Video
Read full review
2022-09-14
1110 views
一提起長沙灣，好多人都會聯想到住宅、舊區、長沙灣廣場同荔枝角站既迷思。不過隨著近年有D2同MCL麗新，睇戲又多左選擇，連帶亦多左人響區內搵食。是晚睇完戲，就響青山道附近搵食，見到間食鐵板燒既日式餐廳，頓時想解解思鄉之愁，兩口子咁就入左去。店內裝修以木色為主，一貫典型日式餐廳風格。甫坐低，店員就奉上熱茶，招呼殷勤，加分。望望餐牌，鐵板燒以二人套餐為主，有大蝦、龍蝦、鮑魚等等⋯思量一番後，決定叫一個二人前大蝦餐，有沙律、安格斯牛柳粒、比目魚、大蝦、麵豉湯、炒飯同埋炒菜。先上沙律，有生菜、蕃茄仔、配以燒汁，看似平凡，但個碗仔應該係雪過，冰凍感覺同響東寶用雪凍過既戰鬥碗飲鬼佬涼茶有異曲同工之妙。再黎係安格斯牛柳粒。用牛油炒既牛柳粒帶有濃濃油香，加上juicy 既口感，冇唔好食既理由。而作為陪襯嘅蒜片，炸得乾脆時亦唔會油膩，似食薯片一樣，但又唔會喧賓奪主，有驚喜。比目魚雖然係銀鱈魚嘅替身，但魚肉同樣嫩滑，連皮食都好食。主角大蝦登場，大部分係剝好殼切件上，有兩隻剛連殼上。蝦肉爽甜，調味恰到好處，唔會過咸。而連殼上既兩隻重點剛在蝦膏，可謂滋味無窮。麵豉湯就正常發揮，有海帶同豆腐。再黎既係炒飯。珍珠米
一提起長沙灣，好多人都會聯想到住宅、舊區、長沙灣廣場同荔枝角站既迷思。不過隨著近年有D2同MCL麗新，睇戲又多左選擇，連帶亦多左人響區內搵食。是晚睇完戲，就響青山道附近搵食，見到間食鐵板燒既日式餐廳，頓時想解解思鄉之愁，兩口子咁就入左去。
店內裝修以木色為主，一貫典型日式餐廳風格。甫坐低，店員就奉上熱茶，招呼殷勤，加分。望望餐牌，鐵板燒以二人套餐為主，有大蝦、龍蝦、鮑魚等等⋯思量一番後，決定叫一個二人前大蝦餐，有沙律、安格斯牛柳粒、比目魚、大蝦、麵豉湯、炒飯同埋炒菜。
先上沙律，有生菜、蕃茄仔、配以燒汁，看似平凡，但個碗仔應該係雪過，冰凍感覺同響東寶用雪凍過既戰鬥碗飲鬼佬涼茶有異曲同工之妙。
再黎係安格斯牛柳粒。用牛油炒既牛柳粒帶有濃濃油香，加上juicy 既口感，冇唔好食既理由。而作為陪襯嘅蒜片，炸得乾脆時亦唔會油膩，似食薯片一樣，但又唔會喧賓奪主，有驚喜。
比目魚雖然係銀鱈魚嘅替身，但魚肉同樣嫩滑，連皮食都好食。
主角大蝦登場，大部分係剝好殼切件上，有兩隻剛連殼上。蝦肉爽甜，調味恰到好處，唔會過咸。而連殼上既兩隻重點剛在蝦膏，可謂滋味無窮。
麵豉湯就正常發揮，有海帶同豆腐。
再黎既係炒飯。珍珠米配上蔥粒、蛋、櫻花蝦、乾身得黎亦唔會成口油，所要食材共治一爐，mix得好食！
最後係牛油炒椰菜。菜爽甜，配埋牛油香，為今餐畫上完美句號。
埋單兩人六百幾蚊，價錢合理，服務殷勤，會主動加茶。臨走時陸續有更多食客入座，所以我信有麝自然香。
Post
