名館 (Closed)

朋友介紹中環的「名館」食中菜唔錯，所以今晚帶老婆去試吓。位置都算方便，唔算難搵。餐廳裝修時尚，有空間感，座位擺設都幾靚，幾型格。餐牌都算多選擇，菜式幾特別新穎，好多款我哋都想試。特選三精品有陳醋珊瑚紅海蜇頭，陳醋手拍青瓜，名館叉燒皇。珊瑚紅海蜇頭非常爽口，非常入味，真係好好味！手拍青瓜亦係非常新鮮爽口。叫得名館叉燒皇，真係冇令人失望，果然係好好味！半肥瘦，非常諗，燒得好香，香甜蜜糖味，亦唔會太鹹，十分推介！銀湖天鵝酥造型可愛特別，十分細緻，外面酥香，裏面係紫薯餡料，甜度適中，唔會好油膩，整體唔錯。自家剁椒蒸秋葵小小辣，秋葵開邊，好爽口，健康之選。飯焦鳳尾蝦鳳尾蝦爽口彈牙，新鮮好味，而且有好多隻，叫「飯焦」其實係炒飯加入左香口嘅脆米，非常有咬口，整體味道好好！黑椒蔥爆安格斯牛柳粒安格斯牛柳粒非常腍，非常入味，好有肉汁，超級推介！蒽段都好好味，我哋全碟食清光呀！亞馬遜椰子川貝燉鱷魚用茶壺上的燉湯，好香甜，非常美味，裏面有湯料可以食用。麻雀十三么好特別嘅甜品，其實係椰汁糕，造型好似麻雀咁，而且有兩張用米紙做嘅鈔票，非常真實，都可以食用。值得推介的餐廳，一定會再光顧！

辛勞的一星期又過去，今晚同老公出街撑枱腳，同事知道我老公喜歡辣，推薦名館比我試試。一入門口店員已經熱情的招待，又主動介紹餐牌和招牌菜。棷子川貝燉鱷魚肉用茶壺茶杯飲湯也是第一次，個湯好清甜，火喉十足。青檸蝦球外脆內爽，口感特別，再配合個甜甜酸酸嘅醬汁，正！水煮魚出場喇，睇個器皿賣相已經氣勢十足，喜歡辣的朋友絕對不能錯過。魚片新鮮滑溜，最估唔到係入面原來仲有好多料，有午餐肉，菜，豬红，薯粉，金菇……老公食到滿頭大汗，把它全部消滅！

仲有一個月就過農暦年，又係時候要約各大親友團年。有朋友遠道由日本返港，佢話好想食川菜，就帶左佢黎試下。呢間餐廳菜色種類繁多，算係新派中菜，餐廳佈置有誠意，座位都算寬敞乾淨，而且菜式的擺設都幾特別又有心機，每隻碟都印有不同的字句，適合一眾鍾意相機食先既港人。我地兩個人，叫左一個京川汁秋葵同水煮魚，個水煮魚有個煲用微火保持溫度，魚都算滑，岩晒呢D天氣去，食完個人暖笠笠，喜歡川菜的朋友應該不會失望；埋單唔洗五舊，中環黎講都算OK啦。

今日我超開心，考車牌pass，多個月嘅辛勞，終於有回報，我哥哥仲請我去食餐好嘢，雖然我哋住九龍區，有好嘢食過海到中環都去啦。首先我哋先飲咗一個靚湯，雖然外表嬌滴滴，但係內涵非常豐富，有名貴養生甜潤黑蒜，鮮甜味濃嘅響螺，真係冇得輸，飲完個湯，連內裏食材我都唔放過。呢個叉燒皇真係名不虛傳，七分半瘦二分半肥，瘦肥均勻分佈，肉汁豐盛，味香四溢。連煮食嘅器皿都非常講究，骨子瓷器製嘅鍋爐，一上枱已見到靚靚的，一面沸騰，一面又可以慢慢品嚐，鮮魚片滑捋捋，香濃魚味幼嫩又鮮甜，湯底辣味仲可以選擇，有多款新鮮蔬菜，還配有 晶瑩通透嘅水晶粉，放在最後才吃，吸盡濃湯嘅精華，仍然爽滑彈牙。點心盤賣相都好吸引，造型別緻 又美觀，有鹹有甜，爽口彈牙嘅肉質，做到好似啫喱一樣，晶瑩通透，鹹香味出色。另一款老鼠愛大米，煙煙靭靭。還有多款甜點，外型優雅天鵝，內裏滿載香滑清甜紫薯，非常可口。還有兩杯甜品，同樣用心製作，色香味俱全。

一張好別緻的十三么、美金及人民弊造型的甜品相，就推動左我同老公來中環擺花街的名館晚飯。名館雖駐店中環，卻沒有金碧輝煌的裝飾，但佈置舒服亮麗，枱同枱中間有足夠的距離，樓底ㄡ夠高，所以坐滿客卻唔覺得嘈。菜牌見除別緻的甜品，仲好鬼多選擇，多款的小菜，海鮮，鐵板，點心，飲品，工夫燉湯及沸騰熱辣的四川，見鄰枱幾舍人都點左水煮魚，用大大個鬼咁靚的白涮涮煱上桌，仲個個食到蓮子蓉面口，頻頻取食。好鬼心動想試，奈何今天撑枱腳得2人，又不是太食得辣，一份下來可能其他就食不下了，故決定留待下次組隊來試。前菜是招牌叉燒皇，厚切肥瘦比例得宜的叉燒，香、色靚、口感稔軟、味夠、汁多，有點蜜芽糖似的微甜味。點左個Q牌老鼠愛大米點心，齋外形已好鬼討喜，即蒸上枱，熱辣辣的西米皮包着個類咸味的 雞肉茶果，軟糯糯，同西米好夾，好好味。二個小菜，秘製菌醬蒸淮山，醬好惹味，有D類黑松露菌份味道配甜、爽、滑的淮山一絕，另一醬爆秋葵花枝片，好夠鑊氣。壼仔上的亞馬遜椰子川貝燉雪梨，清甜，鮮味，足料，估唔到壼仔細細，兩人都飲左好多杯。我覺得湯該是壓力煲長時間燉煮，因鱷魚骨全稔軟給我們連其他湯料全食清。主食叫了客飯焦鳳尾蝦，飯焦粒加彈牙的

約咗朋友去蘭桂坊飲嘢，諗住食埋晚飯先去飲，咁當然係上網睇下附近有咩好食啦！見到有一間食粵菜嘅，而且係食一啲新式嘅粤菜，所以就book位去咗呢度食，啲菜色果然好特別，用正宗嘅粤菜加咗唔同嘅特色。一入到去淨係裝修，甚至乎啲碗筷都好特別，每一隻碗裏面都寫咗啲好有意義嘅句子，真係好warm,個老闆一定返咗好多心思落去，仲隻隻都有唔同嘅 詩詞喺裏面。我老公一向食嘢都好講究，今次竟然大讚話啲菜式肯定係搵正中嘅師傅做嘅，樓上鋪竟然有咁嘅水準真係值得一讚。椰子川貝燉鱷魚，D湯好特別呀！用茶壺裝跟住配兩個細杯，除咗各種器皿都好特別之外，啲湯仲好香、好有椰子味，飲得出老闆落足料，鱷魚肉同川貝都落重料。因為轉頭約咗朋友去蘭桂坊飲嘢，到時又會再食少少嘢，所以今次冇叫好多嘢食，不過下次一定會再嚟食晚飯，因為有好多嘢都好特別，好想再食呀！

朋友生日飯, 介紹這間餐廳挺特別 ,係九龍區返工的我， 都走了來中環試下。首先上菜的是鮮奶脆網卷， 我平時很少吃煎炸嘢，但 見到佢個賣相都幾靚， 所以就試下，吃下去的時候還是暖暖的，也不會炸得太油膩，唔錯這個椰子川貝燉鱷魚湯, 飲湯的方法跟平時的不一樣， 因為他是用茶壺裝著的， 而且也給你功夫茶的茶杯， 飲下去的時候， 有一種品茶的感覺, 幾得意。安格斯牛柳粒, 就跟平時吃開的牛柳粒較為好吃,可能因為他係安格斯，哈哈至於柚子蝦球, 它的蝦肉很結實，咬下去啖啖肉，yummy.甜品的上菜方式很特別, 感覺是像high tea一樣

之前有朋友喺銅鑼灣希慎食過名館對佢讚口不絕 所以我都決定要試下 不過我就去左中環個間都叫左啲普通小炒食下 味道都認真唔錯不過最令我surprise係個桂花糕賣相得意之餘 食落仲好清新 完全唔覺自己食緊魚膠粉個啲咁

厚切叉燒王$88 個叉燒你都好吸引，因為係我好鍾意嘅肥叉燒，叉燒肥瘦適中，脂肪比例勻稱，免投訴信蜜糖，入口又鬆化。 宮廷點心盤$188 呢一個點心盤，簡直係鴨麗嘅首選，點心盤有high Tea嘅影子，雙層係一隻天鵝造型嘅點心，入邊係紫薯餡，有啲似蘿蔔絲酥餅，紫薯餡了唔算太甜，賣相同味道俱佳。

相約一班同事吹水，放工近中環地段有呢間中菜，呢間中菜列入十大好評餐廳，提早預約了成個月，好不容易才有位呢。餐廳入面裝潢很有文青風格，無論坐位，餐具，都打造奐然一身，點心別具精緻，呢碟麻雀椰汁糕，人民幣銀紙，手巧精細，仿造似真的一樣，非常有趣，同樣有箭豬樣的流心奶黃包，無論味道和賣相都很出色，難怪我們每位同事都相機食先，之后更點叫小菜，蘇炸椒鹽九肚魚，魚的肉質很滑，而且軟綿綿的口感，熱烘烘的，最後，點叫椰子川貝鱷魚湯，以茶壺盛載湯，每人一杯，品嘗到香濃的椰子味道，非常一流。

來中環看燈飾，看食評此處好似好受歡迎，不妨來試，雖無枱布，無地氈，無滖水茶靚，侍應只會给你一杯蕎麥茶，都ok, 但每位收$15就唔ok。煎京葱胡椒包$48，夠大，多胡椒，香辣，肉未算多汁嫩滑，葱味不大，但都及格，可接受。豚王五菜陽春麵$68，豚肉雖不致鬆化，但都好香夠腍，似日式，五種菜麵，麵質硬道中等，湯較清淡，健康;流心蛋，中等流，整體上枱唔夠熱。蒜泥白肉$68，肥及笠，叫汁另上，辣味可調校，夠麻辣帶甜，肉質尚可。始終飲茶無壼熱茶，可自飲自斟，總欠味兒。

這晚與家人一起相聚食團年飯，家人比較鐘意食中餐於是揀呢間有名的中菜廳，聞說列入十大餐館之一，要是早一星期已book 餐廳環境寬敞，坐位舒適，別緻的碗碟而且很有文青風格，中菜餐館的點心更別緻我們點叫椰子川貝鱷魚肉，這個湯很有中國氣派，以荼壺做湯水上菜，飲呢個湯時很有椰子味道點心以宮廷的架上菜，精心手工製點心，有西米露糯米池，紫薯蘇餅，搽荼布甸，芒果蜜瓜布甸等，老鼠樣子就是糯米池了，非常可愛，天鵝的紫薯味道甜而不膩非常精緻還有流心奶黃包不得了，箭豬的包細緻極了

前幾天同同事去名館食lunch, 本身以為係食點心，估唔到佢啲小菜點心全部都整得好靚又有心思藍梅醬淋落淮山上面，令到本來清甜嘅淮山加點甜酸嘅鮮果味道，兩樣嘢夾埋岀奇地夾，仲另到你好開胃雞絲粉皮同鎮江肉都好正，粉皮個麻醬好濃味，雞肉唔會好乾。鎮江肉就覺得佢可以有番多啲肉喺入面最後食左個黃金球湯飯，好食！個黃金球好脆，有飯焦香，入面係有啲係炒飯，加埋個鮮味湯底好好味，又唔會好似平啲啲炒飯咁油，就算啲飯浸住湯都唔會好快林，好有咬口，係一個好新鮮嘅菜式。會再番啲試其他野

朋友帶我來一間充滿各式菜款、點心、甜品的餐館在中環的《名館》，佢話上次食過好想再來。食宮廷點心盤,賣相已經夠氣勢,個官廷式點心架使人特別聚焦在入面的食物中， 銀湖天鵝酥, 做成隻隻天鵝身，酥皮鬆脆, 使到餡料好有口感。鎮江水晶餚肉,有少少酒香,肥瘦適中，是冷盤中不可小的。兩隻可愛老鼠仔原來係鹹點,西米和雞肉配合好特別,外軟內有口感，兩個甜品,奶凍啫喱香純全無雪藏味.泡椒寶塔菜,大家都是物一次食呢種蔬果夠爽口,食出少少辣, 是可以醒神. 雲耳酸酸地,又開胃，成個茶式比你健康的信息，更係好快比人食左。

今日下午休息，可以同朋友聚餐又不趕時間，來到中環「名館」，行入去裝修很有藝術氣質，餐牌上見食物外型又可愛及富有藝術手藝，如果唔係點會設計到宮廷點心盤、麻雀13么....。亞馬遜椰子川貝燉鱷魚,湯用 裝給人好新奇的觀感，燉湯味道好濃,配合椰子又好清新，在倒出湯渣食時肉質都已跟湯相同入味了，是喜歡食湯渣的人必食。石鍋鮑魚雞粒炒飯,炒飯炒到好乾爽, 大大提高左食飯的質感，石鍋炒飯特別香口,鮑魚雞粒有少少咬口又不會費力，大家都講笑見到鮑魚多過雞因容易找到起眼的鮑魚。