添好運點心專門店 (Moved) New Location

米芝連的好介紹令原本只有40座位的添好運更加其門如市。早上有130個籌，要下午才消化；我和Shirley在下午三時半拿籌，四時十五分才能入座。 就試試它的點心好吃到那裡！黃沙豬潤腸：自“哮喘豬”後，豬潤腸幾乎絕跡香港，難得！當然要緬懷一下。 腸粉薄而且滑，看到廚房的真功夫，豬潤便沒有我在廣州吃的那麼香。我較喜歡厚滑的腸粉和勁多豬潤，這裡的豬潤腸，入囗不久便不見了，口感零滿足。家鄉咸水角：脹卜卜，好像有點臘味香？ 但太熱了，放了很久仍很燙，中招！ 難受多於享受…煎臘味蘿蔔榚：較清淡，卻不比酒樓遜色沙茶牛肉脆春卷：皮薄而脆，餡多汁多，不建議放太久，因餡汁會影响脆皮酥皮焗叉燒包：上面是沙皮，內裡是多汁叉燒，有真正烤叉燒的香，並非一般的“豬肉撈叉燒醬” 飽皮超軟…必食古法糯米雞：勁大、多餡，味道調得不錯！晶瑩鮮蝦餃：皮薄，蝦爽，水準之上鮮蝦燒賣皇：肉彈牙，蝦爽，不錯陳皮牛肉球：肉彈牙，有牛肉香味，比大酒樓還佳！必食！茶位每人$2，以上九欵結賬只需$133。有大師傅水準，而且味道雖較清淡，卻仍然滋味，最重要是即叫即蒸（做），當然較點心車優勝。 今天添好運深水埗分店開幕，地方大了

被"米芝蓮星級食肆"這名氣吸引於是就去左試一次啦!一去到都見到有一群人在等著,心想一定好吃啦!點知.............................食物黎既速度都算快, 且熱辣辣先試得獎的酥皮焗叉燒包, 入口尚算不俗, 但如果是以此得獎又有點難被說服 再試其他點心如燒賣, 蝦餃同馬拉糕, 味道同一般在茶樓吃到的沒多大分別也許是期望過高吧, 所以不覺得它有什麼特別好味? 唯一值得推介是春卷, 它跟一般的不同, 材料是炒蛋同蝦, 頗特別, 而且它夠脆 食完就即埋單, 多坐一會也不行, 因空間感太少了, 外面又有其他客人等著

補回之前的食評一直都好想食酥皮焗叉燒包 好期待~本來係想1點拎飛 兩點睇完戲去食 但已派完飛...無奈..睇完戲 4點拎飛 行左兩個小時 入去 岩岩Miss左一張好彩 哈哈哈哈同周公兩人點了:酥皮焗叉燒包-好酥 好香牛油味 咬落去唔會散 講真無失望 不過好易滯..潮州蒸粉果-周公最愛 佢話普通 正常免治牛肉腸粉-好細條 但好靚 記得唔知咩人話過靚腸粉是要很薄很薄的, 讚好!燒賣-好普通 講真 無咩特別蘿蔔糕-我覺得好似黑黑地咁 但周公話一流 都唔知佢識唔識食架?一夾就散 可能粉太少薯仔墨魚餃-名好得意 但唔好食 入面D料好似無咩味 又唔覺有墨魚..蒸鳳爪-好入味 雖然我唔好 但周公至愛 讚好最開心係食酥皮焗叉燒包 好似細路仔食到好野咁 開心到呢 給你一個笑如果有外賣就好了 可惜.....深水po會開分店 希望唔好咁多人啦...都幾抵食 唔會話出晒名 貴到爆囉...但好似夜晚6點已經無得派飛 想食既朋友要早少少拎 拎完2hr番去 岩岩好

早上十點左右去到,已經係派到38飛人多唔緊要,但係我唔係好buy佢叫過左幾多個,你羅住飛返來佢都會俾你先,唔會話過左5個就要再輪, 咁我係門口等就好 "on居". 因為d走左去兩個鐘既人返來,你又係等佢後面如果你係諗住去,記住羅完飛,去行2粒鐘街先返來,咁就舒服好多叫左:酥皮叉燒包: 無詳特別,一般茶樓水準糯米雞: 已經係最好,不過大家樂個隻好過佢蝦餃: 最失望,細隻,皮厚,死實實黃沙豬潤腸: 得燒酒味,豬潤少,豬潤好貴咩?潮州蒸粉果: 無乜味,無意見,燒賣:　無詳特別,一般茶樓水準腊味蘿白糕：係無咩粉，但係又係無味，羅來時已經散晒，結論：一定唔會再去 浪費時間去美心食無咁激氣俾米輸田唱衰香港，攪到ｄ遊客以為中式點心既水準係得咁多米輸田．．唔識食　！！！

既是得獎食肆, 在OPENRICE又有好評, 那麼對它有高期望也是正常的吧要排隊很久才進得去也不說了知名度高要等也是理所當然肚子餓了食物也自然比較好味道可是不知是自己期望太高所以失望還是我不懂欣賞這得獎店的特色叫了的點心例如沙茶醬牛仔骨，馬拉糕，蝦餃，腸粉同燒賣都跟一般酒樓吃到的沒多太分別，　得獎的酥皮叉燒包是不俗，但如果說它是得獎的點心，那又覺得不太特別而鳳爪Ｄ味道更有點怪唯一值得推介是鮮蝦滑蛋脆春卷，裡面的材料是炒蛋和蝦，加上外皮夠脆，不錯總的來說，試一次就好了，裡面的空間較少，坐得也不太舒服雖然吃的是點心，但種類也不算太多還是去酒樓好一點

蝦餃:唔錯,但唔係好好味個種,但睇番價錢原來18蚊,就超左18蚊的水準囉.酥皮叉燒飽:每枱必點食物,真係超好味,細細個飽,叉燒連汁又香又正.黃沙豬潤腸:腸粉滑滑,份量就細左小小.但好好味.配上的豉油味道好,唔咸.鳳瓜排骨飯:好少食到d咁瘦的排骨和咁細粒的鳳爪.新鮮好味.糯米鷄:好大隻,勁飽肚,如果加埋d咸蛋皇落去就perfect.普洱茶:唔夠茶味,但兩蚊個茶位,都ok架喇.平日食點心感覺好味精,添好運呢粒星真係俾得好.佢地d點心細細件,的的色色,新鮮好味.配合現在大家講求的健康.又唔油,抵佢有呢粒星,抵我地要去排隊門口和收銀亞姐不是寸呀,只是爽快之人.講嘢好攪笑架,i like them斟茶亞姐都替我加左兩次茶.都幾nice.上菜亞姐又好有禮貌問我腸粉加唔加豉油.是日下午茶時間去,一個人等左10分鐘就有位囉.(其實都有十個八個人係門口等位)可能繁忙得來相對無咁繁忙,d職員都有心機d啩.我都係臨時去食,無帶到膠盒,去左兩碟半,打包左一半走人.支持環保,大家帶膠盒去打包喇,因坐得唔舒服架.真係來食好嘢咁解咋.不過坐位真係好迫好迫好迫.如果要我排3,4粒鐘入去食,我諗我做唔到囉.

剛剛星期六試過，真係試過就算喇！！人多到爆，仲要五點九就話全日既籌派晒，但佢地好似收十點架喎！！至於食物水準真係一般。*牛肉腸粉本應算好食既，但可惜豉油唔得，帶酸味。*蘿蔔糕就真係有蘿蔔絲見到既，但可惜粉太少，唔夠漿力，太鬆散。*叉燒包值得一試，雖然唔夠熱，尚算過癮之作。食飽後還叫多兩極客外賣孝敬家中兩老。*蝦餃尺碼不算大，脹卜卜，係皮薄，白裡透紅，樣靚，可惜冇蝦味。*鳳爪就真係有點失望，豉汁顏色較深但味較淡；肉質尚算實淨。*糯米雞係完全失望，其中一個原因係女有極力推介，抱有希望，可惜…….糯米有一少部份未熟透，尚有少少未過骨；另外食糯米雞最緊要係個汁浸入糯米內，才使到糯米煙刃中濕潤而有味，可惜汁太少了，著半隻糯米雞“乾憎憎”。口味見仁見至，各有喜好，純屬個人感受！！希望佢地請多個阿姐啦，果日我去舖面得三個人，一個收錢、一個帶位兼少量執檯、一個樓面，執檯、出點心、落單、沖水、甚至倒瀉野全部都係佢…。咁好生意就請多個人啦！！最後想講講，有蚊呀，著短褲或裙者要小心呀，女友被小蚊咀了兩下，我估係與當時室溫有關。最後最後，好似話深水寶已開了分店，希望唔好差過而家啦！！

8時這麼早下班，夫人就抓了我去她一直很想去試試的「添好運點心專門店」飲早茶，嘗一嘗這間名氣大超多人的點心店是什麼來頭。我們8時半左右已經到達了，但10時才開始營業，我們只好在門口等啦，排第2呢。聊聊天時間就過得很快了，中途我們還為一對外國遊客介紹菜式呢!轉眼間已經 10點囉，人龍開始長了一點點。好! 可以入座。點食物是以點心紙形式下單的，菜單轉了，沒有夫人想吃的咸水角呢。我就說「可能是咸水用光吧，所以不賣咸水角~」，好爛我知道…這是第一客上的「蘇皮叉燒包」，好好吃呢!第二客的「馬拉糕」跟第三客的「鮮蝦腸」。馬拉糕很鬆軟，推介! 而我們在排隊時前面的姨姨說所有腸粉也很好吃，在其他地方很難吃到這水準的腸粉。誰知道只有賣相好看，晶瑩剔透的外表下卻跟一般外面的腸粉無異。第四客的「薯仔墨魚餃」，平心而論這東西超騙錢又難吃，墨魚才只有那麼一兩條絲包在其中，多半是薯仔跟蔬菜在，而且味道一整個不配合，超怪的!第五客是「牛肉球」，還是跟一般茶樓的貨色無異，普通吧。最後是甜品，「紅棗桂花糕」，是有很香的桂花味沒錯，但不夠清香，有一種很假的味道，只能說是硬造作出來，下品!結果，吃完這次的添好運後，我們是失望

到了第 800 篇, 又是寫星店的時候了...添好運呢, 相信都不用我再多介紹, 反正摘了星之後, 更加是名揚四海了啦。如果不是來開這邊, 又得閒, 我才沒那麼好閒情來排隊。一早未到開從廣華醫院那邊行過來, 店還未開門已見長長人龍。拿了籌, 做完了自己的事, 15 分鐘後再回去, 然後畫定點心紙, 都還要等上半小時才有位入去。店家本身不設外賣, 但入得去食的話就可以打包拿走, 所以我就老實不客氣, 多點一些了。店內面積比我想像中小, 坐得也比較逼, 但大家也很識做地自動調節。雖然店裡很多人, 但阿姐們仍相當之好禮貌, 一眼關七, 勁!晶瑩鮮蝦餃 ($16) 是四季酒店出來的老闆的撚手作之一, 是必點之物; 餃皮超薄, 很易破, 夾起時得小心。裡面的蝦相當彈牙 - 彈牙這個 term 用得很濫不過是幾好的形容, 不算大隻但只賣你 $16 一籠四隻喎仲想點?!潮州蒸粉果 ($10) 是我在等得無聊時, 看店外的雜誌剪報的推介點的, 看樣子和吃下去都是挺油膩的, 但值得一讚的是餡料都切得幾精緻, 點辣椒油也不錯吃。酥皮焗叉燒包 ($12): 有理由相信 99.999% 的人來到添好運都會點這

好多人, 週六等位11:30至1:00等到傻, 望見一班又一班外國人、台灣人進出, 哇！真係咁有名的米芝蓮？！好擠迫的環境, 要了4個點心, 鹿根 - 咸左D, 其實無甚特別, 只不過較少見, 味道一般酥皮义燒包 - 招牌必叫, 見老外們每人叫一客, 唔怕肥可以食, 酥皮實在油。但真的新鮮, 等最耐的一碟, 證明是即叫即造, 熱辣辣, 是正的！豬潤腸粉 - 好小一碟, 味道... 還可。杞子桂花糕 - 質太軟, 沒咬口, 不Q亦不爽；味太甜, 香是香, 但桂花香掩不住強烈的魚膠粉味, 不佳。以米芝蓮言, 價錢算抵；以一小茶居言, 質素可賞,惜其已成知名米芝蓮推介店, 一眾中外朋友懷着期待, 不惜於門外等待一小時再一小時,要免大家期望越大失望越大, 不停忙着招呼傳媒的店主, 是時候要想想別沉於名氣, 忘了保持品質,不然, 只壞了米芝蓮美名。

咁岩行過見唔算太多人，橫掂要等老婆, 就拎張飛去碰運氣!接完老婆行番去岩岩過左幾個號碼，就問佢有無得補，原來呢度過左好多張台都可以補飛咁就唔洗等得咁辛苦!無幾耐就有得入，叫飛果個阿姐問我地點好野食未，我地答未，佢好唔老皮咁話：『下次係出面等果陣寫好先啦!』都唔爭在果一分幾鐘啦ar ma........叫左…叉燒腸:好好食，睇住佢新鮮整出黎，好薄皮，似係大陸先食到果種腸粉蝦餃:老婆話個皮做得好好，我覺得D饀料一般鳳爪:好食!我同老婆都係鳳爪精，都覺得好食排骨:麻麻…好細粒，肉靭蒜蓉蒸鮮魷:　D魷魚係就係好大，但肉質較老，味道一般間舖真係好細，坐得唔夠廿人D位好逼你都預左佢無服務食完就好快D走

「添好運」評為米芝蓮一星級食肆，平民的價錢就能吃到獲得肯定的美食，吸引我去嘗嘗！！排了兩個小時的隊，才可進去...點心可比想像中普通，是好味道，但卻是茶樓、酒樓吃到的水準，沒什麼特別。酥皮叉燒包：特色美食，皮薄、脆酥皮、涵料多馬拉糕：軟但乾身，不好吃叉燒腸：粉皮可更滑燒賣：彈牙的口感，值得一試蝦較、排骨：普通總結：一次就夠了！！

知道佢有好多人等, 知道至少要等1個鐘, 但都無損我今日一定要食到添好運既決心! 我話要食就要食到, 所以一早 (其實都唔算早, 因為起唔到身) 就去排隊, 得到一個no, which is 38. 阿姐話到明, 至少要等個幾兩個鐘, 我唔信, 所以我就係門口罰企. 一路等就一路點點心, 因為唔接受加單. 最後受罰接近80分鐘後有得安排坐低. thank god.店鋪非常細, 座位非常逼, 阿姐非常忙, 而我被安排到坐正係廚房旁既1號台, 所以能夠好清楚見到大廚係廚房有幾忙幾努力. 食物非常快就上, 太好喇, 因為好餓~ 粉果皮薄 (接近透明, 詳情睇圖). 完全能夠見到入面裝有乜野餡料, 但可惜我等唔切佢凍, 所以一夾就穿左個皮, 但由於個皮有返咁上下韌度, 所以未至於會散哂. 餡料內容同其他酒樓一樣, 但係份量非常多非常足, 而且十分爽口, 尤其係花生, 勁好咬. 每隻細細粒, 好快就食完一隻又一隻~ 最重要既係價錢: $10! $10有3隻咁高quality既粉果, 請問仲有邊到有?春卷一向怕食春卷, 因為絕大部分既春卷係油浸出黎, d油多到非常得人驚. 但呢到既春卷唔算油, 至

這店一直是人龍店, 久聞大名, 一直未有機會品嚐, 昨晚和朋友在旺角逛完街差不多9時, 朋友問有沒有去過那出名的點心店, 我亦想去試試, 原來她的營業時間是每天上午十時至晚上十時, 我們剛好趕及最後幾張枱的登記, 大約20分鐘後她們就不再登記新客, 全店大約30個座位, 枱貼枱, 位貼位, 人貼人, 我們約9時半入座, 她們要求我們在入座前, 等待的時候要準備好點心紙, 我們點了6個點心, 好奇怪明明我們枱面貼著17號, 但我們的收據的枱號是16, 在我右手邊的枱號是18, 2個女孩她們加過單, 點心上枱時店員和顧客分別都不清楚點了什麼, 而後來在我左手邊的枱號竟然是18A, 而座在我們旁邊的是原先是3位外籍人仕, 但全店沒有英文菜單, 只有幾張相片, 不知他們是怎樣點菜的, 其間店員不斷送上點心給他們, 但他們跟本不知道是否是他們點的, 店員又完全不懂英語, 最後他們想問是否還有其他點心未到, 他們又想加幾樣點心, 店員跟本不明白他們說什麼, 幸好最後店員都知道他們的甜品2碟桂花糕未出, 但他們不停想加單, 但其實約9時40-45分左右已經last order called, 但是外

What a shame!!!!! A few people told me that the dim-sum in this restaurant was good and of course of the Michelin Award. I finally went there with my sister today. What a mistake!!!!! First, the service was terrible. The woman who gave out waiting # was super rude. She doesn't care your business at all because there is always a long line of people waiting!Second, mainly the food was such a big disappointment. NOTHING SPECIAL!!!!! They tasted worse than the local dim-sum restaurant I go t