餃掂手工餃子雲吞專門店

Open Now

Now Closed

一直係呢間分店嘅忠實粉絲成日都會去太子個間食番碗今日咁岩食lunch行過灣仔見到有分店門口竟然播緊某討論區知名Kol嘅片雖然胃口有所下降，但無阻我食餃子決心滿心歡喜入去食番碗最愛嘅芫茜餃碗野一黎到，嘩!包到勁核突啲餃仲要開晒口，一夾已經散晒個皮又粉，啲涵又少又唔新鮮真係同太子個間完全無得比又一間為賺錢而不斷擴張嘅餐廳但無論員工、材料、出品完全達不到水平好失望又一間看似有良心嘅鋪頭竟然會有啲咁既出品，冇下次

本人中午時分過去買生餃子外賣，店內人客不算多， 但員工態度非常惡劣，喝斥我站在門外。 你們餃子做得再好吃又如何，但服務態度如此惡劣，不值得再有客人光顧， 唔好以為生意好 就用呢啲服務態度對待客人 你唔想做嘅話可以唔做閂門囉

其實我好鐘意食餃子🥟見到依家自稱天下第一餃就入去試🤪估唔到都幾好食點咗元貝豬肉餃 ($64/10隻）我比較喜歡煎餃，兩邊皮脆卜卜🤩好多一絲絲元貝好鮮甜加少少豉油同辣椒油更惹味不過油咗少少，如果無咁多油去煎會更好😝野生松茸素餃皮薄而且食到濃郁松茸菇香蘸啲四川麻辣醬倍加惹味四川涼麵麵條掛汁力強吸收哂醬汁、胡麻醬汁及醋汁，酸中滲出陣陣胡辣椒香味，，加上青瓜絲、青蔥、🥜，口感豐富，香口惹味!黃金原味皮蛋 外皮Q彈

平時都有LUNCH食開D間餃掂, 都覺得幾好味今次OT有得CLAIM飯錢, 想食餃掂又想食特別D所以今次食D貴少少既餃子位於灣仔莊士敦道, 近我公司, 位置方便前菜既腌蘿蔔任你扲, 都幾好味, 幾開胃上湯松茸時蔬-$32食普通菜食得太多, 有埋松茸既真係未試過, D松茸味淡淡係D菜度散發, 增加左香味, 令普通既菜變得不再普通!至尊松茸豬肉餃-$72另一代表松茸既猛將出場, D個餃乾身上, 會另配湯, 唔會令餃子太乾, 松茸味在餃子中, 香味, 口感都有所增加, 不但健康, 仲要好味, 松茸選手做得好呀!元貝豬肉餃-$60松茸選手出完場之後, 元貝選手開始出場, 元貝唔會只係得一條, 而係有足夠的比例, 元貝味既香, 鮮, 濃, 完完全全係餃子散發, 元貝選手太強了元貝豬肉餃-煎- $64元貝餃咁好味, 點可以食得10隻就算?我地叫多10隻, 今次係煎, 煎完入面都唔會乾, 仲保持到好多肉汁同元貝汁, 好好味, 仲增添左香脆, 另一種好味的食法!總結來講, 松茸大戰元貝既口腔大戰打和, SUPER, 兩隻都好味, 咁既質素咁既價錢, 性價比高

平日食餃子🥟通常係自家包，但見呢間係有老火湯餃既賣點，點都要試試傳說中食咩多一勺 野食就會更美味既神來之筆好多餃子啊🥟叫咗個手拍青瓜，青瓜爽脆酸勁十足，帶點辣味，作為開胃菜一絕黃金皮蛋：其實係第一次食，同普通皮蛋質感相似，相異之處應該係作流心位有咸蛋黃既味道幾得意同特別主角我叫咗個雙拼湯餃:粟米蝦肉餃+雲耳椰菜豬肉餃。餃子皮有彈性食落唔會無口感，內面真材實料，特別係椰菜係到粒粒既質感。跟埋個湯係粉葛赤小豆湯，有家既味道我地清曬碟唔係講笑

返學前搵食, 見到這有趣店名, 就是它吧!有態度的小店, 不錯餃子選擇不少, 而且比較獨家, 尤以松茸餃子最特別配搭也很多, 亦有其他小食及麵食, 不錯; 自家製的山楂雪梨水, 清甜解渴每張枱上都備有的醃漬酸蘿蔔, 非常受歡迎; 眼見每枱客人點了食物都即時夾食; 試一試, 酸甜味道突出, 蘿蔔質感夠爽, 怪不得店員說要吃快手先來了唐芹拌豆荀, 豆荀的刀切法令辣椒更能入味, 令本來偏淡的豆荀變得惹味;個人偏好煎餃, 今晚叫的是元貝豬肉餃, 小小的元貝夾雜在豬肉內, 有趣的口感特別一提, 餃子煎得非常香, 而且不油膩

侍應好趕客，又冇禮貌！未到中午時段冇乜人，想是但坐一枱都話唔得，成間舖得3個人，都要逼人地坐埋一枱，叫人調位仲要態度差！算～諗住好又一餐唔好又一餐，可能等陣人多，大家都讓一下！初初叫左碗水餃麵，後來想再加單，明明冇乜人客，但叫左3次都冇人應我，個個侍應都話等陣，叫第4次終於有人黎落order；等左一陣，水餃麵到，水餃幾好，餡正正常常，唔算突出，啲皮比較厚！醬料好味，麵都尚算爽口，不過略嫌湯底太酸！食完碗麵，等左好耐！加單既野食都未黎，一直又冇比單據我，斷估佢應該漏單！我又趕時間，因為侍應太忙，叫佢地又冇反應，我咪諗住埋單走人！去到櫃台，個阿姐問我係咪有野未到，我話我係嗌左，但一直冇比單我，以為你同事冇落order，佢夠膽死叫我外賣，我當然拒絕！仲要叫我體諒佢哋，佢地好忙！雖然佢口講唔好意思，但態度極差！好似我嗌左專登唔要，其實我一直都冇出過聲，只係拒絕外賣，何來唔體諒？！無論幾抵食或幾好食都假，成班侍應根本冇心做！絕對趕客特別係收錢個阿姐！

等已經經過兩次， 都因為節日休息同太多人， 都試唔到😭，今次有幸經過灣仔， 見時間好早（約7:00）， 未見有人龍， 所以就去試一試。叫了一碟中size 的芝士粟米餃及大白菜豬肉餃， 上湯松露時菜一碟，兩杯山楂雪梨茶。芝士粟米餃藉得推一推👍🏻唔會太過濃味, 份量剛剛好， 山楂雪梨茶好開胃。 提一提， 因為人太多， 所以記得早D 去食.

This place is great. However, please note that even though the hours of operation are until 11pm, they stop serving pan fried dumpling after 10 pm. Bit disappointing. Other than that this is a great place and I encourage you to eat here.

幸好早到一步，一到左六點半已經住場爆滿😅煎餃即叫即煎，一場黎到，一定要試招牌松茸餃，皮薄餡靚，唔會有肥豬肉配埋招牌XO醬，即刻香味提升晒仲有粉葛湯，飲到淡淡既魚味，冇味精ha,飲完唔會口渴細細個已經勁鍾意乾瑤柱，當然要食元貝餃，食到絲絲既乾瑤柱，呢個相對清淡食晒都唔覺邪惡，湯都可以飲埋麻辣雲吞，唔想食咁厚皮又想一口一粒絕對推介小雲吞，麻辣味唔會太搶麻辣皮蛋，皮蛋係溏心ga松茸菜心又係必食，勁翠綠，加埋個湯一流滷水雞翼夠晒入味

過開嚟灣仔，搵間粥麵店食個lunch 先，在利東街附近，上網睇咗一陣，有間口味好似唔同，向前行好快到，就揀呢間！至尊松茸豬肉餃 跟狀元九鼎湯 $72最特色係有碟松茸醬比你點，8隻灼餃子，唔知晏d會唔會好快肚餓呢？！唔點醬d餃子比較淡口，點咗就好味d，餃子都漲卜卜，餡多，第1次食唔咁叫咁多住。狀元九鼎湯其實係睇住個湯叫餃子，原來睇漏咗，55蚊有10隻灼餃子，不過就無咗碟松茸醬，再散點碗湯20蚊，加埋只75蚊；講返個湯先，無咩鹹味，有材料原汁原味，會飲得出有魚、有粉葛、豆味，反而豬肉味就無咁重，原來唔加鹽湯都ok 的。

朋友約左我去灣仔食飯，我地想食清d，就係電車路睇下有咩簡，見到餃掂好多人，有人排緊隊，有d等緊外賣。睇完餐牌都幾吸引，等我又黎試下先前面有6個人，排左5分鐘就入到，入面勁光猛我地落完單之後好快手就上晒菜！出面keep住都有人排隊，但等一陣就入得，可能係歸功於快手既店員👏🏻枱面有豉油、醋同其他醬料俾你自己落，齊晒就開餐先🤤🎈野生松茸素餃-中碗7粒 （$48）餃子皮好薄👍🏻入面包左松茸、菜同木耳，清清淡淡，勁健康！🎈龍鳳松茸雙灼餃跟狀元九鼎湯（$86）朋友一見到餐牌就話佢要松露餃😂一碟有4隻黑松露，4隻白松露黑松露勁香濃，白松露都好香，但個味冇黑松露咁濃郁，我地重口味人士就比較鐘意黑松露😆狀元九鼎湯係由粉葛、順德活陵魚、香山活鰂魚、紅蘿蔔、扁豆、赤小豆、新會陳皮、蜜棗等，個湯偏淡味，但原汁原味，冇味精👍🏻🎈上湯松茸時蔬（$32）清水灼左個菜心，淋上上湯，味道唔錯🎈蜜餞雞翼5隻（$32）一入口已經勁重蜜糖味，雞翼本身醃得好入味，外層係滿滿既蜜糖，超好食😍我地係咁講好食，隔離枱聽到都問女朋友試唔試😂🎈回味手拍青瓜（$25）好清新好fresh！🎈自家製山楂雪梨水（$20）酸酸甜甜！好重雪梨味，好

知道香港開咗幾多餃子專門店,今次黎灣仔試吓呢間嘅餃子係點樣。我見到餐牌入面有幾多唔同款式嘅餃子，配搭有啲都幾新穎同吸引。例如我叫咗至尊松茸豬肉餃子，由於唔想食煎餃子咁熱氣，揀咗湯餃子，配狀元九鼎湯湯底，松茸餃子飽滿，入面有白松露，都有黑松露，湯餃子清清地，點松茸醬會釣到豬肉同松茸嘅鮮味，而且醬料本身鹹鹹地，亦帶少少乾瑤柱味，點餃子食幾好食。個狀元九鼎湯餐牌寫咗用粉葛，鯽魚，鯪魚等材料煲成，見到個湯好濃，但係唔油膩，飲落都清清地，唔會太鹹，可以配餃子食，連埋湯一齊飲好滿足。兩個人食，仲叫咗一碟雙拼餃子，揀咗雲耳椰菜豬肉餃同埋元貝豬肉餃，雲耳椰菜切成絲，包埋豬肉做餡料，有菜有肉幾健康。元貝餃子就乾瑤柱絲撈埋豬肉入面，食落鹹鹹地，亦都食到瑤柱鮮味。個人比較鍾意食餃子，覺得呢間鋪頭餃子味道都唔錯，餡料都夠多，下次會再試一下其他款式。

中式餃子喺我印象中係簡單嘅美食, 但呢間餃子店竟然將矜貴松茸加入餡料, 今日就同朋友專誠嚟試松茸餃！至尊松茸豬肉餃 跟狀元九鼎湯 先講講湯，係家嘅感覺呀！好似媽媽煲嘅甘。淡淡魚香，油唔算多，粉廿葛湯飲落清甜，有下火嘅感覺。而餃子粒粒脹卜卜, 外皮柔軟而帶點韌性, 口感非常好！餡料方面, 豬肉不會太肥, 大大粒松茸在中間，松茸香氣誘人, 令人一粒接住一粒, 完全停唔到口。平時屋企包餃子，每人都大約食到十幾二十隻，所以叫一碟係唔夠的😂所以我哋再叫咗元貝豬肉餃同煎芫茜豬肉餃。元貝豬肉餃可以見到隻餃入面好足料，新鮮嘅豬肉再有元貝令個味道更加出。十兩豬肉比五兩元貝，完美比例！餃子皮薄，餡又多，味道鮮甜多肉汁，值得一試再試🤣🤣煎芫茜豬肉餃芫茜豬肉餃就來個煎的，煎比水煮多一份香口，餃子皮煎得好脆，一咬好多肉汁咇出😂，芫茜清香，愛芫荽的朋友不要錯過這款餃子💚

龍鳯松茸豬肉灼餃配狀元九鼎湯($72/8粒)賣點之一既狀元九鼎湯令我有啲失望，標榜無加味精，材料包括粉葛、赤小豆、鰂魚、鯪魚等，味道偏淡，唔夠味。枱上有多款醬料可沾餃子，例如四川麻辣醬、菜甫豆豉醬。除左灼餃 仲可以揀煎餃。餃子皮薄餡多，充滿肉汁，加左黑白松露，配搭好特別，結果味道好夾。