添好運點心專門店 (Moved) New Location

本身是一個很喜歡吃飲茶點心的人, 這家店剛開店的時候就很想試某天要去旺角拿鞋子, 終於找到機會吃了, 5:30pm來等, 45分鐘就有位了, 等待的期間有些外國人也去等, 跟他們聊了一下,他們真的是看了米芝蓮特地過來吃的叫了很多食物, 最推薦是他們的招牌-酥皮焗叉燒包. 甜甜的酥脆的外層加上裡面的叉燒內餡很搭,甜甜鹹鹹的味道很讚! 令外蝦餃也是做得很不錯, 我比較喜歡吃小小個的蝦餃 (應該說從小在香港吃到的蝦餃都是小小個的), 皮很薄蝦也很鮮, 在外面的酒樓蝦餃都太大顆了, 所以這裡的出品我很欣賞其他的排骨,山竹牛肉等不過不失. 梅菜肉片蒸飯則比較差, 飯粒對我來說稍微硬了一點... 而且梅菜只用鹹梅菜, 如果能用上一些甜梅菜混合效果會好很多最後叫了他們的新產品-黑松露奶凍.質素很高, 奶凍很滑. 但黑松露的味道我只能聯想到鹹的方面...做甜的我覺得有點合不來這家店很小, 人很多. 當然不能要求職員給客人太好的服務吧... 但當日服務算很好, 我跟她們說謝謝, 她們會回我"唔使客氣", 而且收蒸籠收碟子的時候也會恨我們寒暄幾句. 覺得她們態度不好的食客們, 是不是因為他們要求過多呢?

小妹食過兩次,好幸運地,每次都係等一個鐘左右就入得啦!第一次豬潤腸粉皮薄好滑,豬潤唔鞋口,好正!潮州蒸粉果我未食過咁好食既潮州粉果,皮比坊間的薄,餡料好香口,可能落左好多韮菜既關係~真係好味~一定要試!!!酥皮叉燒包必食推介!外皮薄脆,酥皮十分之鬆化!叉燒醬香味好濃郁~新鮮熱辣,食時小心辣嘴鮮蝦燒賣皇蝦爽口,豬肉好juicy,但我唔中意燒賣皮好大陣"簡"水味!第二次潮州蒸粉果同第一次食一樣,真係好鬼正!晶瑩鮮蝦餃蝦餃皮好薄,蝦十分之爽口!豬潤腸粉皮又薄又滑!鮮蝦腸粉蝦好彈牙!咸水角推介!好味到我唔識形容~想叫多轉但太飽食唔到了...陳皮牛肉球:牛肉味濃, 唔多粉,幾好!酥皮叉燒包有水準,即焗即食~勁好味!金茹牛肉腐皮卷煎得好脆身但食味就普通呢~腊味蘿白糕蘿蔔絲條條用人手切,好有口感~好軟身,夠味!馬拉糕我覺得好普通~桂花杞子糕好好食我覺得,好香桂花味既同時又唔會得個甜味!以平民價錢可以食到酒店級水準的食物~讚!!!

見d朋友話好食,打算入去食下啦,因為唔太肚餓所以唔係叫太多野,跟住d職員話叫咁少運吉架,都算啦..入到去因為佢地差不多收爐,我地叫d野大部分都冇只係有义燒包,當我地打算咩其他野既時候,佢好惡咁話..冇架啦..你地唔好食啦..真係成肚火,冇野食叫我地入去仲咩呢..人地要轉野又話咩都冇..結果只係食了一個义燒包...不過食得好唔開心...就算係好食..我覺得唔需要食到咁受氣

說快不快，說慢不慢，一年可以發生很多事情，還記上回來此享用點心之時，已經是一年前的事情，那時候在OR對它的食評也只有大概十個，當然本人對那餐點心午餐是非常之滿意的，我那食評應是對店家的大概第二十個食評，果然紙是包不住火，好東西當然很快的傳開去，至上年的年尾，此店更得到米芝蓮的垂青，取了一星，若論其環境配套，真的是推介也說不上，連杯茶也真的挺不濟，但也真的不能不佩服麥師傅的毅力及點心出品的質素。與上回來時比，今趟就等多了至少一小時，等候其間，也見到有不少外藉人仕一起等，看來車胎人的威力可真不少，另外最特別的，就是竟有一名一支公的外藉人仕來吃點心，他點的點心每一款都是店家的拿手點心，我和女友估計他是米芝蓮人的一份子。苦候多時，終於可以安座重溫舊夢，我們也拋開任何的顧慮，大點狂吃，最後連張枱也容不下。今回來一於要吃上回未吃過的，上回只有兩人，吃不了那麼多，所以當然沒有吃飯，今次來多了一人，就先來一盅鳳爪排骨飯，飯粒粒粒挺身，咬下有點米香，而沾滿了排骨及鳳爪汁，再加上點老抽，真的是又香又好味，與上回在一點心吃到的一樣的好味，如果光要吃此道的朋友，大可不必花個多小時排這兒。接下來吃兩款餃類的點心

聽講點心師傅了得, 雖然對中式飲茶不是太過喜愛, 但有好野都要去試一試既, 希望好運食到好點心吧 酥皮叉燒包 (果然係招牌, 做完即上新鮮熱辣,包面脆脆的甜甜的, 餡都夠熱好多汁)叉燒腸 (皮好薄幾滑, 不過好細少)鳳爪排骨飯 (料普通, 飯腍腍爛爛的, 唔多得)莧菜餃 (雖然都係細, 不過係呢間野黎講都叫做大舊, 不過只係得d菜..如果有d肉會好少少)

同老婆仔出咗去廣華街買軍火打WARGAME,橫掂槍鋪未開,老婆仔見到Lee間點心店勁多人排隊同埋係"米芝蓮"一星喎,講到咁勁,話想試下喎,見老婆仔肯陪我打WARGAME,我就陪佢癲下啦!!結果過格離茶餐廳等咗成2粒鐘,攪到茶餐廳阿姐面黑黑,真係唔好意思喇入到去間鋪好迫,D阿姐好忙,好彩晨早寫咗order紙,唔係有排冇得食我地叫咗.....1)香茅牛肉脆瓜餃......老婆仔話出面少有喎,幾有驚喜,但我又唔覺囉!!最大獲就係誤食牛肉,比阿媽知道死梗!!2)鮮蝦燒賣皇........Lee個幾好,豬肉有口感,蝦爽口,OK啦!!3)柱侯蒸鹿根........Lee個出面好少有,個味OK!!!4)香滑馬拉榚........稻香已經唔好食,佢Lee個真係完全唔掂,我仲以為佢同大榮華有得fight添....唉.....5)豉汁蒸鳳爪.........周圍都係Lee個味,冇特別6)家鄉咸水角.........個皮OK,個心冇味,美心足料好味好多!!!!7)梅菜肉片飯.........肉片同D飯冇味同唔香,老婆仔話梅菜幾好喎,不過我又唔覺喎!!8)金銀蛋廋肉粥.....老婆仔話佢個味同''通達''一模

看來現在要在這兒吃一頓 ，已經是對耐性的一大挑戰，畢竟等三.四小時不是人人忍受得了的XD。(沒上米芝蓮時試過等四十五分鐘)這兒的食物味道確實不錯，不過我覺得應只有中上水準(當然以這個價錢來說是物超所值)，不過是不是值得等三.四小時(聽聞，不過可能性很大，因為一站在附近便會有此感覺，當你看到那黑壓壓一片......)就見仁見智了。首推一定是那乂燒酥(包)，不是說笑，特別是第一次吃時，真個是齒頰留香(可能誇了點)，一定是那句:非點不可!另有溫馨大~~~~提示，雖說不作外賣，但那是對街客而言，只要你進去坐一坐，便可大包小包盡興而回(我看過有人提了7大個飯盒瀟洒離去XP)。

7-4-2010世界最平的米芝蓮就在眼前, 雖然只是一星, 我的第一站就在這裹開始, 我知道這裹好評多不勝數, 在雜誌每個都說讚這天, 要到這裹看看水準如何? What, 這個每位去添好運點心專門店 都要注意, 原來早上10:00 開始派飛入場, 下一個時間就是4:00. 我去時間剛剛是2:30, 我時候連飛都無得拎, 真的很無奈, 幸好我到這裹還有另一個目的, 就是到對面的槍街看看槍, 行呀行.........................我的午餐快要變成晚餐, 準時4:00過去再拎飛先, 呵呵, 還有幾名有到了, 我數一數原來都等左兩個鍾, 如果無咩目的來, 呆企企兩個鍾真的很無奈, 好彩我不是, 聽說這裹的廚師是四季酒店的大廚, 因此不少外地遊客到訪, 他們耐性真好 鮮蝦燒賣皇 我認為這個沒什麼特別, 也吃不出跟酒樓有什麼分別, 只是覺得廚師用的豬肉較瘦, 沒有多肥肉, 女士們應較喜歡 柱候蒸鹿根 這是我從未聽過的蒸點, 吃上口有點像牛根, 好好咬的, 也非常特別 晶瑩鮮蝦餃 皮薄, 蝦鮮 , 這正正就是, 非食不可, 我的最愛 古法燸米雞 這是我認為又大又平的, 我肯定這燸

聽個FD講到呢間o野好食到飛起咁岩lunch經過又有時間索性等下試下何謂米芝蓮一星8個人等左半個鐘到算快未坐入去, d人態度已經差到嘔入到去就叫o野食蝦餃- 細隻, 又濕又無味燒賣-無味腸粉-皮厚無料, 又唔係滑酥皮叉燒包-牛油味過重, 同叉燒唔match山葵汁春卷-佢話岩岩炸出o黎, 但係勁淋,唔脆蘿蔔糕-無蘿蔔味, 好似食緊舊粉大概記得食左咁多仲有叫左盅頭飯, 都係一般般雖然埋單唔係貴, 但係我寧願比多D錢去番酒樓食至少坐耐D, 態度好D, MAYBE o野食都好d

十問九唔應拎左飛等位,又怕佢突然狂飛號碼,擔心得要命仲慘過去見工呀!又要人諗定食乜,態度又欠佳你班阿姐唔憂做都唔使咁串呀?等左2粒鐘,叫左牛肉,腸粉,蝦餃,粥,粉果,燒賣,排骨 等以我飲左廿幾年茶既經驗呢間野只係好普通!貴又貴過酒樓食,食又唔係好食過人態度又欠佳過人好味過佢既大有人在只係香港人貪新鮮先要受佢氣!差差差差!

難得幾位朋友都想試一試, 有人陪等位, 就一齊試啦. 見其他網友都話要等成5個鐘, 我只係由晚上7點幾等到9點幾, 都算係好彩.入到去, 人人都坐得好迫. 一坐低就比左等位果時畫定既點心紙d員工. 點心亦好快就被送上.其中最好食既係酥皮叉燒包. 佢個皮好似菠蘿包咁, 裡面d叉燒係冇肥肉的, 好好味. 最值得推介既係皮蛋瘦肉粥, 好綿. 食得出係有好多料來煮個粥, 但我對食材冇咩研究, 所以唔知果d料既名. 總之就好食過出面d皮蛋瘦肉粥多多聲! 最特別既係山葵茄汁魚柳春卷. 其實只係特別在出面冇呢款點心. 春卷咬落好脆, Wasabi 味唔會好激, 只是用少少來調味. 茄汁同魚柳就冇咩味. 其他例如蝦餃, 鳳爪, 牛肉果d都係普普通通咁.我地5個人食左2百幾蚊, 都幾抵. 志在試下米芝蓮食店. 試過一次就算了.

筆者與女友一同放假休息，中午與家人一起到廣華街的添好運點心店。筆者多次路經這點心店，每次都看到十數人在外面排隊等待。據說添好運的師傅是酒店的大廚，所以造出來的點心十分好味。於是今次特在午市前到達，希望可以試下這出名的點心店。等了半小時終於可以入席，我們一家和父母的朋友一共六人，叫了叉燒包、蝦餃、馬拉糕、糯米雞、牛肉腸粉、燒賣、蒸飯等點心。這店子果然名不虛傳，食物質素十分不錯，而且價錢實惠，六人用膳埋單只是二百多元。缺點是等待的人太多，食畢後便要立即離席，不能如在酒樓一般慢慢嘆茶。http://hk.myblog.yahoo.com/chicken-goal/article?mid=2356

因為有朋自遠方來，便貪得意題意去永遠排長龍既點心快餐店見識，其實平時係寧願求其搞都懶得排隊既人。一早去拿酬，排左５個鐘頭隊，終于論到我。坐落當然即交上早幾個鐘頭前已經畫好既點心紙。點心當然好食，但比起以前就差左，很可惜，但亦明白事實的困難，由其懷念以前乾身但帶荷葉香味既糯米雞，而家的一開荷葉，蠔油汁應經流晒出來全場人都非常珍惜排在幾個鐘頭先有得食既點心，並耐心及超客氣聽伙計呻忙。左讓右讓，又非常緊張習慣動作大既朋友會掃晒人茶同點心落地，終于挨過餐茶。好像發左場乞衣夢。

上午11時半已到添好運，跟住要攞籌，125號,個時叫到14號，跟住要等到1時半先有得食，但都好好味，我鐘意食酥皮叉燒包，馬拉糕，馬拉糕好鬆化，但係黑松露奶涷比較一般，同埋比較貴。

我們由早上11時多等到下午4時，足足等待了近5小時，才能入內進食。期間，先後2次到附近4處逛，以打發時間。漫長的過程裡，不斷有人到來詢問，可是都因為已經停止派籌而失望而回，或者抱怨。當中不乏一些走了的人，回來時發現已經過了號碼，而非常勞氣。由於當日還下著雨，現場觀察，只有外國人能夠輕鬆地笑著等候，進了去，感受到位子很窄，其他人出入時都要移開桌椅。我們立即叫點心，酥皮焗叉燒包最好吃，我見有人點了10籠帶走，又甜又鹹的感覺很好。其他的食物，如蝦餃，腸粉，春卷等都很好，不過排骨和糯米飯就很普通。試過1次就夠了，下次別再預我，時間就是金錢嘛。