餃掂手工餃子雲吞專門店

Open Now

Now Closed

又到午餐時間, 想試好耐既手工餃子專門店好耐, 今次終於可以黎到試下先~今日2點左右黎到, 呢個時間唔錯, 可以避開左lunch hour 咁多人.入到去都坐得幾full下, 不過我一位都幾快搵到位坐底~見到menu 推介元貝豬肉餃, 覺得夠哂特, 別所以就試下~叫左呢個元貝豬肉餃- 一個食中size覺得岩岩好, 個餃好鮮呀食到一條條既元貝同幾香. 估唔到d 湯都咁好飲, 最後連湯都飲晒佢地既湯叫狀元九鼎湯, 係由粉葛, 鯪魚, 鰂魚, 豬骨等...食材煮製成所以會無腥味, 唔油膩同個湯好清, 無味精!再叫多個四川涼面- 面質爽口唔會太凍, 再夾埋香口既麻醬拌埋一齊食, 好好味!!

自港鐵利東街出口開通之後都冇黎過，所以約好朋友晚上放工特意去港島行行。街上燈飾佈置依舊充滿情壞，不過今晚與朋友相談卻係打工仔辛酸，所以今晚一於食平D。走過1,2個街口搵到呢間水餃店。其實早在太子分店就食過，店舖比較有特色。相反呢間環境比較現代化，而且人流都幾多。同朋友一齊點咗鋪頭自已整ge山渣雪梨水，分別一冷一熱。自家製山渣雪梨水，雪梨味道比較突出，飲落幾潤喉。黃金原味皮蛋。見到呢碟黃金原味皮蛋幾特別，所以就叫黎試試。店員答我黃金皮蛋用上雞蛋製成，不過我就半信半疑，因為同食過金牛鴨皮蛋極之相似。蛋白部分晶瑩通透，而蛋黃程少少流心狀態。 口感同皮蛋相約，不過更滑而且蛋味更濃 。龍鳳松茸雙灼餃。灼餃分別都跟上狀元九鼎湯，湯味比較清，完全冇任何添加味道出現。 用西式雙松露配搭確實新奇，黑松露更為濃郁美味。元貝豬肉餃及狀元九鼎湯。雖然豬肉元貝用料比例係2比1，但食落元貝口感又幾多，湯餃比灼更為入味。四川涼麵。用麻醬拌涼麵入口愈食愈開胃，麵身粗得黎都算爽。晚飯過後又要同朋友回到各自打工辛酸之中。

現今社會講求速度，講求效率，樣樣都機械化，缺乏人氣，所以我特別鍾情手工制品。今天來到一間手工制餃子店去感受吓稀有的人氣。看看餐牌除了傳統的韭菜豬肉餃和白菜豬肉餃之外，還有很多特別餡料的餃子供應，可選擇放湯，白灼或煎。我們點了三款比較新穎的來試下。要特別一提的是個湯底，命名為「狀元九鼎湯」，不但材料豐富，而且非常健康。每天均新鮮淆製，材料有粉葛、鯪魚、鰂魚、排骨、紅蘿蔔、扁豆、赤小豆、陳皮、蜜棗.....等，沒有加添任何味精或鹽。味道香濃，雖然沒有加鹽但已覺得好夠味，飲落好舒服，甚有「家」的感覺。至尊松茸豬肉餃松茸功效多多，不但可以增加免疫力和有抗癌作用，而且還可護膚，更可穩定血壓和膽固醇....咁多好處係隻餃子裏面，真係想一啖食咗佢。餃子皮厚度適中，餡料松茸味甚出，好特別的一種口味。這款餃子還跟上一碗狀元九鼎湯，正！元貝拼芫荽豬肉湯餃這款是雙拼而有湯底的餃子。元貝不但令餃子增加鮮味，而且令普通的餃子矜貴起來。芫荽味非常香濃，一啖咬落就已經感覺得到。香煎軟心芝士餃有啲似上海鍋貼。餃子底煎得很香脆，但不覺太油膩，餡料除了有豬肉外，還有粟米粒和芝士，食落感覺複雜，既有粟米的甜，也有芝士的醎，

今日同朋友去利東街逛逛，順便食個lunch行過莊士敦道，咦尼度有間餃掂咼，我幾個月前在太子分店食過一次，好正架！朋友話佢未試過，就食佢啦灣仔分店嘅裝潢同太子分店好唔同，比較時尚光猛，感覺不錯，樓底較高，空間感十足多款水餃🥟煎餃，最出名嘅當然係松茸餃啦！必點小食飲品亦有不少選擇狀元九鼎湯，十分足料，清甜滋潤，好濃粉葛味，健康好味之選黃金原味皮蛋，賣相好靚，金黃色的，非常吸引，味道比一般皮蛋淡，無怪味，配上麻辣陳醋汁，十分惹味龍鳳松露雙煎餃，皮煎得非常香脆，熱辣辣，黑白松露豬肉餃各四隻，黑松露味道比較濃，而白松露清淡小小，個人喜歡💕黑松露，而朋友就較喜歡💕白松露，唔洗爭食，非常好粟米豬肉水餃🥟，每隻都非常飽滿，漲卜卜，餃皮又滑又有咬口，而且好薄，可清楚透出肉䐄粟米好甜，估唔到豬肉配粟米又幾夾咼，推介調味料非常齊全飲品我揀左夏枯草，清清熱，不會太甜，味道幾好，朋友就揀左山楂雲梨水潤一潤，佢話山楂味道酸酸地好開胃，而且好解渴

午餐對打工仔黎講真係好重要，食得好同爽真係可以一掃大清早繁重工作既辛酸：灣仔呢間水餃堅係令人開心，滋養附近返工既人！ 元貝豬肉餃🐷超正超鮮味食到一啖啖既元貝咸香同埋豬肉軟糯順口，好滿足，湯都飲埋龍鳳松茸雙煎餃🐉🕊見到係餐廳新出品叫左一碟試下龍鳳＝黑／白松茸煎餃入面真係有好多松茸，味道濃少少，食落又幾香口幾夾！四川涼面🍝面質爽口、掛汁，夾埋香口既拌醬，大愛！！ 豆漿/山楂雪梨水兩杯都好真材實料好潤，為我下午既工作打打氣間唔中有癮想食餃子呢間真係非常唔錯，好吃+不貴；難怪日日都大排長龍，底讚。

聽朋友說有家專吃餃子店在灣仔，今天有空便想去試試看。怎料門口排了很長的隊，店內充滿人群。不過我們沒有需要等很久，大約15分鐘便進去了。店鋪不算很大，大約可以坐到30人左右。位置比較窄。過了一會兒我們便點了餐。每張檯都有不同的醬汁以便配合不同的餃子吃用。黃金原味皮蛋 ＄28原來這一隻皮蛋是一點也不辣的，吃落跟平常的沒有太多差別。重慶鮮肉雲吞＄35我們叫了中碗，總共有12隻。每一隻都比較小，一啖一隻左右，我們選了小辣，不算是太辣。但味道是很足夠的，下次可以試下中辣！元貝豬肉餃 ＄48這個聽說是必點的，因為他們用了十兩豬肉比五兩元貝去造成的。我們選了湯餃，中碗只有7隻。但每一隻都很份量十足，啖啖肉，口感非常滿足！至尊松茸豬肉餃 ＄35這個是會跟狀元九鼎湯，我們這次點了煎餃的中碗，總共有8隻，還現了特別的醬料一同食用。他們說這個是他們鎖店極品，山珍之皇，而煎餃製作多時，需要二十分鐘以維持餃子生煎，脆口及原汁原味！香煎軟心芝士餃 ＄52 由於看到隔離檯在吃這個，我覺得非常吸引，所以也點了一客！只叫了中碗，總共有7隻。除了豬肉外，他們還加入了栗米，增加咀嚼感，芝士真的十分滋味！由於是芝士，所以只能

餃子看似平平無奇，原來都可以有好多新花款。有三間分店的「餃掂」就把餃子造成不一樣了，餡料除了傳統的韭菜和白菜豬肉外還以松茸、元貝、雪耳、芝士...等等入饌。各種餡料的餃子各具特色，迎合唔同人嘅口味。除了餃子，還有飲品售賣，價錢合理。

呢排身體唔係咁舒服要食清淡啲 好多野都唔食得 唔想又係食譚仔南記粥店呢類野 行過灣仔修頓附近見到呢間食水餃既叫餃掂都幾多人排下門口又有蔡生推薦就排下 不過唔算排左好耐就入到去了！我同朋友兩個叫左兩碗豬肉餃 一碗雲吞 兩個麵 雞翼小食同一杯雪梨茶豬肉餃有分不同的配料 好似韮菜黑松露等等亦有分跟湯上或者煎餃方式上我同朋友都揀湯上 個湯有啲特別 唔係一般既味精湯 而係類似藥膳既湯底 飲完暖胃亦冇奇怪既感覺雲吞就揀左重慶麻辣湯底 可以選擇辣度過過口癮 食完熱既餃同雲吞就食返個涼麵配搭下 亦可以選揀辣度 喜歡食辣既既朋友可以試試看^_^蜜餞雞翼甜得黎不會太假 浸得相當入味 山楂雪梨茶幫助開胃消化整體來說可以算是清淡的一餐 亦有很多住客落黎食晚餐

香煎軟心芝士餃(7隻) $52餃子皮煎得香脆，芝士交足貨，又香又濃又流心粟米香甜，蔬菜、肉、同芝士比例平均，再沾少少醋食，呢啲香口野真係一食就停唔列至尊松茸餃 $72 (8隻)店舖主力推薦呢款養生食品，稱松茸可抗癌、對心血管好等。經常外出用餐，偶爾食吓健康食品補一補都不錯松茸餃內有豬肉同松茸條，松茸係條狀既，唔會切得太碎，保留左菇類既口感，而且有佢獨特既香氣。隨附一碗狀元九鼎湯，同樣都係滋潤保健的湯水，而且強調不落味精，飲落都幾舒服，將松茸餃浸落去食味道幾夾。回味手拍青瓜 $25青瓜幾爽脆，以醋及麻油特醃製，開胃清新。麻辣松花皮蛋 $25皮蛋辣度屬於微辣，蛋白彈牙，蛋黃香馥。蜜餞雞翼(小) $22雞翼燉到好淋，雞肉離曬骨，蜜餞都幾多所以甜度較高~山楂雪梨水$20飲品單上有涼茶，但見到係枝裝入貨回來的。呢款山楂雪梨係舖頭自己熬煮，所以點左黎試試。山楂生津，雪梨潤喉，整體幾好飲但稍為甜了一點。餐牌

人龍不絕的一間餃子店，為何吸引咁多人。其實試過你就會知個中原由。韮菜豬肉餃 $39湯底是狀元九鼎湯，採用了鯪魚，鰂魚，陳皮，赤豆....怪不得味道如此鮮甜，相信絕對沒有味精。韮菜味道濃郁，跟豬肉碎十分夾味。皮薄多汁，多吃也不覺膩。野生松茸素餃 $50全素的餃子，口感實在，餡料非常豐富。煎得外脆內軟。餃子皮基乎跟紙一樣薄，煎得完整一隻全冇破爛，好正！每啖散發出松茸香氣。試過兩種煮法，無論那一種，合味道之餘，質量也不錯啊！

第一間分店創立於太子的餃掂手工餃子專門店，喺灣仔已經開設左分店好一陣子，中午總係會見到長長人龍，好朋友話可以早啲去排隊攞位，梗係要去試吓呢間餃子有幾好食啦果然係專門做餃子的店，單係餃子嘅選擇已經有10幾款，而且仲有唔少特別款式添黃金原味皮蛋 $28第一次食金黃色既黃金皮蛋，味道特別，加入左酸酸的醬汁，特別開胃至尊松茸豬肉餃(跟狀元九鼎湯) - 湯餃8隻 $72果然係鎮店之寶的至尊餃，睇一睇餃子配料就覺得物有所值，用料上乘，主要材料係豬肉同松茸，每一隻餃子都肥嘟嘟，皮薄餡靚，充滿肉汁同豬肉香！另外跟的狀元九鼎湯好夠火候，足料又清甜，冇落味精的元貝豬肉餃 - 湯餃7隻 $48餃子皮厚薄適中，湯餃並沒有使到餃子皮變得軟林，仍然保留到餃子皮的嚼勁！第一次食用元貝製造的餃子，元貝味頗突出，豬肉同元貝嘅比例啱啱好！香煎軟心芝士餃 - 煎餃7隻 $52我最愛的芝士餃並沒有失望！外皮煎得香脆，內裏包了滿滿的芝士、豬肉同粟米，芝士更加可以拉絲，成隻餃子充滿着芝士同粟米香，芝士迷必點！雙拼(芫茜+韭菜豬肉) - 煎餃7隻 $50芫茜同韭菜味都好突出，一咬開清晰可以見到粒粒碧綠的芫荽同韭菜，餡料滿滿的，非常

之前已經留意過呢間餃掂，因為個名好得意，同埋男朋友係呢頭番工，佢話lunch time會多人到要排隊等位，於是搵日夜晚就係到試下😋距離灣仔地鐵站幾分鐘嘅路程，位於大街上面所以好易搵到。只係一個星期三嘅晚上，但去到已經全場爆滿，要等一等先有位，一路都有人嚟排隊入面容納到三、四十個人左右，但座位都仍然闊落嘅，比較容易搭枱元貝豬肉餃可以見到隻餃入面好足料，新鮮嘅豬肉再有元貝令個味道更加出。而湯底係狀元九鼎湯，完全係住家嘅味道。店員教話加多少少鹹落碗湯會令味道更出香煎軟心芝士餃自己特別鍾意食芝士，所以叫咗呢一款創新啲嘅。入面除咗有芝士，仲有粟米等等，食落會比齋芝士無咁膩，而且多咗層爽口嘅口感，可以話係恰到口感，仼何人都食到四川涼麵上到枱嘅時候心諗咁大碟嘅😂😂 佢入面有啲花生同蔥，另有一碟麻醬撈嘅。本身見隔離枱食好正咁，不過諗諗下應該留個肚試多啲餃😛蜜餞雞翼朋友身為雞翼控所以必叫。望落個碟無乜汁，但其實個甜味已經入哂啲雞肉入面，食落去有淡淡嘅甜味，唔會甜到漏個隻大白菜豬肉餃朋友未食飽就再叫（唔知點解咁都唔飽），呢款叫咗煎嘅，因為煎個啲食落同聞落會香口啲自家制山揸雪梨水以呢到咁經濟實惠嚟講，仲要有

餃掂，人氣餃子店。旺角分店老是排長龍。今日終於有機會一試！菜單選擇目不暇給，餃子款式的確新穎-有松茸餃、元貝餃，芝士餃都有，夠哂特別。每款餃都有不同烹調方式-水灼、湯煮 或 香煎。湯煮係一碗冇味精-狀元九鼎湯，湯係由粉葛、鯪魚、鰂魚、蘿蔔、豬骨等材料製成，味道清，冇腥味，唔油膩，的確冇味精味。餃子試左兩款元貝豬肉湯餃(大-10隻）餃子size係比正常大，豬肉加元貝，味道配搭恰到好處，元貝量都唔少，配湯餃的確唔錯，淡淡狀元湯突出到元貝香味。芫茜豬肉煎餃(大-10隻）餃子皮煎到金香但又唔會燒焦，油分剛剛好。芫茜味好香，味道香口。回味手拍青瓜辣味可以再重d，青瓜真係廚師細心切，因為有唔同形狀，值得一試。

那天下午和朋友打算在灣仔區周圍試新食店的時候，我們途中發現附近有間餃子店，並主打手工餃子，及真材實料的湯底。我們都是滿滿期待的去享用一個午餐時間，誰不知店員對我們的態度十分差，這是最令我失望的。手工餃種類選擇多，本身還打算點多幾款餃子品嚐，但最後只選了兩款，用料總算足夠，餃子皮比較厚身，味道還好，但湯底的味道較清淡，不夠濃厚，應該無添加味精。真心希望店員們的態度可有待改善，自然使食客食得稱心滿意。

今晚要去新伊館做一個保護耳仔的慈善義工，我們一行三位義工先食晚餐，然後出發行去會場報到，因為進食的時間尚早，所以選擇粉麵餃子食，朋友上次食過一間特色餃子店，今次帶我們去。至尊松茸豬肉餃，跟狀元九鼎湯$72中碗灼餃子八隻，皮薄肉多，一點也不肥膩，味道略淡，點松茸醬一起進食，食到松茸的香及加回點點的鹹味，對身體有益的話，OK。九鼎湯，看到餐牌原來有九種不同食材烹煮而成，淡淡的粉葛與微微魚香加上其他湯料，已經變為濃味的湯，但沒有重重的鹹味，難得。龍鳳松茸餃子$85雙灼餃八隻，跟湯，是黑松露與白松露餃子的混合版，一碟有兩種不同味道的餃子。白松露比黑松露淡口，不油不膩，味道也不錯；黑松露的香味，在餃子裏面散發出來，香濃好味。重慶鮮肉雲吞，35元點了一客重口味的雲吞，雲吞皮薄，餡料略少，小辣的雲吞與湯味道尚可。野味酸辣雲耳25元。很多地方也有這樣的雲耳小食，但做到酸味與麻辣味平衡，食下在喉嚨發出點點的麻味，這個彼討人喜愛。自家製山楂雪梨水28元。帶著山楂與雪梨的微微酸，加上點點的冰糖，麥芽，熱飲，飲得舒服。