鳳鳴石磨腸粉 (觀塘廣場) (Closed)

唔知幾時開左間咁ge腸粉店喺度，原來都幾出名，早餐時間專登走去幫襯下，原來已經做到有幾間分店，睇黎成績唔錯。腸粉真係即叫即做所以要等，當然你都可以電話落定單先。已腸粉嚟計，份量餡料都唔係特別多，20幾蚊算係貴，不過幾有特式，有紅米黑米揀。味道方面，試過普通的白色同黑米，覺得分別唔算大，可能落少啲豉油會比較容易分辨到有乜分別。即叫即整保證新鮮唔會有放耐左林pat pat 嘅感覺，而且呢種皺皮腸粉亦令腸粉口感比較豐富。整體而言值得一食再食👍🏻。只係可惜未有提供堂食服務全部都只能外賣。