哈 結果都中了世紀咪豬蓮大騙局！呆等了幾小時，加上肚空空，多少對食物有心理加分。但平心而論，出品的水準實屬一般至中等水平，食材調味及服務上要改善。 唯酥皮叉燒包十分不錯，但賣相有待改善，畢竟是震店之選，若不吃就如沒去無異。 值得一讚是老闆對食物用心，每盅點心都是即叫即做，選擇雖不多也有些創意，如"芥末茄汁魚春卷"。 可惜的就是整體上失了傳統點心的味道和感覺！