喜膳燒

Open Now

Now Closed

尖沙咀美食多羅羅，有時約食飯真係幾頭痛～不過上左OpenRice 見到新店大受好評，緊係要試下～尋到寶勒巷呢間小店～餐廳裝潢都幾別緻，有點似居酒屋的感覺～Menu 除了串燒外，還有烏冬、西班牙燴飯～飲品都有不同特飲和酒～燒馬來西亞大蜆8隻$65，入口仲好Juicy，有海水味，非常鮮甜～燒廣島蠔$48/3隻～肥美多汁，唔會腥，超級鮮味！！加左芝士醬都唔搶走鮮味，反而多左少少甜味！燒白鱔$58，燒得外皮脆卜卜，香噴噴，肉質軟滑～很有咬口～正！燒手打魚皮鮫$幾得別，有別於平日外皮軟，這個外皮酥脆，但內裡依舊很Juicy，口感特別，味道不錯～值得一試～日式胡麻涼伴烏冬$58，味道很棒～吃完其他小吃，這個味道也很濃的烏冬一點都不失色，涼伴既口感非常清爽，非常適合配埋燒烤一齊食～值得一提的是餐廳提供不同的特色飲品，除了可以喝酒外，還有其他選擇～聊聊天，吃個不一樣的也很滿足！

第一次係尖沙咀食串燒地點其實唔難搵，靠地圖就會亂係馬會個條街度 - 寶勒行一入到去燈光較暗裝修風格好日式，地方唔算大有好多款串燒供選擇同朋友一坐低就叫左兩杯雪梨水先^^又熱又口喝一點完單就有免費小食鱈魚乾，幾香口，好似食鱈魚餅乾咁岩曬送酒食物大概叫左沙嗲雞串/娃娃菜/燒玉子/腸仔/燒蠔/厚米每樣食物既味道都各有不同，會串串差不多味道我個人較喜愛就係燒芝士蠔,娃娃菜啦蠔就配料足，芝士夠娃娃菜味道濃郁玉子甜甜地都幾好食整體服務環境都好，食物多選擇等待時間唔耐，呢樣野係最緊要﹗

之前聽朋友講，呢間餐廳逢星期日至四嚟食，啤酒買二送一！咁啱今次嘅飯腳都係酒鬼所以我地就專登嚟試吓！我諗餐廳老闆應該係貼紙Fans！因為只要坐低後抬頭一晚，就會見到燈罩入面貼滿形形式式嘅貼紙，感覺warm得嚟，亦勾起不少童年回憶。另外，老闆為咗食客可以Keep住食到熱辣辣嘅串燒，所以佢為每枱客都準備咗一塊熱石板🔥，用嚟保持串燒嘅溫度！呢吓細心，真係加晒分！首先我地叫隻蒜蓉蒸扇貝$78/2隻，每隻都大大隻，食落好鮮甜，配埋蒜蓉同葱一齊食，食落更惹味海鹽燒美國安格斯肉眼串$42 ，火侯啱啱好，外層香脆，入面多汁，而且肉味濃郁，唔錯。朋友係一個雞翼控，差唔多每次見到雞翼都一定會叫，所以今次都唔例外我地前後一共點咗二款，試吓唔同味！呢個係籽然味$22，肉質嫩滑，而且好重籽然味，送酒唔錯！食雞全翼我最鍾意攞起嚟。成隻咬，感覺特別爽另一款係韓式辣汁$22，唔好講笑，食落都幾辣，不過同時都好惹味，所以配啤酒一流！之前喺朋友屋企食過一次燒雞泡魚干，點知一試難忘今次見到呢度有得叫，所以我地都叫一份! 口感有啲似厚身版魷魚絲, 但食落更香更惹味 ，沾埋我最鍾意嘅沙律醬一齊食，超正！同埋呢到嘅燒菠蘿$28真

又帶老爸去試新菜式。今次去食串燒。因為我們7點幾就到，人不多。這是兩人份的串燒海鮮拼盤。食物是用熱石長期溫熱著的，所以慢慢吃食物也不會變冷。海鮮很新鮮，件件都大大隻，一份海鮮併盤有一隻生蠔、一隻扇貝、一隻虎蝦、蜆等。我們還點了其他串燒及一條泰式燒魚。泰式燒魚有秘製醬汁，點魚吃真的好好味，而且條魚沒有太多骨，老爸也吃到。其他串燒一燒好就會幫你放在熱石上，所以不用心急吃啊！由於老人家要有飯吃才覺得飽肚。老闆專誠為他炮製了西班牙海鮮蕃茄蓉燴飯，配9吋長虎蝦。隻蝦有手掌般大，而且西班牙飯口感一流，還有濃濃的蕃茄味！結帳時還送贈鱈魚乾，魚乾烤得好香脆，是會令人食上癮的小吃，因為太好味了。

同男朋友睇完戲之後，又到最頭痕嘅時間，就係要搵地方食飯啦！行過見到呢間串燒店，寫住「現憑電影戲票或者演唱會門票，於晚市時段，全部食客有85折」嘅字樣，諗住横掂未食過，而且又啱啱睇完戲有折，所以就嚟試吓！餐廳比較細，只有幾張枱。不過我就係鍾意呢啲小店，因為老闆往往都會比較用心做，老闆用心，客人自然食得開心一坐得，老闆就送咗呢碟燒鱈魚干比我地！面層燒到微微帶脆，點埋沙律醬一齊食，正炙燒赤蝦$58/3隻，大大隻，蝦肉爽口彈牙，配埋微微帶辣嘅調味粉一齊食，食落好惹味食親呢啲嘢，唔知點解就好想飲酒，所以梗係要叫番杯嚟啤啤佢。我要咗呢支嚟自英國嘅Apple Cider ，酒味唔會好濃，飲落甜甜地、酸酸地、又帶啲蘋果味，幾啱女仔飲！之後點咗海鹽燒牛舌$38，比想像中厚身，食落爽口得嚟唔會韌，口感好好；另外由於用咗海鹽調味，牛舌嘅鮮味即時提升，好啱送酒跟住就到燒鵪春蛋啦，一串$18有4粒！唔好以為簡簡單單就無驚喜，一咬開，每粒都爆汁的😈外層微微帶焦，連埋半溶嘅蛋汁一齊食，好滋味！最後到芝士意大利蘑菇$48，超足料！成個菇面都係芝士，除咗蘑菇外，仲有洋蔥同煙肉，口感好豐富兩個人咁樣睇完戲，再食吓好嘢，摸

上星期又同朋友去咗尖沙嘴行街，順便係附近食埋飯先回家，搵吓有乜特色食物，行行吓又見到間係專食串燒食店同埋仲有酒飲而家仲有買生啤優惠買2送1，又見到串燒種類繁多啱晒我口味，仲未講呢間食店位於寶勒巷地點相當放便。先點咗必試推介燒雞泡魚干，魚干燒得非常香脆，入口仲有陣陣魚味，點埋醬食更正另一款黑松露鵝肝多士，香濃黑松露灑係鵝肝面上，鵝肝面層金黃肉質肥美又厚身，入口滑溜飽滿，連埋多士一齊食更完美到海鹽燒美國安格斯肉眼串，安格斯肉質嫩滑，海鹽提升肉嘅鮮味，食入口更香濃食完安格斯再來燒紐西蘭西冷牛肉串，香濃嘅汁已淋係西冷牛肉串上，食落肉質鬆軟彈囗好入味緊接係西班牙海鮮飯，材料有青口/帆立貝&海蝦，先食咗啖飯入口飯粒黏口好入味，其他配菜一樣咁鮮味，真係食到停唔到口話咁快又食咗咁多種口味，係時候食D甜品中和一下，點咗炸一口紫薯，香脆表層內裹仲熱辣辣紫薯蓉，入口香甜濃郁又咁快食完一餐豐盛嘅串燒

呢期又去咗尖沙嘴開餐，皆因呢度都有好多美食選擇，不過要捐窿捐那先至搵到，有D係橫街窄巷同埋商業大廈裏面，真係可遇不可求，或者係從朋友口中食過先知道，唔係真係幾難有機會食得到，至於今次係食串燒，位於寶勒巷一棟商業大廈地下裏面，好容易會行過咗都唔知道真係要望真D來得食串燒梗係要飲番杯酒一邊食一邊飲，而家仲有優惠買2送1添，至於串燒種類都有好多種，有海鮮&牛肉&羊肉&特色串燒&肉類&丸/腸/餃&佐酒小食/炸物/涼拌及蔬菜瓜果類等等先點咗必食推介燒深海龍躉黑豚肉卷，龍𧄌魚肉肉厚鮮甜香嫩配埋黑豚肉肥美，入口好爽口彈牙，到黑胡椒燒肥腸，未食已聞香濃嘅黑胡椒味道，肥腸面層香脆，腸裏脂肪飽滿又香甜之後係燒紐西蘭西冷牛肉串配（韓式辣汁），牛肉肉質鬆軟滑溜，配埋辣汁食又幾嘢味另一款燒秘製牛仔骨，燒得時間啱啱好，入口肉質嫩滑多汁再來係南韓式炸雞雙拼（雞鎚&雞粒），炸雞面層炸得金黃香脆，雞肉入口啖淡肉又白滑，相當入味可口輪到燒白鱔，未食已見到白鱔肉質豐厚魚皮又燒得香脆，到食落口皮脆肉嫩啖啖魚油係白鱔肉中散發出來停溜口腔，燒得非常出色最後食埋燒肉桂焦糖金菠蘿，金菠蘿表層有肉桂味加上焦糖醬，入口香甜又香脆，金菠蘿

星期日的晚上經過尖沙咀寶勒巷, 偶然睇到間餐廳叫”喜膳燒”, 它門外的街招好吸引, 街招上介紹餐廳主打燒烤, 有燒龍躉皮, 有燒海鮮, 有燒蠔等等, 突然間好想試下燒物, 正好行到攰攰地, 個肚又正想食D嘢, 於是入內休息兼醫肚。 入到店內, 見到吧枱上摆滿各式各樣的酒類, 高高矮矮的枱櫈在店內任君選擇, 喜歡座高些同朋友飲幾杯吹水的, 有高枱高櫈, 鍾意座矮D, 又有平常高低的枱櫈供你選擇, 唔錯！於是我揀了張高脚枱來座， 都好舒適。 口渴當然第一時間叫嘢飲, D啤酒買二送一, 好抵, 咁係叫啤酒啦! 何況啤酒配燒物是絕配。大大杯的啤酒好快送上來，啜一啖，哇！冰凉透心，酒味香醇！在今天這酷熱的天氣飲這啤酒，成個人感覺好凉好爽，真係要俾個like這透心凉的冰凍啤酒。 叫了好幾款串燒及小食，第一款上來的涼拌牛脷已令我惊嘆, 原來這小店都有如此好味道的涼拌菜, 牛脷爽口, 再加上小小麻, 小小辣的秘制醬汁, 話明涼拌菜就咁係涼涼地啦, 這味小食正是涼得來又香又辣, 在這熱辣辣的天時, 一杯冰涷啤, 一碟開胃小食, 已完全打開你的胃口, 勁正! 跟住, D燒物陸陸續續上來了, 燒午餐肉, 我

返左成個星期工，星期五輕鬆下，就諗住同班朋友搵個地方吹下水，食下野，飲下酒，就黎到依間串燒店。依道食物種類好多，仲有好多海鮮揀tim，咁我地就當然試下佢地d招牌菜先馬來西亞大蜆，真係名符其實，每一隻都大大隻，冇落到好多調味料，所以食到佢既鮮味，爽口鮮甜之後就黎到美國珍寶生蠔，嘩，真係好好好大隻呀，仲大過一隻手掌，我地嗌左一人一隻，落少少檸檬汁，淡淡地又食到佢既新鮮，正！！因為我地太鐘意食蠔啦，所以就再嗌左芝士焗蠔，佢size當然冇岩岩個隻咁大，但都大大隻架，比起岩岩個隻，佢會比較惹味，因為落左好多配料去煮再黎就係扇貝，依道每樣海鮮都大份足料，抵食！食完一大輪海鮮，就試下其他燒物啦燒玉子，甜甜地，面頭有燒過，幾香脆，口感好好燒肥腸，真係太邪惡啦，佢燒到好香脆，中間帶有肥膏，好有咬口，送酒一流，而且佢清潔得好乾淨，唔會有蘇味估唔到依道會有鵝肝多士食，一人一件先！多士烤到好脆，面鵝盰油脂岩岩好，兩樣野好match!其他雞翼，雞肉串，雜菌，都唔錯，用黎慢慢送酒傾計就一流我地咁就係道傾左成晚計，下次可以再黎過

時常覺得，串燒、燒烤是屬於男人的浪漫。難得相約到不同的朋友出來吃飯，串燒自然是不二之選。尖沙咀是眾人收工的一個好地方，山林道 (謝安琪首歌) 亦交通方便。燒迷利茄子仔 $22配上大量蒜蓉，燒起上來十分香口，但無奈份量不夠大，所以吃起上來還差一點點爽 不過帶出了茄子的味道，很不錯。燒深海龍躉黑豚肉卷3件 $58魚肉很新鮮，而配上黑豚肉之下，十分香口。外層脆脆之外，而內魚亦十分新鮮。三隻燒廣島生蠔 (芝士焗) $48價錢來說，十分值得。因為廣島蠔很新鮮，吃起上來，一陣陣海水味都可以吃到。加上芝士味道，味道十分複雜，值得encore!!泰式燒魚 $98燒魚絕對是bbq 之選，因為燒後鮮味十足，而魚身加上香葉之下，變得不腥，而且魚身十分香口鮮滑。鹽燒之下，變得十分乾身，很入味，相當不錯。

自從年紀大血壓高，幾乎戒酒咁滯，都好少再來寶勒巷呢邊，以往來親都係約朋友飲兩杯。上星期重遊，冇飲酒，反而兩個人去食串燒。呢間喜膳燒位置喺大廈入口近lift位，其實都比較隱蔽，好彩門口都有廣告牌，唔算難揾。眼見大約廿多個座位，唔會逼狹，可以睇住㕑師一路燒，一路食，爽。環境就暗少少，所以影相都唔會靚喇。鍾意飲酒嘅朋友無論啤酒，cocktail同埋紅白酒都有唔少選擇，而且週日至週四生啤係買二送一！唔飲酒嘅就可以飲汽水，沙冰同一啲梳打都可以滿足到唔同人嘅需要。整體來講水準唔錯，價錢中上，唔似大陸式燒烤，放工happy hour唔錯嘅選擇坐低冇耐有燒鱈魚等客人食住等，free的，香口唔乾。食物除左海鮮、肉類、丸腸類同埋蔬菜，仲有幾款必試推介，我地都有試到。點左兩款包括煙肉雜菇芝士意大利大蘑菇同埋法式牛油蒜蓉焗田螺，燒蘑菇上面放咗煙肉，雜菇同芝士，料好足，燒得唔乾仲有啲汁幾好食。本身幾喜歡食焗田螺，呢度個田螺味道都唔錯，有五六粒，再加埋墊底嘅薯蓉都做得幾滑，不過略嫌唔夠牛油味。海鮮方面我地點左燒馬來西亞大蜆同埋燒白鱔，大蜆有八隻，冇加任何調味去燒，反而突顯到蜆嘅鮮味，再加上都幾厚肉同新鮮，最後點埋

短短嘅一條寶勒行，最有記憶點當然係馬會同麥當勞啦，但其實兩旁都有好多酒吧同埋食肆，有啲甚至係樓上鋪添。今次去呢間喜膳燒就喺馬會行前啲嘅一座商廈地下，位置唔太當眼，所以事前睇過好多食評都話此店好隱世，個人認為唔算難找，只係藏身角落中，比較隱蔽而已。小店地方唔算大，有幾張高枱高櫈，酒吧格局。食物款式不少，有海鮮、肉類、丸類、炸物、蔬菜、涼拌、烏冬、飯、小食等，定價正常，同一般香港食到嘅串燒店差不多。串燒部份可以自選調味或醬汁，例如秘製辣汁、沙嗲、BBQ、和風醬，唔係淨係得孜然粉、辣粉呢！飲品方面以酒類較多選擇，而且星期日至四惠顧，生啤有買二送一優惠，收工黎同朋友飲兩杯，食幾串，吹下水都唔錯鱈魚乾：點單後，店員就送上鱈魚乾，原來係送嘅，魚乾烤得香脆，點左酒嘅朋友可以佐酒。燒馬來西亞大蜆 $65：共有8隻，蜆size唔算好大，但蜆肉飽滿冇沙，配上自制泰式酸辣汁，鮮味十足法式牛油蒜蓉焗田螺 $38：田螺焗得夠香，薯蓉滑溜，份量適中，唔會太飽膩煙肉什菇芝士意大利大蘑菇 $48：材料夠多，芝士味香濃，口感豐富，大菇唔會燒得太乾身，食落非常juicy，好食燒秘製牛仔骨 $42：牛仔骨幾厚肉，而且燒得幾

尖沙咀有個地方可以一邊食到滋味即叫即整既串燒又可以飲到啤酒！店員說啤酒仲係買2送1添wo我眼睛發亮了仲有1664blanc清甜花香味又夠哂大杯易入口！抵呀鱈魚干，用黎餐前小食送酒一流燒到香脆鮮味馬來西亞大蜆，每隻都有濃濃既海水味原汁原味食出海鮮既真諦燒特大扇貝，大量蒜蓉香葱作為調味扇貝厚肉肥大裙邊位置爽彈入味濃濃既蒜香真係非常惹味，扇貝肉鮮嫩好味實在令人期待鵝肝多士上層有粒松露~添加了芳香更濃味鵝肝嫩滑香口唔會好油膩多士香脆~整體非常金菇肥牛卷，特製汁醬非常惹味！！牛肉剛熟唔會乾身！金菇清爽~食落口感好正店鋪雖小但食物夠哂多選擇

宵夜時段最岩食串燒 啤一啤 平時見到哩間六日都好多人 今日就一於試一試 鋪頭唔大 但裝修到好溫馨 好似啲日本小店由於係即叫即燒 所以都要等耐少少 但可以食到即燒串燒 等耐少少都值！串燒擺係一塊保溫版上面 唔會咁易凍哂 慢慢食都得 好細心！原條魚肚HKD38用沙嗲燒好入味同好淋！安格斯肉眼串 HKD42燒到好有juicy的感覺燒山賊雞翼(三隻） HKD32見到餐牌上係強烈推介 果然冇介紹錯 孜然味超重 一擺上台就好香！脆雞皮 HKD18第一次食燒雞皮 燒到引脆卜卜 但又唔會好乾 送酒一流鱈魚干 HKD42鱈魚味好濃 但又唔會鹹燒煙肉韭菜卷HKD24食串燒冇理由唔食韭菜 如果覺得淨係食韭菜太寡 加埋煙肉就岩岩好 鹹鹹地夠入味其他蔬菜類都好好味！一口甜薯HKD22、露筍HKD28 、燒秋葵 HKD24

之前已經聽朋友講過寶勒行有間隱世串燒店，尋日就係同兩個好朋友放工去試下。點菜是用紙的，可以慢慢揀，而且選擇非常多，分類仔細，十分方便！落完單，食物會隔一陣先送到， 而且唔會一次過送晒上黎，最適合同朋友一路傾偈一路食。店家先送上鱈魚乾，暖暖的脆脆的，非常好食。另外雞泡魚乾也是值得推介。牛舌肉質軟，十分入味，飲酒必點！牛肩燒得有肉汁唔太un，多春魚亦都保持整條原整唔會太乾。另外仲點左個深海龍躉黑豚肉卷，用黑豚肉包住舊龍躉黎燒，真係估唔到個味原來都幾夾！原隻魷魚非常鮮嫩，配上泰式汁，簡直一流！餐廳好似係標榜出名燒蠔，咁就梗係要試下。點左芝士燒廣島蠔，芝士與生蠔配搭得當，唔會遮左任何一邊嘅味，所以極度推薦。食串燒又點可以冇啤酒？ 最近餐廳做緊優惠，星期日至四 生啤買二送一，真係非常著數食野最緊要服務好同環境好，依間餐廳絕對做到，下次一定會再黎食！