餃掂手工餃子雲吞專門店

Open Now

Now Closed

今日同同事去食午餐，諗唔到食咩，同事就帶我地食呢間餃掂。一去到已經都好多人排曬隊，不過好彩啲人都去得好快，好快就有位啦。 食親餃子我都鍾意食煎餃，但我同事叫我食湯餃，所以就一嘗湯餃，一探究竟。 我地叫左4種餃share，有韭菜餃，白菜餃，雲耳餃同粟米餃，所以可以試晒4種。每隻餃子都好飽滿，裡面唔係好空氣，食落滿口都係餡料。韭菜餃好濃味，菜好新鮮，出面食有時帶點青味，但呢間就無。雲耳餃同白菜餃都一樣啦，唔會好似出面食咁淡口，因為啲肉新鮮同選料較優，帶出本食材嘅鮮味。但最出色嘅係粟米餃，一咬落去固然多汁啦，但食落去卜卜聲咁，點解呢？就係因為佢地嘅粟米，每一粒都好脹，好飽滿，所以食落好有口感。另外，仲地嘅湯底係無味精嘅，本身係無咩味嘅，所以枱面放左樽鹽，落少少個湯度，完全將個湯嘅鮮味釣番出黎，係勁好飲同飲完好舒服嘅感覺。

朋友知道我中意食餃子，又咁岩經過呢間餃子店，見到咁多人就試試。朋友食過呢間店，但我就冇喇，見到餐牌推介龍鳳松茸灼餃，雖然有Ｄ貴，但我地都點左黎試下龍鳳松茸灼餃 $85 有分灼餃同煎餃，我想食得健康Ｄ，當然叫灼餃吧～亦都係第一次食咁貴既餃子皮好薄，包得好靚，而且好香松露既香氣，帶小小咸，豬肉多汁，附上既狀元九鼎湯唔係好夠味，但有家的感覺，食完８隻都好飽!!貨真價實,用料新鮮~~凍既山渣水解喝唔錯呀

餃子呀餃子❤️第一次食個時係太子分店，而家已經開左灣仔分店～比太子店更好坐 我覺得餃掂既湯底比較清同淡，唔係咁濃味就岩晒我～～雲耳椰菜豬肉餃 $39 湯底清得黎都幾香～點了中碗～同屋企人都飲左好多湯，覺得幾健康，冇咩味精咁～ 雲耳椰菜豬肉餃餃子皮薄爽口鮮味，唔算大隻，但都足料～煎軟心芝士餃 $52 一客有7隻，餃子晶瑩剔透～ 芝士餃外皮煎到金黃，都幾脆口同香口，芝士餡都幾多，不過要趁熱食～餃掂手工餃子雲吞專門店地址：灣仔莊士敦道44號地下

來到灣仔，比係路邊裝修得幾靚ge 餃子店吸左埋去 haaaa坐係到一陣，發現呢到人流極高...d 野食上得快，d 人又食得好快 haaa先黎個蜜棧雞翼呢個ge 醬整得幾好味真係好蜜棧，甜得黎唔會太漏但敗筆係佢個雞翼唔太新鮮...再黎食個至尊松茸餃見佢成版menu, 所以覺得必試佢配上一碗狀元九鼎湯個湯好鍾意，感覺好真材實料😍另外嗰松茸餃真係幾好味geee望其實睇唔得晒d 料，但食到好勁松茸味秒速ko再黎叫左個軟心芝士煎餃可以接絲geeee但食多兩舊開始漏 hahahaa整體呢間野唔錯，不過價錢都唔平

在海邊返工 ， 放工來到電車路覓食旺角的餃掂，曾經食過芝士餃味道還好但稍貴今次來試灣仔中午常常排隊的分店夜晚其實唔使排隊今日叫左個韮菜豬肉餃放湯（大碗$49）唔知10 粒定9 粒好失望， 10 粒有5 粒都係裂左皮成隻餃淡哂，餃皮沒有彈性我特登影左相黎比你地睇本來1隻半隻爆口，是合理的事但是一半都爆，便知道是手勢問題，是餃皮問題，是煮太耐的問題。結果我整碗食完未爆的餃子，以以上的樣子留低作無聲抗議。鋪面仲有一張poster 話蔡瀾黎指導我諗佢地煮餃子真係要指導下，但唔好消費蔡瀾唔該。

如果去親大陸，一定會返去狂食餃子，仲記得細細個屋企人去大陸旅行果陣食餃子好似唔洗錢咁，幾蚊人仔幾十隻！真係十蚊雞都食飽你，當然，時過境遷，依家內地物價比起以前都升幅不少，但我都覺仲係好抵食，而係香港我就真係比較少去食餃子做正餐，可能覺得比較貴同唔抵食掛？不過今日係灣仔同朋友覓食時，無意中發現到呢間專食餃子既店舖，門口仲貼住蔡瀾都黎幫襯，既然係咁一於試下佢！反正都好耐冇食過餃子都好多人食！好彩仲有一張枱！望望餐牌，我覺得以灣仔地段黎講價錢可以接受，正常唔貴，仲有松茸食，同埋都有分店有醃蘿蔔任你食龍鳳松茸雙灼餃(跟湯)  $85/8隻有煎餃同灼餃，我就揀左灼餃，覺得可以試真啲松露既味道，呢款係雙併既款式，有黑松露餃子(右)同白松露(左)餃子！咁奢華既餃子我都係第一次！餃子SIZE適中，透視到入面既餡，一咬開見到皮好薄！包得好靚，先試試白松露餃子，好香松露味，味道都幾濃烈，帶少少咸，會覺得灼餃清得黎但又惹味，會想食完一舊食第二舊！我以為黑松露餃子會再濃味啲，反而出乎我所料，黑松露反倒比較清淡一啲，味道冇咁強勁，我自己比較重口味，所以就中意白松露多啲，但兩款其實都好吸引，建議點龍鳳系列可以一次

早兩日係灣仔接男友放工，行過呢間手工餃子店，男友話好耐冇食餃子，於是就入去試下～依家手工餃子都已經唔多見，呢間仲要主打養生路線，以松茸作餃子餡除左松茸外仲有松露，而餃子亦有哂煎餃同灼餃比客人揀👍🏻除左清淡既口味外，亦有口味重少少既麻辣雲吞係食法上面，亦都比左客人唔同既醬料，等客人自嘗試最岩既口味😌啲餃子真係可以話係皮薄餡靚，餡料非常飽滿，仲有大大塊松茸係入面。一份餃子有成八隻，就算大食既人都一定夠飽😋煎餃恰到好處，表皮夠脆又唔會太油膩，餡料新鮮飽滿，煎餃唔似灼餃咁清淡，建議醬料可以落少啲，先食到香脆既口感🧐呢杯山楂雪梨水清甜去油膩，配煎餃一流餐廳性價比一流，絕對係平民之選！

不愛吃飯, 卻愛吃麵吃餃子, 今天到灣仔工幹, 相約了朋友吃這家人流不絕, 美味的餃子店。手拍青瓜$25: 不是爽脆的那種拍青瓜, 較軟身, 不過調味不錯, 酸微微的很開胃。黃金原味皮蛋$28: 不同於一般的皮蛋, 沒有了那酥"呷"味, 變得容易入口。蜜餞雞翼$22: 頗入味甜甜鹹鹹的雞翼。至尊松茸豬肉餃$72: 這餃子店的特色餃子, 好像沒聽說其他地方有同類的, 松茸的菇味甚香, 豬肉也新鮮, 皮薄, 調味甚輕, 吃其鮮味, 淡口味的人表示欣賞。狀元九鼎湯是由粉葛、鯪魚等煲成的湯, 有家的味道, 也是沒什麼調味, 覺得不夠味可以加鹽喝。粟米豬肉餃$39: 這個口味比較普通煎韭菜餃肉餃$45: 松茸餃以外的驚喜!! 韭菜十分鮮香, 菜多肉少, 皮煎得薄薄脆脆, 不愛吃炸物熱氣野的我, 卻一顆接一顆放進口中。自家制山楂雪梨水$28: 等了好久都未到, 估計是漏了單, 山楂的味道很出, 搶了雪梨味, 但在炎炎夏日, 味道卻很合適, 感覺也天然健康。感覺這裡以健康作賣點, 調味較輕所以能吃到食物原味, 平時吃較濃重的, 也可自行添加不同醬汁, 也都沒問題。

這是我最愛的餃子店。最近得悉在太子外，灣仔亦有這餐廳，所以特地一訪。桌子上放著一大樽酸蘿蔔，可自助任吃！蘿蔔爽口，入口微辣，十分開胃！由於天氣太熱，我點了一杯凍豆漿。炎炎夏日來一杯冰涼的豆漿，是無比的爽快！我的主角至尊松茸豬肉餃登場！我最近喜歡灼餃子，感覺比較健康、又不會熱氣；而且我覺得灼餃子更能顯現出餃子皮的優劣。這家的餃子皮厚薄適中，而且不會黐筷子及牙齒，是十分優秀的！餐牌介紹松茸可以護膚、促進免疫、抗癌、穩定血壓等等。我不知道松茸的功效是否如此神奇，但松茸的品味是使人一試難忘的。無疑餃子餡較上次品嚐的失色，但它依舊是我在街外品嚐過最出色的餃子店之一。

餃子控又出動了，今次試左餃掂！試左個套餐叫至尊松茸餃跟狀元九鼎湯，餐廳介紹松茸可以護膚同促進免疫效果，好似好有益！今次叫左煎餃，煎得好香，內裡真係有松茸片，一種似香茹嘅味道，但唔算好濃烈。而煎餃內嘅肉汁都仍然保留住。而狀元九鼎湯亦係餐廳招牌菜式之一，因為佢由多種材料，包括粉葛、鯪魚、赤小豆、扁豆等煲成，而且話「絕無味精」。飲落的確似住家湯，清甜的，但個人覺得可以再煲得濃一啲。除左跟湯，呢個餃亦會跟一小碟一半XO醬同一半辣醬嘅醬，沾黎食真係可以增加個餃嘅惹味指數😌自家制山楂雪梨水雖然無影，但幾足料！山楂雪梨除左山楂同雪梨仲有甘草、麥芽等材料煲成，水分別有杯、樽同枝裝。今次叫左杯裝，都幾大杯。有熱同凍之分，熱嘅山楂水會偏酸一啲，但好開胃！好適合食餃子到飽飽滯滯嘅時候飲番杯👍🏻

兄弟在灣仔工作，約好這晚飯聚。但是，兄弟表示：今晚唔食飯，食餃子！　餃～子～兄弟真係深知吾意！是我最喜愛的餃子呀！　餃子這種結構簡單，以不同形態呈現出來，全都可以鎖住內裡食材的精華，保證食材原汁原味。這種古代已經出現的食物，不知發源地何處，但又能夠在世界各地發揚光大。個人覺得，餃子最大的優點，就是方便食用。一口一口地，完整地享用，無需吐骨，一定有儀態。　來到餃子店，在門外等了十多分鐘，方能入座。發現枱面有酸蘿蔔，開胃又醒神，當然不能放過！　餃子麵～雲耳椰菜餃　　兄弟始終有一定的食量，點了澱粉質為主的餃子麵。配雲耳椰菜餃。　兄弟分了一件椰菜餃，菜多肉少，口感較實在。 芫茜豬肉餃　細份　兄弟不愛芫茜特別的香氣，唯有點中碗獨享。　一碗七件，芫茜份量不多，芫茜味不夠突出。如果再多一點芫茜就好了！　韮菜豬肉餃　大份　兄弟也喜歡韮菜，所以點大份，有十隻餃子，每人五件。韮菜入肝經，多吃養肝。雖然韮菜味不太濃，但韮菜有大量膳食纖維，有助消化。　　　龍鳳松露雙灼餃　這是兄弟指定的款式，實情係兄弟不知松露可以變為餃子餡料呢！　　黑白松露放入餃子，中西合壁。松露餃子當然有松露香氣，但配上這二款秘製香辣醬料，

今日下晝想食餃子所以去左幫襯買外賣番公司食 行去落單有個化行眼影既女士幫我地落單 我同左佢講我要個乜乜水餃麵 跟住佢開始態度勁差 一輪咀咁問我單拼雙拼 大碗中碗 咁我都明呢啲係例牌問題 我ok照答 點知答完佢都仲係唔明 仲好唔好老脾咁問小姐你究竟要乜 跟住隨手攞本menu 要我睇完再答佢 我都算 我答佢好 然後打開個menu指住個水餃 跟住同佢講 我要呢款水餃既麵 點知佢仲好波 佢話小姐 你要順次序指左個水餃麵果個餐先 先好再指款水餃 我真係聽完無名火氣 大佬 我叫個咁普通既水餃麵 點解你聽極都唔明仲要話人地無跟你所謂既順次序落單 最後佢終於落完單 佢成張單掉落張枱度 多謝都無句 之前黎幫襯果陣啲員工都無乜禮貌 但起碼無呢位女士個態度咁差 我無謂幫人教啲員工 但起碼要其他人知去呢間餐廳會受到啲乜野既待遇 你俾錢黎食野 但啲員工係唔會比正常對待食客既服務你講番個水餃麵 個湯的確係淡而無味 不過都無唔好食 我唔會再幫襯佢😡🤬

因為媽媽是北方人的關係，所以只要想不到煮什麼的時候，她就會選擇做餃子。但因為大家都要上班的關係，媽媽現在已經很少自己做了，一般都是出去吃居多。今天放工經過這家餐廳，竟然主打餃子，不經思索，我們母女倆就進去了，哈哈哈。因為餃子款式眾多，花多眼亂，我們一坐下來第一時間點的反而是這個自家制山楂雪梨水($20@一杯)。這杯飲品主要由山楂片、雪梨、甘草、冰糖、麥芽和水等製造而成，喝起來酸酸的，帶微甜，很開胃呢，感覺也非常養生~小食方面，我們選的是酸辣雲耳($25)。雲耳有降膽固醇、清肝明目且益氣補血的功效，對身體很好哦。而這一道菜，吃起來酸酸辣辣的，雲耳很爽口，配上酸酸辣辣的醬汁，很好吃呢。餃子方面，我們一共挑選了三種口味~湯餃方面是大白菜豬肉拼雲耳椰菜豬肉餃($55 – 大碗10只)。大白菜和豬肉的配搭一直是我的摯愛，吃起來覺得湯汁豐富，鮮味；椰菜鮮甜爽口，加上雲耳和豬肉，好吃!野生松茸素餃($60- 大碗10只煎餃)，這個媽媽吃完想encore，真的是意想不到的好吃呢。松茸有補腎、理氣化痰及抗癌等功效，是頗矜貴的食材。雖然是煎餃，但是完全不會覺得很油膩，而且還是脆脆的口感。想不到松茸加上素菜

以前喺太子幫襯過餃掂，估唔到短短一年間已經開咗三間分店。而今次就係第一次試吓喺港島區嘅分店。地方都算易搵，喺正電車路附近，地鐵站行5分鐘嘅距離。狀元九鼎湯呢一款湯絕對係小店嘅名物之一，標榜冇味精製作，加埋粉葛鯪魚赤小豆等等嘅材料，配上餃子食簡直就係一流。飲落去清甜，有家嘅感覺。依家上唔同嘅材料，對身體都好有益處。煮素餃 邊個話素食者唔識得餃子？一款塑膠就啱晒啦，包晒滿滿嘅菜，好健康！皮薄餡靚，值得回味。麻辣皮蛋呢個小食令人有點失望，因為麻辣嘅味道只係停留喺皮蛋嘅表面，一過就無，而且唔係好入味。而我覺得連鎖米線店嘅比佢仲好食，所以可以唔叫。蜜味雞翼食落甜甜地，每一隻雞都比蜜糖封住，皮肉十分脆口，正餐之前做餐前小食的確唔錯，不過唔係好熱。整體來講，小店餃子同埋湯都係做到總店嘅水準，而且餃子都係一樣嘅味道。係大熱天時冇乜胃口嗰時食就最好不過，不過小食就有啲失色。希望下次小店可以保留返小食嘅水準啦！

一直都在太子總店食，好味的;服務也正常。見最近在公司附近開了分店，便帶同事食了4次。除新開第一次光顧無問題外，之後每次食物都有壞。第二次，個菜甫辣醬酸'叔'了，壞了。細聲同個阿姐講，她便收起作罷。第三次，辣醬也微酸。第四次，即今日，湯也酸'叔'，同事們也飲到，辣醬也微酸。最後換了湯，無酸，但也無味。整體比太子差好多，吖，不是差，是唔合格，很失望。(只有餃子相對無問題)