天然豚骨拉麵專門店一蘭

Open Now

Now Closed

📍香港📍尖沙咀📍天然豚骨拉麵專門店一蘭 ICHIRAN📍尖沙咀棉登徑8號地庫B舖及地下入口大堂📍星期一至日 11:00~23:00🦄 一蘭拉麵 $95🦄 評分: 6/10好處系可以因應自己口味去簡湯底同配料😁 但質素當然遠不及日本個啲😿 只係無得去旅行止下口癮！食完都會比較口渴 始終湯底偏油膩濃味🤔

過江龍，喺日本紅極一時既一蘭拉麵，好耐之前開咗銅鑼灣店，因為太多人排隊，所以我冇排到，咁開始行限眾令，加上疫情，罕有地冇人排隊，我見嗰日walk in 就即刻有位，所以去食，點知除咗送叉燒，仲送埋烏龍茶，唔知係咪因為冇人排隊呢，嗰晚個面個湯夠熱，加咗extra 嘅叉燒，感覺先至返日本真正嘅拉麵，一蘭拉麵我喺日本食嘅時候，都覺得好細碗，得幾啖，當然香港嘅份量都一樣，但覺得保持到日本嘅水準，同喺日本食嘅分別唔大！

由於飯腳同事放假，女朋友又極度討厭拉麵嘅關係，我決定自己一個黎度一蘭拉麵享受一下獨獨嘅拉麵午餐。尖沙咀一蘭喺棉登徑嘅地庫，入餐廳前要先行樓梯落地庫，我戰戰兢兢地行落去，好似驚住餐廳冇人得自己一個好尷尬咁。 入到一蘭，餐廳比想像中熱鬧，今日淨係開左屋台果半邊，「自修室」位就因為客人唔多所以暫時開放，仲諗住有得坐下「自修室」懷緬下以前讀書坐自修室嘅青蔥歲月。 入座前職員都好有禮貌問我做左一蘭會員未，因為而家入會可以即時用會員即分換取加半份麵底！餐廳都好細心準備信封做口罩暫存袋。餐牌比以前一開業果陣色彩繽紛左，多左圖片形容食物/甜品。例牌一蘭拉麵可以俾客人選擇自己喜歡湯底嘅濃度、油膩度、辣度、蒜泥、蔥、叉燒同麵嘅硬度。 我揀嘅口味係根據之前有個post講日本一蘭員工普遍認為最好食嘅combination！拉麵賣相好靚，連放喺枱面嘅角度都應該係教導過d員工，一蘭個logo正正向住客人。湯底真係冇得彈，夠香濃、辣度岩岩好唔會搶左湯底嘅香味。 叉燒用上瘦肉味道濃郁，不過薄切得三塊份量比較少。麵嘅硬度對我黎講岩岩好，不過份量就非常少，食左兩啖已經就黎冇哂要加麵。建議加麵嘅硬度選擇個人喜好嘅軟一個等級

疫情關係，周圍都唔洗去，真係未試過成年我都未去過旅行，喜歡自己出走嘅我，唯有都忍下，希望疫情快啲過去。去唔到日本，唯有食住一蘭拉麵來懷緬下先😂一蘭係我最中意食嘅拉麵，除左本身我係重口味之外，我係麻麻地所有粗嘅麵，例如通粉，油麵，烏冬，沾麵等⋯所以越幼我就越中意食，哈哈，呢度好處係你自己可以tick你自己想要嘅麵軟硬，油度，辣度，加唔加料，洗唔洗走青等，基本上我都tick曬最重口味，最後成碗湯都比我飲曬😋，如果你飲曬成碗湯，係碗底部你會發覺有幾隻日文字寫住，雖然唔識日文，但上網check完意思係隱藏左店家對顧客的感謝。祝大家身體健康。

去左尖沙咁，打算去新開果間"鬼滅"鋪頭睇下，點知未夠開門時間都排哂隊甘，所以算啦，遲下再去啦甘唯有解解日本思鄉病先，去食一蘭先. 尖沙咀這一間是可以有四方桌可以坐的，平常的依然是好像自修室一樣，一個一個位置間隔開的. 其實環境布置還是挺有日本風味的.一坐下，他們才會把點餐紙放在桌上，然後叫我們填寫，他那個點餐自己決定的，然後自己選湯底的濃度（超濃），醬油的濃度（超濃，但下次可以選普通），油膩度，還有麵的硬度（我要超軟的），還有叉燒（會吃肉的應該都點，都是很好吃的），他們家的辣挺過隱的(我點了兩倍，如果要order兩倍以上的話，就要加錢哦)，還有加了一個溏心蛋，平常還要加一個麵底，但距離晚餐的時間還有三小時，所以就不加. 他們的點餐紙上面還有別的配菜加（叉燒/溏心蛋/紫菜/木耳），還有一些甜點跟飲品，他們還有一個套餐（是包括有叉燒/紫菜，還有木耳，這比單點這三個配菜會有便宜一點）有一個自助區會有免費的水，旁邊有杯溏心蛋到了，很貼心的還有消毒紙巾在旁邊這期待的麵到了，好香看看上面的油和湯底是多麽的配合這樣看起來青蔥麵和底，還有那個辣椒的搭配顔色，讓整個麵看起來好吸引哦!!只是一個麵的價格大

一蘭係香港開咗都已經一段時間，呢一年成年都無得去旅行，真係好掛住日本一蘭既味道。當日一入去唔使等位，同日本一樣，座位係單向座位，一人一格。一蘭拉麵($95)口味濃淡: 濃味 (我呢d重口味既都係中意湯底濃d)油膩度: 普通 (一蘭好既就係湯底揀咗濃但又可以揀無咁油)蒜泥: 普通蔥: 有叉燒: 有赤紅秘製醬汁: 普通 (我覺得呢個辣醬都算係一蘭既精髓，有呢個醬真係好食d)呢碗拉麵食落真係又濃味但又唔會過油，味道真係食到日本既味道同回憶。

食過咁多間拉麵最鐘情果間都喺一蘭拉麵佢既湯底係我最鐘意的~每次食一定要加白飯~加小食的話我推薦溏心蛋同紫菜·~食完埋單個位仲有公仔麵同拉麵可以買翻屋企煮~兩者都試過，本人覺得公仔麵好味好多~湯底夠濃郁！

以前總係嫌食一蘭要等十個世紀先食到，每次去到咁大條長龍都望而卻步，要去第二間度食，終於遇到一次唔洗排長龍！尖沙咀店係全球最大間既一蘭，設有味集中counter 同一蘭屋台，集中counter 係分開左一間間似係自修室食野，而一蘭屋台係仿照日本路邊攤設計，保留住日本福岡既文化特色。

幾年前開始身邊好多人都會話一蘭好好食 一蘭......我自己第一次食一蘭係日本大坂排隊食當時入到去購買到進食 當時覺得係好食嘅但未去到非吃不可只可以話係日本食都唔算好貴到最近終於係香港食一蘭由於疫情期間就禁止左試用機器買票入到去坐底填表俾職員處理我自己選擇嘅全部都係普通我朋友就加左辣係等嘅期間當然要望下隔板上貼左有D咩優惠等係入座前職員話成為會員即時送一隻半熟蛋我同朋友就無申請做會員所以就無蛋食（笑）食野前要除口罩 都係入座前職員提供😂食物終於上枱 坦白甘講無論係香港定日本食 我都真係唔覺得超級好食同非吃不可 係香港食個感覺會油膩湯底會覺得鹹同濃味D 食完成晚要不停飲水不過甘而家無得去旅行就唯有過黎食下當做止下渴

一蘭以前成日聽，但食真係第一次食🤣完全成個大鄉里咁，係咁問同行友人要點揀😂我幾鍾意可以自己選擇口味，因為我好重口味，所以揀曬超級濃，食落真係幾開心，未試過可以任由自己設定☺️湯底我覺得幾正麵質果d我就覺得一般價錢稍微有d貴，一碗麵就得兩塊肉，無其他配料，平時食拉麵都會有半粒蛋，筍，木耳果d，但哩個就只有蔥🤔不過下次經過都會去食，因為我鍾意佢夠重口味🤪

記得一蘭初黎到香港風頭一時，好多人排隊，搞到我都無諗過話要係香港試食。今次我地去到尖沙咀K11睇戲，突然行過訊號山花園見到有一間一蘭，仲要唔洗排隊，唔好講咁多，我嘅拉麵之心忍唔住喇！入到去落樓梯就係收銀處，左出右入，入去之後店員就會問你要坐個人位定屋台，個人位就要等，肚仔餓直接入去食屋台。行過個人位同見到座位表真係同日本嘅一模一樣！去到屋台區坐低，環境好寬敞，坐位上有個籃可以俾你放低個袋，好貼心！餐台上有點餐紙俾你點餐，呢到叫我屋台我以為有多d野叫，原來都係只得拉麵，甜品同野飲，老實講價錢都稍貴。不過唔緊要，今日嘅主角係拉麵！我地每人叫左一碗天然豚骨拉麵(HKD 95)等左一陣就上左菜，無論係個碗同餐具，呢一刻真係有去左日本嘅feel！另外驚唔夠食都加左個一蘭精選套餐(HKD 65)。食落去湯底濃得黎唔咸，好香；豚肉好軟易入口，仲有中間令人懷念嘅辣醬，同日本食嘅味道一樣，正！

無得去日本，就係要食一蘭去下DONKI😚。一見到大大個牌，就知道到左啦🤤行埋條長樓梯落去就到了。入面好似行迷宮咁，行啊行啊終於到。因為我地唔想等位，所以揀左坐正常位，唔係一人一格咁坐。我哋嗌左兩碗一蘭拉麵、一蘭精選套餐、一碗珍珠米飯。一蘭拉麵 $95都冇咩好點評㗎啦，相信一蘭拉麵嘅味道係點，大家都心裏有數。 唔知點解感覺上無係日本咁好食😂，可能因為隔黎飯香( ´▽` )ﾉ 食落個感覺同普通一碗港產拉麵無咩分別🤧。如果唔係想一解思鄉病，我諗都唔會無啦啦走入一蘭到食一碗拉麵，尤其是佢嘅味道冇咩特別。一蘭精選套餐 $65因為淨係食拉麵，唔係好夠飽。套餐就係包四塊豚肉、紫菜、黑木耳、溫泉蛋，所以其實嗌套餐都幾抵。另外，套餐裏面跟埋嘅豚肉係比正常跟麵上既豚骨厚，感覺好食啲😏！隻溫泉蛋同係日本食既一樣咁好，可能係我遲下仲會係香港食一蘭既最大原因😚。珍珠米飯 $25同行男人痴線，佢叫左碗飯，佢話做湯飯好好食😂。佢嘅意思係啲珍珠米吸收晒啲一蘭湯好好味，但呢個食法我真係第一次見。我試過就覺得有啲奇怪啦，同埋我偏向食開淡味，所以當啲飯吸收左湯之後，變得比較鹹，唔太岩我，不過同行嘅痴線佬就話好好食🤨🤨！一蘭

一蘭已經食左好多次，不論日本定香港，都保持一貫穩定既水準同質素。日本會好食少少如果真係要比。最中意係佢「味集中」個位，每次不論自己一個人食或者同老公食都唔洗怕欖介俾人望。一個人食我必定叫埋生啤、另外加蛋同要多半份至一份替玉 個湯夠熱又唔洗等，叫完好快就上。替玉都唔會變左一舊，熱熱地個底會有啲調味油。麵係幼身既麵，每次我一定叫特硬、特濃味加3辣度。岩岩好，不過如果食開清淡既會覺得咁既選擇稍為有啲咸同多油。

好耐無食過, 裝左修之後原來佢多左個位for屋台區(好似路邊攤咁)😻客人可以揀坐普通bar枱/屋台, 可以唔洗再隔住塊板同fd傾計🤣ㅤㅤㅤㅤㅤㅤㅤㅤㅤ拉麵 $95 保持一貫水準都係咁好食🤤但係...份量真係少左d, 要加麵底先夠飽🙊不過我地諗住留肚食甜品所以都ok既🤣我地仲加左$16食半熟鹽味蛋, 不過我同fd都覺得隻蛋無乜蛋味🙊唔知係佢凍得滯定因為d麵濃味得滯🤣

逢親想食拉麵嘅時候 就會黎一蘭好多人話日本好食啲 但係其實我覺得差唔多可能去旅行個心態唔同就會覺得好食啲今次嚟到話推出左手機app 只要註冊會員落單嘅時候比部電話佢睇 就會送半份豚肉燒平時都只會食叉燒或者半熟蛋 可以順便試吓而且做會員可以儲分 換其他小食配菜嗰啲儲分都幾搞笑 係咪單之後喺旁邊牆壁數二維碼應該係無論食幾多都好 每張單10分叫咗5辣 同埋加溫泉蛋😛 濃湯 硬麵 唔知有冇人覺得黎食 會有種去咗旅行嘅感覺🤣可能因為店員講日文 加上裝修嗰同日本店一樣食起上嚟心情都好啲 送既豚肉燒 冇咩特別感覺覺得一般般 可有可無 如果真係唔夠食嘅 會加返叉燒