天然豚骨拉麵專門店一蘭

Open Now

Now Closed

之前一直去開銅鑼灣分店食，曾經有段日子，因工作關係間唔時會同舊同事收工去食宵夜，當時凌晨收工，餐廳選擇唔多，唔係食串燒/泰國菜，有時落酒吧飲野，想食日本野時就會揀一蘭。尖沙咀分店今次特登想去試下，門口見到原來有分「自修室」座位同普通餐廳形式座位，第一次體驗非一蘭傳統自修室座位感覺好新奇！經樓梯落一層先要係自助機購買拉麵，有啲似係日本食拉麵小店門口先買飛仔嘅感覺，但出飛只係出普通熱感機紙有啲失望，之後嘅體驗仲奇怪！拎住張飛員工會指引你座位，再由樓面員工收走張小飛，同你講遠處有得自助斟水，聽完心諗：下，平時銅鑼灣店每個位都有個水龍頭自己斟水架喎！即係每次想斟多杯水飲都要帶返口罩起身行過去斟……成個落單流程由比錢到坐低都好蠢，又唔係慳咗員工人手又唔係方便食客，完全唔理解點解要咁麻煩。講返碗拉麵同預期差唔多，另外加咗個豚肉比較咸，口感亦比碗內肉較鞋，下次唔會再嗌，更加唔會再去尖沙咀分店，都係比較鍾意銅鑼灣自修室座位特色，叫做食個回憶。