鳥海山鐵板燒 (Moved) New Location

今日喺長沙灣返工,😁收咗工朋友帶我喺附近搵好嘢食,經過見到一間鐵板燒都幾吸引,所以入去試下👍🏻鳥海山鐵板燒,餐廳裝修好有日本格調,座位方便可以選擇坐喺廚師面前,欣賞佢製作食物,亦都可以好似我哋咁,坐埋一邊傾計食嘢😁今日選擇咗個大蝦餐,頭盤先嚟一個沙律,沙律菜精細,上面有生菜蕃茄沙律醋,味道清新開胃。第二度菜比目魚,兩大片比目魚,煎到金黃色,相當吸引,魚肉非常香滑,入口味道鮮甜,加上少少焦香嘅味道,非常惹味,食完已經急不及待食第三個餸。燒大蝦,賣相相當吸睛,廚師精心咁切開咗兩隻蝦頭六件蝦肉,蝦頭上面鋪滿蝦膏,味道好香,蝦肉真係一流,每一件都爽口彈牙,味道鮮甜,食得出廚師控制的火候剛剛好,如果煮耐啲就會太老,口感冇咁好食。牛柳粒配炸蒜頭,牛柳粒基本上唔需要調味,淨係食牛肉嘅鮮味已經好足夠,牛肉味好香濃,入口仲係好juicy,煎到大約七成熟,我覺得啱啱好。最後就係炒飯,麵豉湯,炒菜。炒飯好有火喉,每粒飯炒到粒粒分明,加上雞蛋,蝦仔,蔥,望落去顏色鮮艷非常吸引。另外面豉湯味道清香,唔會太鹹。作為結尾真係啱啱好👏🏻

朋友最近轉咗去長沙灣返工，今日就約咗佢敘吓舊，選址鳥海山鐵板燒。餐廳入面空間感十足。我哋準時六點到達，已經有幾枱客準備進場。除咗有餐牌，牆上面仲有黑板介紹是日精選，我哋就選擇咗車海老鐵板套餐(2人前)。落單後店員先奉上沙律，生菜配蕃茄味道清新。餐牌上顯示銀鱈魚會轉成比目魚，比目魚兩邊燒得甘香，味道絕對媲美銀鱈魚。鐵板燒大蝦已經起晒肉，擺盤都好精緻。安格斯牛肉將表面燒到帶點脆邊，而入面仍然保持鮮嫩，配以炸蒜片味道唔錯。食鐵板燒都不忘食啲蔬菜，野菜炒得香口，美味又健康。最後奉上炒飯，炒得金黃色，而且米飯粒粒分明。味噌湯入面又有昆布同豆腐，湯底亦唔會過鹹。

今日同朋友嚟咗呢間喺長沙灣嘅隱世小店食日本鐵板燒。我哋叫咗個二人前鐵板套餐 ($648)貪佢又有肉又有海鮮，應該都唔錯食主菜之前先食咗個沙律, 生菜同埋蕃茄都新鮮嘅, 沙律汁唔會太少, 味道夠晒濃郁.首先食咗個安格斯牛肉牛肉切到一粒粒, 幾方便進食, 佢燒到大概七成熟左右, 牛味濃郁, 入口唔會好硬, 另外側邊有啲蒜片, 非常香口. 入面仲係微微粉紅色比目魚有兩塊，同朋友可以一人一塊咁樣分比目魚嘅肉質超嫩滑, 入口好有油香, 外面輕輕煎封, 燒得啱啱好。個外皮燒到好香脆，而且皮下邊仲有魚嘅脂肪，入口即溶。大蝦話明係大蝦餐，呢個果然係今餐嘅重點蝦肉已經切好晒一粒粒，燒到好彈牙，表面仲有少少燒到燶燶哋嘅香味。最好食係個蝦頭，仲可以食到d惹味蝦汁。個炒飯一啲都唔馬虎，炒得粒粒分明，入邊仲有好多櫻花蝦仔。炒野菜麵豉湯

Hello大家好呀，由於呢排疫情又開始犀利左所以隔咗咁耐先同大家匯報，真係唔好意思，依家直接同大家介紹一間喺長沙灣隱世高級餐廳，呢間餐廳千祈唔好俾佢裝修同埋地點佢嘅影響，因為佢餐廳嘅位置都比較特別，佢哋食物嘅質素可以話去到酒店嘅質素。入邊嘅裝修都唔錯，好有日本feel，所有食物都係日本直送，頭盤好食就唔使講咁多，去到呢啲咁高級嘅日式餐廳，梗係嗌番啲支蘋果汁飲吓先，日本版 ，因為我哋兩公婆實在太耐冇去過旅行 ，呢鋪真係要食好啲，由廚師發板嘅套餐，頭盤係四色刺身 好食到唔知點樣形容 ，第二款就係烤比目魚 一個字正，第三款係牛肉薄燒 ，啲黃牛喺你嗰條你度好似游水咁，第四款就係澳洲龍蝦，口感係燒到恰到好處，惹味將龍蝦味完全發揮出來，最後就係日式炒飯同埋炒菜，呢個炒飯真係落足料，佢係用櫻花蝦炒飯，特別嘅日子真係要去試吓呢間餐廳嘅CP值95分，今次就介紹住咁多先。

今日朋友帶我去一間隱世鐵板燒餐廳食好野, 餐廳位於長沙灣昌華街23號富華廣場地下, 門口設計簡潔, 一眼就睇得出係高級日本餐廳. 餐廳面積大, 中間係吧枱, 鐵板主廚就在中間整鐵板餐.是日晚餐三色刺身, 鯛魚、、帶子、油甘魚腩每一款都好新鮮，鯛魚兩款口味, 一款配上柚子啫喱，感覺清新，一款用火炙過, 2款一樣咁好食, 因為食材高質. 店員介紹時話唔使點豉油，油甘魚同三文魚夠哂肥美， 入口充滿油份.龍蝦, 大大隻龍蝦, 肉質彈牙爽口, 煮得剛剛好, 唔會太熟, 加上醬汁味濃, 非常滿足.比目魚, 賣相似銀雪魚, 但魚肉一樣咁嫩滑, 油份適中, 加上煎得火喉好, 有少少燶邊, 魚皮位置好脆口.牛肉薄燒, 牛肉包住超多蔥花同蒜片，好香口，牛肉味濃.炒野菜, 食到呢刻都已經好飽, 加埋大大碟炒野菜, 真係唔講得笑. 炒飯, 炒得好乾身，粒粒分明, 加上粒粒櫻花蝦, 鮮味十足.

最喜愛從街角的小店尋丘探秘*大蝦香到不得了蝦頭肉也不能放過*比目魚魚皮酥脆魚肉鮮味令不愛吃魚的我也非常喜歡！安格斯牛肉夠肥又夠香上脆蒜片更加惹味🥰最令我意想不到的是炒飯炒了不斷的時間才有這粒粒分明的效果加上櫻花蝦真的香噴噴加20蚊可以有新鮮鯛魚湯奶白色魚湯好有誠意濃濃魚味 喝起來很滑絕對絕對不腥！

一提起長沙灣，好多人都會聯想到住宅、舊區、長沙灣廣場同荔枝角站既迷思。不過隨著近年有D2同MCL麗新，睇戲又多左選擇，連帶亦多左人響區內搵食。是晚睇完戲，就響青山道附近搵食，見到間食鐵板燒既日式餐廳，頓時想解解思鄉之愁，兩口子咁就入左去。店內裝修以木色為主，一貫典型日式餐廳風格。甫坐低，店員就奉上熱茶，招呼殷勤，加分。望望餐牌，鐵板燒以二人套餐為主，有大蝦、龍蝦、鮑魚等等⋯思量一番後，決定叫一個二人前大蝦餐，有沙律、安格斯牛柳粒、比目魚、大蝦、麵豉湯、炒飯同埋炒菜。先上沙律，有生菜、蕃茄仔、配以燒汁，看似平凡，但個碗仔應該係雪過，冰凍感覺同響東寶用雪凍過既戰鬥碗飲鬼佬涼茶有異曲同工之妙。再黎係安格斯牛柳粒。用牛油炒既牛柳粒帶有濃濃油香，加上juicy 既口感，冇唔好食既理由。而作為陪襯嘅蒜片，炸得乾脆時亦唔會油膩，似食薯片一樣，但又唔會喧賓奪主，有驚喜。比目魚雖然係銀鱈魚嘅替身，但魚肉同樣嫩滑，連皮食都好食。主角大蝦登場，大部分係剝好殼切件上，有兩隻剛連殼上。蝦肉爽甜，調味恰到好處，唔會過咸。而連殼上既兩隻重點剛在蝦膏，可謂滋味無窮。麵豉湯就正常發揮，有海帶同豆腐。再黎既係炒飯。珍珠米

第一次去到長沙灣食鐵板燒終於唔使出去九龍城同人迫今日早咗嚟座位未坐滿不過職員話平時記得book定位，😋返工咁辛苦梗係要食啲好嘢獎勵自己，今次我哋就選擇咗大蝦餐 648元 二人份量，每一樣餸都係熱辣辣剛剛煮起食物質素非常好入面完全冇油煙味，坐得舒適入面仲播埋音樂夠晒舒服🤣頭盤先嚟過開胃沙律,蕃茄仔生菜,加埋啲沙律醋酸酸甜甜味道清爽真係有特別開胃。😘比目魚比目魚size都好大,☺️魚肉煎到金黃色,肉質非常嫩滑,新鮮多汁,魚肉味香甜,魚皮煎到有少少焦香,口感非常爽脆。牛柳粒😊牛柳粒剛剛係一口食到嘅size,煎完嘅牛柳仲係好多肉汁非常juicy,火喉控制得啱啱好,入口牛肉味香濃,配上一旁嘅炸蒜,令到牛肉味道層次更加豐富。主菜大蝦😝大蝦嘅賣相真係好靚,上枱味道好香,廚師亦都好細心將蝦頭拆開煎香咗,咁樣就可以食到入面嘅蝦膏,蝦膏味道非常鮮甜,蝦味濃郁,每一口蝦膏都係享受,旁邊嘅蝦肉份量都好多,而且蝦嘅口感非常爽口彈牙,味道鮮甜,一隻蝦都可以煎到咁好食,證明廚師嘅功力有番咁上下。食完主菜都有啲飽,最後就上埋炒飯,炒野菜,麵豉湯,炒飯配野菜真係一絕,個炒飯都好好食,顏色望落去好吸引,而且味道好香,完全做

估唔到長沙灣有間隱世嘅鐵板燒，唔使一定出到尖沙咀，銅鑼灣咁遠，同埋要同人迫，但係如果大家想坐吧枱，就記得要早少少訂位，因為吧枱座位數目唔多，呢間鐵板燒嘅價錢非常親民，最平$648就有鐵板二人餐，最貴鐵板餐只係$1198，CP值真係好高今日我哋都想食龍蝦🦞，所以叫咗個中間位嘅鐵板二人餐$948，價錢已經包括前菜、刺身、龍蝦🦞、比目魚、牛肉薄燒、炒飯、麵豉湯✨前菜沙律羅馬生菜好新鮮，好爽脆，醬汁酸酸甜甜好開胃✨刺身（四款）鯛魚、鱸魚、帶子、油甘魚腩每一款都好新鮮，鯛魚配上柚子啫喱，感覺好清新，鱸魚上面加咗少少七味粉同蒜鹽，唔使點豉油食已經好好味😋，油甘魚腩油脂感十足，帶子大大粒好爽甜✨比目魚廚師煎到兩面金黃，魚皮煎到好香脆，比目魚油脂特別豐富，魚肉非常嫩滑✨牛肉薄燒牛肉裏面包着蔥花同炸過的蒜片，每一啖都好香口，牛肉肉味濃，生熟程度煎到剛剛好✨龍蝦🦞建議大家一定要叫貴少少叫有龍蝦嘅套餐，隻龍蝦廚師火候控制得剛剛好，已經好細心幫你切到一粒粒，同埋龍蝦個醬汁用咗本身蝦膏煮成，每一啖都食到蝦膏味，好滿足✨炒飯炒飯可以話係食鐵板燒嘅靈魂，炒得好乾身，加上粒粒櫻花蝦更加提升鮮味✨野菜食咗咁多肉同龍蝦，

最近工作辛苦了，食餐好嘅獎勵自己，同朋友去咗出名食鐵板燒嘅餐廳，叫咗個龍蝦餐，係二人份量先嚟沙律，醬汁酸酸地好開胃，味蕾大增套餐包括精選刺身，賣相好靚，色彩繽紛，店員逐一介紹刺身嘅配搭，總共有四款，可以一嘗特別嘅刺身例如有配上岩鹽或海膽啫喱嘅刺身，仲有醬汁嘅帶子，全部都好鮮味，好似去咗日本食魚生到咗鐵板燒嘅時候，先有比目魚，燒得好到位，外皮脆卜卜，肉質嫩滑，配上淡淡地嘅鹽已經好鮮味牛肉薄燒包住好多蔥同蒜片，味道比較濃烈香口主菜當然係龍蝦啦，好大隻，兩個人食都夠，肉質爽口，加上蟹膏醬炒，味道一流，店員仲細心俾濕紙巾抹手炒飯裏有櫻花蝦、蒜片、蛋、香蔥等等嘅配料，感覺好豐富野菜就可以平衡一下餐後的飽肚感，亦更健康味增湯味道不錯，裏面有豆腐、海帶餐廳服務態度友善，餐牌可以散叫，仲有其他鐵板燒嘅選擇，下次可以一試

來到長沙灣五知食咩好，見到有間裝修幾好的鐵板燒日料店，於是就入去試下，感覺好似比較高級。不過確實食落係好有驚喜，每一款都好味。呢個燒比目魚，五好睇距相貌平平甘，但係其實外脆內嫩，好好食，有魚味又有淡淡的咸味，無咩骨，確實五錯。叫左個三色刺身，講真，除左三文魚之外的刺身，我食都好謹慎，怕腥。呢4款刺身就竟然五腥，食落有滴有淡淡的柚子味，有滴有果凍的口感，好正。個牛肉薄燒好食到難以形容，牛肉薄薄地，又嫩又有牛味，缺點係一碟太少了叫左個鐵板龍蝦，龍蝦肉比較入味既，但係最驚喜的是個龍蝦頭入面滴肉，無鐵板燒過，食落鹹香嫩口，食得出只龍蝦係新鮮既。五好睇個炒飯好似普通炒飯甘，距有櫻花蝦，提升左碗炒飯既鮮味，好五錯。菜就係普通鐵板菜，味道足夠既，都可以。總體來說係值得再來的，而且店員服務又好，過來同朋友邊食邊傾計好五錯。

去朋友屋企玩，晚餐係附近搵野食，係興華街附近見到呢間鐵板燒第一次幫襯，就叫最平嘅大蝦餐試下($648/位+10%)侍應安排左我地坐Bar枱，不過就離師傅較遠，只能見到另一位師傅non stop切魚，如果book位宜指定位置啦😂店內還有幾張4人枱（不是bar枱)，同多幾個朋友嚟，坐普通枱應該會舒服d沙律🥗D生菜幾新鮮爽脆，加左日式沙律酸汁，酸酸地都幾開胃比目魚因為無銀鱈魚，所以轉左比目魚。煎得表面香脆，嚿魚都煎出左幾多油脂，都算滑大蝦幾香牛油同蝦味，肉質彈牙，加左黑胡椒蝦頭最好食，有極多蝦膏其中一隻，d蟹膏多到漏晒出嚟，夾都夾唔住安格斯牛肉牛味唔算濃，幾多汁幾嫩，加埋蒜片一軟一脆咁食，口感豐富炒飯炒得粒粒分明，有蔥花、蛋、櫻花蝦同蒜粒（應該係炸蒜），幾香口炒椰菜椰菜甜，份量多最後用一碗麵豉湯作結

呢排鍾意咗食鐵板燒，樣樣主菜都熱辣辣，開心過食刺身壽司😂今晚book咗枱食長沙灣嘅鳥海山，遺憾訂枱嗰陣冇指定吧枱，冇得近距離睇師傅表演🤭冇得睇表演姐但食物質素係超好嘅，反而少啲油煙味又唔駛對住個爐咁熱添，我地叫嘅大蝦套餐包咗沙律、比目魚、大蝦、牛柳粒、面豉湯同埋炒飯，食完超飽。想再食豪啲嘅可以試下呢兩個餐，見附近幾枱都有嗌⬇️沙律菜主要係生菜，幾爽口，重點係個沙律汁好開胃，食完呢個開始鐵板燒就啱晒喇🤭鐵板燒嘅items入面我地最鍾意蒜片牛柳粒，因為啲蒜片真係炸到好似蝦片咁脆，連埋牛柳粒一齊食又有肉汁又有蒜香👍🏻比目魚同樣煎得好靚，見到金黃色嘅邊邊；大蝦都煎得好香，份量多啲就更開心。炒飯加咗大量櫻花蝦，脆卜卜又夠香，飯粒乾身，調味適中。

龍蝦二人餐 $948 1️⃣ 沙律🥗推薦指數：👍🏻👍🏻👍🏻沙律普通 生菜、小番茄🍅淋上芝麻醬 跟一般日本餐廳的前菜一樣2️⃣是日精選刺身🐟推薦指數：👍🏻👍🏻👍🏻👍🏻👍🏻刺身新鮮 各款魚類調味皆不同😆老闆娘上菜時介紹了每種魚的名稱 但我沒有深究😂知道進食次序就好😂3️⃣活龍蝦🦞推薦指數：👍🏻👍🏻👍🏻👍🏻👍🏻必食！龍蝦新鮮 蝦肉爽口彈牙🤩廚師利用蝦膏烹調 煎得剛好 不會過熟 非常惹味😋最後連蝦頭都無放過 拆開食晒😆4️⃣銀鱈魚推薦指數：👍🏻👍🏻👍🏻👍🏻魚肉鮮嫩 只用鹽簡單調味😋外皮煎得香脆 特別是魚皮 咬下去非常脆！5️⃣牛柳粒 +$80推薦指數：👍🏻👍🏻👍🏻👍🏻👍🏻因為我喜歡啖啖肉 所以牛肉薄燒改為牛柳😆牛柳肉味濃郁 熟度剛剛好！配上炸蒜片 無得頂💕6️⃣野菜、炒飯、味噌湯推薦指數：👍🏻👍🏻👍🏻炒飯粒粒分明 配料豐富👍🏻色香味俱全😆野菜和味噌湯普通😂7️⃣單點：鵝肝多士 $99鵝肝多士亦是必食！好好味😋鵝肝香不油膩 配上香口多士 一絕！！！🤩------------------------------CP值很高的鐵板燒👍🏻雖然只係小店 但食物質素不錯 食材新鮮🤩位置不多 即使是平日午市亦座無虛席😆龍蝦數量不多 建議

套餐包咗時令刺身，沙律、大蝦、比目魚、牛柳、椰菜丶炒飯同麵豉湯，全部都係即叫即燒😋食材好新鮮，環境好有氣氛，比目魚好香魚味，個皮好脆，牛柳配埋蒜片好好食，大蝦彈牙，沙律上菜時好夠凍，調味酸酸甜甜好開胃😋