餃掂手工餃子雲吞專門店

Open Now

Now Closed

門口見到餐牌比佢吸引左 入到去全場爆滿 一定係好野呢個係黑松露加白松露餃，配佢招牌松茸湯，個湯冇味精，但好有豆味，相信煲左好耐，養生野黎！睇水餃最緊要係咩？梗係睇個橫切面啦！大家一齊黎睇下黑松露餃橫切面：清楚見到佢一半係黑松露一半係豬肉，非常足料，唔會得一細粒松露！松露香味同豬肉好夾，齒頰留香！下一位係白松露：白色冇咁明顯，但都見到係滿滿到包住舊豬肉！兩個味道其實差不多，只係顏色唔同！煎韭菜餃，非常有水準，一咬開有肉汁流出黎，但又唔係浮誇到爆到隔離台咁，餡好食！重慶雲吞，一碗12隻好多，係一口size，雲吞幾好但湯底唔夠香同辣，希望可以調一調個湯頭變重慶重口味！四川涼面，麻醬另上，唔辣的，正常質素！豆腐唔甜，好飲！自家制竹庶茅根水，飲得出真材實料唔係糖水！食物質素好好，唔怪得咁多人！我地好快食完就讓番台比下一輪客人，快靚正既晚餐！👍🏼👍🏼

星期一難得約到在附近上班的舊同學lunch，當然要投其所好啦！一想就想到曾經經過一家餃子專門店，令我留下印象除了她搞鬼的店名「餃掂」，還有店外絡繹不絕的人龍！ 幸好(?)當天有微雨，所以不用等很久便能入座。店子比一般餃子店企理，有點台灣風～這裡的餃子款式真是應有盡有！ 一場來到，就試試招牌「至尊松茸豬肉餃配狀元九鼎湯」，狀元九鼎湯味道比想像中清淡，如果再濃味點會更好，尤其吃過湯底較濃的湯麵後便會覺得太淡，可幸是應該沒加味精，勝在真材實料。而松茸豬肉餃認真皮薄餡靚，肥豬肉內混入松茸香，令人齒頰留香，是這裡獨有的餃子味。 另外點了雲吞湯麵及餃子麵，湯麵條條分明有韌勁，而僻愛芫茜的小妹大愛芫茜餃，配合小辣湯底，食極唔停！朋友都說雲吞湯麵味道不錯～ 我們不約而同點了自家製山楂雪梨水，山楂與雪梨的比例恰當，解渴好味～ 這裡的食品相當出色，愛餃之人不容錯過，惟侍應態度可稍為改善！ 

放工好肚餓，平時繁忙時間見佢都有人排下隊，而家無人就即刻行入去。2個人都係食左210蚊，但見左3款餃子。首先叫左個小食黃金原味皮蛋，不過不失，酸酸地都幾開胃。 餐廳重點係食餃子，我地叫左佢地推介既至尊松茸豬肉餃，仲配狀元九鼎湯 (灼餃子)，叫左大碗有12隻。餃子好足料，松茸極之多。九鼎湯係老火湯無味精，睇佢介紹係會提升免疫力，溫腎益氣同潤滑腸道，好多好處，但真係好好飲。另外，叫左個大既雙拼餃子叫左木耳椰菜同元貝豬肉煎餃子。 兩款餃子都煎得好脆又香，煎到金黃色同埋佢入面D料真係好足，外脆內軟，餃子個皮亦都吾硬，係脆的。

餃子🥟其實好難搵一間有水準，重點當然要皮薄饀料要新鮮。今次見餃掂😋好評都好多，於是去灣仔分店試一下。🥢打開menu見到有黑松露及白松露，兩眼都發光😬點咗龍鳳松茸灼餃🥟連湯（黑松露及白松露）$85只有八隻，其實都幾貴，不過松露控一定要試😬餃子🥟大大隻，皮夠薄又夠韌，肉質鮮美，多汁，松露味夠濃，勁鍾意👍👍不過個湯我就覺得麻麻地，可能味道較淸淡，唔啱我😆🥢香煎軟心芝士🧀餃子🥟，餃子煎得剛剛好，唔會太硬，肉質多汁亦有芝士🧀香味。🥢粟米🌽豬肉及芫茜豬肉餃子🥟，餃子饀料新鮮，粒粒粟米，調味適中，好味。

平時食飯時間經過都會見到店外的人龍，今次早左行過見無人就決定入去食。餐牌上淨係餃子都好多選擇，特別款式有松茸同元貝餃，兩款今次都有食。重慶鮮肉雲吞有得揀大中小辣，小辣不是太辣，中意食辣的可以直接叫大或中辣。辣味香多於辣，雲吞一隻一口大小，皮好滑，份量又唔算少，中碗都有12隻。四川涼麵麵質彈牙，似拉麵，好多蔥同花生碎，所以涼麵又香口感都豐富。撈埋芝麻醬味道好夾，更濃，辣度都係叫左小辣，辣味同雲吞的辣差不多。招牌之一的野生松茸素餃叫左煎餃，一般餐廳都係煎一面但呢度煎左兩面，餃子更脆更香口，餃子皮薄，松茸味足夠，就算係素餃味道都唔寡。另一招牌元貝豬肉餃就叫左湯餃，湯底清甜無味精，就咁飲都唔係問題，元貝就用左乾瑤柱，所以味道較濃，豬肉鮮甜，湯餃都算係清淡之選。山楂雪梨水一杯都已經好大杯，解渴一流，山楂酸甜加上雪梨的清甜透心涼，無論食咩飲佢都有種解胃氣的感覺。

今日晏就黎左食餃子～同平時一樣lunch hour都特別多人😢排左一陣先入得🙊之前已經聽過唔少同事介紹呢到，估唔到味道都真係幾高質！今次我地叫左個兩份煎餃，一份湯餃，一個雲呑同一個涼面。兩個女仔黎講都叫太多，最後食唔哂😢。煎餃分別叫左韭菜豬肉餃同香煎軟心芝士餃。餃子煎得幾香，而且餃子皮好脆。值得一讚既係軟心芝士餃d芝士溶得幾唔錯，入邊仲有粟米粒，食落幾香口。而呢個招牌松茸豬肉餃都幾足料，但可能自己本身鐘意重口味d，所以都係覺得煎餃好味d😊。而個重慶雲呑同涼面都幾正宗，性價比都幾高，值得一試！

一路以來都很想試這家餃子店，無奈午飯時間總是人山人海所以沒有機會。難得今晚太座黎灣仔，活動完畢巳經晚上9點半。終於別了人龍，能長驅直進到店內用膳！我和太座二人點了兩客餃子（一碗大白菜元貝雙拼豬肉湯餃，一碗重慶鮮肉雲吞中辣），一客拍黃瓜，我另外再叫了一碗狀元九鼎湯。餃子和鮮肉雲吞都皮簿煙韌又彈牙，餡料充足，豐富多汁。但 －兩款湯餃都係個湯底出事 - 雙拼湯餃的湯淡而無味，極其量只可以說是下了少許鹽有顏色的白開水，至於重慶鮮肉雲吞湯底的中辣則好像外面的小小小辣。碗狀元九鼎湯都是淡而無味，感覺係用水溝淡左好多⋯可能因為已經臨收鋪⋯⋯如果唔使排隊，下次會嘗試煎餃子！

平時經過灣仔莊士敦道餃掂，都見到有很多食客，今晚就去試食招牌龍鳳松茸雙煎餃，即是白松茸和黑松茸，可能見到餃子內的黑松茸，感覺上比白松茸味道更濃。另外元貝豬肉湯餃，除了有淡淡的元貝味道外，還附上狀元九鼎湯，這不是味噌湯，我把湯全都喝下。還點了雙拼餃子，選擇了韭菜和粟米豬肉餃，如果喜歡食粟米的朋友一定要試，因為除了飽滿的豬肉外，還有大大粒的粟米，味道很好。而四川涼麵，可以選擇辣的程度，涼麵上面放有小小的麻辣醬加花生碎，下面還伴有一些青瓜絲，很是清爽，另外上海淨麵，表面看似平凡，除了芫荽，麵下面還有細微的蒜蓉碎，多左味道層次，最後一杯自家制雪梨水，酸酸甜甜，胃口大開。

餃子子店愈開愈多，各有特色，呢間餃子店主打松茸餃子。在餐牌上，用上比較大既編覆介紹松茸。原來松茸可以降低膽固醇，對身體非常有益。手工餃子，即叫即做。有素食選擇有煎有灼，食物選擇好多元化。四川涼麵$28點的時候以為是辣的，原來不是。不過最後自己加了點辣，再配上芝麻醬，完全是自己喜歡的味道。麵的溫度是凍的，這才是真正的涼麵。至尊松茸豬肉餃（跟狀元九鼎湯）首先可以講下個湯先，非常鮮甜夠味，完全冇藥材味，一啲都唔水！至於餃子，咬下有好多肉汁， 立即散發出松茸香味，非常美味。係食龍鳳松茸雙灼餃（跟湯）$85個人覺得有少少中西合璧嘅感覺，因為自己比較多喺西餐嘅時候食到黑松露，而佢個黑松露非常之濃味，白松露既味道就比較冇咁濃烈，基本上只有松露味，鍾意食黑松露或者白松露嘅朋友就千祈唔好錯過啦！

又到左同好姊妹周圍搵好野食既時間啦！今晚我地去左出名既餃掂我地食左個半鐘左右，真係keep住有人入黎食，有人排隊等位😳😳😳裝修好得意仲要幾靚添呀，裝修擺設絕對係吸引人既地方！同埋佢既餃子真係好足料！！我地叫左元貝餃，好好味！元貝味濃，足料！專登影左張相俾大家睇下：同埋個湯係狀元九鼎湯！無味精，清清地既湯，飲落肚覺得好舒服，睇個menu先知原來好多料架！除左元貝餃，仲叫左松茸豬肉餃，配個松茸醬，個醬好細心咁分左辣同唔辣。不過辣個隻醬，其實唔算太辣，真係可以試下！同埋個餃有好香既菇味❤️❤️同樣配左狀元九鼎湯，咁我同好姊妹就一人一碗啦！叫多左一碗上海淨面😋😋😋yummy yummy!!仲有小食蜜餞雞翼好味呀🤤🤤好香蜜糖味，雞皮煎得又脆口👍🏽野飲就叫左兩杯熱既山渣雪梨水👍🏽👍🏽👍🏽唔甜👍🏽👍🏽最後埋單😎😎

餃子是其中一種最愛的食物今晚相約在餃子專門店令我笑逐顏開菜單上多款餃子口味令人目不暇給烹調方法也可選擇水灼湯煮煎煮先點了水灼至尊松茸豬肉餃附上一碗狀元九鼎湯鮮甜無味精餃子厚實滲出濃郁的松茸味另點湯煮的元貝豬肉餃豬肉味突出吃的到絲絲的元貝芫茜豬肉餃就來個煎煮的煎煮比水煮多一份香口愛芫荽的朋友不要錯過這款餃子野生松茸素餃是全素味道清新黃金原味皮蛋是朋友指定要點不吃皮蛋的我沒辦法評論啦食物出色唯侍應態度真的不敢恭維要留住客人不得不再教育這班阿姐

每次吃餃子我總會到銅鑼灣的另一家，今次想試試新口味，便跑到這裡來。坦白說，門口大大張橫匾上的字深深吸引我，感覺店主是一位有智慧、用心經營餐館的人。未到過家鄉的北方人對餃子情有獨鍾。我特別喜愛野生松茸素餃（中碗）$45，可惜不夠熱，但味道不錯。我倆最喜愛吃這煎至尊松茸豬肉餃碗狀元九鼎湯$78十分好吃😋元貝豬肉餃（中碗）$48，也很出色由於煎餃很美味，我們便再點香煎軟心芝士餃$52不錯！但個人較喜愛吃傳統的餃子不辣的麻辣松花皮蛋$25這裡的菜脯豆瓣醬很好吃整體而言，食物是不錯的，如服務再稍有進步，相信會更好喔！

首先 食物係好評嘅👍🏻莞茜餃同粟米餃非常推介 用料新鮮 蔬菜有甜味👍🏻湯底都好足料嘅感覺🤤有少少似屋企煲嘅粉葛湯👎🏻服務態度差到幾好食都唔想再幫襯明白嘅Lunch time係忙嘅⋯但呀姐全程呼呼喝喝 指揮交通咁落單當聽唔到外賣等半個鐘都無人拎出門口 要自己入去問先發現全部放哂喺度無人理如果老闆可以正視下呢個問題 我會再黎架如果唔係 無必要賣個外賣都要受氣囉🤷🏻‍♀️價錢： $61 （雙拼10隻粟米加莞茜餃） 少貴

今日心血來潮想食餃子，而且蔡瀾都推介，所以走去食下。呢間專門食餃子🥟有好多不同選擇，款式同去超市買既不同，有黑松露、白松露等等。我就選擇左食招牌菜松茸豬肉餃配狀元九鼎湯，叫左湯餃，食落去有好香既松茸味，而且個餃皮薄唔會厚粉，個湯飲得出無味精飲完無口渴。叫左個鴛鴦煎餃食左芫荽味同元貝味，外表輕輕煎到金黃色，口感外脆內軟。唔似其他餃子店咁煎到個皮好硬，我唔鍾意食煎餃因為怕個餃子皮好硬，呢間令我好意外愛上食煎餃子。另外叫左個雲吞麵加山楂雪梨水飲料 ，個雲吞係豬肉加雲耳包餡配爽口彈牙幼麵。杯山楂雪梨水酸酸甜甜，十分開胃。

餃子是中國北方的一款主食，一般都是以薄薄的麵皮包著菜肉餡，放湯、蒸煮或煎脆，是為餃子。最近灣仔修頓附近就新開了一間餃子專門店，以松茸餃子和狀元九鼎湯為招徠，但想不到原來小店真的極度專注，除了供應不同餡料的餃子之外，其他的就只有一款涼麵和幾款小食， 但其實只要夠美味，專注於單種類出品也不是一件壞事，正所謂有麝自然香，好東西自然會有人懂得欣賞。這店的餃子可選放湯和香煎兩種製法，以配合不同餡料的口感，而枱上的調味架亦放上了3款不同的佐醬，香濃麻辣俱備，十分貼心，讓人期待。先來一客麻辣松花皮蛋，溏心的皮蛋像啫喱般順滑甘香，獨特的口感味道配上惹味的麻辣汁，濃郁流心，開胃過癮。 跟著就到主角登場，幾款不同材料包成的餃子輪流上枱，先是店家首創的至尊松茸豬肉餃和龍鳳松茸豬肉餃，矜貴的松茸有改善身體機能的保健功用，我們點了灼餃各一份，至尊松茸餃皮薄多汁，一啖咬下去肉味豐盈，松茸香徐徐滲出，清香足料，童叟無欺。龍鳳餃子內分别釀有黑松露和白松露，每款分別有4隻；黑松露的幽香不太強烈，沒有蓋過肉香和松茸香；而白松露相對較柔和中帶辛香，但菌香還是十分突出，兩者同樣出色味美，真材實料，不愧為鎮店的招牌菜！而選擇灼