自己人

Open Now

Now Closed

家人很喜歡吃潮州菜，收到風荃新天地新開左間「自己人」潮州菜館潮住登場。今晚同家人來晚飯，一入店，傳統潮州風情同現代時尚設計完美結合嘅裝修風格，舒適且有創意。除了潮州菜式，更有多款手工點心，一於試吓。🔸鳳梨雀仔:雀仔造型加上雀籠上枱，打卡必點。外皮酥脆，內餡酸甜，我鍾意！🔸金魚戲水（湯餃):湯餃造型精緻，就像金魚喺水中游動，湯汁鮮美，餡料十足。🔸黑蒜帶子燒賣:黑蒜香濃，帶子鮮甜，兩者結合，味道獨特。🔸鳳眼蝦餃：造型似鳳眼，蝦餃皮薄而彈牙，蝦仁鮮嫩多汁。🔸油柑燉角螺:這個燉湯非常特別，油柑清新，角螺鮮美，湯汁醇厚。🔸原隻龍蝦酥（椒麻龍蝦酥):原隻龍蝦造型，龍蝦肉鮮嫩，椒麻味恰到好處，香而不膩。🔸老菜脯海鮮粥: 粥底綿滑，海鮮新鮮，老菜脯嘅鹹香為整碗粥增添咗不少風味。還有滷水拼盤、潮汕炸乳鴿，紫菜炒飯等都好好味。飲品更有多款手搖果茶等，而且杯子上有迷你茶壺🫖及噴霧的杯蓋，非常可愛呢！

不正宗潮菜鵝片好鹹，鹵水得鹹味，荔枝丸超難食，蝦乾香葱麵不如茶餐廳味道，總評差評！話用OPENRICE訂位有9折，但原來要成為會員才可有9折優惠，都不會再來吃了不想成會員，但为了9折都登記會員，慳番少少

見到有新餐廳，決定同屋企人母親節試一試除咗單點，仲有不同嘅母親節餐.🐤鳳梨雀仔造型係雀仔，仲有一個鳥籠，超級打卡😍好似食緊鳳梨酥咁，100分甜品🦞原隻龍蝦酥（椒麻龍蝦酥）估唔到佢真係用返龍蝦造型，而中間就係龍蝦酥外皮金黃酥脆，裡面包住新鮮嘅龍蝦肉🔴鮮荔枝球望落去完全係荔枝造型，外脆內滿滿鮮蝦🦐陳年花雕醉蝦蝦肉鮮嫩，花雕酒香濃郁有幾隻仲有膏同埋蝦子🦀潮汕生醃蟹每一隻都有蟹膏，超鮮味調味都到位，配白飯食啱晒

平時同長輩飲茶一定係廣東點心，今次黎個特別啲既，去荃新天地試下呢間潮州菜酒樓。椒鹽原隻八爪魚，好可愛呀，外面椒鹽炸面又薄又脆，裡面八爪魚好爽口。潮汕蠔洛，配酸辣醬、魚露，上面係炸脆卜卜，中間有好多蠔仔，粒粒都肥美多肉，底層就係蛋餅。荔枝鴨屎香冰茶，用加大size 啤酒杯裝，裏面仲有荔枝肉，好飲過岀面既手搖泡椒乳鴿，唔同平時燒乳鴿，食落少辣，肉好嫩皮好滑，蝦乾香蔥麵，炸蔥好食，麵條彈牙。陳年花雕醉蝦，好有酒香，蝦肉浸完酒都好彈，蝦頭好入味，好多蝦膏，好似蛋黃咁。鐵板麻辣小籠包，肉餡帶微麻辣，幾特別。

🙋🏻‍♂️餓底探員去咗荃灣調查呢間潮州菜，呢間餐廳最近新開張，叫”GAGINANG”，係潮州話”自己人”咁解，主打精緻點心，燉湯，頭盤，小炒，粉麵等，以新派風格呈現，仲有手搖茶，手工啤同咖啡多款飲品，食過你就係”自己人”🐡金魚戲水 $49🙋🏻‍♂️表示湯餃包成金魚造型，好似喺池塘中戲水，非常可愛，煙韌外皮包住爽彈蝦肉，配上清甜高湯🦐鳳眼蝦餃 $39🙋🏻‍♂️表示外皮煙韌包住原隻大蝦，爽口彈牙，加上黑魚子，蝦餃食落充滿鮮味🥟流心燒賣 $39🙋🏻‍♂️表示香軟嘅豬肉燒賣咬開有麻辣流心，麻辣味令燒賣更加提鮮，食用時小心爆汁🫔雪茄春卷 $39🙋🏻‍♂️表示春卷以雪茄呈現，造型神還原，脆皮外皮卷住鮮甜蝦肉，配上麻辣醬汁，加上黑芝麻粒，造型同味道都好正🍐小小梨子 $39🙋🏻‍♂️表示鹹水角以梨子造型呈現，軟糯外皮入面有黑椒牛肉粒，香濃惹味，配上爆谷粒令層次更豐富，好有驚喜🍒鮮荔枝球 $39🙋🏻‍♂️表示荔枝球外脆內軟，咬開有蝦肉粒加上清甜荔枝香味，配搭特別🦪油柑燉鮑魚 $69 🐚油柑燉角螺 $69🙋🏻‍♂️表示兩款燉湯同樣加入油柑，油柑爽口酸甜，湯味清爽甘香，鮑魚口感煙韌，角螺口感爽口，各有特色🦐陳年花雕醉蝦 $

荃新天地新餐廳「自己人」主打新派潮州料理的餐廳，入面空間超大，座位極多。推介佢地近露台位置，可以睇到成個商場，感覺舒適極具空間感。菜色好特別，係傳統潮州風味，融入新派煮法。滷水鵝片滷水鵝片，色澤靚厚薄適中細嫩滑順，滷水味道剛剛好，底部仲有啲豆腐吸收晒啲汁yumm鳳眼蝦餃橙色顏色超靚😻大大粒外皮薄但又好彈性，超爆多蝦肉，勁香🫶🏻潮汕蠔烙勁大件香噴噴，用上了新鮮蠔仔，食嘅時候再蘸上魚露，咸香果十足。麻辣小籠包超級推介外脆內軟，大家小心一咬落去會噴晒啲汁出嚟🙀醬汁香香辣辣有辣感，好食！佢哋最特別之處係中式酒樓有咖啡、台式特飲等等超多選擇，叫咗杯之後仲可以免一個茶位，真心超抵超抵！

[ 自己人GAGINANG ]荃灣荃新天地1期新開業呢間新派潮州手工菜，餐牌食物多元化，有頭盤、燉湯、小炒、點心、飯麵、甜品、飲品😋😋，大廚特別推介✿ 沙嗲鵝腸 $99鵝腸處理得乾淨，爽脆彈牙，裹著香濃沙嗲花生醬，白合嘅清新中和濃厚醬汁。頭盤✿ 滷水鵝片🪿 $89鵝肉肉質細嫩，滷汁鹹香適中，帶有淡淡香料味，入口柔軟而不失嚼勁。✿ 滷水鵝肝 $129厚切鵝肝口感綿密，滷汁嘅鹹鮮滲透其中，入口即化。✿ 潮汕生醃蝦 $129蝦肉口感爽脆🦐🦐，蒜香🧄、辣椒🌶️與魚露調味恰到好處，保留蝦肉嘅原始鮮甜，潮式風味濃厚，開胃至極。 小炒✿ 當紅雞軟骨 $89雞軟骨份量都幾多，炸得金黃酥脆，外層裹上微辣調味粉。✿ 椒鹽原隻八爪魚🐙 $99八爪魚炸得外酥內嫩彈牙，椒鹽香氣十足。點心✿ 鳳梨雀仔🐦(3件) $39點心造型精緻，外皮酥脆，內餡係酸甜鳳梨果肉，清新解膩。✿ 黑蒜帶子燒賣(3件) $39傳統燒賣基礎上加入黑蒜及帶子，口感豐富。✿ 鐵板麻辣小籠包(6件) $49小籠包包裹著熱辣湯汁，一咬爆汁，麻辣過癮，顛覆了對小籠包嘅傳統印象。✿ 金魚戲水(湯餃)(2件) $49點心造型栩栩如生，蝦餃內餡與湯頭清澈鮮

收據：荃新天地新開嘅新派點心中菜。新開張全單9折，唔訂位食唔到🤯。🔸孜然羊排 $149羊皮炸到脆口，羊肉又嫩又多肉汁，油脂少少羶。孜然、炸蒜嘅調味超香超惹味。🔸焗原隻百合（5隻） $129百合焗到粉粉腍腍，味道清甜，甚至有少少解膩感覺。🔸青花椒和牛 $189和牛呈現好靚嘅淡粉紅色，口感軟嫩，吸收晒花椒油嘅香味，味道麻麻地唔會好刺激。🔸油柑燉鮑魚 $69湯底味道清甜，一開頭會覺得芫荽嘅味道好出，但放耐啲油甘嘅酸味就會出嚟。🔸金魚戲水（湯餃）（2件）$49金魚形狀嘅蝦餃，餡料超飽滿，幾乎全部都係鮮蝦。🔸黑蒜帶子燒賣（3件) $39帶子要加埋蝦餡，味道好鮮甜。配黑蒜比想像中易入口。🔸雪茄春卷（3件）$39估唔到係酸菜魚餡！魚片口感嫩滑，淡淡嘅酸菜味道，少少辣，仲有啲花椒香。🔸滷水鵝片 $89咁大份估唔到墊底嘅豆腐得好少😆。鵝肉彈牙唔硬，唔會肥到要lur皮。🔸陳年花雕醉蝦 $99用嘅係彈牙嘅大頭蝦，有啲仲係抱卵蝦！蝦肉嘅酒味冇想像中咁重。🔸伍仁豆腐 $39糖不甩嘅炸豆腐版本，唔似糯米咁頂胃。

🍽自己人 (荃灣)📍荃灣楊屋道1號荃新天地UG樓UG43&81號舖好耐冇嚟荃灣呢邊行吓，今晚行完街就同屋企人喺度開餐，好好味嘅潮州菜呀👍點心最深刻的係下面呢兩款❤️：～黑蒜帶子燒賣帶子燒賣鮮甜飽滿，黑蒜香醇濃郁，傳統點心華麗變身呀！ ～鮮荔枝球好可愛嘅荔枝造型，煙煙韌韌的外皮包著彈牙鮮蝦餡，創意與美味雙重驚喜！ 另外呢兩個潮州菜都非常出色😍～潮汕生醃蝦鮮味爆棚🦐🔥蝦肉爽彈，醃製後完全入晒味，蒜蓉、辣椒同香菜嘅搭配令味道層次分明，鹹香微辣，食落去好開胃😄 呢道菜真係潮汕風味十足，食過返尋味！👍🥢 ～滷水鵝肝香濃滑溜，入口即化🐚🔥 鵝肝用滷水慢慢浸煮，好入味，每啖都充滿濃郁鵝肝香！😋搭配青瓜片同紅椒絲，清新解膩，令口感更加平衡！🥒🌶️ 整體嚟講，呢道啲嘢食色香味俱全，服務員態度殷勤有禮，我哋食得好開心，絕對值得一試👍✨

一入到荃灣楊屋道嘅「自己人」GAGINANG，即刻聞到香噴噴嘅辣味同點心香！今次試咗幾款必食菜，辣友同唔食辣嘅朋友都啱晒～ 🌶️小辣系列： 🦞 原隻龍蝦酥（椒麻龍蝦酥） $148 軟酥皮脆到入口即化，龍蝦肉餡彈牙又帶椒麻香，食完嘴唇跳舞！ 🔥 泡椒乳鴿 $69 凍乳鴿皮脆肉嫩，泡椒汁滲入骨，辣得過癮～ 🥟 鐵板麻辣小籠包（6件） $49 鐵板「滋滋」上枱，爆汁小籠包帶些微麻辣勁，小心燙嘴！ 🐑 孜然羊排 $149 羊排啖啖肉，孜然香夾重炸蒜味，食到停唔到口！ ✨不辣精選： 🐐 白切東山羊 $129 羊肉凍，蘸秘製醬油鮮味爆燈！ 🍠 豆漿蟹肉蕃薯葉苗 $89 豆漿般清甜的蟹肉+蕃薯葉好清潤～ 🦢 黑天鵝酥 $39 打卡必點！黑酥皮包住韮菜豬肉餡，靚到唔捨得食～ 🍤 鳳限蝦餃（3件） $39 蝦肉大大粒，皮薄透光，即叫即蒸夠熱辣！ 🌸 鮮荔枝球（3件） $39 外脆內流心，荔枝味超清甜，女仔最愛！ ✅ 茶位 $15/位 👉🏻 荃灣街坊飯堂，份量足又抵食，約埋班Friend一齊掃枱啦～ #自己人荃灣 #荃灣美食 #港式點心 #辣到飛起 #龍蝦控 #

住開荃灣區先知道新開咗一間潮式餐廳，個名仲叫做自己人（Gaginang)👯‍♀️好鬼馬，有點心同潮州特色菜，見到門口大排長龍，就睇吓佢有咩咁特別。一入到去已經滿座，而且見每個人都有點啲好特別既點心，所以我都唔執輸跟住啲人點茶。金魚戲水湯餃 🥟🐡Shrimp & Pork Dumplings in clear broth呢個製作需時，但一上菜好特別，因為有兩條金魚喺啲湯到游下游下。食落就好似食緊蝦既湯餃，造型好吸引。雪茄春卷 🚬🌯Fried Spring Rolls with Spicy Fish Fillets 估佢唔到，原來真係辣辣地，仲要係流心既，外皮好脆，估唔到春卷都可以有麻辣。鳳梨雀仔 🍍🐤✨Pineapple Pastry我覺得呢個鳳梨雀仔做得非常出色，因為個酥皮好軟熟，而且個菠蘿餡味好出，好似食緊鳳梨酥咁！潮汕生醃蟹 🦀✨Marinated Raw Crab我最期待嘅生醃蟹，真係第一次食潮汕嘅生醃，啖啖膏同肉，唔會好似韓國嗰隻死咸，都幾鮮味，配飯一流。滷水鵝肝 🦆✨Spiced Goose Liver with Marinade 鵝肝份量都唔少，而且非常入味，仲要非常軟熟！鐵

呢間餐廳主打新派潮州手工菜🍴食物賣相精緻有水準 新開張已經長期爆滿✨.📌金魚戲水(湯餃)(2件) $49金魚造型蝦餃超可愛🐠再放入鹹香清湯中 好似游緊水咁🍲內餡飽滿 蝦仁爽彈鮮甜🦐但略嫌外皮偏厚實🥟.📌鳳梨雀仔(3件) $39鳳梨酥整成雀仔形狀 再用鳥籠裝住 超逼真🐤外層金黃鬆化 啖啖牛油香甜味🧈鳳梨餡酸甜煙韌 清新唔膩🍍.📌鮮荔枝球(3件) $39糯米皮沾上米通炸 酥脆Q軟又香甜🍡內餡係鹹香芝士+爽彈蝦粒 層次豐富🧀🦐.📌紅寶石粉果(3件) $39紅菜頭水晶皮透薄Q軟❤️配以雜菇粒同黑松露 菌香十足🍄‍🟫.📌翡翠石榴果(3隻) $39鮮蝦菜苗餃整成福袋形狀💰水晶皮Q軟煙韌 但偏厚🥟菜苗鮮綠軟嫩🥬蝦仁爽彈鮮甜🦐.📌滷水鵝片 $89唔少得潮州菜經典🌟鵝肉好入味 滷水鹹香恰到好處💯肉質扎實嫩口 鵝皮軟滑🦢底下仲有兩件香滑厚切滷水豆腐🤍.📌魚翅撈飯(位上) $169以為係成煲魚翅 點知得面頭嗰兩梳👀不過拌以炒飯底有驚喜 好夠鑊氣🔥上湯扣得濃稠香滑 撈勻食又幾正👅配有一碗白飯 分明乾爽 可自行調節米飯濕潤度🍚.📌豆漿蟹肉蕃薯葉苗 $89嗰日冇晒豆漿 轉左蛋白蟹肉🥚醬汁濃稠香滑 食到唔少蟹肉 冇

餐廳門口不算好大，行入去內有乾坤，原來裡面好大好寛闊空間感十足，有卡位亦有長枱位，坐位好舒服，有一邊是落地大玻璃透光度很高。有幾幅大壁畫，中式藝術感十足。 金魚戲水（湯餃 ）賣相造型超吸睛😍 好似兩條金魚游緊水， 餡似蝦餃一樣爽口，小朋友見到讓住要食😆 鳳眼蝦餃 。 蝦肉大大隻新鮮爽口，配埋魚子粒令味道更鮮美。 鮮荔枝球 。 荔枝球外形十分像真，外圍粒粒脆卜卜，皮煙韌煙韌，內包著蝦粒口感豐富😊 雪茄春卷 。玩味十足的春卷，外皮脆內餡魚肉帶有淡淡花椒香味。 鳳梨雀仔。一盅兩件可以帶埋鳥籠撚雀了😆 雀仔做型可愛，鳳梨餡甜甜地似食緊鳳凰酥😋鹵水鵝片 。 鵝肉鮮香軟熟，鹵水香濃，每片鵝片啖啖肉😋 羊肚菌燉螺頭湯。 店員先放下小爐點火，熱住盅湯，十分足料，味道一樣十足😋 最估唔到飲中茶外，仲可以飲到特色手搖茶，水果茶，咖啡，香港制啤酒，叫了手打鴨屎香檸檬茶，茶壺原來放了乾冰會噴出煙，視覺十足，茶味甘香濃檸味十足，後生仔女洗怕同老人家去飲中茶了。 每一味菜手工及賣相都好精緻，令人感受到師傅們的用心🥰

今晚同個Friend去咗荃灣楊屋道嘅荃新天地，諗住搵啲嘢食下。行行下，見到間叫「自己人」嘅餐廳，門面都幾靚，咪入去食下囉。一坐低，嘩，個Menu都幾多嘢揀喎！我哋諗咗好耐，最後決定叫咗幾樣招牌菜：首先嚟個「鹵水鵝片」，啲鵝片好入味，皮爽肉滑，正！跟住個「XO醬焗鮮沙參」，沙參爽口彈牙，加埋XO醬嘅香味，簡直係一流！飲品方面，我哋揀咗個「養生蕃茄羹」，酸酸甜甜，好開胃。之後仲有個「翡翠石榴果」，賣相精緻，味道清新。主食方面，我哋叫咗個「櫻花蝦菜頭棵」，菜頭棵煎得金黃香脆，配埋櫻花蝦，味道豐富。仲有個「鐵板麻辣小籠包」，夠晒惹味，麻辣味啱啱好，唔會太Over。最後，甜品嚟個「福果芋泥」，芋泥香甜軟糯，福果清甜，成個甜品都好有層次。總括嚟講，「自己人」嘅嘢食都幾有水準，價錢都合理，服務都唔錯。下次有機會，我一定會再嚟幫襯！

荃新天地新開潮洲菜～好大間 好多嘢食！菜式超過60款 除左潮式小菜 仲有多款點心 賣相可愛 飲茶都可以打卡≧ω≦叫左好多款點心 每款都有啲特色 味道很不錯(´∀`)價錢合理燒賣有麻辣流心餡 湯餃變金魚 仲有其他幾款蝦餃亦都有動物造型嘅蒸包 豬仔嘅餡料係芋泥蓉 好食！唔太甜又好濃 熊仔就係朱古力餡小菜有蝦蟹類海鮮、鵝羊魚、炸蠔餅之類 仲見到魚翅撈飯！仲飲左燉湯、糖水 夠哂滋補堂食仲飲到手打檸檬茶之類嘅手搖飲品 杯蓋有個識噴氣嘅茶壺仔 好得意～