餃掂手工餃子雲吞專門店

Open Now

Now Closed

放工約左女朋友食飯，但想食得健康又飽肚，我地就去左灣仔既餃掂手工餃子雲吞專門店既灣仔分店。 佢既主打菜係餃子，所以我地叫左至尊松茸豬肉餃跟狀元九鼎湯 (灼餃子，中碗有8隻，HKD 72)。我地亦都試左韮菜豬肉餃加大白菜豬肉餃 (煎餃子，中碗有7隻，HKD 46) 。另外，我地追加左韮菜豬肉餃加栗米豬肉餃 (湯餃子，中碗有7隻，HKD 43)。至於小食要左蜜餞雞翼(3隻，HKD 22)，而飲品就要左熱既山渣雪梨水 (HKD 20/杯)。先黎既係松茸餃同九鼎湯。松茸餃係灼既，餃子內面好足料，好多松茸。個九鼎湯好好味，而且無味精，飲落去個人好和暖，有提昇免疫力，溫腎益氣同潤滑腸道，非常健康。跟住黎既就係煎韮菜同白菜餃子，除左用料充足，煎得都好香口。不過個人鍾意韮菜餃子，所以追加左，不過今次係湯餃子同拼栗米豬肉，味道都好好味。個小食雞翼，味道甜甜地，好入味，係唔錯既一道小食。而個飲品山渣雪梨水係熱飲，可以選擇一支，一杯或者一jar。我地就選擇左一杯，都好大杯同埋飲落去個喉嚨好潤滑，正。

最中意食餃子，而呢間係我百食不厭又真材實料既餃子店，亦都成為左我既飯堂。食過一次都十分掛住佢十分出色餃子。 先叫碟拍青瓜做前菜先，再叫多杯自家製山楂雪梨水潤一潤先。成份包括山楂片、甘草,冰糖,麥芽,雪梨以及水製成，飲完成個人都滋潤晒呀。又唔太甜。至尊松茸豬肉煎餃子絕不能錯過。餡料松茸包住豬肉，餃子漲卜卜，煎左後皮脆脆，內在肉質鎖住汁，啖啖滿足。佢會配埋一碟松茸醬，增加左餃子香味。最中意係餃子包埋一碗九鼎湯完全不添加任何味精，啱晒我呢d 平時無咩湯水既人飲呀。

我常常光顧餃掂界限街總店，但是，當有名氣後，該店時常爆滿，期望港島開新分店，終於開業並試下，首先，裝潢簡約，光明整潔，而座位上是狹窄的，用盡每寸空間。食物方面，點了喜歡的芫茜湯餃子，湯頭味道依然保持，餃子皮簿饀足，芫茜味濃，個人喜歡！！再點一碗粟米豬肉餃麵，餃子清爽，口感很好，湯也不錯。另外，自家製醃酸瓜，十分好味又開胃，免費任食的，必要試下。最後，食物水準保持，價格調高了點，仍支持！！服務質素就有個別員工態度差劣，待客很粗心，好像食便坐下，如不過主吧！今時今日，這樣的服務人員必須再培訓，希望管理層能做好員工培訓，敬希垂註。

自己本身好鐘意食餃子，偶然下發現有間餃子店就來一試，店面裝修整齊，果時4點幾唔算好多人兩個人就嗌左一碟芫茜湯餃，一碟韮菜煎餃等緊野食果陣，試食左店上面既酸蘿蔔，好開胃！芫茜餃好香！好好食，第一次食芫茜餃子，個味道比想像中出色❤️一向都鐘意食韮菜餃，所以就更期待碟煎餃～果然無令我失望，皮薄咸靚，煎得又唔油膩，外脆內有肉汁😋😋😋😋下次要試埋個松茸餃子先得！

經過幾次都見幾多人排隊 今晚就試下佢叫左一個涼麵 麵質唔錯 但到時比漏芝麻醬 問拎話要收5蚊 最後發覺比漏先話唔收錢😡再叫左個湯淨麵 麵質都係唔錯 但無乜特別其實仲叫左佢個主打餃子 煎餃佢寫要等20分鐘 無問題呀如果好食無問題 但等到30分鐘都未黎 吹單時佢話整緊 再過多陣再吹要佢入廚房睇下係咪真係整緊 點知佢過廚房漏左單！叫我取消 ！真係火都黎！🤬🤬🤬🤬🤬最後就只係食左個兩個淨涼都同淨湯麵！咁既服務真係以後都唔會再去！我見隔離台都要係咁吹 啲單仲要亂晒真係怕怕

位於灣仔的餃掂，是一間主打手工餃子的餐廳。餐廳可堂食或外賣餃子，由於在港島區中，算是價格便宜的餐廳，因此深受附近打工仔歡迎。餐廳沒水供應，需點飲料哦。香煎軟心芝士餃 $58/10隻看到芝士兩字，大部份的客人也會忍不住點選一份吧。煎餃的外層煎成金黃色，香脆可口，惟放後久有點變硬，建議盡早吃完。芝士微微溶化，豬肉部份不多，每個餃子約有兩至三粒粟米，芝士味道正常，也屬不錯。韮菜豬肉餃 + 粟米豬肉餃$55/10隻餃子可選湯餃或煎餃，韮菜豬肉餃味道較濃，但韮菜不太新鮮，粟米豬肉較為清甜，但湯底偏淡哦，餃皮頗厚，吃二十個很飽了。服務員的態度有代改善，問了多次約十分鐘才給餐牌，問有沒有碟子可以跟朋友分享食物，他說沒有，當我追問 餃子不是用碟子裝嘛，難道沒有空碟？他說沒有。我說不會吧？他說其實有碗。那為什麼一開始不給我呢，好像在玩客人呢。雖然價格便宜，但服務也是很重要的。

我天天路過這裡，今天終於可以坐下來一嚐心頭好——從小吃到大的餃子。我叫了一湯一煎白菜餃一拌青瓜。跟家裡的不能比，外鄉人還是可以。我個人習慣醋里加小小糖，問服務員要一點，服務員回說：「我們不供應的」，我說有沒有熱檸水，回答：「沒有，我們跟其他點不同的，沒有這些的」我說：我加十元賣一點可以吧？回答：「我們店沒有糖就是沒有！」我問經理在嗎？回答：「沒有，不再」，我還不信！我打電話到公司，回答：經理在嗎？有什麼事？我說我是客人，在吃飯，可以給一點糖嗎？回答：十塊錢一包超市大把，我們不供應！收線。你說怪不！五元硬幣大小的糖都沒有！

公司附近其實好多嘢食，不過最近天氣實在太熱，所以到中午飯嘅時候都冇乜胃口，今日就選擇左來食餃子。呢間餃子店平時中午時間排長龍，兩點到達都要等一陣。點左呢度最出名嘅至尊松茸餃，好香松茸香味！豬肉好滑又甜，隻隻餃子都好飽滿 ！表皮頗煙韌又香！配上松茸餃會有一個粉葛湯，好清甜不肥膩。火候十足！另外點了一份涼麵，麵用了雞蛋麵，好彈牙，麻醬又香又開胃！啱哂炎炎夏日食 ！豆漿亦都好大杯，豆味好香！朋友飲嘅雪梨茶佢話好香甜解渴！

本身都特別喜愛食餃子既我，而家係香港愈開愈多餃子店，真係唔怕食唔到，由其依間餃子店，係我至愛之一，之前係總店第一次食，佢地自家既狀元九鼎湯真係飲上癮之餘，湯同煎餃子亦非常出色，今次去分店食第二次依然好滿意，仲依舊保持水準，兩次黎食都要等位入座，雖然價錢唔算好便宜，但都有唔少捧場客黎食，包括我!今次我同朋友全點左湯/灼餃子，我朋友第一次食，所以二話不說點左店內招牌至尊松茸豬肉餃配狀元九鼎湯，有得選灼或煎八隻及十隻餃子，今次我地點左灼餃子八隻配中碗湯，灼餃係分碟另上餃子外皮透薄順滑，咬第一口時唔會感到餃皮粘口，豬肉餡鮮嫩多汁，夾雜左松茸片，食落帶肉既鮮甜味同香濃既松茸片獨有味道而湯味道淡中帶清甜，雖然食開濃味既人未必會喜歡，但飲落完全無味精同飲完會覺得舒服，果然係鎮店之寶，必食推介除左點左至尊松茸餃，另外再點左雙拼湯餃子，大碗有十隻，本身我地點粟米豬肉餃，但賣哂，所以點左大白菜豬肉餃拼韮菜豬肉餃，湯底亦用左狀元九鼎湯大白菜豬肉餃味道特別鮮甜白菜同豬肉配搭係完美，口感係爽滑啖啖肉，而韮菜餃內既韮菜香氣撲鼻，食落無菜青味，同豬肉餡融為一體，好好食餃子食完已經八成飽，一早點左既四川涼面都送到，涼

從來都喜歡吃餃子，但好吃的餃子店少之又少。今天行經灣仔，發現一家裝修時尚的手工餃子店！身為餃子迷的我，一於拉埋honey去試試。這餐廳有別於一般餃子店，裝修簡潔企理，又帶一點中式原素。雖然座位有點兒緊貼，但仍屬可接受，晚市的氣氛十分熱鬧。這家店的餃子選擇唔少，有多款選擇，可選湯餃或煎餃。餃子除了傳統的白菜豬肉、韮菜豬肉、雲耳椰菜豬肉、粟米豬肉和芫茜豬肉等，還有創新矜貴口味的至尊松茸豬肉、龍凰松茸、松茸素餃同香煎軟心芝士餃。龍凰松茸雙灼餃$85（8只）所謂龍鳳即是白松露和黑松露。灼餃餃子皮超薄，透出黑松露和肉餡的顏色。黑松露饀味道香濃，加上豬肉餡juicy又鮮美，味道實在唔錯。而白松露味道相對野性的黑松露就比較溫和。白松露茹菌味幽香而淡雅，配合鮮甜的梅頭豬肉，十分合拍。灼的方式感覺健康，而且保持原汁原味，簡單又好吃！至尊松茸豬肉配狀元九鼎湯$105（8只）松茸在曰本被視為食用蕈中的極品，加上是菌中之王，營養價值十分豐富。而這至尊松茸豬肉餃松茸味道香濃。雖然這松茸味道未及剛才黑松露的猛烈，但茹菌味道鮮美清幽，配上狀元九鼎湯，感覺充實而滋養。這湯火喉十足，完全唔油膩，而且用上粉葛、鯪魚、鰂魚

今日經過灣仔，口痕想食餃子，就嚟到呢間餃掂。野生松茸素餃一開始我地就叫左此松茸素餃，佢感覺好健康，菇🍄菌味好濃👍我哋叫咗中級碗，兩個人都夠食😻香煎軟心芝士餃之後我哋叫咗香煎軟心芝士餃，佢係一個煎餃，但係佢冇乜油，而且仲有七粒，仲有拉絲嘅效果，超正！😻👍😻🔥雙拼煎餃（韮菜芫茜 ）我哋仲叫咗大碗嘅雙拼煎餃，佢有好多選擇，有韭菜芫茜等味道可揀，大家可以因應自己口味去揀，我就略嫌佢餡太多，令到餃子皮可能會爆左少少，但總括嚟講都係非常健康㗎！👍🔥雲耳椰菜猪肉餃我哋最後都叫埋一個云爾椰菜豬肉餃，佢啲豬肉好新鮮，好嫩滑，肉汁豐富。黄金原味皮蛋之後，我哋叫咗一個黃金原味皮蛋，佢係一個冷盤，佢啲皮蛋好大粒，花紋都好清澈，而且好爽👍回味手拍青瓜由於朋友想食一啲爽口嘅嘢，我哋就叫左一個回味手拍青瓜，我就嫌佢份量有啲小，同埋啲汁令到青瓜冇咗本身嘅美，但係大家如果想開胃嘅話，都可以食㗎！😻☺

我好鍾意食餃子，但係香港食餃子店就唔係好多，開心搵到呢一間鋪頭，我哋今次點了三款唔同嘅餃子同雲吞！首先係香煎軟心芝士煎餃 -呢個超級香口！ 入面的芝士很多，配合粟米非常好味！另外點了鎮店之寶之一龍鳳煎餃！不過我哋今次淨係要黑松露味道！ 黑松露味道未食已經聞到，一咬落去黑松露味道走晒出嚟，但係又唔會蓋過左豬肉嘅鮮甜味！ 跟住點咗個重慶雲吞，我男朋友最喜歡食辣野，這個中辣味道他覺得很刺激，他差點飲晒全碗辣湯！另外最出名嘅係狀元九鼎湯，呢碗湯正呀！好明顯冇味精，落足本！ 好清甜嘅湯！材料有份國，扁豆，赤小豆，陳皮，蜜棗，排骨等等！咁正都係$20一碗咋

樓底幾高，幾舒服！野生松茸素餃 灼餃子7只 $45之前食過覺得幾香，似食肉類咁。今次再食，話有好多功效。食落好健康因爲無肉，無肥咁，嘻嘻！唔知係咪野生松茸，有微酸咁，不過份！食一個素餃會有中和肉餃嫁呢！香煎軟心芝士餃 7只 $52好香口，芝士唔算多，主要集中係底部，會好明顯有一舊芝士味！肉中都有d芝士，唔會太飽太利既，食完都有肚食其他嫁！免費酸蘿蔔，一瓶任食！狀元九鼎湯會係湯餃有，當係老火湯咁。因為有粉葛同豆，所以會有粉粉感覺！之後仲有鯪魚鰂魚會有鮮甜咁，無腥唔洗快怕。新會陳皮同蜜棗温腎養顏，幾好飲，飲完都唔會好口喝，真係無味精？！飲落無乜鹽味，可以根據自己喜好加鹽，欣賞依個細節！韮菜豬肉湯餃 7只 $39滿滿韮菜配豬肉，皮薄，睇到入面料，但唔會一夾就爛，好功夫！韮菜可以配菜甫豆豉醬，辣味使佢會野味d，不錯喔！芫茜豬肉湯餃 7只 $43比韮菜更強勢既味，適合重口味人士，淨食飲湯都非常有味！陳醋就配乜餃子都好既，怕酸可以混醬油1:1咁會中和返。蜜餞雞翼 3隻 $22早知叫5隻啦，好甜香好味道！雞皮雞肉偏微硬，有煎過下感覺！凍豆漿 $15唔會甜，有豆香！底部會有豆粉咁，餃子配豆漿係長青配搭

去完山頂星期六晚上大概八點幾附近譚仔，吉野家，黑龍，pizza hut 都超多人排隊所以行行下見到有間燈火通明的 ，有超多位的，就走入去，諗住簡簡單單吃點東西點了兩盤餃子，上海面食物是不錯的餃子沒有太多肥豬肉湯喝得出是冇味精的粉葛魚赤小豆湯食物是吃得出誠意的平時在附近工作，本身可以再吃或推介同事來食但是，服務就嚴重扣分👎一進去，有五六枱空桌那個可以寫單收錢的好像是樓面的大阿姐要我們拼桌😅跟一個單人共用四人桌話費事要我地食食下移動🤔其實本身也沒什麼問題譚仔也這樣香港寸金尺土生意不易做但本身五六枱空桌到有人來才搭枱不可以嗎？後來有三組客人來分別兩組雙人👫👫，一組單人🤹‍♂️全部每一組都可以獨坐四人位包括那單人的都是坐四人位🙄我就感覺被欺負了難道是因爲我地樣子比較斯文嗎？有幾枱客問那阿姐的想要水她也是一句回：我地冇水架本身食物有四分的只是服務影響了整個體驗二點五吧

餃掂是我時常光顧的食店，今次晚餐去了灣仔店，其實食物味道是不錯，只是沒有醃蘿蔔，服務員亞姐態度一般及講野好大聲而已...自製山楂雪梨水 $20有山楂及雪梨，甜酸味適中，帶少少甘草味，很不錯。至尊松茸餃 （中）$72配壯元九鼎湯，有鯪魚、粉葛、排骨、赤小豆等，湯味清甜滋潤，是必點的。松茸餃比一般的餃味道較香濃四川涼麵 $28麵條都幾彈牙，加入芝麻醬好開胃，夏天食一流。香煎軟心芝士餃 $52芝士餃好創新的口味原來除了芝士，還有豬肉及粟米，芝士香濃之餘又有粟米的甜味，沒有想像中的膩，美味。雙拼煎餃 $54芫茜豬肉，芫茜味重，豬肉份量多韮菜豬肉，韮菜份量比豬肉多，原來每款餃的豬肉餡料也有不同的。