喜膳燒

Open Now

Now Closed

上次帶完囡囡去銅鑼灣食串燒後，佢好似上咗癮咁。今日又嘈住話要去尖沙咀喜膳燒，無計，我最就得佢架喇～燒香脆鱈魚乾 ($45) 一坐底侍應就請我哋食鱈魚乾。真係又香又脆口，點埋沙律醬仲正，最啱送啤酒食。巨峰提子梳打 ($32)星期日至四生啤買二送一，但可惜啱啱病好，所以唔敢飲酒住。但又點可以唔飲嘢呢，所以就嗌咗個巨峰提子梳打試下。啲微碳酸好勁，一飲已經好醒神。巨峰提子味好重，唔算好甜，夠解渴！燒香甜車厘茄煙肉卷 ($22)呢個係必嗌！煙肉燒得勁香，肥瘦均勻，一咬啲車厘茄汁咇晒岀嚟，差啲碌爆個嘴呀。沙嗲燒原條魚肚 ($38)呢個一定要嗌！平時都係酒樓食開魚肚，用沙嗲燒真係好姐。魚肚就好似海綿咁，索晒啲沙嗲汁，一咬落去咇晒啲汁岀嚟，超好食！燒深海龍躉黑豚肉卷 ($58) 呢個夠特别，一次過滿足晒兩個願望，又有龍躉又有黑豚肉，口感一流！南韓式炸雞雙拼 ($48) 雖然身在串燒店，但炸雞控見到有炸雞都會雙眼發光。分别有炸雞鎚同炸雞粒，外表炸得香脆，以為裡面會炸到好乾身，點知雞肉嫩滑 juicy，仲有個好似 cheese sauce 嘅汁點，好正！我問咗侍應個醬汁係咩嚟，點知侍應神神秘秘話係 "袐製

鋪頭位於寶勒巷，唔難搵，不過門口細細，好易走漏眼。餐廳地方唔大，每張都係高枱，加上燈光暗暗地，好有日本居酒屋嘅感覺，好啱一個人夜麻麻黎飲杯啤酒食串燒嘅感覺😂😂全晚最鍾意食嘅就係呢隻炸焗蠔，係炸蠔再放返入蠔殻入面加醬汁焗，醬汁似有少少辣嘅千島醬，一個人食幾隻都得👍🏼👍🏼另外一款燒蠔，原汁原味，成隻手掌咁大隻鵝肝多士，唔算好大件，不過好在都好重油香，加埋蒜蓉包夠脆，又係食多兩件都得😂燒大蜆，調味唔係好多，有鮮味蒜蓉燒扇貝，呢個相對燒蜆就濃味好多喇，不過如果想食鮮味嘅話，就可能會嫌佢蒜蓉醬汁等太多喇特別要介紹中間嗰串，因為係呢度嘅特色串燒，係豚肉包住龍躉肉，口感軟綿，有肉味得來唔會好重口味，值得一試。燒大蘑菇，面頭有芝士、沙律醬、煙肉、洋蔥等，好香口，最好嘅係上枱已經幫你切好，唔使自己左切右切跌晒啲料出嚟。黑松露焗雜菇，份量都幾多，黑松露都夠香，唔會好油。呢度飲品都幾多選擇，有啤酒、cocktail、清酒，唔鍾意酒嘅亦都有好多款特色飲品，我哋就叫咗青檸梳打同埋雪梨水，好啱食串燒飲，無咁熱氣。

我最喜歡吃串燒，每樣份量雖少，但種類夠多，最適合嚵嘴的我。今天和寶寶試試寶勒行的喜膳燒，地方不算大，但環境舒服寧靜，最緊要沒有油煙味。餐廳送了我們一碟燒香脆鱈魚乾 ($45)，脆卜卜十分好吃，有點像烤脆的薄餅乾，沾上沙律醬更美味。原來餐廳每逢星期日至四也會做生啤買二送一優惠，可惜我倆今晩也不想喝酒，本來想試試推介的金莎朱古力沙冰，可惜沒有貨，唯有點了益力多沙冰 ($42)。好喝噢！原來份量也不少，益力多味很重，酸酸甜甜的很開胃解渴。每一枱也會用石板放串燒，可以保持串燒的温度以免變冷，十分細心。燒玉子 ($15) 一份有四件，玉子很厚身，還很滑溜，味道像吃甜蛋。海鹽燒美國安格斯肉眼串 ($42) 燒得外面脆口，肉質嫩滑夠稔，一點韌也沒有，還有豐富的肉汁。我每次也會點牛舌，今次也不例外，點了海鹽燒皇牌牛舌 ($38)。皇牌果然是皇牌，牛舌很爽口，還煎得外脆內腍，牛味也很重，沾上泰式辣醬超惹味唷！一份有三塊，因為太好吃了，最後我只給了一塊寶寶嘻嘻！牛舌是必吃之選！燒美國珍寶生蠔 ($45/隻) 也未免太誇張了，我也未吃過這麼大的生蠔，像我手掌心一樣大，足六吋長呢！生蠔肥美鮮甜無比，肉很厚，半

成日都出尖沙咀，成日都同朋友約係尖沙咀食飯唯獨次次經過都冇發現呢間好野！太隱蔽喇，雖然都係地鋪，但係大廈入面！雖然大廈門口都有牌..不過唔緊要！今次終於見到又試到呢間隱世串燒店約7-8張檯唔算大，開房式廚房，見到廚師整緊野食同友人ORDER左一杯LIME SODA, 一杯雪梨水每枱都會送上一碟鱈魚乾食落脆卜卜，唔洗點沙律醬已經好好食！ 一流的佐酒小食！燒扇貝，好大隻，燒完鮮甜依然十足！黑松露焗什菇，好大份，黑松露味都幾濃，好似有少少牛油味！串燒終於出場喇！呢到有樣窩心野！就係每台都會放上一個鐵板, 當串燒燒好之後，服務員就會放上鐵板上，等D串燒冇咁易凍！唔會影響口感同味道，好貼心串燒叫左玉子 ，雞肉，雞翼，金菇肥牛，九菜，雞軟骨勁貼心咁，所有串燒都可以揀唔同既醬料去燒有日式BBQ沙嗲，估唔到連敉然都有得揀！推！！！！ 深海龍躉黑豚肉卷！一點魚腥味都冇！好特別！夾埋好好食！馬來西亞大蜆- 完全冇沙！ 好大粒！好肥美，燒得一D都唔乾，仲好鮮甜！焗芝士意大利蘑菇 - 蘑菇燒完仲有好多汁！芝士味好濃！ 茄子

串燒同啤酒永遠係分唔開 食一串飲一啖 同朋友傾下計 多麼寫意的一件事一串完又一串 食到停唔到口寶勒巷有部分都係酒吧形式嘅餐廳 喜膳燒原來都有酒飲 等我話你知有咩優惠啦1.星期一至四生啤 買二送一2.星期五、六 十點後生啤買一送一3.每日晚市 送你一客日本鱈魚乾4.facebook打卡會送燒菠蘿餐廳格調唔錯 細細哋 勝在夠溫暖 店員服務好 非常親切由於我係揸車人士 所以我就唔飲酒喇 叫咗杯益力多沙冰 酸酸咪咪下下火燒手打魚皮餃 第一次食燒魚皮餃 感覺幾有趣 外皮煙靭 加上秘製醬汁 好有風味炸焗芝士武藏蠔 生蠔先用脆漿炸過 再加上芝士一齊焗 聞到已經好香 外皮香脆蠔肉嫩滑焗魚卜 魚卜洗得好乾淨 加入清酒一齊焗 完全唔腥焗芝士意大利蘑菇 蘑菇燒完好多汁 一D都吾亁肉好厚 加埋芝士 食到心心眼山賊雞翼 雞翼上嘅調味用咗內蒙古既粉 風味十足焗田螺 薯蓉超綿 配合香草同田螺一齊食 非常夾 食物貴精不貴多 每樣都用心製作 喜歡飲啤酒 吹下水嘅朋友可以黎試下 凌晨二時才關門

串燒風盛行，基本上總有一間係左近。收工約左朋友尖沙咀食飯，決定去光顧OpenRice 大獲好評的串燒店，喜膳燒。行經寶勒巷，看見門面有大大易拉架標住喜膳燒，不算難搵，餐廳主打串燒烤物，可以和朋友飲下啤酒一邊傾計，一邊食下串燒小食。餐廳逢星期日至四，生啤做緊買2送1的優惠，好岩收工和朋友chill out～～～環境不算太，約七八張枱左右，但內裏裝潢設計有特色令人看得舒服，而半開放式的廚房，抬頭見到師傅們埋頭苦幹地燒串燒。一坐低點完食物，侍應已經送了份日本鱈魚干俾我地，未食已感到驚喜。鱈魚干脆卜卜幾香口，配埋沙律醬十分開胃。先黎海鹽燒秋葵，燒玉子，海鹽燒牛舌，牛舌果然係皇牌，牛舌烤得剛好，外脆內嫩，不會烤得過火過韌。最驚喜係餐廳把串燒放在熱石板上以保持食物的溫度，令食物不易冷掉失去風味，貼心照顧食客的需要。烤茄子遜色了少少，蒜蓉有點似未熟透帶不出茄子的味道，整體有點油膩燒煙肉鵪春蛋，肥美的煙肉包住爽彈的鵪春蛋，口感層次分明，一入口香氣四溢，滿足燒超甜菠蘿，菠蘿新鮮爽甜，加上玉桂糖霜去燒，有少少焦糖的口感，香甜多汁！燒山賊雞翼，加上大量的孜然粉及七味辣粉，烤得香脆可口，味道夠惹味濃郁泰式燒魚

其實真係有啲怕食串燒 因為食10間有9間都—樣 無論你嗌豬肉又好 羊肉又好 雞肉又好 其實都冇咩分別 因為淨係食到孜然粉嘅味道 經朋友嘅介紹下黎到喜膳燒 果然有驚喜喎 唔再係孜然味海鹽燒皇牌牛舌 牛舌厚度適中 帶點爽囗燒煙肉韭菜捲 煙肉鹹鹹香香 配上韭菜 好夾燒香甜車厘茄煙肉捲 咬開有驚喜 車厘茄水份多 有爆汁嘅感覺燒洋蔥 燒過嘅洋蔥特別甜 食落爽脆 沙嗲燒原條魚肚 呢個必食 魚肚吸收咗沙爹汁 咬落好juicy 之後帶點微辣 越食越想食鹅肝多士 麵包好脆 加上鵝肝同松露 口腔嘅味蕾久久不散玉子配上自家秘製醬汁 甜甜地幾特別 有點兒似吃甜品嘅感覺燒豬頸肉肉質爽口彈牙 加上沙嗲汁好惹味燒頂級墨魚丸 牛丸配上bbq汁錫紙包娃娃菜 必食之選 娃娃菜超級清甜 而且好林 配上蒜蓉馬來西亞大蜆 完全冇沙 肉質肥美鮮甜 燒得一啲都唔乾 餐廳入面嘅秘製醬汁 加唔少分 太開心喇終於唔再係咩食物都同一種味師傅用心每一串咁燒 要耐心等候唷

今晚同朋友黎食串燒店內裝潢好特別 牆身用大大隻扇貝及蠔殼砌成，細問之下原來佢地主打燒海鮮，隻隻都好似牆身既殼咁大隻！ 天花既燈貼滿行李貼紙，有心思！牆上寫滿特色串燒～點菜後店員送上餐前小食 - 燒北海道鱈魚干脆口！好食！串燒款式多，除左平時係串燒店食到既串燒外，仲有多款特色串燒如龍疐煙肉卷、燒厚魚肚同埋薯蓉焗田螺！老闆仲話逢星日至四 生啤有買二送一優惠！岩晒同朋友一邊飲啤酒食串燒，一邊傾計🍻

今日行過寶勒巷 見到個咁搶眼嘅易拉架 大大隻字寫住"喜膳燒" 開宗明義就係食燒物或者食串燒嘅地方啦 就決定同朋友食呢間啦 門口起碼放咗三至四個易拉架 夠曬搶眼 夠曬吸睛呢個仲要五顏六色 仲痴住咗隻扇貝殼同蠔殼入到鋪頭裝飾仲誇張 黐滿曬蠔殼同扇貝殼 夠曬特別 好切合餐廳嘅主題 店內座位唔多 但坐得幾舒服吹水點可以冇啤酒呀 1664 $78雞泡魚乾 $42外皮燒得香脆 魚香味重 加上秘製醬汁帶點甜味 送酒一流炸焗芝士武藏蠔3Pcs $65隻蠔果然好大隻 仲好新鮮 焗完之後仲好多汁 加上芝士 非常邪惡鹽燒脆雞皮 $36@2雞皮燒得勁脆 食落似食薯片好香囗燒秘製牛仔骨 $84牛仔骨厚度適中 有咬口 有豐富嘅牛香燒清香翠玉瓜 $30翠玉瓜多汁清甜日式胡麻醬烏冬$52 溏心蛋+$6 稻庭烏冬豬骨湯$52 溏心蛋+$6一個凍食 一個熱食 各有千秋 烏冬煙韌及富有彈性 咬口十足流心嘅蛋黃 蛋味香好潄滑 一定要加$6試下

FD子話帶我試新野，本身都無咩興趣，但試完之後後悔無早Ｄ跟佢黎呀～～～叫左唔算太多野食，但各樣都有水準～平時都好中意食牛仔骨，但唔係間間都好味，大部份都會整得好韌。不過呢間既牛仔骨真係唔錯，一食落口，係可以咬得開，唔會太老太韌，仲要好多肉汁，味道夠濃，真係幾唔錯。平時好少食海鮮，但朋友想食下，就叫左3隻炙燒日本赤蝦試下。燒得唔會太濃，蝦肉亦唔會太干，食落亦有蝦味，不錯不錯！豬頸肉串係食串燒必食的，呢間燒得都好有水準，豬頸肉唔會燒得太干，仲保持到肉汁。沙嗲味好濃，不過唔算太辣，最岩我尼種唔食得辣既人。如果中意食辣既人，可以試下秘製辣汁既串燒，朋友話好好食！本身對雞肉不是太大興趣，但見朋友食完再叫，我就跟埋又叫一串試下。又真係幾好食，雞肉唔會燒得太硬太干，食落口係真係有肉汁係裏面，雞肉串真係好食！最後叫左杯金莎朱古力沙冰作結～以為係金莎朱古力味既沙冰，點知係cream上面真係有粒金莎同朱古力碎，係幾特別。朱古力沙冰唔算太甜，味道岩岩好！

淘小姐同佢既朋友都十分喜歡日本，去完日本返到香港仍念念不忘日本既美食。上野食之前黎左個自家調配既汁，幾好味架！不過呢度食材十分新鮮，唔駛點汁原汁原味食都好正！一來職員送上鱈魚乾(原價＄42）平時小食鱈魚絲就食得多，燒過既鱈魚乾口感鬆脆，配少少沙律醬係超好食。食串燒唔配啤酒就晒左啦～呢度大路牌子既生啤都有，而且價錢合理，飲多幾杯都得！Asahi生啤＄68港式懷舊燒魷魚(原味)＄48一份魷魚切成好多好幼既魷魚絲，刀功都好厲害！入口有少少咸香，配wasabi豉油又幾特別喎！燒美國珍寶生蠔＄45一隻成隻手掌咁大，不禁"嘩"左一聲！肥美肉厚！加少少檸檬汁更帶出鮮味！燒特大扇貝(蒜蓉味)＄78兩隻唔單止係特大扇貝，蒜蓉都極多，配上蔥花超好食！肉厚，新鮮口感！十分有彈性。馬來西亞大蜆＄65 八隻唔知有冇人同我一樣好鍾意食完蜆肉會飲埋蜆殼入面既汁？好鮮味！大大隻！推介推介！焗田螺薯蓉$ 38雖然細細碟，卻令人一秒傾心！田螺肉都有成差不多十粒，薯蓉十分Creamy，個texture真係好滑！海鹽燒露荀＄28、海鹽燒秋葵＄24、海鹽燒美國安格斯肉眼串＄42@ 喜膳燒真係串燒專家，我第一次食串燒係用"熱石"

收工後好想食串燒，加杯啤酒輕鬆下，咁啱喺尖沙咀見到呢間喜膳燒做緊所有生啤買二送一，即刻二話不說地入左去試下先！坐底冇耐，侍應竟然送左一碟鱈魚乾，好香好脆，加埋沙律醬同七味粉，有少少辣仲惹味！串燒陸續燒好，附上一塊石板，原來塊石板好熱，係用黎保存串燒嘅溫度，等佢地唔會咁快凍曬！首先黎左串海鹽燒牛肩胛同和風燒豬頸肉。牛肩胛上嘅海鹽吊到牛本身嘅味道出黎，而且啲肉質仲好嫩好滑，完全唔鞋口！豬頸肉就好彈牙，配上和風汁，另有一番味道。坊間嘅豚肉卷大多係豚肉加蕃茄仔，喜膳燒呢度竟然有燒深海龍躉黑豚肉卷，感覺上好矜貴呀！龍躉依然仲係好滑溜，鮮味十足！黑松露鵝肝多士好脆好香，黑松露嘅份量絕對唔少，加埋鵝肝本身啲油爆曬出黎，好夾呀！另外要推介個燒白鱔，白鱔肥美，燒完啲肉仲好爽脆，一串仲有三大件，好抵食呀！泰式燒原隻魷魚好新鮮，跟左個泰式醬，唔算太辣，吊出個鮮味！最後叫左串海鹽燒籚筍同鹽燒韮菜，加埋日式胡麻醬涼拌稻庭烏冬溏心蛋作結。好飽好滿足嘅一餐呀！

寶勒巷的夜晚，充斥著熙來攘往的人們，這裡是第二個蘭桂芳，香港人比較多，所以食肆也相當多串燒餐廳通常都有清酒，如果想去間清吧再吃點東西，這裡會是不錯的選擇這是個十分出色的佐酒前菜, 加了點蛋黃醬的雞泡魚, 口感非常爽脆, 不像外間的煙韌感, 但味道卻絲毫不輸, 像極厚身的點的豬肉紙, 味道極為濃郁, 如果佐以白酒, 比如日式清酒, 坐一整晚都OK!這個叫燒馬來西亞大蜆的，真沒有叫錯，蜆超巨大，足有半隻手掌！蜆肉也算彈牙新鮮，$65有8大隻，算是頗抵吃燒白鱔燒到超級脆！外皮的口感像薯片，入面的魚肉稔身，非常好吃！最有趣的一定是魚肚(最右邊的)，有孜然粉的魚肚鬆鬆軟軟的，超juicy 又多汁，又唔似得酒樓咁咁多味精另一款的安格斯牛肉比較軟稔，非常好咬，調味不多牛肩肉肉味香濃，反而調味豐富，口感煙韌，令人十分喜愛玉子燒是最巧功夫的簡單菜色, 這裡做得不算過甜, 口感鬆軟得像蛋糕, 外面有一層薄薄的焦, 吃起來非常好咬, 一流!

星期一晚同fd子食串燒，作為串燒控的我真心欣賞喜膳燒 ！居酒屋的設計，除左多款啤酒（食串燒必備喇），重有好多日本酒可以選擇，送串燒一流。order完後，原來送個鱈魚乾，係燒過嫁！真係堅開心！暖暖地脆卜卜，正！叫左個港式懷舊燒魷魚又係送酒一流，塊魷魚係大size, 應該係略略炸一炸再燒，所以香口得來唔dry~之後就到主菜喇，燒海鮮同串燒個燒美國珍寶生蠔真係超大隻成隻手咁大，同支鉛筆一樣長！燒完都不失鮮味～跟住係燒扇貝 同 馬來西亞大蜆，強烈推介個蜆！新鮮好大隻好抵食！一碟有成 8隻串燒來說非常貼心，有個燒熱的石板載住d串燒，唔會好快就凍哂食完碟上幾串再上其餘的串燒有菜有肉，肉的串燒有唔少特色野，例如 煙肉韭菜卷，韭菜吸左煙肉的油膩very nice~燒迷你茄子，最初都唔明點解要燒迷你，食左啖先發現甜過平時個d咁多：）深海龍躉黑豚肉卷，香脆的燒肉包住鬆化的魚肉，係驚喜之作燒山賊雞翼都做得好好，少少辣加孜然粉好惹味叫左個手工之作：燒煙肉鵪春蛋，聽個名咁邪惡都知實好食入到口都無令人失望，一啖一粒，送酒最好！埋單 兩個人 7百蚊，食得好飽都有飲酒，總括來說非常滿意。

係喧鬧的尖沙咀中，想搵一個寧靜的食肆靜靜地食下野傾下計真係好困難好在有朋友介紹我去寶勒行既<喜膳燒>，食物高質之餘又靜靜地，岩晒怕嘈的我！係大廈門口有廣告板。行入小小就係舖頭門口，好易搵！舖內是簡單自然風格，沒有浮誇的裝修先來一個鱈魚干，這個是惠顧晚市送的。鱈魚干燒得很香脆，就像薄薄的餅乾一樣，味道有點像小時候常常吃的時xx魷魚絲一樣先來一個店長推介的燒特大蠔！嘩！成隻碟咁大，店長話足6吋長加埋青檸同普通檸檬吊一吊味，蠔味超重！勁鮮甜誇張到個地步係坐對面既老公都叫我唔好講野，話d蠔味攻到佢隻蠔滑溜溜的，而且肉質結實，味道不會過咸但保留到海水的鮮咸味，齒頰留香而另一個店長推介的燒大扇貝亦不得了！我點了蒜蓉燒，蒜香味滲晒入彈牙鮮味的扇貝肉，超正之後再來一個燒日本赤蝦，又係一隻超巨型生物！赤蝦外層燒到脆卜卜，再撒上鹽同七味粉調味，惹味非常！內裡蝦肉爽口彈牙，蝦味濃郁，配上蝦膏真係令人回味無窮接著我們點了燒原隻雞翼，其實有得揀用甚麼醬汁去燒，例如沙嗲，BBQ，鹽燒等。但我個選了孜然，因為硬是覺得雞翼要配孜然才是perfect 的果然無令我地失望！雞翼肉質結實嫩滑，有淡淡的孜然香