鳳鳴石磨腸粉 (觀塘廣場) (Closed)

前排石磨皺皮腸大熱，今日去開觀塘廣場咁岩見到鳳嗚前面大排長龍，一於試下！腸粉款式都幾多，有蛋、蝦米、豬肉，牛肉等，而且仲可以加錢轉黑米或者紅米腸，感覺更健康！所有腸粉都即叫即蒸，大約等10-15分鐘，係等既時候發覺依間腸粉店原來已經有唔少傳媒訪問介紹，知名度都幾高！今次試左石磨雞蛋腸，腸粉既皺紋可以均勻咁索晒啲豉油汁，雞蛋味好香，腸粉嫩滑，另外可以根據個人喜好加芝麻、炸蒜、蔥、麻油，令口感更豐富！凡叫任何腸粉，加6蚊就有枝豆漿，豆漿無添加防腐劑，店員都好貼心提醒要盡快飲用，豆漿豆味濃，飲到最尾會有啲渣，證明係即磨豆漿！