餃掂手工餃子雲吞專門店

Open Now

Now Closed

本身很喜歡吃餃子，所以常常上網找找香港的餃子店，之前見過這家店在香港有幾間分店，但一直未試過。這天碰巧在灣仔，不如到這裡醫肚吧！韭菜豬肉餃：餃子外皮夠韌，能包裹裡面滿滿的餡料，而又不易破爛，入面的韭菜豬肉鮮味，尤其那韭菜味很出，兩者份量平均，比例差不多。而水餃的湯底亦是我一向很重視的，這家的下火湯頗清淡，不油膩，配著整碗都差不多喝光光了。元貝豬肉餃：相比韭菜的，這個較淡味，本身元貝味道不濃烈，不過倒是挺足料的。四川涼麵：雖然只配上簡單的材料，蔥花、花生粒以及麵條，但這配搭再混入醬汁、辣醬已經很開胃惹味。麵條幼幼的，卻有靭性，不易斷掉，很有口感。蠻有驚喜的餃子店，本以為質素及味道一般般，怎知味道不錯，價錢亦合理，下次再光臨吧～

對呢間店十分反感，姑勿論好唔好食，我親眼睇到佢哋對待外籍遊客十分傲慢，人哋三個人先叫一下餃子試吓，佢哋竟然因為外面有人排隊叫人哋離開買外賣叫，導致人哋三個喺門口企喺度食！滿口仁義道德嘅店，實際係講一套做一套！留返大陸人幫襯你啦！

經常性和老婆出街食野，每次問佢食乜！佢都話你揸主意啦，但係當你出主意既時候，佢又會嫌三嫌四，當我諗到頭都爆既時候，突然諗起朋友叫我試下食餃子，佢話這間非一般餃子店，所以同老婆講試吓這間餃子店，但估唔到有驚喜，起初心諗餃子，離不開豬肉、韭菜、菜肉一般餃子，但居然餃子可以混入黑松露制作而成，而且味道配合得很好，一口咬落去，黑松露味十足，從未試過這種味道😋值得一試，還有黃金原味皮蛋、蜜餞雞翼、酸辣雲耳這些小食也相當不俗！我們即刻去片🤨🤩🤩

啲餃子嘅餡好足料，特別推介係皮蛋溜心餡，真係非常好食；個蜜餞雞翼酸酸味味好惹未，好開胃！睇得出是一個好用心嘅小店。值得在一題就是佢啲湯都唔好落味精，好鮮味，配埋啲餃子一齊食是一絕也！

朋友強力推薦之下過來一試，聽講係太子過江龍，隨便點了兩款餃子。煎餃火候剛好，金黃香脆，咬落皮薄足料；湯餃之湯底沒有過鹹，食完也不會覺得口渴。飲食嘅野有無心做一定食得出，呢個價錢呢個質素，完全明白點解大排長龍。

呢間餐廳成日都經過，今晚諗唔到食咩，又見到佢無咩人排隊，於是就入左去！夜晚大約7點去到，店入面已經坐滿8成，座位唔算少，但坐得比較逼！四川涼麵 ＄28涼麵加埋麻醬，呢個配搭無得輸，但食到最尾，覺得個醬有d鹹！雙拼煎餃：韭菜／椰菜木耳 ＄60煎餃過左差唔多三個字先到，耐過涼麵好多，但佢上台真係熱辣辣! 餃子覺得可以用皮薄黎形容，煎到脆卜卜，至於餡方面，個人覺得韭菜比較出色！韭菜既味道比較濃，好足料，而椰菜木耳就明顯清淡好多，同埋唔係好食到木耳，但椰菜就真係好爽口！下次會想試埋其他口味既餃子！

慕名而来 结果失望至极 不会再来。首先是服务态度差 没有人上碗碟 我就去自己拿 顺便看到有调料就也想拿一点。然后就有服务员冲上来跟我说:"你怎么可以拿这么多!!" 说完就把我的调料抢了回去。我说也没有人说不能拿 没有见过如此小气的商家。其次是乱收费。他们看到我们拿了调料，就跟我们要十块钱。还要继续教育我们不能自己拿之类的。看到别人桌上这个调料是免费的，只是我们收费，真的很气愤劝大家不要再来了，来了也是一肚子气，无良商家，祝愿你早日倒闭，关门大吉

不愧為 蔡瀾都話正 , 餃子好食多款不再話, 老火湯 簡直好似屋企都一樣 落足料,掂。 出嚟食嘢 最緊要乾淨企理 全部達到水準的要求， 不必多講 我一定叫曬所有朋友試一次， 元貝餃子 韭菜餃子，等等

平時成日出街食飯, 想搵啖靚湯飲下都難, 呢間餃子專門店就推出自家靚湯配餃子, 簡單美味又健康。雙拼餃子 (栗米餃 & 芫茜餃) $60 餃子嘅湯底並不馬虎, 用上自家淆製粉葛鯪魚湯, 味道清清地, 帶粉葛原始風味, 真材實料嘅湯水, 唔需要味精。餃子餡料夠靚, 粟米爽甜冇渣, 芫茜香氣突出, 餃子皮厚薄均勻, 柔軟而不易穿, 很有水準。龍鳳松茸雙灼餃 $85 跟湯黑白松露餃子各半, 松露鮮味獨特, 同樣配上自家湯水。野味酸辣雲耳$25 雲耳質爽彈牙, 辣度唔算太高, 酸酸地十分開胃。黃金原味皮蛋$28通透蛋白加上流心蛋黃, 賣相吸引, 味道亦不錯。

早兩日同老友去咗 灣仔行街 見到一間餃子鋪叫搞搞掂 價錢又唔係好貴所以入去試下 一邊有好多唔同種類嘅餃子有煎餃同埋湯餃仲有一啲麵類例如紅油抄手涼麵擔擔麵等 咁呢我就要咗個香煎芝士軟心餃 同埋煎粟米豬肉餃 呢個芝士軟心餃呢一定要趁熱食因為當佢熱食嗰陣時候芝士仲係流心嘅 食一啖每口都充滿咗芝士嘅香味 再配埋小小嘅豬肉 肉類嘅味道唔會太搶突顯咗芝士嘅鹹香 另外一個呢就係煎粟米豬肉餃雖然睇落去普通但係佢啲粟米同埋豬肉嘅比例配搭啱啱好粟米好香甜豬肉要食得出係新鮮嘅豬肉 至於湯餃呢就嗌咗個元貝豬肉餃 佢個湯底好特別係叫做 九鼎狀元湯 其實呢就好似 自己屋企人煮嘅湯入面飲落去有啲眉豆淮山 搞出嚟嘅湯一啲味精都冇 清香得呢一飲完都唔頸喝 至於元貝豬肉餃呢個元配嘅味道就唔夠知係咪突出但係都可以值得一試 最後就嗌咗個四川涼麵嗌咗小辣 面底都幾好 飲品就買咗自家製雪梨山楂水 飲落好解渴

猶記得上次對狀元九鼎湯大失所望，之後偶然都會黎食下韮菜、粟米豬肉餃過下口癮，雖然心思思想試黑白松露、松茸等口味，但自私食實在太奢侈喇，今晚就趁人齊一次過試哂全店最豪華既菜式。龍鳳松茸雙煎餃、龍鳳松茸雙灼餃 (跟湯) ($85) 8隻餃子可以揀煎、灼或湯餃，煎餃表面煎得焦脆夠香口，灼餃另上狀元九鼎湯，同印象中一樣偏淡，加左少少鹽之後先引出鮮甜葛味。所謂龍鳳松茸雙餃即黑松露、白松露口味各佔一半。 上台既時候其實好難分到邊款打邊款，後來發現黑松露味底部明顯透出黑色醬料，一入口就食到好濃郁獨特既黑松露味，同肉鮮味混和之後幾有新鮮感。 白松露就第一次試，味道比前者溫和唔會太搶味，但又有松露既香氣，個人幾鐘意。 可能男女口味唔同，一行四人投票二選一，男仔都揀黑松露，話味道比白松露香濃喎。至尊松茸豬肉煎餃 ($113) 12隻對比龍鳳松茸雙煎餃，至尊松茸餃少左松露，不過就係全店唯一跟配九鼎狀元湯既煎餃，食落冇咁涸喉。 可能由於岩岩食完黑松露，呢款感覺味道比較失色，的確係明顯見到松茸片，但同普通菇菌差唔多味。 元貝豬肉湯餃 ($60) 10隻食完幾款松茸松露餃子之後，本來以為元貝豬肉餃應該無咩驚喜，結

有日好想食餃子，老公係北角春映街街市買左生既韮菜豬肉餃返黎煮，其實原本係想食荃灣民豐既餃子，不過實在是太遠，唯有係有日行過見到類似民豐既舖買，可惜一試就已被列為垃圾級別，一定唔會再買黎食。有晚想食餃子條根又起，上OpenRice 找到「餃掂」，同老公一齊去試下。我地鐘意試基本野先，基本先知真係好唔好食。佢叫左大韮菜豬肉湯餃（10隻），我叫左大芫茜湯餃（10隻）。先講韮菜餃，札實既，唔可以叫細隻屬正常size，但10隻唔夠飽。味道我只可以講正常，我係餃子、皮蛋、韮菜、芫茜控，要求比較高。餃子既包法多摺過其他舖頭既餃子，似酒樓既蒸魚翅餃。餃子皮煮出黎既滑度唔及荃灣民豐；味道尤其韮菜唔係好出，通常食完一陣會err返韮菜味，但食完呢間冇呢個情況。反正我覺得有err返韮菜味正常dd，就等如飲左可樂冇err氣就比較奇怪。但係要係港島區食到好既韮菜餃係難既，一般食到既一係就皮薄到一夾起就散開見到肉又或唔好食，所以係冇咩對手既情況下，呢間連所店叫唔錯既。講湯底，佢冇用一般既清湯但用左唔濃既生魚赤小豆湯打底，我諗係聰明既，一來好似矜貴d，二來好睇d，因為一般有粉係餃皮上面既餃放湯煮後會令個湯杰左，而家用

想簡簡單單食一餐, 揀餃子就最好不過。今日揀咗呢度最有特色嘅松茸豬肉餃。至尊松茸豬肉餃(中) $72 灼餃子同湯分開上, 餃子皮半乾, 柔軟得嚟帶點韌性, 質感有點像小籠包。松茸混合嫩滑豬肉後, 味道依然突出, 美味非常。狀元九鼎湯味道十分住家, 據說更有增強免疫力嘅功效。元貝豬肉餃 $48 湯餃子外層軟滑 , 餡料飽滿, 加入元貝令餃子鮮味更上一層樓。蜜餞雞翼(小) $22 看似鹵水雞翼, 但其實雞翼經過蜜餞, 味道很甜。山楂雪梨水 $80/支自家製嘅雪梨水清新滋潤, 帶微微山楂酸味, 十分醒胃。

次次灣仔lunch搵食都見到呢間野排長龍，呢日夜晚決定去試試。時間尚早，入坐時唔使排隊，但已經坐滿人，到我地食完嘅時候已經要排隊喇。好欣賞一坐底就有一樽醃蘿蔔食，少少辣同酸好開胃。我地仲叫左一樽熱山楂雪梨水，姐姐話係自家制原個雪梨煲嘅，較為偏甜，真係好滑好潤。煎至尊松茸豬肉餃雖然相對黎講較貴，但係招牌菜點都要試吓。煎左一面唔會太燶好香口，豬肉入面會食到一粒粒松茸帶出少少香味，仲有2個醬試多2種口味，但個人覺得唔點醬都好食。仲跟左個狀元九鼎湯，清清地有媽媽嘅味道，可以清下煎餃嘅油膩，飲到最後加少少鹽更加帶到少少魚味。龍鳳松茸灼餃有分黑白松露，豬肉松露係夾嘅，黑松露比較香，灼又比煎更入味。湯元貝豬肉餃雖然唔係招牌但一樣好味，元貝好香，比松茸餃濃味。為左滿足嗜辣既朋友仔而叫嘅重慶鮮肉雲呑，比餃子細粒容易入口，雲吞皮好滑，朋友表示小辣唔夠應該要大辣。原來除咗餃子仲有其他小食，我哋要曬兩款皮蛋黎試。黃金原味皮蛋，個黃好流心好靚，出面少有比較特別，但我都係覺得傳統嘅麻辣松花皮蛋好食。食得出佢地嘅嘢原汁原味，冇味精，下次想食清淡d黎呢到就岩曬！

今天在灣仔一帶工作，想起這家手工餃子店，於是來試試，雖然未到一點，但已有不少人等位，由於我是一個人，所以排了一陣隊就可安排入座。餃子除不般傳統味道外，也有較特別的松茸、芝士、元貝等選擇，我最後點了個至尊松茸豬肉煎餃配九鼎湯，不用另叫飲品。由於是即叫即煎，所以如menu所示要等足20分鐘，滿心期待的餃子終於送到了，但味道卻不似預期。賣相已不算吸引，味道也很「養生」，松茸味欠奉，淡味的程度接無味，完全似無添加，喜歡重口味的人應該不會喜歡，不過店鋪跟餐有兩種醬汁，你也可按自己口味加入枱上的調味料。而湯方面，雖然不知道為叫九鼎湯，也不知道用甚麼湯料，反正又是沒有味，只可一讚的是沒有味精，也不油膩。這個價錢來說，我覺得應該有其他更好的選擇吧，至於要不要一試，閣下自行決定。