餃掂手工餃子雲吞專門店

Open Now

Now Closed

唔講唔知原來一直好鐘意食既餃掂原來係灣仔開左分店一見到就梗係沖過去食啦個人覺得呢間分店比起太子個間比較容易搵，一出地鐵B出口就見到地方同太子個間一樣企理，乾淨泥到梗係見我最鐘意既龍鳳松茸双餃。因為鐘意飲佢個壯元九鼎湯，我每次都係叫佢既灼餃。九鼎湯其實係粉葛湯，最岩就係而家咁濕既天氣，可以去濕。所謂龍鳳松茸双餃，除左松茸之外，重有黑松露同白松露。本身以為餃子裏便嘅松露應該好少，但係原來咬咗一啖之後發現餃子三份一都係松露。味道真係好濃郁，浸落比較清淡既九鼎湯, 有味做得來又唔會掩蓋左松露嘅香味。去咗松露餃子之外，我哋都嗌咗灼元貝餃。呢隻餃子唔同嘅地方就係佢比較有鮮味，浸係個湯度就便加滋潤好味。除咗呢兩隻餃子之外我哋亦都帶咗留心芝士餃同麻辣雲呑。雲吞同佢餃子唔同嘅地方就係佢比較細粒但係係會比較薄同滑。加埋喺呢個麻辣湯底裏面真係好惹味。最緊要佢個湯底都好足料，啲芫荽都遮住曬成個碗!如果驚辣嘅話就好似叫我地咁叫小辣啦。你好鍾意食芝士嘅人一定就唔可以錯過流心芝士餃。只要你咬一啖裏邊一啲事就流晒出嚟。而且因為佢係邊搞所以脆脆嘅外皮我好好味。注重健康嘅我哋就梗係嗌左個松茸浸菜心。唔識唔知道原來佢隻菜心

long queue and horrible service. Waitress yelling through the whole store. When I asked a question, she answered me rudely. And It took 45 min to serve only 7 dumplings. Another 7 was still being prepared at the kitchen.

今日午餐突然之間好想食餃子，所以同同事就行到莊士敦道呢一間餃掂手工餃子專門店餃子已經算係日常嘅餸呀，我哋去到嘅時候下晝兩點半，見到餐廳入面都已經有唔少嘅人客環境光猛，空間感十足，我同同事就一人要一款煎餃，一碗湯餃互相試下，元貝豬肉餃$60元貝豬肉餃配既湯底狀元九鼎湯！飲落先知道原來係粉葛湯，粉葛湯完全唔覺得味精係屋企煲嘅味道仲可以降熱氣添十両豬肉，五兩元貝，剛剛好嘅比例口感非常豐富，餃子皮薄，而且多餡入口香滑，味道清甜，係唔錯㗎至尊松茸煎餃一碟有八隻， 餃子需時都要20至30分鐘所以都等咗一段時間- 餃子煎得香口有膿澳嘅豬肉香味同埋淡淡清新嘅松茸香，味道好食山楂雪梨水味道清涼，潤喉潤肺口痕痕想食番啲菜，就嗌咗個上湯時菜菜心好大棵，煮得都幾軟食完呢一餐之後我覺得可以再encore嘅

知道餃掂在灣仔開左了 甘岩今日過開黎灣仔 就一嚐餃掂 門面好光猛 下就6點過黎 好彩唔駛等位 一聽「狀元九鼎湯」好似好勁 今次叫左 1）雙拼（湯餃）白菜豬肉餃 加 元貝豬肉餃 2）雙拼（煎餃 ）韭菜餃 加芫荽餃 3）蜜餞雞翼 湯餃配上狀元九鼎湯 配搭新鮮 個湯都好清 不過不失 元貝豬肉餃子味道正常 而白菜同豬肉比例好似不均 反而欣賞煎餃 唔會煎得過火 色澤均一 韭菜餃比起芫荽餃好 蜜餞雞翼 甜度適中 總捨而言 餐廳環境 不錯的 坐得舒服 餃子款式都幾多 味道就一般般

甚少搵食搵到灣仔，剛好今晚和老公一起在灣仔看完醫生，順便吃晚飯，想吃清淡一點，便在openrice看到這間手工餃子店。餐牌上餃子款式眾多，經常吃到得韭菜豬肉餃、大白菜豬肉餃、粟米豬肉餃等等都有。我們第一次來吃，當然要試一些特別的！見店內標榜吃松茸的好處，我想松茸餃應該是招牌了吧！我們點了一份至尊松茸豬肉灼餃和龍鳳松茸雙灼餃，兩款水餃都配了狀元九鼎湯。還怕不夠飽，多點了一碗上海淨麵和菜芯。狀元九鼎湯是用了活鰂魚、扁豆、排骨等材料熬成，湯頭不算濃味，一點也不油，也喝得出沒有加味精，很清很潤，不錯。菜芯用上湯灼，上湯中還有一些杞子和松茸，感覺挺健康。上海淨麵麵質幼滑，也不錯。原來龍鳳松茸雙灼餃其中一款餃跟至尊松茸豬肉餃是一樣的，我較喜歡加了黑松露的水餃，味道較濃較香，水餃大大隻很足料飽肚，而且水餃皮真的很滑很薄，我非常喜歡。

今日經過呢間餃子店，門外d相咁多名人去食， 就入去外賣咗個至尊松茸豬肉餃，跟一個湯， 舖頭入面得幾張枱有客人，見冇乜人就坐喺入面等外賣， 點知有個侍應走埋嚟呼喝我，喝我出去等啦唔好阻住啲客入嚟呀 ，即係我外賣嘅唔係客 ，唔需要尊重？ 其實你舖頭入面都有幾張吉枱，點解唔可以畀人喺入面坐低等？如果有人嘅話我都會自動出去啦! 講返個餃，完全冇特別一啲松茸味都冇，個湯淡而無味好似清水咁樣飲唔飲都算， 完全唔值呢個價錢， 浪費咗金錢去食。 灣仔其實有好多嘢食， 食物再好食， 我都唔會揀一間要受氣嘅食店入去，服務態度差，食物質素普通。完。

假日倆口子簡單晚餐是食餃子，再來此店，食物水準保持，服務員態度較上兩次光顧有少少改善，而這分店最差服務及座位很窄，又常常沒有提供酸蘿白；做生意系要賺錢但待客之度必須尊重及訓練好員工才值班，免得客人受氣，希望管理層有所改善。

去到灣仔突然好想食餃子見到咁多人幫襯就決定試吓佢有乜咁特別 之前上網睇啲人已經話佢啲餃子真材實料，味道不錯。店舖非常光猛，樓底都夠高但係枱同枱比較窄所以如果預咗午餐時間嚟嘅話一定要搭枱。我同朋友都叫咗同款式嘅餃子，不過我要湯佢要煎。我地都係叫咗個一份係野生從松茸素餃:灼嘅餃子嘅湯底會比較淡口一啲，但係裏面嘅餡絕對唔馬虎亦都食得出裏便嘅食材新鮮。而煎餃子都係新鮮做，所以上菜時係熱辣辣，食落去會比灼嘅更加可口，不過等嘅時間稍長另外我哋仲叫咗一份麻辣皮蛋同埋一個四川涼麵。個皮蛋做得相當出色佢嘅麻辣汁非常之惹味，皮蛋亦都好夠軟滑香濃。個四川涼麵配搭麻醬令到成個面食落好開胃，份量都唔少亦都可以一試。飲品方面仲叫左個山楂雪梨水，雪梨味好突出飲落去非常潤喉解熱，重點佢唔會太甜

Lunch 想食清啲，平時超多人排既佢，咁岩果日即刻可以入座，所以同同事終於試左久仰大名既餃掂！話佢luxury真係冇錯，個餐牌寫到好華麗 講晒松茸有咩益處咁，又見普通餃其他餐廳都有，所以我都好順理成章咁揀左特色松茸餃。食落其實有少少似飲茶果啲菜苗餃，但整體都好飽滿，雖然素但都唔會好寡。果次去就三四組人share一張細圓枱，大家好似食快餐咁，但侍應都幾好禮貌，會唔該前唔該後。但$6一隻既餃子，如果可以坐得更舒服就覺得抵返晒

有朋友推薦這間位於灣仔的餃掂手工餃子雲吞專門店，這段時間於灣仔上班，便找了一個晚上試試這間餐廳。大約晚上六時，時間尚早，所以人流不算很多，可以直接入座。雖然不算很大的舖，但店內的空間不會很狹窄，而且可以坐得舒服。今日叫了一份重慶鮮肉雲吞 (中碗)小辣 走青 ($35)和一杯凍豆漿 ($15)。有碗的重慶鮮肉雲吞有12隻雲吞，每隻雲吞的size都很細，一口可以放兩隻~ 小辣的程度不辣，整味味道不錯，不過蒜頭味很重，過後有很多蒜味的胃氣，很臭。整碗雲吞的份量很少。如果作為下午茶的份量尚可以接受，但作為正餐就非常不足夠了。所以，建議再點其他餃子或小食~

#餃掂手工餃子雲吞專門店 (灣仔)灣仔莊士敦道44號地下-----粟米豬肉餃（跟湯7隻-$39）～豬肉鮮嫩多汁 粟米係新鮮粟米ge味道 而且份量好多 水餃皮唔會太薄唔會太厚 再配搭埋淡淡花生味ge湯底 令人忍唔住食完一粒又一粒 完全停唔到 呢間餃掂果然幾掂😊係難得一見ge高質餃子店-----B仔整體評價：9/10個👍🏻B仔抵食程度：8/10個👍🏻B仔環境評分：7/10個👍🏻B仔味道評分：9.5/10個👍🏻B仔回頭機會：10/10個👍🏻-----#swallowhk跟住我一齊吞食香港啦！#swallowwanchai

今日約了好友行寵物展，行完大家都一袋二袋咁，超級攰，在會展附近搵咗呢間餃子店，事先打電話問用不用訂位，店員話就咁到就可以，去到燈泡門面好亮麗，去到8成滿，唔使等位比咗4人枱，淺木桌椅，枱面已有晒調味料及餐具！餐牌以餃子為主，餃子係中式，加啲前菜麵食，款式唔算多，好快揀好落單！黃金原味皮蛋（$28）賣相靚，不過味道係鹹蛋黃，加皮蛋蛋白，蛋白彈牙，鹹蛋黃沙沙鹹鹹，特別但我未適應！鹹豉油酸酸鹹鹹，幾好粟米豬肉餃（跟湯）（$39/7隻中碗）上嘅時候見湯嘅顏色唔似平時嘅上湯，飲落先知係粉葛赤小荳湯（狀元九鼎湯）第一次見用老火湯去配餃子🥟但自己覺得唔夾（唔知北方人係唔係咁配搭）湯清爽（隔了渣）不過我都係𢳂起啲餃子點黑醋食食，餃子皮好掂，又薄又彈牙，入面粟米大大粒好甜，豬肉好多肉汁，肉嫩滑，好味！食晒餃子再飲老火湯，好味野生松茸素餃（$55/10隻大碗）朋友食素，所以食素餃，佢仲食得出係清水淥，食咗一隻，皮薄身彈牙，入面食唔出松茸味，反而係濃濃嘅薺菜+木耳味，味道清爽好味四川涼麵（$28/小辣）配麻醬，麻醬另碗仔上，可自己控制份量（減肥中嘅我好欣賞呢點）黃麵條彈牙，灑上炒香花生碎，青蔥花，撈埋碟底嘅

今日三人行，六時半到店時，只有二台六人台係吉，女店員招呼我地坐其中一張六人枱，我地已經坐埋邊空番兩個位出嚟，我地4個位其中一張椅放袋，後來一位年長既女店員走埋嚟話我地唔可以攞張椅擺袋，咁我話，唔緊要，你比張圓椅比我擺啦！佢即刻話唔得喎，我地即刻起身走，我望到隔離枱都係攞張椅擺袋，佢又無話佢地，我明白生意難做，已經坐埋一邊空番兩張椅出嚟比其他客，但都唔好咁離譜，位已經窄，唔通叫我地將啲袋掉出門口，你一係唔好叫我入去坐，我唔介意等一張4人枱，個位年長女店員，希望你好好檢討你對客人既態度，你咁樣真係好趕客。

食物味道：芝士煎餃幾好食，汤好味，冇落味精和鹽巴。龍鳳黑松露餃都十分好食。湯餃黑松露味好過煎餃。價格：價格略貴，但考慮味道，亦物有所值。服務態度：惟和朋友聚餐時，一短髮女服務員（頭髮染色）態度惡劣，因煎餃20分鐘仍未上菜，便請她跟跟煎餃上菜情況。該服務員卻百般刁難，十分寸嘴，胡攪蠻纏，一會兒說未夠20分鐘，一會兒又說20分鐘也未必上菜，不肯幫手問廚房。本人並未要求即刻上菜，僅想要服務生跟跟。此人作法令人倒盡胃口，興趣全無，再也不想再踏入此分店吃飯又不是找氣受，希望未來服務態度能有所提升。綜合評價：是次服務態度惡劣已超過食物之美味，若服務態度未能改善，將不會繼續光顧。

I love dumplings and I have eaten a lot of dumplings before. These chives pork and cabbage fungus dumplings are truly pleasant surprises for a dumpling lover like me. Though only made with thin skin (Cantonese style), the ingredient inside the dumplings are well seasoned and had a great balance between veggie and meat. The dumplings could have been squeezed a little bit tighter for better texture. But all in all wonderful dumplings