餃掂手工餃子雲吞專門店

Open Now

Now Closed

餃掂午飯嘅時候，經過灣仔莊士敦道，想簡單食碗麵，有見到餃子好似好有特色，仲要有好多人排緊隊，我估應該都好味嘅，就姑且一試。餐廳面積唔大，地方都係比較細，座位比較緊迫，不過都冇辦法啦。繁忙嘅灣仔，午飯時間呢一間價錢都唔算貴，所以座無虛席都係正常嘅。同埋最緊要，食餃子，大眾化嘅價錢，最緊要就係食物質素，地方還是其次。。既然一場來到，都想試吓啲特色餃子，打開餐牌，眼前一亮，因為真係未試過中西合璧嘅黑松露和白松露餃子呢。。餐牌上面仲有松茸嘅介紹，睇完佢嘅功效，我更加想一試。因為有護膚促進免疫力嘅效果，仲可以抗癌，穩定血壓，穩定膽固醇。雖然食一次未必見效，但如果有保健的作用，多吃也無妨呢。。兩個小吃：黃金原味皮蛋$28野味酸辣雲耳$25兩個小吃不過不失，雲耳非常開胃呢。。鎮店極品至尊松茸豬肉餃（跟狀元九鼎湯）灼餃子——中碗（八隻） $72龍鳳松茸雙灼餃（跟湯） $85.8隻。首先非常欣賞餃子和湯是分開上的，很怕餃子浸在湯裏，使餃子皮浸爛了，這個做法是我非常欣賞的，另外餃子皮也不算厚，因為從餃子的外皮已經看到黑色的黑松露了，立刻食指大動。。餐牌上介紹：狀元九鼎湯功效：提升免疫力、溫馴益氣、滋潤長度

朋友推介呢間餃子幾特別，今日lunch 就喺附近試吓啦。未到12點半已經有八成滿，感覺親切小店。朋友推介佢哋的龍鳳松茸雙灼餃子，所以一向不太好肉的我就點了那個餃子，因為其他地方吃不到。餃子肉多肉汁豐富，也有黑松露香味，點小小陳醋，更加帶出肉嘅鮮味，也沒有這樣油膩。不過，餃子入面沒有菜感覺有點濟，可能適合肉食者吧！＄85 只有8隻餃子本來都幾貴，但跟了那個狀元九鼎湯就覺得值，因為那個湯真是真材實料。用了粉葛赤小豆排骨等材料, 不加味精。湯頭清甜，也可以去濕，但略嫌魚味不夠。另一樣值得值得推介的就是那瓶自家的免費醃菜，那醃蘿蔔清甜爽口，不會太酸沒有那種人工甜味，無論餐前或餐後食幾好口，都有開胃消滯的效果。

朋友對餃子情有獨鍾，所以今日就同佢黎呢間手工餃子專門店大快朵頤！呢度餃子嘅口味眾多，有灼、煎同湯餃任君選擇，亦有好吸引嘅特色小食，但我地今日就無食到，希望下次黎可以試下！呢度不論煎餃或湯餃都同樣出色。煎餃厚身但皮薄，煎至金黃色，香口但唔油膩，十分吸引！湯餃包得好靚之餘亦唔會因爲浸湯而散開，係較健康嘅選擇。鎮店名物至尊松茸餃果然名不虛傳！雖然價錢上相對較貴，但物有所值。餃子入面有一大塊松茸，味道夠哂香濃😻松茸餃子會配有一碗狀元九鼎湯，呢碗湯材料豐富，而且無味精，好有家嘅感覺！😋香煎軟心芝士餃都值得一試，加入咗芝士嘅餃子算係新式啲嘅口味👻 內層原來都有幾多芝士，趁熱食嘅時候有少少流心同拉芝嘅效果！原來呢款餃子嘅餡係粟米豬肉，幾驚喜！😭👍👍為咗試多啲口味，我地要咗雙拼湯餃：粟米豬肉餃外貌吸睛，可以見到粒粒飽滿嘅粟米，而食落亦都清甜爽口；個人更愛白菜豬肉餡，肉同菜嘅比例啱啱好，味道比起粟米豬肉餃更加清新，口感亦都較為爽脆，食多幾隻都唔會滯。😝另外我哋都食咗重慶鮮肉雲吞，雲吞皮既薄且滑，肉餡嫩滑，一啖一隻，配上渝式湯底，又係另一番風味！😚食咗咁多煎餃同肉，難免會驚熱氣同滯，所以要咗杯山楂雪梨水！

已有一段時間沒來這店，因為每次 lunch time 經過，都見很多人在排隊，趕時間就沒有等了! 今次是週末的下午茶時間，客人不多，可以坐得舒適一點。見到餐牌有餃子麵，想試一下。 可是素餃不可配麵，只好分開叫。叫了中碗七只的野生松茸素餃及竹昇米線。素餃餡料足，不用沾醋都好吃。竹昇米線是較幼身的米線，軟硬度適中，爽滑好吃! 伴有芫茜、蔥很香。 湯底很濃郁，湯面有些油。這次隨湯附上小飛蟲一隻! 我覺得告訴侍應都沒多大作用，選擇自己搞掂。 可能芫荽太香喇! 連小飛蟲都被吸引了!今餐食物都挺滿意，可是吃完有點口渴。

環境 -1分：間餃子舖樓底非常非常之高，但Ｄ位就迫到呢，樓面D夥記同Ｄ客係咁撞嚟撞去，坐得唔舒服，又唔夠冷氣，食前食時食後Ｄ汗都不停流，如果可以一定畀負分！衛生 -1分：張枱明明清潔左但Ｄ頭髮仲黐住左响枱面，好核突兼超唔衛生。枱上面Ｄ醋同醬油呀全部黐立立，茶記都無佢咁污漕，真係唔想接觸，一樣想畀佢負分。服務 -1分：佢地個電子落單機夠現代化，先加佢一分。但成餐飯一杯茶水都無，要扣返分。叫左三次寫嘢先有人采你，講講吓又走左去，知你地Ｄ阿姐真係真係好忙，比機會扣你兩分。但總算佢地面口唔差，最大問題係佢地唔會讓路比你行，一於同你鬥撞，拎住Ｄ餃子會大叫借歪借歪，又扣到變負分。味道2分：1)      叫左個雙拼大白菜加粟米豬肉湯餃，中碗有七隻。個湯底無離味道，先扣一分。Ｄ湯餃層皮呢厚過我面皮不知幾多倍，又硬到呢，再扣多佢一分。兩款餃Ｄ餡有Ｄ實，係個粟米豬肉餃叫左爽Ｄ，一般過一般。2)      反而碟雙拼韮菜加雲耳椰菜煎餃子就好食得多。層皮夠薄，煎得又夠脆，個韮菜煎餃又爽又脆又香，可以加反分比佢。抵食 -1分：餃子價比茶記貴，但淨係冷氣，環境，服務同Ｄ乜餃乜餃又唔係好過人，無可能會覺得抵食。幫

一向都好鍾意食餃子，最近跟同事去食飯，佢介紹咗呢間係公司附近嘅餃子專門店，估唔到會有驚喜首先同事介紹一定要試吓佢嘅山楂雪梨水，係咁熱嘅天氣之下飲呢個係會透心涼，而且自家製夠健康另外同事叫咗一個自家湯水，望落去好足料主角嚟喇，我哋分別叫咗蒸餃同埋煎餃，蒸餃我哋選擇咗至尊松茸豬肉餃，我之前未食過呢款口味，覺得佢有好香嘅松茸味，而且個皮厚薄適中，配合埋佢嘅自家湯十分惹味煎餃我哋選擇咗粟米豬肉餃，粟米粒粒分明而且好清甜，配合埋豬肉感覺好配合，而且佢煎到個皮好香口，但係入邊嘅肉汁就鎖住，好好味之前驚淨係食餃子會唔夠飽，我哋再叫埋佢嘅雞翼同埋水餃麵，蜜餞雞翼煎得好香口，水餃麵就份量好多，結果原來間餐廳嘅份量都好足夠，結果我哋兩個食得夠晒飽，性價比好高

相約了同事食餃掂！ 😗啱啱撞正lunch hour，餐廳入面已經坐滿人，好在最後等咗5分鐘就能入座！叫咗幾樣想試好耐嘅嘢食🤤🥟黃金原味皮蛋真心正嘅開胃小食。皮蛋帶點甘香而且晶瑩通透，口感軟滑。即使兩個人食都無想像中咁heavy ！🥟四川涼麵麵條爽口彈牙，麵本身帶點微辣，撈埋特制麻醬、花生十分惹味。作為主食就最好不過！如果唔係要減肥的話，呀叔我一定會食兩碗！🥟煎元具餃煎到金黃色同香脆，但食落卻唔會話好乾身！入口肉味濃郁、同時元貝就令餃子食落帶點鮮味！正呀喂！🥟山楂雪梨水山楂味較濃味道酸酸甜甜。山楂醒胃、雪梨清熱，好適合悶熱嘅天氣下飲。Overall 有中上水平，下次會食埋松茸餃同芝士餃😋

專門賣餃子嘅店舖一係就撈得好唔掂，一係就好出眾而「餃掂」嘅餃子我覺得食落去好安心，因為全部都係健康食材制成狀元九鼎湯 $20個名好型啊！我飲完唔知會唔會變狀元姐姐呢🤪碗湯冇落鹽咁上枱，要幾咸幾淡自己決定我就覺得原汁原味最好飲功效都有好多四川涼麵 中辣 $28嚟到之後又有我最鐘意嘅撈撈時間，撈完之後可按喜好落麻醬落完之後好似食緊擔擔麵咁至尊松茸豬肉餃 大 $105餐包咗10隻餃子，一碗狀元九鼎湯松茸令餃子味道更豐富粟米豬肉餃 煎 中 $45皮薄而入面真係有超多餡粟米粒原粒放入去，所以咬落去有咬到粟米嗰啖特別爽口

今天在大雨中，試了餃掂手工餃子雲吞專門店，發覺簡單的手工中藏著非常不簡單的味道。店內坐無虛席，連鬼佬都黎幫襯，真係估佢地唔到，事後發覺原來係一班識食鬼佬。多款醬汁任君選擇，點餃子必備的陳醋和辣醬更是不可少。首先點了黃金原味皮蛋及蜜餞雞翼蜜餞雞翼(小)醬汁香甜，味道甜而不膩，雞翼外層皮外而內裡肉嫩多汁，每隻雞翼大小剛好，易食易咬。黃金原味皮蛋($28)味道香濃，食落唔會有泥味鐵味，雖不至做到非常流心，但晶瑩剔透的外層，無論賣相和味道已經不得了。之後便叫點三款餃子。首先上場的是芫茜豬肉餃芫茜味幾重，不過沒有完全蓋過豬肉的味道，可謂層次分明，而加入菜甫豆豉醬來提味更可降低莞茜的味道令人更易入口。至尊松茸餃松茸味香濃，完完全全令肉味得以提升，外皮煎得剛好，外脆而煙韌，松茸本身獨突的味道一試難忘，和豬肉的比例剛好，絕對值得一試。芝士餃入口香濃綿滑的芝士，栗米有咬口而且爽甜，外層同樣煎得香脆，芝士本身沒有蓋過栗米和肉的味道九鼎狀元湯無味精無鹽，純靠材料煮出鮮味，入口溫和舒服的暖意一直充斥口腔內，味道清甜醒胃，消滯之餘又可以作為補身之物。

友人說必點龍鳳松茸雙灼餃，湯底是招牌狀元九鼎湯。湯底喝得出是很多材料熬製而成，絕無味精。餃子很飽滿，皮薄足料，餃皮透出黑松露。龍鳳餃饀料口感帶爽，而且松露香頗濃郁。元貝豬肉餃 - 能咀嚼到絲絲元貝，味道比龍鳳松茸餃清淡，肉饀新鮮。雙拼煎餃 -韮菜餃/粟米豬肉餃煎餃等候時間比較長，店員說要預15分鐘。新鮮煎好的餃子皮脆饀香。粟米大粒香甜，韮菜獨特的味道也很合我口味，兩者的美味程度不相伯仲。另外，只要在餐廳Facebook 讚好，就可以免費獲贈一碟麻辣雲耳。雖屬贈品，但製作也不馬虎，微辣開胃。

今日lunch 既時候 突然好想食餃子，就上網搵下灣仔附近有無，比我搵到間都算新開既餃子店，就同埋同事一齊去啦！入面鋪頭乾淨光猛！我地叫左個香煎軟心芝士餃，入面有濃濃既芝士同栗米，呢款餃子係比較甜既路線，一份有七隻餃子，外皮煎到好酥脆，內裡芝士好creamy ,甜甜既栗米增加左口感，而已呢款餃子都唔多地方有做，所以幾特別！蜜餞雞翼，蜜糖唔只掃左係雞翼上，多到流左係碟上 哈哈！雞翼脆脆既外皮上淋上蜜糖，內裡雞肉嫩滑 正！手拍青瓜，食左咁多煎炸野，想食d清新野就叫左呢個，非常清爽，夏天食一流呢度仲有好多款餃子 而且聽講呢度既松露餃好出名，下次要再黎食啊！

#nomnom dumpling is the kind of dumplings that are adventurous. An adventurous dumpling would enlist all the ingredients that are fun in taste and textures. Have you tried the dumpling combo with cheese corn and pork? Or truffle and pork? Or the classic one with cabbage and pork? They all taste good and I prefer the fried ones but the soup one is also not bad. I had a hard time explaining to my foreign friends what "black fungus" are but they were game to try. Wonder who came up with that bad tr

最中意食餃子，而呢間係我百食不厭又真材實料既餃子店，亦都成為左我既飯堂。食過一次都十分掛住佢十分出色餃子。 先叫碟拍青瓜做前菜先，再叫多杯自家製山楂雪梨水潤一潤先。成份包括山楂片、甘草,冰糖,麥芽,雪梨以及水製成，飲完成個人都滋潤晒呀。又唔太甜。至尊松茸豬肉煎餃子絕不能錯過。入面餡料松茸包住肉，餃子漲卜卜，煎左後皮脆脆，內在肉質鎖住汁，啖啖滿足。佢會配埋一碟松茸醬，增加左餃子香味。最中意係餃子包埋一碗九鼎湯，完全不添加任何味精，啱晒我呢d 平時無咩湯水既人飲呀。

尋晚去灣仔同朋友買玩具比小朋友，之後順便食埋飯～我地黎左間食餃子既餐廳，當然要點餃子啦！！先黎個小菜- 木耳，好爽口。之後點左個出名既"至尊松茸猪肉餃跟就狀元九鼎湯"狀元九鼎湯主要以粉葛，紅蘿蔔，扁豆，赤小豆，陳皮，蜜棗，鮮排骨，活鯪魚，活鰂魚等煲成，湯頭清，入口濃甜，有D 似屋企煲既粉葛老火湯， 去濕下火，好飲！至尊松茸猪肉餃皮薄餡靚，食落好飽滿！另外，點左個香煎軟心芝士餃，芝士餃金黃色脆卜卜，芝士控既我好中意食！仲點左個四川涼麵，麵上面好多花生粒，涼麵又爽又滑，枱面仲有好多唔同既醬料比你加，正～

餃掂喺灣仔開左半年左右，有幾次想Lunch食，不過太多人排隊嘅關係所以最終放棄左。周末經開哩頭，明顯人流少左。諗都唔諗即刻入去試下喺咪真係咁「掂」先。我哋點左三款餃子🥟。第一款喺比較少見嘅香炸軟心芝士餃。餃子外皮薄，煎得金香外脆。芝士味濃，不過唔喺流心，除左芝士仲有啲粟米粒。食左兩三舊就嫌嫌地，可能放涼左，愈食愈唔好味。所以真喺要趁熱食。我哋仲揀左個雙拼湯餃子A＋A，其實睇唔明個餐牌，不過最後就揀左韮菜豬肉餃拼雲耳椰菜豬肉餃。哩款餃子皮比芝士餃厚，不過口感都唔差。仲有好多湯汁喺餃子裡面，不過湯底較清，所以餃子整體味道偏淡。兩款餃子其實唔大太分別，唔喺自己揀都唔知哩到喺兩款唔同味道嘅餃子。因為仲有啲餓，所以加多左個四川涼麵。個麵都用左幾多醬料，味道唔錯，辣辣地。不過個麵底真喺麻麻地，好乾好硬，有啲生生地嘅口感。