鳳鳴石磨腸粉 (觀塘廣場) (Closed)

即叫即製既野食往往要等小小時間 觀塘廣場有間好多人等住幫襯既腸粉店 雖然無位置提供 但好多人都企起度等外賣 甚至係企起度拎住隻碟堂食佢地既腸粉究竟呢度既腸粉搞咩咁大魔力呢 就等我一試究竟 叫左個豬肉雞蛋腸粉 係皺皮腸粉黎 配料有豬肉 蛋和蔥 可以按自己選擇另唔另外落辣粉同炸蒜粒 配上甜豉油好好食平時我好麻麻地腸粉 因為酒樓腸粉通常都麻麻地好食 但呢度既腸粉腸粉有多層皺皮 軟滑食落微黏筷子好易夾起 唔似其他一夾就散 入口嫩滑 無會鞋口 米漿撈雞蛋 腸粉有蛋香 唔會食食下悶 仲越食越好食 未試過咁快可以食完一兜腸粉 令我重新鐘意返食腸粉