天然豚骨拉麵專門店一蘭

Open Now

Now Closed

喺香港已經唔係第一次食一蘭，不過就第一次喺尖沙咀呢間食，之前喺銅鑼灣食嘅都係一個人咁坐，而尖沙咀呢間就係平時餐廳咁坐，感覺即刻唔同晒，同埋有少少嘈。我哋兩個人星期六一點半左右去到，門口已經有牌寫住要等半個鐘，最後等咗25分鐘就入到去。佢同銅鑼灣嘅做法唔一樣，呢度係喺自助售賣機度俾錢，然後再有一條長廊排隊，我諗大概都要等二十幾個人。一坐低就揀返自己想要嘅麵質、濃度等口味，我自己就揀咗走蔥同埋½辣。之前覺得食一蘭冇乜特別，後來有個朋友提議加辣，真係好上癮，所以我覺得要加少少落去食一蘭嘅重點😋😋如果加麵嘅話，係張紙填好咗之後，店員會比一個夾夾係枱面，食完原本嗰碗之後就可以叫店員比麵，我諗呢個做法可以阻止啲麵浸到林晒。今時今日黎講，我諗一蘭都唔算係拉麵既唯一選擇，叫做正常發揮，如果唔使排隊都可以得閒去食下。

香港開鋪果陣食過，日本食過，今日貪就腳速食，點知差咗咁多。湯底似足溝水煮，已經唔似以前食落好重豬骨湯味，除咗夠熱我諗唔到有咩優點；叉燒有3小塊，唔計個湯麵呢樣配料已經係靈魂，擺落口直情慘不忍睹，早知去先前望吓大家食評相環境冇要求，預咗個位細細地速食，但求乾淨企理，不過都係飛行物係枱，遇到就自行處理。服務冇要求，一班後生仔女做服務行業比多啲機會，正正常常。整體：$108真係唔值，永遠blacklist各位食家You deserve better

網紅日本九州連鎖拉麵店，每次經過，門前二三十人排隊是常態。今日居然不用排長龍，還可以入內坐下等，實在太幸運了！主打一款拉麵🍜有葱花、叉燒－片、蒜泥$98，可自選湯底濃稠度和麵的硬度。如果想再吃得豐富一點，可付費再加些配料例如糖心蛋、木耳、蔥花、筍絲、叉燒、紫菜等等⋯我加了木耳絲$14.安著店家推薦選好了湯底，個人比較喜歡有咬口所以選擇了硬麵。首先，湯底比較水汪汪🥺，沒有一般豬骨湯底的濃稠。（超後悔，應該揀超濃厚湯底）麵硬度適中，是我想要的。叉燒～質感有點奇怪，跟傳統日本叉燒不一樣！總結～似乎跟日本的有點距離。

一進店就可以自助落單、一張可以讓你自由選擇的點單紙，自己挑選濃度、 油膩度、 香蒜、蔥 叉燒 、秘製醬汁、 麵條的軟硬等。。。入到去先見到個公共空間食野，成個感覺有啲似大排檔對於重口味的我來說，湯底都真係好鹹同好油，但嗰兩塊叉燒真係薄薄的一片， 好彩有加溫泉蛋🥚，加上6份🌶🌶🌶🌶🌶🌶， 都係唔辣😅， 而且麵嘅份量比較少， cp值較低， 都因為朋友仔個仔仔，想食就冇所謂啦，陪下小朋友當日隔離枱有個小妹妹一坐低就好大聲話要小朋友拉麵真係好可愛

呢排好多人都話日本人唔再食一蘭啦 咁又係嘅而加嘅拉麵開得越來越多 分薄左個熱潮都好正常話時話我都好耐冇食過一蘭喺香港啱啱開嗰陣食過一兩次同埋毒撚自修位嘅專利就嚟過期喇!!!!就諗住過嚟享受吓自己一個人靜靜地食飯嘅時間不過太耐冇嚟喇原來而家一蘭已經唔再係得自修位 嗚嗚唔知係咪人大咗覺得個麵都算咸湯底係好夠濃 不過就冇第一次食咁驚艷都正常嘅 而且咁多年嚟都冇乜點加價Keep倒都算係咁不過同一價位就真係有好多其他選擇嘅而且味道好似經過精密計算唔會有差錯但亦都唔會食到更加多嘅風味都係突然之間醒起先食佢啫😹短期內應該唔會翻兜了

以前飲完酒之後都會嚟食，但自從疫情之後好耐冇嚟過，冇諗過一個疫情可以令到一間拉麵舖變得咁差，啲湯已經變到得個咸字冇鮮味，叫隻半熟糖心蛋而家仲要變咗自己剝殼，真係好彩今次唔係飲完酒嚟。以前仲會特登叫白飯然之後送湯，因為咁樣食真係本身好食。但而家啲白飯都煮到勁差，佢好彩嘅係本身真係都係日本米所以煮得差極都有限。叉燒真係壯觀，我唔講以為我係食緊煲湯啲豬肉，零口感可言。冇乜事真係唔會再去，真係難食到咩咁！

☀️呢兩日天氣涼涼地想食拉麵👶🏻👼🏻♥️👶🏻👼🏻想介紹一間拉麵比各位美食家🙈 就係咁多年都咁多人幫襯🍜登登 就係一蘭啦🤣🤣 點解要為佢岀個po就係因為明明成日食都無為佢岀一個po🐷今日岀個po先🙈 其實一蘭拉麵真係可以係兩星期食左2次😨荷包都扁哂🤣但真係好好味☀️✨☀️✨傳統一蘭拉麵🍜♥️呢個拉麵神奇嘅地方係個湯底真係不得了♥️🤣 用天然豚骨煲足七七四十九日🤤🙈配上一蘭招牌辣粉😍好食到流口水☀️👶🏻👼🏻每次去食親都會再加面先塞夠肚仔🐷重點要加多一粒可愛既小蛋蛋🥚🍳♥️ ✨✨♥️♥️♥️🍜🍜☀️☀️☀️🍀🍀Ps: 提下各位🤣 最近只要下載一蘭App填問題 就可以得到 半份麵🍜😨😍 仲吾快d去食一蘭♥️

之前一直去開銅鑼灣分店食，曾經有段日子，因工作關係間唔時會同舊同事收工去食宵夜，當時凌晨收工，餐廳選擇唔多，唔係食串燒/泰國菜，有時落酒吧飲野，想食日本野時就會揀一蘭。尖沙咀分店今次特登想去試下，門口見到原來有分「自修室」座位同普通餐廳形式座位，第一次體驗非一蘭傳統自修室座位感覺好新奇！經樓梯落一層先要係自助機購買拉麵，有啲似係日本食拉麵小店門口先買飛仔嘅感覺，但出飛只係出普通熱感機紙有啲失望，之後嘅體驗仲奇怪！拎住張飛員工會指引你座位，再由樓面員工收走張小飛，同你講遠處有得自助斟水，聽完心諗：下，平時銅鑼灣店每個位都有個水龍頭自己斟水架喎！即係每次想斟多杯水飲都要帶返口罩起身行過去斟……成個落單流程由比錢到坐低都好蠢，又唔係慳咗員工人手又唔係方便食客，完全唔理解點解要咁麻煩。講返碗拉麵同預期差唔多，另外加咗個豚肉比較咸，口感亦比碗內肉較鞋，下次唔會再嗌，更加唔會再去尖沙咀分店，都係比較鍾意銅鑼灣自修室座位特色，叫做食個回憶。

之前係日本食完一蘭之後就愛上左🥰不過係香港就冇食過，最近同朋友提起，佢地話香港一蘭都好食，所以開左咁耐第一次去😂大鄉里🏮天然豚骨拉麵 🍜$98▪️加麵 $19 ▪️加叉燒（4片）$28▪️加半熟鹽味蛋 $18朋友話一蘭必須加麵！講得都冇錯，麵底份量唔太多，女仔食可以加半份麵/加餸。加麵嘅麵可以差唔多食完先叫佢上。湯底豬骨味濃郁，拉麵亦都好掛湯，一直係我心中No. 1嘅拉麵，雖然食完好飽，但都仲會好掛住陣味🫶🏻鹽味蛋要自己剝殼，鹽味剛好。出面仲有自助水機，飲水自己斟。如果想坐味集中counter就要預早book位對比日本當然少啲選擇，不過已經好好食，又挑起番我條癮😚會間唔中黎下

又有人話想食拉麵食囉。。。。星期日下午兩點幾黎到一蘭，買完飛等左幾個字就可以入座老公好鍾意食拉麵，都好鍾意一蘭，佢覺得一蘭黎左香港咁耐仲可以保持到水準。但係我就唔太好拉麵，如果唔係陪老公食，拉麵唔係我首選但係今次老公就話個拉麵麻麻地，啲拉麵外面好似有啲粉漿，佢話chok麵chok得唔夠，煮拉麵啲水chok唔清（其實我唔係好識分唔係好知佢講緊乜）後尾上埋替玉，老公話呢個替玉同原先碗拉麵係兩回事，呢個好食好多。我都偷左佢一注試下，都覺得係唔同口感，又真係好食過原先上嘅拉面同一次幫襯，同一樣野都有唔同質素其實食唔食到好野，都好睇彩數

「一蘭」源自九州，在當地雖然是一間知名度高的豚骨拉麵連鎖店，未算人氣拉麵店。多年前登陸香港之後，隨即引起一股排隊旋風。不過，話說回頭，在日本這個拉麵店林立的國家，分店可以遍布全國，也有一定的實力。幾年前曾經光顧香港銅鑼灣首間分店，今天經過尖沙咀分店，看看是否有分別。沿樓梯往下走，牆上掛上「一蘭」的介紹，讓客人更加理解「一蘭」。 有不少明名光顧，掛上一幅幅到此一流的簽名。推門入內所見到的並不是氣氛熱鬧的開放式拉麵吧枱，只見到自助收銀櫃檯及手信區，缺少了拉麵小店應有的氣氛。以為沒有客人、不需要等位，自助下單後店員给我幾張紙，再按指示走進長長的走廊。見到紅色燈籠的個室号碼，環境暗黑 ⋯⋯ 剛好農曆七月鬼節，以為自己去左鬼屋。探頭入去一看，裏面就是一個個「個室」；貫徹福岡本店的自修室式間隔設計。不過什麼人也沒有，再按指示繼續行，終於見到人 ⋯⋯ 原來是要等位的。原本以為尖沙咀店貫徹福岡本店的自修室式間隔設計，但是客人都被安排坐在日本大排檔環境的用餐區。 走的時候才發現門口展示了尖沙咀分店有「屋台」及「counter 個室」兩種用餐區，後者要預約才可以使用。反之，銅鑼灣分店就全部都是「半coun

好耐冇去食一蘭 咁啱係尖沙咀附近行街 👦🏻突然間想食 所以就即刻去咗食😋今日係平日 所以比較少人唔洗排隊 大家要睇啱時間嚟啦 ✿ 天然豚骨拉麵🍜✿[$95]拉麵口味濃淡 油膩度 軟硬度 都可以自己選擇 而我哋兩個選擇都係普通 出到嚟嘅效果都係十分滿意 辣度方面我哋選擇咗兩倍 佢個辣🌶係賣點之一 辣粉加落湯令到湯更加好飲🤤 但係有少少不足之處就是叉燒太少了😢對於男仔我覺得要追加麵或配其他嘢食😶‍🌫️★好食指數★：8/10★服務態度★：8/10★CP值★：7/10★加一★

突然發現好久沒有吃一蘭拉麵，有點掛念日本的味道，決定去吃，還要再加一個麵底！我喜歡吃較硬的質地，所以選了質地是硬的麵。一吃味道依然，少許辣辣地，湯底十分香濃，叉燒好吃，不過真是少了點。吃完後再後上麵底，超滿足，飽到上頂！

🌞尖沙咀篇～～～今日到K11行街，但最主要的目的就係食一蘭拉麵，一蘭拉麵係我心中的神，平時我係唔鍾意食拉麵，直至有次我喺涉谷食到一蘭後就再也回不去了～～～我揀咗軟麵+清淡口味+赤紅秘制醬汁揀咗1/2倍，因為太好食唔想太辣壓過本身湯頭嘅味。😋😋😋今次嗌咗👇👇👇1.天然豚骨湯拉麵一蘭最大嘅特色就是佢地湯頭，有骨濃厚對豬骨 香味撲鼻而來，乳白色的醬汁讓人更有食慾，配上佢地嘅特有麵條，以及赤紅秘制辣粉，三樣嘢搭配起來簡直天衣無縫。食物🐽🐽🐽🐽🐽環境🐽🐽🐽服務🐽🐽🐽價格🐽🐽🐽

食過一蘭嘅朋友，或者都唔多唔少會有呢個感覺，就係落雨嘅日子，硬係有啲想去一蘭重溫下個味道適逢又到夏天即係又係落雨嘅日子，一個人係尖沙嘴又游蕩左去一蘭門口，其實都有好一段日子無黎，入到去要用自助機落單，跟足日本，加下呢樣加下個樣，又百三蚊埋單疫情下自修室位無開，正係開屋台位，呢個有啲估佢唔到，隔開唔係更有岩疫情下各樣措施咩？講返碗麵先，湯底一貫水準，好味但飲完小小口渴，叉燒就真係好薄好薄，而且好似比以前細塊左