鳳鳴石磨腸粉 (觀塘廣場) (Closed)

左一個店長推薦紅米腸粉(抗氧化補血氣), 右一個人氣No.1黑米腸粉(高纖維健脾胃), 人哋有選擇困難症㗎, 叫人點揀啫 ~~~ 當你聽到有人用高8度嘅聲線講呢番說話, 係咪有少少頂唔順呢 🤣🤣🤣此店人氣旺盛, 要排隊, 要等經常令我卻步。是日巧遇人龍未成, 一於試試其紅米腸粉, 餡料則選了雞蛋和豬肉。如不介意站著吃, 可表明堂食, 既環保, 又可趁熱吃。如沒有表明堂食, 均以外賣處理。紅米雞蛋豬肉腸 $25石磨腸粉基本上是滑的, 雖然加了雞蛋, 滑度略減, 但不嚡口。加上炸香了的蒜蓉, 添加滋味。唯豬肉採用較肥部位, 略為扣分, 下次可試豬潤, 應更美味。

兩年前係new york食過 @steamriceroll 之後就愛上左石磨腸粉！(如果有機會去New York嘅話一定要試呀！！)近年香港越開越多石磨腸粉，啱晒我想食light小小嘅時候食！今次介紹嘅呢一間@fengming_original 我已經食過好幾次，我覺得係我喺香港暫時食過最薄最滑嘅石磨腸粉～呢度最特別嘅係除咗有白米之外，仲有得揀紅米同黑米～而我幾次幫襯都係weekend去觀塘分店，人流多加上即叫即整，所以都要預時間等呀～.Recently there has been a surge of steamed rice roll places popping up in Hong Kong 🇭🇰 and im absolutely loving it 😆 ive tried @fengming_original several times already and i think they have the thinnest and smoothest steam rice rolled in HK 😋 also other than white rice they also

即叫即製既野食往往要等小小時間 觀塘廣場有間好多人等住幫襯既腸粉店 雖然無位置提供 但好多人都企起度等外賣 甚至係企起度拎住隻碟堂食佢地既腸粉究竟呢度既腸粉搞咩咁大魔力呢 就等我一試究竟 叫左個豬肉雞蛋腸粉 係皺皮腸粉黎 配料有豬肉 蛋和蔥 可以按自己選擇另唔另外落辣粉同炸蒜粒 配上甜豉油好好食平時我好麻麻地腸粉 因為酒樓腸粉通常都麻麻地好食 但呢度既腸粉腸粉有多層皺皮 軟滑食落微黏筷子好易夾起 唔似其他一夾就散 入口嫩滑 無會鞋口 米漿撈雞蛋 腸粉有蛋香 唔會食食下悶 仲越食越好食 未試過咁快可以食完一兜腸粉 令我重新鐘意返食腸粉 

唔想食美X包，行咗去觀塘廣場搵早餐食。去到鳳鳴腸粉，鋪仔細細，只做外賣，但係裏面都有四個哥哥仔密密手做野。好彩朝早唔使排長龍。叫咗個齋腸套餐。腸粉係即整嘅，夠熱又夠滑。蔥、芫荽、豉油、醬，哥仔全部都問咗你先至落，好細心。我最欣賞係個秘製麻辣醬，好好味！套餐再配有六粒燒賣，燒賣係普通嘅魚肉燒賣，冇乜特別。不過，整體加埋就好夠飽啦。套餐飲品有豆漿、竹遮茅根、羅漢果茶選擇，全部都係自家製，好有心機。我今次飲咗豆漿，甜左少少。早餐終於有選擇。下次自備食物盒去，就食得更加環保。

行過觀塘廣場，有啲肚餓，見到人地排緊隊等腸粉我又試下先我叫左個豬潤腸粉，加咗麻辣醬雖然佢個賣相好唔靚，但係啲腸粉真係超滑超好食！我已經好耐無食過好食既豬潤腸粉，以前佐敦有一間，不過已經冇咗。通常酒樓嗰啲都係鞋濕濕嘅豬潤，同呢間真係冇得比環境雖然係細，要企喺度食，但係小食就係咁樣先有風味Ps店員好好人，本身我唔記得咗走青，我後尾先叫，佢話再整過俾我，我勁唔好意思，佢仲勁好人咁樣話好快整俾我叫我等等，仲主動比紙巾我，要讚下

觀塘真系一個幾多好野食的地方，去到觀塘廣場發現多咗好多小食店，其中最吸睛就係呢間傳統石磨腸粉大食妹不嬲都幾鍾意食腸粉，要試吓傳統腸粉同埋普通腸粉有咩分別<石磨菲黃雞絲腸粉$22>原來腸粉都可以有好多選擇，諗左好耐終於揀咗個菲黃雞絲腸粉醬料可以自己再加，大食妹幾鍾意芝麻，所以都到咗幾多芝麻落去，推介多啲芝麻，成碟腸粉會香啲發現原來腸粉真係可以好好食，腸粉皮非常之薄同滑，咕一聲就已經吞左落喉嚨雞絲份量好多，基本上真係一啖腸粉一啖雞絲，而且又唔會好鞋，好正

li間腸粉店聽過個名好多次 好耐之前都有各大傳媒做哂訪問 終於去左試 分左2次食唔同既腸粉餐 第一次去係因為星期日觀塘好多餐廳都唔開 無咩選擇下 突然醒起li間 即刻去試 首次光顧 花多眼亂結果 試左openrice勁多人推介既黑米雞蛋豬肉腸粉+加左辣醬汁既燒賣 跟餐要黑豆漿燒賣其實係普通貨仔既魚肉燒賣 但佢地個特製辣醬汁堅正👍🏻即磨即拉既腸粉又香又滑 雞蛋黑米腸 出來d色好靚 名乎其實 色 香 味俱全 仲可自行加 白芝麻 炸蒜 辣椒粉 仲有我至愛既芫茜😍不過食到尾 燒賣d辣醬汁沾染左落d腸粉度 搞到得個辣字 有少少失敗 食完辣燒賣 飲返枝豆漿解辣 我唔係太好甜野 所以我覺得佢甜左少少 但都可接受 如果有暖既豆漿提供就好 冬天凍冰冰 唔想飲凍野🙈今餐盛惠39蚊 仲有印花卡 第二次食 揀左期間限定既泡菜牛肉腸+普通燒賣+竹蔗茅根拎既時候有少少失望 我本身以為d泡菜係包落d腸粉度 點知原來係之後再舖在牛肉腸面上 但都唔太影響味道 可以接受燒賣今次要左唔辣 清清地 幾好餐飲揀左竹蔗茅根大推！超清甜 食完泡菜牛肉腸 可以清熱解毒 幾好！li間店用佢地提供既碟或自備餐具可以減1蚊的 下次帶備有分

前排石磨皺皮腸大熱，今日去開觀塘廣場咁岩見到鳳嗚前面大排長龍，一於試下！腸粉款式都幾多，有蛋、蝦米、豬肉，牛肉等，而且仲可以加錢轉黑米或者紅米腸，感覺更健康！所有腸粉都即叫即蒸，大約等10-15分鐘，係等既時候發覺依間腸粉店原來已經有唔少傳媒訪問介紹，知名度都幾高！今次試左石磨雞蛋腸，腸粉既皺紋可以均勻咁索晒啲豉油汁，雞蛋味好香，腸粉嫩滑，另外可以根據個人喜好加芝麻、炸蒜、蔥、麻油，令口感更豐富！凡叫任何腸粉，加6蚊就有枝豆漿，豆漿無添加防腐劑，店員都好貼心提醒要盡快飲用，豆漿豆味濃，飲到最尾會有啲渣，證明係即磨豆漿！

官塘人氣石磨腸粉店，店舖面積不大，小小的店面清楚看到腸粉的各個工序。早上上班時段不時擠滿買腸粉的人。全部的腸粉全部即叫即做，一般要等5至10分鐘，人多則要等上15、20分鐘。下單時可加配雞蛋、葱花、豬肉碎或蟲草花等。除傳統腸粉外，還可選擇紅米或黑米。黑米雞蛋腸粉，腸粉薄身通透，可看到粒粒磨碎的黑米，可按個人喜好澆上醬油外，再加上芝麻、炸蒜、石磨辣椒粉、芫茜，令味道更香口。腸粉嫩滑有蛋香，加上店家自家調配的豉油，鹹中帶甜，米香濃郁。

難得呢日嚟到觀塘廣場，終於有機會試到鳳鳴嘅皺皮石磨腸粉🤩果然名不虛傳～我哋叫咗兩個set：💚雞蛋腸粉💚粟米腸粉💚羅漢果茶💚豆漿 等咗十分鐘到，熱辣辣嘅腸粉出爐喇😊雞蛋腸粉好香蛋味，粟米腸粉就好足料，咬落爽口，腸粉好滑，而皮嘅摺痕令到腸粉更容易索到豉油嘅汁，落埋炸蒜，成件事好夾，超好味😋下次一定要加埋菜甫，肯定勁正😉店員哥哥仲好好人，知道我要影相，特登幫我攞開咗後面個膠袋，等我易啲set嘢🥰🥰果然係良心小店💛

今次試左最傳統嘅石磨腸粉 😋~石磨蔥花蝦米腸粉（$19) 💕因為佢係即叫即蒸，所以落單後要等一陣先有得食 😁小店其實冇位比你坐係到堂食，不過就有少少位比你企係到堂食 👌🏻👈始終腸粉要熱辣辣先好食 🤤腸粉都幾大碟 👍🏻枱面有芫荽，炸蒜芝麻等配料任你加 😗味道方面：腸粉夠滑，唔會一舊舊粉漿 👍🏻蔥花蝦米份量好多 🥰而且蝦米食得出唔係便宜貨 🤩隻隻都大大隻，好香好有咸香蝦味 ，值得一讚 👍🏻👍🏻👍🏻店舖自家製豉油帶甜味，但同碟腸粉好夾，帶起左成碟腸粉嘅味道 🌟😋簡單一碟腸粉都做得如此出色 💕整體而言絕對屬高汁抵食之選 👍🏻係我食過最好食嘅腸粉之一 😎價錢唔貴，份量足 🙆🏻‍♀️ cp 值高，值得一試 👍🏻（下午茶+ $2 仲有枝豆漿 😍好抵吖 😭）老細好好傾 😂好好人 🤣講起又好想再食 🤤大家經過可以一試 👍🏻👍🏻👍🏻

在腸粉界，鳳鳴可說是一等一高手！ 今日同 #可愛老婆 係上堂前黎幫襯，食到飽一飽。黑米雞蛋豬肉腸🤤質地幼滑，不會堆積成一舊😋放入口中，輕鬆嘴嚼就咕嚕咕嚕地吞掉✨豬肉碎夠味、不會肥白米蔥花蝦米菜脯腸⭐️蝦米香，菜脯爽👍🏻同樣幼滑跟餐燒賣😏很香的魚肉味（雖然唔知係唔係魚肉）跟餐豆漿👏🏻甜度適中，好好飲#嘴刁Raymond #宇宙級嘴刁

觀塘廣場出名小食店多，當中能夠長時間吸引人潮的，就只有「鳳鳴石磨腸粉」。腸粉款式選擇多，素食者可揀蛋、粟米或羅漢齋，肉食者則有豬肉、蝦米等選擇。最後，我揀了石磨蔥花蝦米腸粉套餐，連魚肉燒賣和自家製豆漿都只是$32，抵！店內自設石磨機，全部腸粉即叫即蒸，加上人客多，所以等候需時。從鋪面的宣傳知道，這小店早就被《香港原味道》和各飲食雜誌大力推介，難怪這麼多人慕名而來。約20分鐘後，腸粉出場了。嘩！腸粉滑溜溜，皺皮花紋索滿了豉油，夠惹味；面頭滿是蔥花和蝦米，絕對貨真價實。豆漿方面，由於新鮮磨製，不含防腐劑，故店員會提醒你儘快飲用，非常體貼。唯一美中不足的是，小店沒有提供餐枱站食，一班人聚在通道兩旁，捧著腸粉吃，頗為狼狽。

之前見電視介紹過這間腸粉經常都爆滿，今日咁啱過來觀塘，特登來試試係唔係真係咁正。6點鐘來到，豬肉同豬潤都賣曬，唯有試下雞蛋腸同羅漢齋腸啦！🙄雞蛋腸+菜譜+豆漿+六粒燒賣套餐($33)菜譜要加$3，本來滿心期待，點知好失望😔，菜譜勁鹹，切得好大粒，同腸粉完全唔夾，粉漿唔夠米香，蛋唔夠滑，重點係個豉油唔掂，唔覺煮過，只有鹹味，無了靈魂的腸粉。反而個燒賣就OK。羅漢齋腸($20）料都算多嘅，不過就吃唔出腸粉原本的味道，只是覺得係一碟羅漢齋加了d粉，未能將兩者融合，同樣都係豉油失敗了。總結，主打石磨米漿的腸粉反唔夠米香同嫩滑，最重要的豉油都唔掂，真心係有些失望，而且價錢都唔便宜喔:-O，或者我太喜歡吃腸粉同吃得太多，比較有要求啦，唔明點解咁多人like。

唔知幾時開左間咁ge腸粉店喺度，原來都幾出名，早餐時間專登走去幫襯下，原來已經做到有幾間分店，睇黎成績唔錯。腸粉真係即叫即做所以要等，當然你都可以電話落定單先。已腸粉嚟計，份量餡料都唔係特別多，20幾蚊算係貴，不過幾有特式，有紅米黑米揀。味道方面，試過普通的白色同黑米，覺得分別唔算大，可能落少啲豉油會比較容易分辨到有乜分別。即叫即整保證新鮮唔會有放耐左林pat pat 嘅感覺，而且呢種皺皮腸粉亦令腸粉口感比較豐富。整體而言值得一食再食👍🏻。只係可惜未有提供堂食服務全部都只能外賣。