餃掂手工餃子雲吞專門店

Open Now

Now Closed

一直愛吃餃子、小籠包之類，之前經過這間店覺得挺吸引的，趁去灣仔開會，吃一個遲來的午飯。進店裡看見〝天下第一餃〞的掛牌，心中是忍不住有點暗笑，餃子實在不算難做的食物，北方人可以說家家戶戶會做，有什麼本錢，敢自詡為天下第一？松茸餃還真是在其他地方沒有見過，軟心芝士餃也很吸引，但最簡單的東西才能顯示廚師功力，結果選了最基本的〝韮菜豬肉〞和〝大白菜豬肉〞。湯底是鎮店的狀元九鼎湯，急不及待先嘗一口湯，平常家裡煲湯，很喜歡研究體質、季節的關連，希望〝食補〞一下，所以一看材粉，也大約知道功效：粉葛、赤小豆、扁豆都是去濕的，以香港的氣候來說，尤其夏天，大部份人都適宜，味道是比想像中偏淡，看來是真的沒有加味精，也沒有魚湯所擔心的腥味。餃子裡的菜很新鮮，這點非常難得，始終餃子用料看不見〝原型〞，很多餐廳都只會用過得去的材料，能在不是招牌菜上挑選這樣好的用料，起碼在心態上，老闆是希望做到〝天下第一〞，值得一讚是醮醋也跟餃子很配 ，完全是錦上添花，之前有試過明明餃子很好，但醋卻馬虎，非常可惜。老闆小劉還將他的肺腑之言掛在牆上，姑勿論是否發人深省，但看得出他對自己的店付出一翻心血。我一直相信認真做事，便會有收穫

一向都好鐘意食餃子同試唔同既餃子食店，今日同friend去左呢間網上好多好評既餃子店試下。店舖既環境整潔，都幾多食客。我地點左比較特別既至尊松茸豬肉餃(配湯)同香煎軟心芝士餃試下。松茸豬肉餃食落有淡淡松茸香味，味道唔錯，跟湯味道好淡，無咩特別。而香煎軟心芝士餃即叫即煎，熱辣辣，味道特別香口，有驚喜，朋友仔好鐘意。另外仲點左雲耳椰菜豬肉餃，配上台上面既醬料，非常加分，雲耳椰菜口感爽脆，幾好食。另外，呢到每台都有一樽酸蘿蔔，鐘意食既人一定好開心。人均100

今日朋友話要帶我食一間餃子好好食原來係灣仔嘅 一坐低我哋就叫咗個元貝豬肉餃入面真係食到帶子嘅鮮味呢個真係超推介之後叫咗個韭菜豬肉餃韭菜好香 而且每粒都好足料 真係大滿足之後叫咗個重慶鮮肉雲吞 一啖一粒咁樣仲要夠辣 好惹味 真係食完一粒又想食另一粒所以我哋都即刻叫咗個重慶涼麵來試吓涼面可以揀辣同唔辣唔辣可以點芝麻醬 個麵都好好食不過因為太辣嘅關係所以我哋叫咗杯野飲叫咗杯山楂雪梨水降下火飲完呢杯山楂雪梨水真係即刻又養生嘅感覺

同朋友去咗灣仔嗰邊嘅餃掂度食嘢，之前有食過太子店，都覺得呢度嘅餃子幾好食，今日黎開灣仔就食下灣仔嘅餃掂。松茸餃：好香松茸味，我最鍾意佢個湯，清清地，唔覺得有落味精，好真材實料。香煎軟心芝士餃：今次食呢個咁西式嘅餃子，我地點左煎餃，個皮就煎好脆，一咬落去佢就好多芝士，個口感好有趣。雲耳椰菜豬肉餃：我覺得呢個雲耳棷菜好好食，佢食落去好爽口，因為有啲雲耳，咬到好有口感，而且仲冇咁膩，同埋好夠味。韭菜豬肉餃：食落去好多肉汁，個人都好鍾意食韭菜豬肉餃，所以覺得相當唔錯。人均消費大概$130 ，值得一提係喱到嘅菜脯好好食！

食物幾好食都無用，啲服務差到無朋友🔥太太排隊，之後侍應帶左太太入座，竟然另一個侍應話太太打尖，趕佢出門口😡😡😡嗰兩個侍應重嗌交🙄我見另外兩枱啲食客都發晒火，其中一個重嬲到拍枱，可想而知啲服務有幾差。真係一粒老鼠屎💩，搞壞整煲飯👎🏻👎🏻👎🏻店內唔見有店長，所以班侍應係無人管，投訴無門。其實啲餃子都唔平，$85/8隻松露餃。都未算好食到令人一試難忘。我選的松露餃有黑松露和白松露兩款。但放在同一碟，根本睇唔到邊種係黑，邊種係白。侍應又唔會話你知。

相隔幾個月再次食餃掂，咁啱公司附近就有一間，所以就同朋友一齊去食。今日晚市時段都係咁多人，甚至係有外國人幫襯。記得上一次食過至尊松茸餃係冇松露嘅，今次就想試下龍鳳松茸雙灼餃睇下有咩分別同邊個好食d。💕8隻龍鳳松茸雙灼餃跟粉葛湯先係飲個粉葛湯，佢標榜冇味精。個湯清清地，唔咸，有好濃粉葛味。果然都係貴d嘅餃好食😂上次嘅至尊松茸餃同今次加埋黑白松露嘅餃一樣好味。味道其實差唔多，只係龍鳳松茸餃入面有松露片，而且喺豬肉餡入面都見到黑色一黑黑松露粒，松露味濃，豬肉幾腍。另外叫咗韮菜豬肉煎餃。可能因為放咗一陣先食嘅緣故，個煎皮有少少硬，應該叫湯餃會比較好食。至於個餡，韮菜都落得幾多，味道濃郁。💕蜜餞雞翼出面比較少食到嘅口味，同menu圖中相比少咗d汁，所以雞翼身就唔係好濕潤，但甜甜地都幾好食。最後飲埋杯山楂雪梨水作結。山楂味比雪梨味重，所以味道較酸，消濟最啱。

放工諗住同同事係公附近食個飯，見到呢間餃子專門店幾多人食，就決定入去試下，果然味道相當唔錯。首先我地點左呢個黑松露味嘅松茸餃，價錢唔算係平，但係味道相當好食!松茸餃落有非常香嘅黑松露味，每啖都食到粒粒嘅松茸，令人回味無窮。店舖嘅蒸餃都會配上壯員九鼎湯，飲落非常清甜，無加味精。我非常喜歡呢個醬，食落有非常香嘅遙柱味。芝心栗米餃亦相當好食，餃子外層煎至脆卟卟，咬落有啖啖嘅芝士，味道香口。呢個雞翼炆得非常入味，而外面食落甜甜地，都好好食

因為今日在灣仔放工，和朋友們便一起到這間店試一試餃子的味道！呢間鋪有幾樣特色菜，當中包括有個九鼎狀元湯湯及黑松露餃！睇食評亦都話係滋補的效果於是乎我哋就黎試一試啦！👆🏻呢款係芝士煎餃，芝士配上粟米味道香口，但粟米的味比芝士更香濃！👆🏻呢一個搞係配埋個湯，煎餃的味道還可以，但呢個湯真係吹到有點兒誇張.....我們四人一致認同這個湯是沒有味道的......咁我都相信它是沒有味精的因為連味道都沒有👆🏻龍豐煎餃，唔錯，但唔抵食反而我哋覺得雲吞及黃金皮蛋是比較好吃的👆🏻黃金皮蛋，我都好好奇點解皮蛋的顏色是這麼黃和透明的👆🏻一口雲吞！正👆🏻面就有點普通總括來說，這間餐廳以名貴食材作為主打，價錢亦都較為偏貴。那個湯就不要點了，其他地方的老火湯應該比它更好飲.....一是無妨，但不會回頭了

睇佢既人流，就知佢有幾正😋😋個menu好多唔同既選擇，雖然花多眼亂，但我好堅定咁要黑白松露雙灼餃再跟湯朋友就要左至尊松茸豬肉餃跟狀元九鼎湯好豐富呀。松露味道果然不錯，我真係好中意食松露野架🤩🤩同埋粒粒都大大粒，而且粒粒都足料，怪不得人山人海客似雲來啦👍🏻👍🏻個湯清清地，如果覺得就咁食餃子有啲乾或者痴埋左可以放返落湯到一齊食呀，又可以熱返隻餃子🥟又叫左小食，雞翼，甜甜地，好入味架山楂雪梨水，酸酸甜甜好開胃

一直都想去食餃掂 但奈何係港島區終於搵到人同時間去試試佢成店滿座 唔通真係好好食嘅😍我地先叫左至尊松茸豬肉餃 ($72)配上狀元九鼎湯 湯底鮮甜 味道較清淡水餃味道不錯 值得一試另外我推薦的是元貝豬肉餃 ($60)每粒水餃都真材實料 有元貝架 好味👍🏻當然唔少得香煎軟心芝士餃 ($58)香濃嘅芝士 煎起上黎都幾特別而黃金原味皮蛋 ($28)半流心嘅蛋黃 配上醋嘅醬汁 特別開胃🤤而2杯山楂雪梨水 ($20/1) 都好飲😻_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今天下午終於有機會試這間餃子店，上次因為這店舖開業不久，等了30分鐘也未見有進展，唯有改去別處吃午餐。今天到來，看見人龍不算太長，我們等了大約二十分鐘才有位。我們叫了一碟四川涼麵（$28）、一碟韮菜豬肉煎餃（大碗）（10只）（$55）及一碗雲耳椰菜豬肉湯水餃 （大碗）（10只）（$49）。首先上場係涼麵，面頭放了花生粒和葱粒，加上四川醬汁攪勻一起食，味道不太濃，我地叫咗小辣，但實際可以説沒有丁點兒辣味。接著下來是湯餃子，狀元九鼎湯看似很濃味，但實際是淡而無味。幸好餃子皮薄且煙韌，餡料亦很充足，肉汁也豐富，如果湯底可以較為有味，整體味道也可以升級。至於煎餃，原則上無問題，餃子煎得不錯，皮很香脆但略為有點油，還是覺得湯餃子較好。這裏的服務員，整天只顧盯著客人吃完的碗和碟，然後快快收拾起來，還聽見有服務員説某枱有人吃完又不願離開，這樣的服務真的有待改善。友人非常欣賞那兒的菜甫豆豉醬，原來可以購買的，$50/樽，這個午餐的一個意外收穫。

今次同朋友黎呢間灣仔的餃子掂食個便飯，餃子可能比人感覺唔算係正餐，但係如果係啲有特色既餃咁就值得一試。而呢間餃子專門店有啲餃子就未可以係街食輕易食到喇！👀1) 至尊松茸豬肉餃見到呢碟肥肥既餃子就知佢足料，首先餃子皮薄，可以隱約見到佢入面既豬肉同木耳絲而食落入面既豬肉肥瘦就岩岩好，而木耳絲都好爽口，呢兩個餡料既配撘好肯定嘅係岩哂每個人一個人既口味。👍🏻2) 龍鳳松茸雙煎餃呢碟煎餃子既配答就比較獨特喇，因為佢入面既餡料係豬肉同黑白松露。碟野一到已經聞到餃子煎香既味道，而佢重要係煎到餃子皮金黃鬆脆，真係見到都流哂口水呀。🤤咬一口已經食到好濃烈嘅松露味，真係岩哂啲鍾意食松露嘅人，而松露同豬肉既配搭又唔會好怪，配搭感覺好新鮮，不過奉勸大家接受到松露呢隻味先好叫，因為真係好濃味。3) 香煎軟心芝士餃餃子入面既餡料係芝士，豬肉同埋粟米粒。餃子入面既芝士用咗一半，睇落好吸引同埋芝士味好香好濃，而粟米粒都好甜， 所以唔會比芝士既鹹味掩蓋哂成隻餃子既味道。4) 重慶鮮肉雲吞呢碟餃子係用重慶酸辣湯底煮既，未食已經聞到湯底嘅酸味同辣味。餃子就細細粒，所以應該好岩嘴細細同鍾意食辣嘅人食。🤣

是日同幾個同事共進午餐，因為多人所以試左好多款式😉首推1️⃣同3️⃣！.1️⃣龍鳳松茸雙灼餃🥟小編既目標係試下黑松露+白松露餃子，呢個雙拼就可以一次過滿足兩個願望啦😋覺得黑松露香d，咬開中間豬肉同餃子皮中間就會有一層黑松露，份量都幾多，香味撲鼻😍白松露就清淡少少，喜好因人而異啦💁🏻‍♀️.2️⃣至尊松茸豬肉煎餃🥟呢款其實同上面有少少似，都有一陣松露既香氣，只不過煎香左，煎到金黃色，外脆內軟！本身配埋狀元九鼎湯🥣，清清地好似屋企煲既粉葛湯🙂.3️⃣香煎軟心芝士餃🧀🥟初時有諗過配芝士會唔會中伏，但又出奇地好食喎！芝士味剛剛好，唔會好酥好重味，食完都唔會太膩。夾左少量粟米粒，增加左口感🤤.4️⃣雲吞麵🍜另外點左普通雲吞麵，雲呑份量都多，麵似蘭洲拉麵，較有口感，都不錯👌🏻.5️⃣重慶鮮肉雲吞·小辣🔥辣湯可以點小辣/中辣/大辣，雲呑細細粒好精緻，勝在皮薄！.6️⃣黃金原味皮蛋🥚點左個小食分享，特點係晶瑩剔透😌有豌油點黎增添味道。

水餃控注意⚠️ 呢間水餃🥟店位於灣仔 都幾多人食架！🤤上次食完 有幾款水餃🥟真係要推薦推薦🤟🏻🤟🏻-至尊松茸餃(圖2,3)松茸姐係松露餃🤤佢係黑白松露各一半💕而且松露味好香 再加上佢煎到個水餃皮啱啱好 個皮脆卜卜加勁香既松露餡 真係超好食！ 呢個必嗌👍🏻-另外香煎軟心芝士餃(尾2圖)都係好好食 呢間煎餃既火喉真係啱啱好 外脆內軟 芝士控must eat！🙈🙈-而其他雲呑 皮蛋就無咁岀色 都係食反餃啦！🤣-

今日放假倍媽媽吃午餐，媽媽想吃些健康午餐。 記起朋友之前介紹過＂餃掂＂手工餃子店，它是全用上優質食材來烹調。 到達灣仔店時，門口更有幅蔡瀾推介報導。 再看餐牌知道餐廳用優質材料來提升味道，真的既可調理身體又可滿足食慾。調味料齊備，樽身及匙也乾淨冇黏手菜脯豆豉醬菜脯切功幼細，味道帶層次感，大家也要試試，不要錯過這醬料美味。黃金皮蛋晶瑩透徹黃金皮蛋，加蛋黃溏心，一見已令人心動。蜜餞雞翼雞翼煮得十分入味。元貝豬肉餃味道比想像中更鮮甜，薄薄餃皮，滿滿元貝餡料，包餃摺工整齊美觀，每一粒也有滑入口中感覺。至尊松茸煎餃，更跟有一碗狀元九鼎湯，餡內有很多松茸，煎餃保留松茸香味在餃子內，每一口也超美味又可增強免疫力。豆漿大大杯，豆味香濃又唔甜，