日日涮 (Closed)

任食火鍋，講真無呢期望，都可以失望我想簡簡單單食飽，叫牛好似我問d員工借錢咁，半個鐘先比一碟3塊出黎，間鋪唔係滿坐嫁，一半都唔知坐唔坐到落單果時吹到個海鮮拼盤識飛，黎到就只見殼不見肉刺身黎講，百佳仲好食成晚喺咪問自己食左d咩，冷氣幾夠，食左唔小風比貴小小，諗住食好d，任食都喺花園算食好d就都喺去返火鍋店媽咪我知錯Disappointing dinner! Long delivery time for meat.

當日星期六周圍都搵唔到有位打邊爐嘅地方，咁我就同女朋友抱住好其心去試吓依間（日日涮）唔試唔知原來有咁伏咁我地兩個就選擇咗麻辣湯同雞湯底，簡咗特級牛小排放題，咁順便出去睇下自助區有咩食啦，基本上得菜，丸類（啲丸仲衰過佳寶啲貨色），涼拌青瓜。一上湯底就會跟埋豬牛雞各一碟，跟住一睇碟豬牛雞全部都係雪咗好耐咁樣，而且我哋當日去係7點左右全場都只係坐滿4成人左右，飲品就大路。去過一次以後都唔會再去。未試過咁難食嘅打邊爐！

同朋友試吓，見有優惠券，每人平2O，埋单54O元，寫纸落单，先來一小盆刺身，一見到已經知道中伏，三文魚刺身色澤白橙色.感覺是殭屍刺身，即不知放左多少年，寫纸叫多20件三文魚刺身，最後來了5件，又來了劣質刺身，問服務員，佢都唔清楚,其它甜蝦及瀨尿蝦很细，肉質霉，真的担心食坏人，之後冇再叫，牛肉很大碟，像吃毛巾，同朋友一路吃，一路批評食物質數，，6点半入座，只有6枱客，最後吃左约45分钟，埋单走人，從未吃过劣質火鍋放题。

見到樓下德家好多人，所以唔想等就去咗呢間，諗住試下就算，點知中伏，288加一得啲街市垃圾牛，刺身每次都俾極少，啲員工叫極唔嚟，扮見唔到咁，出面啲配料唔新鮮好似放好耐咁，炸物放咗廿年咁，真係冇下次，300幾食垃圾原本諗住就咁算點知要200字先可以俾差評，真係好嬲，我諗創興最垃圾，一開始樓下廣告牌話有炸物同海鮮，點知海鮮得一次又要每樣兩件，炸物上面講過，得春卷同薯餅，仲要油到死，又要放極耐。真係300食m記好過

#日日涮 侍應推薦了我們吃298元的海鮮刺身套餐，海鮮一盤，刺身隨便點一開始會給你上一盤海鮮，一盤刺身，豬牛雞各1份刺身吃完寫紙點餐，每次只能點5款肉類吃完直接跟侍應下單，只能一盤一盤慢慢來⭐⭐⭐服務：還行，就可能員工不多，有時候手舉很久才有人回應你⭐⭐⭐⭐環境：坐位挺闊鬆的⭐⭐⭐湯底：沙嗲和壽喜燒，基本湯底，有點淡⭐⭐⭐刺身：沒拍照，正常放題質素⭐⭐海鮮：基本上都挺新鮮，鮑魚還會動，琵琶蝦正常。但扇貝，蜆，蠔，都吃不進口，味道口感怪怪的⭐⭐⭐肉類：沒太大期望，不差，但沒有到好好吃⭐⭐⭐配料：丸，香腸，菜，都是基本該有的配料，最可惜是沒有我最愛的響鈴⭐⭐⭐飲料：選擇不多不少，都是包裝或罐裝飲料⭐甜品：蛋糕基本上是我每次吃放題最期待的，每款蛋糕都拿了1塊，超mini的，但我全部都只吃了一半，因為真的很難吃。看到另外還有盒裝豆腐花，但沒興趣吃。還有雪糕的，但我結帳離開時，經過大門才發現雪糕櫃的存在😭⭐⭐⭐價格：2個人6百多，正常價錢⭐⭐性價比：2個人6百多吃這種質量，感覺應該能好一點點

晚上八點，本身諗住去馬辣食，點知搭錯lift,又驚上到去會無位，於是求其去左六樓日日涮食，一去到門口已經有少少覺得伏伏地，入面只得幾檯客食緊野，揀左牛小排198蚊位任食(仲有款平啲158)，點知出面任拎既野乜都無，只有街市買36蚊磅既丸，超難食。嗌第二轉牛肉時，佢居然搏大霧，俾兩碟普通肥牛我，不過我同佢反影完，佢都有換返俾我，我地只係嗌多一轉就無再食過，我同朋友食完仲要即時肚屙 ，未試過食間野咁難食，湯底完全係水黎，成個晚餐過程，我同朋友只吃了30分鐘就走，雪糕又無，甜品又係難食到嘔，唔明間野點解仲可以生存

首先要恭喜各位見到我呢個留言既朋友仔，因為你地已經避過左一劫。呢間野真係伏到爆平時我都係睇食評多，食完呢間野真係忍唔住要開個新ac普度眾生係樓下見到d廣告好似好吸引，比佢呃左上去。去到食最貴果個特級肥牛套餐，每人300幾，一開始黎左個海鮮拼盤都唔錯。龍蝦幾有龍蝦味，d鮑魚都多水多汁。食完海鮮之後再叫湯底打邊爐。個湯底淡到豬hi我都算，叫左d特級牛小排食，d牛仲衰能過我樓下街市d肥牛，又鞋又無味，食橡筋咁能樣，講就講任食美國特級肥牛，點知原來全部都係呢d垃圾把（扌然）橡筋肥牛。唔食牛算數，出去自助吧拎野食點知出面自助吧既野食全部都係丸，丸全部都係丸！全部都係丸，全部都係丸。諗住夾下菜食清下腸胃。點知d菜又唔7乾淨，真係so9sad,到果一刻我既心情跌到落谷底，未試過要咁樣貼錢買難受，返屋企食公仔麵都無咁嬲。不過值得一讚既係有ice藍冰啤酒任飲，隊左幾罐之後，係酒精既影響底下再叫肥牛食，又好似無咁難食，夾硬食肥牛食到飽後就埋單了，2個人埋單7百幾蚊 ，真係多謝哂🤗食完第2日仲要屙到噴射飛航咁，伏到唔識形容🤮拎去餵狗都唔知d狗食唔食 貼錢請我食都唔會再去，唔信既自己比錢上去感受下。唔好話我唔

去到8:30都仲未搵到餐廳，是但搵間就試吓呢間創興6樓嘅火鍋。一入到去已經發覺中伏，港式火鍋扮日式火鍋，仲要有刺身壽司炸物熟食提供，心感不妙。我叫咗個中價美國頂級牛小排，壽喜燒同清湯鴛鴦，湯底偏鹹，幾重味精味。雞蛋唔太新鮮，仲要有陣味，唔敢生食。侍應仲要喺嘢食未熟嘅情況之下不停加湯，半生熟咁浸住d食物。見到啲熟食就知賴嘢，炸春卷同薯餅係凍嘅，仲要勁大陣油膉味。青瓜好似浸左半個世紀咁出晒水，啲丸同腸仔類很肯定係凍肉舖叫貨最平嗰啲，咬落去成舊粉咁。炸魚皮唔脆都算，仲要有魚腥味。菜同烏冬公仔麵係最正常。牛肉豚肉都唔錯，雞肉就偏肥，咬落口感奇怪。甜品啲蛋糕冇乜人食，我拎咗三舊試下，果然相當難食，口感不佳。雪糕有雀巢嘅朱古力同另一款海鹽味，飲品選擇超過10數款。未夠10點侍應就不停催催催，趕埋單幫你收走晒啲碗碟。總括而言，整體感覺好差，請我都唔會再返嚟食！！！

走到创兴广场，唯一的目的肯定就是吃。火锅和放题价格都差不多，最后选了六楼的日日涮。他们属日式牛肉火锅放题，不贵的消费，繁忙时间最便宜的也不用每位160元。自助区域都是各式丸子和蔬菜类等火锅食材，地方也很整洁卫生，而且及时添加，供应充足。点的是最便宜的火锅种类，猪、牛和鸡肉不用要求太高，但反正够吃，再加上其他配料，基本上满足到要求。另外加了40元可以任点鱼生，种类不算多，但份量绝对不少，尤其是甜虾和虎虾是很新鲜，味道不俗。吃的是最便宜的牛肉，当然不能抱太大期望。但以环境和价钱而言，这里绝对可以一试。

價錢優惠算好平！一般火鍋食物味道一般唔特別好或者特別唔好！環境算觀塘不擠迫!食店內食客去攞食物的時候都沒有佩戴口罩，同職員講職員亦都懶！咁樣嘅理衛生情況非常惡劣！

因為喺始創行街所以就上去試吓呢間餐廳價錢來講唔係話特別算貴，畢竟有任食打邊爐同埋刺身兩樣同步。職員態度都唔錯。刺身有賴尿蝦，雖然很細隻都好過無。但係打邊爐角度來講真係非常唔好。打邊爐湯底叫咗番茄小魚湯，湯底非常認真麻麻，臭臭地腥腥地，入面仲有魚骨，差啲食生菜哽魚骨🌚麻辣湯底嗰種麻辣都唔太好食，最重要係食食吓個筷子都可以斷埋，差啲食生菜哽筷子🌚如果真係去食嘅話千祈唔好揀呢兩種湯底，否則真係後果自負

今次同朋友，晚市去食粥底海鮮火鍋，今次啲海鮮都好新鮮，都算彈牙，不過啲粥，就咁食，有啲喊，都係當打邊爐湯底好d，咁就唔駛加豉油，剛剛好夠咸。每一台都會有專責服務員，落枱開始，就會幫你計時，啲海鮮蒸夠時間，佢就會幫你開蓋，有骨碟、骨桶用。雪糕係牛奶公司，甜品大概有六至八款蛋糕，百福豆腐花，飲品大概都有十幾款左右可以選擇，外面自助區，有兩款煎炸小食，兩款涼拌前菜，其他，大致上都係丸類，幾款蔬菜，唔算吸引。湯底，如果唔要粥底，有好多款可以揀，上次試咗鴛鴦鍋，所以今次就食粥底，豬肉，牛肉，雞肉，係任食任叫，逐碟上，刺身雖然都係任叫，但係得個幾款，唔算吸引，自助調味料嗰度，都係得七款，唔算多選擇，係d蒸海鮮，算係新鮮，所以先值呢個價錢。每個人都有半隻龍蝦、4隻蜆、1青口、1蠔、2隻扇貝、2隻海蝦、1隻鮑魚。不過鍾意佢坐得舒服，枱同枱之間，隔得夠遠，唔會太貼，唔使坐得咁迫。

毫無誠信，同朋友叫牛小排任食套餐，只有頭兩碟係牛小排比我地食，之後追加牛小排時就比普通肥牛我地，同個經理反應都冇用，死話呢隻係牛小排，呢間鋪頭毫無做生意誠信，不會再去第二次!

2個人，有40元優惠，埋單35x元。首先要讚係刺身任點，唔會唔捨得比你食，質素中中間間，希靈魚最新鮮。牛及豚肉質素不錯，比洒樓好。店內服務一流，侍應有餐車定時幫你加火窩湯。甜品屬高質，有點誠意，款式不少，仲有有機豆腐花及雪糕，人均百余元，好抵!希望此店能戰勝疫情，長做長有。

星期六，無預約既情況下即刻有位2人安排坐靠邊既台，一人一鍋，都無咩問題。一開始個鍋要成30分鐘先滾得起，點知又無哂火(前後我地2個都試過燒到無gas)換左另一個gas再等佢滾食左10分鐘，個職員行過加水(加至半鍋)又要重新等30分鐘先滾起食左1陣，又有職員再加水(加至8成)就係咁，120分鐘基本上有7成都係等水滾。牛肉有雪味，豆干串好難食，豆腐又好鞋，成日無哂菜又唔添，成晚都無見過生菜真係唔會再去食呢間野！好差。